Virgjëra Mari: Urrejtja është urrejtje. Nuk ka dy lloje. Ato janë e njëjta gjë

E Shtunë, 4 Shkurt 2012, në 10:09

Fëmija im, ligësia po përhapet në disa zona të caktuara të botës me shpejtësi.

Ndërsa luftërat po orkestrohen me urrejtje ndër shpirtra, Shpirti i Shenjtë, në të njëjtën kohë, i vërshon shpirtrat e të tjerëve në pjesë të ndryshme të botës.

Beteja e shpirtrave ka filluar. E mira kundër të ligës.

Bija ime, kurrë mos mendo se ata me shpirtra të ngurtësuar, janë ata pa asnjë besim apo me besim të vakët. Shumë besimtarë të dhembshur të Birit tim, Jezu Krishtit, do të kthehen tani prej tundimeve. Mendjet e tyre do të mbushen me dyshime që do t’i bëjnë ata të verbër ndaj Fjalës së Birit tim të dashur ndërsa Ai i flet botës përmes teje, bija ime. Urrejtja e tyre, ndërsa ata e sulmojnë Fjalën e Tij të Shenjtë do të jetë po aq e fuqishme sa edhe urrejtja e treguar nga vrasësit kundrejt viktimave të tyre. Urrejtja vjen nga mashtruesi.

Gënjeshtrat janë të përhapura nga i ligu, i cili përdor shpirtra të dobët për ta nënvlerësuar të Vërtetën. Urrejtja është urrejtje. Nuk ka dy lloje. Ato janë e njëjta gjë.

Krenaria e atyre shpirtrave besnikë tani do të trazohet ndërsa një përpjekje finale të jetë bërë nga i ligu për t’i penguar këto, Mesazhet më urgjente për botën, që të përhapen.

Biri im ka nevojë për mbështetjen e ndjekësve të Tij të dashur për të formuar Ushtrinë e Tij mbi Tokë. Kjo Ushtri do të burojë prej ndjekësve të Tij besnikë. Të jeni të sigurt se do të jetë ky grup, zemrat e të cilëve do t’iu ngurtësohen të parët.

Ju nuk mund ta ngurtësoni një shpirt që është tashmë në errësirë. Dhe prandaj do të jenë shpirtrat që janë në Dritë, ato që do të tundohen nga mashtruesi. Ata pastaj do të përhapin gënjeshtra për ta lënduar Birin tim dhe për ta vonuar këtë Punë. Ata nuk do ta kuptojnë se kjo po iu ndodh atyre, sepse ata mendojnë se do të jetë detyra e tyre që ta mbrojnë Fjalën e Vërtetë të Birit tim.

Duke u munduar që të gjejnë gabime në këto Mesazhe që Ai të jep ty, fëmija im, Biri Im do të lëndohet.

Vetë themeli i Kishës së Tij do t’ia kthejnë Atij shpinën së shpejti. Ata do ta mohojnë Atë dhe pastaj ata do ta kryqëzojnë Atë përsëri.

Krenaria i pengon ata që t’i hapin sytë kur Ai qëndron para tyre tani me Krahë të hapura dhe me dashuri. Fëmija im, unë bëj thirrje që të gjithë fëmijët e Hyjit të bashkohen në një dhe të luftojnë për shpëtimin e të gjithë shpirtrave.

Sa shumë vetë nuk po i dëgjojnë, fëmija im, këto Mesazhe tani, por pasi që Paralajmërimi të ndodhë ata do të dëgjojnë. Lutu, lutu, lutu për këta shpirtra që shkaktojnë lëndime, fyerje dhe përhapin të pavërteta rreth teje.

Unë tani po ju jap një Lutje të Kryqëzatës për të kërkuar mbrojtje për të gjithë vizionarët e mi dhe për ata të zgjedhur nga Hyji Atë për të përhapur Fjalën e Tij Më Të Shenjtë në Tokë në këto kohë.

Lutja e Kryqëzatës (25) Për mbrojtjen e vizionarëve nëpër botë

O Hyji Më i Larti, unë të lutem Ty të ofrosh mbrojtje për të gjithë lajmëtarët e Tu të shenjtë nëpër botë.

Unë lutem që ata të mbrohen nga urrejtja e të tjerëve.

Unë kërkoj që Fjala Jote Më e Shenjtë të përhapet shpejt, në mbarë botën.

Mbroji lajmëtarët e Tu nga fyerjet, abuzimet, gënjeshtrat dhe nga çdo lloj rreziku.

Mbroji familjet e tyre dhe mbuloji ata me Shpirtin e Shenjtë, në çdo kohë, në mënyrë që Mesazhet që ata i japin botës të pranohen me zemër të penduar dhe të përulur. Amen.

Fëmija im, krenaria është një veçori, e cila është më e papëlqyera në Sytë e Atit tim. Është më e dhimbshme për Atë kur mëkatet e krenarisë i pushtojnë shpirtrat e devotshëm dhe të shenjtë, kur ata refuzojnë ta pranojnë të Vërtetën e Fjalës së Tij të Shenjtë të dhënë botës sot përmes lajmëtarëve të Tij.

Ata duhet të kërkojnë Dhuratën e dijes së vërtetë, e cila do të jepet vetëm prej Fuqisë së Shpirtit të Shenjtë, tek shpirtrat e përulur, me një zemër të pastër, pa krenari dhe arrogancë.

Nëna juaj e dashur
Nëna e Shpëtimit

https://fatherofloveandmercy.wordpress.com/2012/02/04/virgin-mary-hatred-is-hatred-there-are-no-two-types-they-are-the-same/

Narcisizmi – një epidemi e keqe e pranishme në botë sot

E Enjte, 7 Korrik 2011, në 21:00

Bija Ime fort e dashur, Unë dua që bota ta dijë se Dashuria Ime për ata e mbush të gjithë Qenien Time, ndërsa Unë përgatitem për Paralajmërimin e Madh. Unë jam me plot gëzim sepse Unë e di se fëmijët e Mi, sidomos ata që nuk më njohin Mua, do ta pranojnë më në fund se Unë Ekzistoj, gjatë Veprës Sime të madhe të Mëshirës.

Një nga tiparet më shqetësuese, që i ka infektuar fëmijët e Mi, është ai i narcisizmit, i vet-pëlqimit, në këtë botë. Kjo epidemi e keqe është dominuese në çdo nivel të shoqërisë dhe është një nga sulmet e preferuara të Satanit ndërsa djajtë e tij hyjnë në shpirtrat e fëmijëve të Mi ngado. Ata mund të shihen duke u mburrur dhe duke lënë përshtypje me qëllim që të tjerët t'i adhurojnë ata. 

Dashuria e tyre kryesore është vetëm për veten e tyre, dhe pastaj kur ajo nuk është e mjaftueshme, ata kërkojnë vëmendjen e atyre rreth tyre për t'i inkurajuar ata që t'i adhurojnë haptas.

Sot infektimi i Satanit është kaq i madh në mënyrën se si këta shpirtra të gjorë e paraqesin veten, saqë është vështirë të shpërfillet. Fiksimet e tyre, se si ata duken, do të thotë se ata mund të shkojnë madje deri atje sa ta dëmtojnë trupin e tyre dhe të bëjnë çfarëdo që të jetë e nevojshme për të kënaqur dashurinë e tyre për vetveten.

Kur Satani është i pranishëm në shpirtra të tillë, është e lehtë të dallohet. Këta njerëz do të jenë plot me kotësi dhe do të priren për t’u parë në vende me influencë. Mëkati i narcisizmit do të intensifikohet gjatë kohëve të fundit, ku shumë do të sigurojnë që pamja e tyre, mirëqenia dhe egoizmi i tyre do të jetë në kurriz të miqve të tyre madje dhe vetë familjeve të tyre. Dashuria për vetveten konsiderohet si një cilësi e admirueshme në botën e sotme. Ndjekja për përfitim vetjak nuk mund të kënaqet kurrë, sepse Satani do të bëjë të mundur që këta njerëz të përpiqen për më shumë e më shumë.

Fëmijë, mëkati i krenarisë është ai që po intensifikohet në botë tani. Mos e pranoni këtë formë sjelljeje si pjesë e jetës suaj të përditshme. Kaq shumë të rinj i përdorin këto figura të të ashtu-quajturit perfeksion fizik si një qëllim për t'u ndjekur. Por sjellja e tyre është për të ardhur keq nëse i hapni sytë dhe e shihni atë për çfarë ajo është. Ajo është thyerja e Urdhrit të Parë dhe nëse njerëz të tillë do të vazhdojnë në këtë udhë, ata do të tërhiqen nga mashtruesi në çrregullime të mëtejshme.

Narcisizmi shihet në të gjitha fushat e jetës, përfshirë politikën, modën, median, kinemanë, dhe madje edhe brenda Vetë Kishës Sime. Përulësia nuk mund të arrihet nëse ju vuani nga narcisizmi. Pa përulësi ju nuk mund të hyni në Mbretërinë e Atit Tim.

Shpëtimtari juaj i dashur
Jezu Krishti

https://fatherofloveandmercy.wordpress.com/2011/07/07/narcissism-an-evil-epidemic-present-in-the-world-today/

Snobizmi Intelektual Fetar më ofendon Mua

E Mërkurë, 15 Qershor 2011, në 10:00

Sot, bija Ime, Unë dëshiroj t’i paralajmëroj ata ndjekës të Mi të devotshëm, të cilët e shpallin publikisht Emrin Tim, që ta ndjekin të Vërtetën e Mësimeve të Mia dhe të ecin me kujdes. Unë i dua të gjithë ndjekësit e Mi dhe në veçanti ata që tregojnë përulësi gjatë gjithë kohës. 

Megjithatë, Unë shqetësohem kur të Krishterë seriozë dhe të dedikuar, të cilët e flasin Fjalën Time, përpiqen t’i analizojnë Mësimet e Mia në një mënyrë të lartë dhe diktatoriale. Pa u mjaftuar që ta përhapin Fjalën Time, ata ndjejnë se duhet t’i sjellin Mësimet e Mia brenda një debati intelektual njerëzor, i cili i shërben vetëm një qëllimi. 

Për t’u vërtetuar të tjerëve se ata janë më të kualifikuar për ta kuptuar Fjalën Time Më të Shenjtë. Kaq të vendosur janë ata për të vërtetuar se kanë të drejtë në dijen e tyre, saqë ata i përçajnë ndjekësit e Mi të vërtetë. Përkushtimi i tyre solemn dhe i dedikuar ndaj Meje shpesh mund t’i bëjë ata të pafuqishëm në dashurinë e tyre të vërtetë për Mua, e cila gjithmonë duhet të burojë nga përulësia.

Ata duhet t’i heshtin zërat e tyre të lartë, plot me kritika intelektuale. Ata duhet të ndalojnë, ta dëgjojnë Zërin Tim dhe t’i rezistojnë dëshirës për t’ia provuar të tjerëve njohuritë e tyre mbi çështjet shpirtërore. Kur ata e bëjnë këtë janë fajtorë për mëkatin e krenarisë. Ata nuk më njohin Mua aspak. Sepse ata nuk kalojnë kohë në qetësi dhe ta përulin veten para Syve të Mi, që shohin gjithçka. Derisa këta ndjekës të Mi të betuar nuk bëhen të vegjël para Syve të Mi dhe ta ulin veten para Meje, Unë nuk do të jem në gjendje t’i sjell ata drejt Meje.

Më lavdëroni Mua. Nderojeni Fjalën Time. Ndiqni shembullin Tim. Kurrë mos i persekutoni të tjerët në Emrin Tim, sidomos miqtë tuaj të Krishterë.

Mësuesi dhe Shpëtimtari juaj i dashur
Jezu Krishti

https://fatherofloveandmercy.wordpress.com/2011/06/15/intellectual-religious-snobbery-offends-me/

Përulësia e nevojshme për të hyrë në Parajsë

E Premte, 29 Prill 2011, në 15:15

Bija Ime fort e dashur, përulësia është një mësim, që të gjithë ata që dëshirojnë të hyjnë në Mbretërinë Time duhet ta mësojnë.

Përulësia e deklaron vogëlsinë tuaj në Sytë e Mi aty ku ju më nderoni Mua, Shpëtimtarin tuaj, Birin e Hyjit të bërë njeri. Pa të, krenaria del si pengesë. Ajo nuk ka asnjë vlerë nëse doni ta deklaroni veten të denjë për Mbretërinë Time.

Në botën e sotme përulësia nuk është e pranueshme, në një epokë ku këmbëngulja dhe një dëshirë për t’ia kaluar të tjerëve, konsiderohet një veçori e admirueshme. Ata që nuk e lartësojnë veten apo nuk shtyjnë përpara me vetëbesim dhe arrogancë në botë janë të shpërfillur. Tipari i tyre i përulësisë dhe bujarisë kundrejt të tjerëve konsiderohet një dobësi – ata nuk janë të rëndësishëm për t’u konsideruar të përfshihen në shoqërinë e tyre. Megjithatë virtyti i kundërt ndaj krenarisë është çelësi për të hyrë në Mbretërinë e Qiellit. Kështu çfarë konsiderohet të jetë një metodë e suksesshme për të gjetur çelësin e mirëqenies dhe pasurive në këtë jetë është pikërisht formula që do t’ju çojë drejt errësirës pas vdekjes.

Përulësia, ku ju e pranoni se duhet t’i shërbeni Bërësit dhe Krijuesit tuaj më së pari, është çfarë me të vërtetë është e rëndësishme. Duke deklaruar pa-vlefshmërinë tuaj ju shpallni Lavdinë e Hyjit. Përulësia është një virtyt, që është jo vetëm i çmuar në Sytë e Mi, por që është një pjesë e rëndësishme e zhvillimit tuaj shpirtëror. Ajo do të thotë t’i vendosni të tjerët përpara vetes suaj për Lavdinë e Hyjit. Por është shumë e lehtë që të bini në një gjendje krenarie shumë shpejt.

Paralajmërim për shpirtrat e zgjedhur

Merrni ata që kanë punuar fort për t’i zhvilluar jetët e tyre shpirtërore për të më kënaqur Mua. Pastaj konsideroni ata shpirtra fatlumë të cilëve iu janë dhënë Hire, ku, përmes Fuqisë së Shpirtit të Shenjtë, veprojnë si vizionarë në botë. Shumë shpesh, pasi i kanë marrë këto hire, ata në mënyrë të hollë fillojnë ta konsiderojnë veten më të veçantë se vëllezërit apo motrat e tyre. Ata mburren për Hiret që zotërojnë. Pastaj ata fillojnë të përzgjedhin se si t’i ndajnë këto Hire. Vetë-pëlqimi i tyre pastaj ndikon mbi aftësinë e tyre për të komunikuar të Vërtetën. Çfarë ata kanë harruar është se të gjitha Hiret që iu janë dhënë atyre vijnë nga Unë. Unë e dua çdonjërin. Atyre iu janë dhënë këto Hire për t’i ndarë me të tjerët. Ashtu si Unë ua jap këto Hire shpirtrave të tillë të zgjedhur për të mirën e të tjerëve, po ashtu Unë mund edhe t’ua heq ato.

Vetë-pëlqimi ju pengon të ndiqni me të vërtetë hapat e Mia. Mësoni që të jeni të përulur, të duruar dhe pa krenari. Nëse punoni drejt përulësisë, do t’ju jepet një vend i veçantë në Zemrën Time. Ndërsa Unë i zgjedh disa njerëz si shpirtra të zgjedhur, ata duhet ta konsiderojnë këtë një Dhuratë. Ata kurrë nuk duhet të mendojnë se janë më të rëndësishëm në Sytë e Mi, sepse Unë e dua gjithsecilin. Sidoqoftë Unë do ta shpërblej punën e mirë kur të tregohet përulësi ndaj Meje dhe ndaj vëllezërve dhe motrave tuaja.

Shpëtimtari juaj i dashur
Jezu Krishti

https://fatherofloveandmercy.wordpress.com/2011/04/29/humility-necessary-to-enter-heaven/

Sa e Lehtë është të Mëkatosh

E Hënë, 24 Janar 2011, në 22:00

Sot, bija Ime e dashur, ti përfundimisht i ke kuptuar rreziqet që krijon mashtruesi, kur ti e ul mbrojtjen. Lutja tek Ati Im i Përjetshëm, përmes Kurorëzës së Mëshirës Hyjnore, është e rëndësishme në shenjtërimin e shpirtit tënd.

Mëkati, bija Ime e dashur, është vështirë për t’u shmangur. Është më e vështirë për të arritur hiret e Mia të veçanta sesa është për të shmangur mëkatin në çdo formë. Kur ju jeni të thirrur për ta bërë këtë Punë të shenjtë, ju gjithmonë do të jeni një shënjestër e të ligut, i cili në çdo mundësi fillon të krijojë negativitet në jetën tuaj. Ai do t’i përdorë ata rreth jush si mjet sulmi, prandaj dhe ju duhet të jeni gjithmonë vigjilentë kundër tij. 

Kurrë mos e lini atë të fitojë, sepse kur ai fiton, ai arrin të infektojë shpirtra dhe shkakton dhimbje të tmerrshme, ankth dhe vuajtje. Ai bën që miqësitë të prishen, shkakton rrëmujë dhe dëshpërim dhe fut mendime false në mendjet e atyre që janë shënjestër e tij. Atëherë, kur fëmijët e Mi ndjehen fajtorë për dobësinë e tyre, për dorëzimin ndaj tundimit, ata përjetojnë një formë gjendjeje të pashpresë që sjell dëshpërim, varfëri dhe shpërqendrim në jetët e tyre.

Fëmijët e Mi, ju gjithmonë do të tundoheni në mëkat. Përsosmëria e shpirtrave tuaj është jashtëzakonisht e vështirë për t’u arritur dhe kërkon një disiplinë të pamasë dhe vendosmëri nga ana juaj. Nëse dhe kur ju bini pre e joshjes së të ligut dhe kryeni mëkat, ju duhet menjëherë të luteni nga zemra juaj dhe të kërkoni falje.

Rrëfimi i rregullt është një Sakrament shumë i keqkuptuar. Është vetëm me frekuentimin javor në rrëfim që shpirti juaj mund të qëndrojë në një gjendje të hirit të Zotit. Kur shpirti juaj shenjtërohet në këtë mënyrë dhe përmes lutjes ditore, vetëm atëherë ju mund ta mbani larg mashtruesin.

Faji i mëkatit

Nëse ju ndjeni faj si rezultat i një veprimi mëkatar, pavarësisht se sa e rëndë është fyerja në Sytë e Atit Tim, mos u shqetësoni. Kthehuni, hapini zemrat tuaja dhe kërkoni falje. Faji është një ndjenjë negative. Dhe ndërsa shërben si një formë e udhëzimit të ndërgjegjes suaj, nuk është e shëndetshme të qëndroni në këtë gjendje. Kërkoni hiret, përmes lutjes, për të arritur pastërtinë e shpirtit që kërkohet për të më shërbyer Mua. Durimi është i rëndësishëm. Kurrë mos e lini mëkatin t’ju largojë nga Unë. Faji kurrë nuk duhet t’ju pengojë në udhën e kërkimit të shpengimit.

Kujtoni, fëmijë, se për shkak të mëkatit origjinal, ju gjithmonë do të bini viktimë ndaj tundimit të të ligut. Është përmes lutjes, agjërimit dhe përkushtimit ndaj Eukaristisë së Shenjtë që ju do të jeni më pranë Meje. Kjo kërkon kohë, e cila duhet vënë mënjanë.

Shkoni tani, fëmijët e Mi, dhe kujtoni një gjë – kurrë mos kini frikë që të ktheheni tek Unë kur keni mëkatuar. Kurrë mos t’ju vijë turp të kërkoni falje kur jeni penduar me të vërtetë. Por gjithashtu kujtoni se kur ju nuk e bëni këtë, ju do ta tërhiqni mashtruesin akoma më shumë dhe shpirti juaj do të zhytet në errësirë. Errësira tërheq errësirë. Drita tërheq dritë. Unë Jam Drita.

Kthehuni tek Unë tani dhe lejojeni Dashurinë Time të ndriçojë përmes shpirtrave tuaj të gjorë të humbur. Unë ju dua kaq shumë, fëmijët e Mi, sa kur ju t’i ktheni zemrat tuaja drejt Meje, pavarësisht se sa shumë izolim të ndjeni, ju kurrë nuk do të ktheheni tutje.

Shkoni në paqe dhe dashuri.

Shpëtimtari juaj Hyjnor

Jezu Krishti

https://fatherofloveandmercy.wordpress.com/2011/01/24/how-easy-is-it-to-sin/

Unë Jam i vetmi ngushëllimi juaj i vërtetë në një botë që është kundër Meje

E Shtunë, 7 Shkurt 2015, në 21:37

Bija Ime fort e dashur, përpjekja Ime për t’ju sjellë paqe të gjithë fëmijve të Hyjit, dhe për të sjellë çdo person në lavdinë e Qiellit dhe Tokës së Re, po intensifikohet. Unë do të luftoj deri në fund për ta shpëtuar njerëzimin nga ligësia, që është shkaktuar mbi ata nga kundërshtari Im.

Unë kërkoj që të gjithë ju që më doni Mua dhe e mbështesni Fjalën Time të qëndroni të fortë përballë urrejtjes që do t’ju duhet të dëshmoni kundër Fjalës Sime të Shenjtë. Nëse ju e refuzoni Fjalën Time atëherë ju më refuzoni Mua. Ju do të keni dështuar të kuptoni kuptimin e Vdekjes Sime në Kryq.

Të bëni një jetë me Mua kërkohet guxim dhe qëndrueshmëri e madhe, sepse ju kurrë nuk do të liheni të qetë kur e pohoni hapur besimin tuaj tek Unë.

Unë Jam i vetmi ngushëllim i juaj i vërtetë në një botë që është kundër Meje. Unë Jam shpëtimi juaj në kohët e ujrave të trazuar. Unë Jam vetë Jeta dhe të gjitha gjërat që janë të mira vijnë nga Unë. I ligu në çdo lloj forme nuk mund të vij nga Unë sepse kjo është e pamundur. Deri kur bota ta pranoj se Satani ekziston ata kurrë nuk do ta pranojnë Ekzistencën e Hyjit.

Satani dhe çdo ëngjëll i rënë i flakur nga Qielli nga Ati Im i dashur krijon urrejtje në shpirtrat e atyre që e lejojnë mëkatin t’i mbysi. Është përmes mëkatit të krenarisë që të gjithë mëkatet e tjera dalin. Krenaria ishte rënia e Luciferit. Krenaria është mëkati me anë të së cilit njeriu e radhit veten me të ligun. Krenaria do të jetë rënia e njerëzimit.

Të më doni Mua ju duhet ta bëni atë pa kushte dhe kjo nuk është një arritje e lehtë. Të më doni Mua do të thotë t’i përmbaheni Fjalës së Hyjtit. Nëse ju devijoni nga kjo, dashuria juaj për Mua do të dobësohet deri kur, gradualisht, ju do të jetoni sipas rregullave tuaja.

Jezusi juaj

https://fatherofloveandmercy.wordpress.com/2015/02/07/i-am-your-only-real-solace-in-a-world-which-is-against-me-2/

Ata që e lartësojnë veten para Meje por që flasin keq për të tjerët do të hiqen nga Unë

E Dielë, 4 Janar 2015, në 16:00

Bija Ime fort e dashur, nëse një njeri që nuk beson tek Unë apo tek Fjala Ime, dhe që i është dhënë dhurata e dijes, vjen tek Unë dhe kërkon Ndihmën Time dhe Mëshirën Time, Unë do ta fal dhe do t’i jap atij shpëtimin. Nëse një njeri që më njeh Mua por më tradhëton Mua, pastaj vjen tek Unë dhe mundohet t’i mbroj veprimet e veta, Unë do ta flak tutje sepse ai ka kryer mëkatin me të keq.

Armiqtë e Mi të më mëdhenj janë ata që ishin të bekuar me të Vërtetën por krenaria e tyre i bën ata të besojnë se janë të privilegjuar të veprojnë në Emrin Tim. Unë u tradhëtova prej një nga të Mitë kur Unë eca në tokë jo nga ata që nuk më njihnin Mua. E njëjta do të jetë gjithmonë kështu deri në kohën e Ditës së Madhe.

Ata që e lartësojnë veten para Meje por që flasin keq për të tjerët do të hiqen nga Unë. Ata që janë hequr nga Unë se më refuzuan Mua, por që më në fund kthehen tek Unë, do të shpëtohen të parët. Bëni kujdes kur deklaroni se jeni nga Unë, sepse njeriu i mënçur do të më doj Mua pavarësisht nga hiret që ai merr. Ai kurrë nuk do të mburret për shenjtërinë e tij, jetën e tij të devotshme apo dijen e tij mbi Fjalën Time. 

Krenaria është rrënimi i atyre që besojnë se njohuria e tyre për Mua është më e madhe se e të tjerëve. Janë ata që vijnë tek Unë si të vegjël të cilët Unë i sjell më pranë Zemrës Sime të Shenjtë. Këta janë shpirtrat të cilët më duan Mua pa kushte dhe që nuk e ndjejnë të nevojshme ta shpalosin dashurinë e tyre për Mua, me qëllim që të tjerët t’i admirojnë dhe t’i respektojnë ata. Është njeriu që e lë gjithçka në Duart e Mia, kur flet të Vërtetën, i cili sjell tek Unë shpirtrat që Unë dëshiroj, jo njeriu që e ndjen se meriton tituj për këtë.

I ligu hyn tek shpirtrat e atyre opinini i të cilëve për madhështinë e tyre, në sytë e Mi, e tejkalon çdo dashuri, që ata mund të kenë për Mua. Pastaj ai i përdor këta shpirtra, që me anë të dinakërisë së tyre, ata do të përhapin fallcitete në Emrin Tim. Mëkati i krenarisë është shkaku kryesor për çdo mëkat të imagjinueshëm kundër Meje. Ju duhet që gjithmonë ta luftoni tundimin për të më tradhëtuar Mua kur besoni se njohuria juaj mbi Fjalën Time të Shenjtë ju jep autoritetin ta shprehni mendimin tuaj se si Hyji punon, në Planin e Tij të Shpëtimit. Vetëm Ai, I Cili është mbi gjithçka, e ka të drejtën ta bëj këtë. Të gjithë shpirtrat duhet të përulen në gjunjë para Tij dhe jo të vazhdojnë të bëjnë çfarë ata besojnë të jetë Vullneti I Tij I Shenjtë, nëse kjo do të thotë të fyejnë çdo shpirt të gjallë në Emrin e Tij të Shenjtë. 

Dëgjojeni me kujdes çfarë Unë ju them tani. Nëse ju e keni tradhëtuar Fjalën Time, apo të Vërtetën, ju duhet të më kërkoni Mua t’ju pastroj mëkatet tuaja sepse nuk do t’ju jepet koha që ju mendoni se e keni për të kërkuar ngushëllim në Mëshirën Time Hyjnore.

Jezusi juaj

https://fatherofloveandmercy.wordpress.com/2015/01/04/those-who-exalt-themselves-before-me-but-speak-evil-of-others-will-be-cut-off-from-me/

Jeta juaj në tokë është një provë e dashurisë suaj për Mua

E Mërkurë, 12 Nëntor 2014, në 23:45

Bija Ime fort e dashur, është vetë e natyrshme për njerëzit të kenë frikë nga e panjohura dhe prandaj ata e kanë frikë vdekjen. Vdekja është një nga gjërat më të frikshme në mëndjen e njeriut sepse shumë janë të verbër ndaj Premtimit Tim për Jetën e Përjetshme. Po të shikonin ata Mbretërinë Time të Lavdishme atëherë vdekja nuk do të kishte më fuqi mbi ata.

Unë i mirëpres të gjithë shpirtrat në Mbretërinë Time. Unë nuk rezervoj një vënd vetëm për të shenjtët dhe të zgjedhurit, edhe pse ka një vënd të veçantë në Mbretërinë Time për ata. Unë i mirëpres të gjithë mëkatarët, përfshi ata që kanë kryer mëkate të tmerrshme, sepse Unë Jam së pari një Zot i Dashurisë së Madhe. Unë do të mirëpres këdo që më thërret Mua në pajtim dhe pendesë. Kur kjo të ndodhi, përpara momentit të vdekjes, çdo shpirt do të përshëndetet nga Unë dhe Unë do t’i pushtoj ata.

Pengesa e vetme mes shpirtit të një njeriu dhe Mbretërisë Sime është mëkati i krenarisë. Njeriu krenar, edhe pse mund t’i vij turp për mëkatin e tij, gjithmonë do të përpiqet ta justifikoj atë deri diku. Unë i them atij tani. Dy të këqija nuk e bëjnë të drejtë një veprim të lig. Njeriu krenar do të harxhoj shumë kohë duke menduar nëse është e nevojshme për atë të shpengohet nga Unë apo jo. Por vdekja mund të vij vetëm në një çast dhe kur nuk pritet. Njeriu që është i çliruar nga krenaria do të bjer para Meje dhe do të më lutet ta fal atë dhe ai do të lartësohet.

Mos kini frikë nga vdekja, sepse ajo është një derë që ju çon tek Mbretëria Ime. Gjithçka që Unë ju kërkoj është që të pregatiteni për atë ditë duke e jetuar jetën ashtu si ju mësova Unë. 

Unë nuk ju kërkoj të ndaloni çdo përgjegjësi tuajën ditore. Ju keni një detyrë ndaj të tjerëve; ju kurrë nuk duhet të ndjeheni se ju duhet ta izoloni veten nga të dashurit tuaj kur më ndiqni Mua. 

Unë dëshiroj që ju t’i doni familjet dhe miqtë tuaj dhe t’ju jepni atyre kohën që ju duhet për të bërë të sigurtë që dashuria shprehet hapur ndaj njëri tjetrit. Ta doni gjithsecilin ashtu si ju dua Unë. Ju e bëni këtë në mënyrën se si i trajtoni të tjerët; kohën që ju kaloni duke jetuar në harmoni me të tjerët; çfarë ju thoni rreth atyre tek të tjerët dhe se si i ndihmoni ata që nuk mund të ndihmojnë veten. Jeta juaj në tokë është një provë e dashurisë suaj për Mua. Ju e tregoni dashurinë tuaj për Mua sipas dashurisë që ju tregoni për të tjerët, përfshi ata që ju shajnë.

Është e rëndësishme, të flisni me Mua gjithmonë çdo ditë, madje edhe për vetëm pak minuta. Është gjatë kësaj kohe që Unë ju Bekoj. Ju lutem, të mos e lejoni kurrë frikën e botës së re që do vij t’ju inkurajoj t’i braktisni ata që janë pranë jush. Ju duhet të përqëndroheni tek Unë, dhe kur ju e bëni këtë do të gjeni paqe. 

Pastaj ju duhet ta çoni këtë Dhuratë të paqes tek të dashurit tuaj. Megjithatë, ta dini se ju do të vuani për shkak të dashurisë suaj për Mua dhe do të përjetoni urrejtje nga të tjerët. Për t’u ngritur mbi këtë urrejtje, ju duhet të përgjigjeni vetëm me dashuri. Gjithmonë. 

Unë ju sjell lirinë nga prangat e vdekjes dhe ajo nuk do të ketë më kontroll mbi ju. Për arsye të Ringjalljes Sime ju do të bëheni përsëri të plotë, në trup dhe shpirt të përkryer, në Mbretërinë Time të Re. 

Çfarë ka këtu për t’u patur frikë nëse Unë ju sjell këtë Dhuratë të Jetës së Përjetshme?

Jezusi juaj i dashur

https://fatherofloveandmercy.wordpress.com/2014/11/12/your-life-on-earth-is-a-test-of-your-love-for-me-2/

Unë do t’i armatos Engjëjt e Mi dhe të zgjedhurit të bëjnë betejë me ata që më dënojnë Mua

E Shtunë, 23 Gusht 2014, në 20:00

Bija Ime fort e dashur dy shenja do të bëhen të dukshme ndërsa shumica e shpirtrave të zgjedhur ngrihen për të më ndihmuar Mua në rivendosjen e Mbretërisë Sime në tokë. 

Shenja e parë ka lidhje me kryelartësinë e shpirtrave në Kishën Time në tokë, ku arsyeja njerëzore, inteligjenca dhe ambicja do ta shkatërrojnë besimin e vërtetë të shërbëtorëve të Mi të shenjtë. 

Krenaria dhe arroganca, e shoqëruar me një dëshirë të lindur për të përjetuar një besim më të thellë, e cila gjithmonë do të jetë përtej aftësive të tyre, do të rezultoj në një kishë të rreme të errësirës. Ajo do të nxjerri një hierarki kryelartë, e cila do të sjelli gënjeshtra dhe një besim të kotë.

Shenja e dytë ka lidhje me trupat e përulët kur trupi njerëzor – një Dhuratë e shenjtë nga Hyji – do të reduktohet në një mjet të thjeshtë i përdorur për zbukurime të ndryshme, ku asnjë respekt nuk do të tregohet ndaj tij. Mungesa e moralitetit do të rezultoj në mungesën e respektit për trupin njerëzor duke përfshirë abuzimin e trupit ku ai përdoret si një mjet për të marrë pjesë në vepra të rënda të mëkatit të trupit. Mungesa e respektit për jetën njerëzore do të thotë gjithashtu se vrasja do të bëhet kaq e zakonshme sa shumë, gradualisht, nuk do të ndikohen aspak ndaj tmerrit të vrasjes fizike në duart e njerëzve djallëzor.

Pastrimi i njeriut vazhdon sepse pa vuajtjen e shpirtrave të gatshëm, shumë njerëz do të ishin të humbur. Vetëm atëherë, kur gjithçka do të duket e padurueshme, atyre me Vulën e Hyjit të Gjallë do t’ju jepet lehtësim nga vuajtjet e tyre të cilat do ta dëmtojnë njerëzimin duke përfshirë mëkatin, luftrat, uria dhe sëmundja. Ju kurrë nuk duhet t’i shpërfillni luftrat – sado të vogla të jenë ato – sepse ato do të përhapen. 

Kurrë mos e shpërfillni mungesën e besimit të vërtetë në Kishën Time sepse edhe kjo, do të përhapet, gjithashtu. Kurrë mos e shpërfillni urrejtjen mes kombeve, që e përdorin fenë si një mjet për të shkaktuar terror mes armiqve të tyre, sepse edhe kjo gjithashtu do të përhapet për të pushtuar shpirtrat e atyre që më duan Mua. Kurrë mos e shpërfillni urrejtjen ndaj vizionarëve të Zotit apo të profetëve të zgjedhur sepse nëse ata i urrejnë këta shpirtra atëherë ata më urrejnë Mua. Ju nuk duhet t’i lejoni gjuhët e tyre të liga t’ju tundojnë të bëshkoheni me ata në përpjekjet e tyre të turpshme për të mbytur tingullin e Zërit Tim. Nëse ju e bëni këtë, atëherë edhe ju gjithashtu do të bëheni po aq të infektuar sa edhe ata.

Dhe, ndërsa të gjitha këto trazira të ndodhin, Unë do t’i armatos Engjëjt e Mi dhe të zgjedhurit të bëjnë betejë me ata që më dënojnë Mua. Më pas atëherë kur bota e humbet çdo grimcë të dinjitetit të njohur për njerëzimin, bisha do të hapi humnerën dhe atëherë çdo armik i Hyjit do të futet në Kishën Time. Por do të jetë sipas vullnetit të njeriut, nëse do të jetë apo jo i pregatitur të duroj padrejtësi të tilla.

Ata që ngrihen dhe mbrojnë Vullnetin e Hyjit do të mbushen me Hire të mëdha dhe, sipas besimit të tyre, do të shlyejnë mëkatet e atyre tepër kokfortë apo tepër të trëmbur për t’i rezistuar gjithçkaje që e kundërshton Fjalën e Hyjit. 

Kur të gjitha mizoritë djallëzore të shtohen dhe kur njeriu e kupton se nuk e ka aftësinë ta luftoj apo ta kontrolloj ligësi të tillë, ai duhet të kthehet tek Unë dhe të thotë:

“Jezus, na çliro ne mëkatarët e pashpresë nga armiqtë e Tu.”

Vetëm atëherë Unë mund të ndërhyj për të dobësuar efektin e dhunës, vrasjes, urrejtjes dhe luftrat e shkaktuara nga mëkati i njeriut. 

Kthehuni tek Unë çdo ditë dhe kërkoni Mëshirën Time. 

Unë kurrë nuk i braktis ata që zgjaten drejt Meje.

Jezusi juaj

https://fatherofloveandmercy.wordpress.com/2014/08/23/i-will-arm-my-angels-and-chosen-ones-to-do-battle-with-those-who-denounce-me/

Kërkoni dhe ju do të merrni. Qëndroni të heshtur, gojë-kyçur dhe Unë nuk mund t’ju përgjigjem

E Dielë, 10 Gusht 2014, në 18:00

Bija Ime fort e dashur dallgët janë kthyer dhe në ngritjen e tyre do të vijnë shumë ndryshime ashtu si është parathënë. Mos kini frikë sepse Unë, shumë herë, ju kam dhënë Fjalën Time se gjithçka do të përfundoj me Mëshirën Time të Madhe, e cila do të përfshij çdo shpirt në Dritën e Dashurisë dhe Dhembshurisë Sime.

Ta keni frikë vetëm Drejtësinë Time por kur ajo është e lëshuar dijeni se do të jetë për të mirën e të tjerëve dhe për shpëtimin e botës që ajo lejohet. Unë i kryej ndëshkimet vetëm për të ndaluar përhapjen e urrejtjes dhe për të zgjuar brënda atyre shpirtrave, të nxirë nga njolla e mëkatit, çdo dashuri, që mund të jetë akoma brënda tyre, me qëllim që të vijnë tek Unë.

Përse njeriu dhe, në veçanti njeriu i devotshëm, beson se ai di më shumë se Unë? Është më inteligjent se Ai që e krijoi atë? Se vlerësimi i tij racional për të gjitha gjërat nga Unë mund ta zhduki Praninë Time? Arroganca dhe krenaria e njeriut në vetë aftësitë e tij do të jetë rrënimi i tij. Njeriu nuk ka asnjë fuqi, përveç asaj që ndodhet brënda shpirtit të tij. Besimi, kur është i pastër, është një gjë e fuqishme dhe është përmes besimit dhe vetëm besimit që Unë, Jezu Krishti, ju sjell juve shpresë, dashuri dhe gëzim. Vetëm Unë mund ta fuqizoj njeriun me dhurata të mëdha por nëse ai nuk m'i kërkon Mua këto Unë nuk mund t’i imponoj ato mbi vullnetin e tij të lirë.

Kërkoni dhe ju do të merrni. Qëndroni të heshtur, gojë-kyçur dhe Unë nuk mund t’ju përgjigjem sepse ju nuk vini tek Unë. Gjithmonë kthehuni tek Unë dhe më kërkoni Mua çdo favor, sepse Unë do t’i përgjigjem çdo herë thirrjes suaj. Mos ma ktheni Mua shpinën dhe të thoni – gjithçka do të jetë mirë, jeta do të rregullohet vetë.

Jeta duhet të fitohet. Përjetësia është një Dhuratë nga Hyji dhe i jepet atyre që e kërkojnë. Për fat të keq, shumë e humbasin mundësinë e tyre për Jetën e Përjetshme sepse ata besojnë se humanizmi është më i fuqishëm se ndonjë Zot që mund të ekzistoj apo jo. Dhe kështu ata do të vendosin vetë fatin e tyre dhe do t’i kthejnë shpinën Jetës së Përjetshme për shkak të mëkatit të krenarisë, kaq kokfortë janë ata.

Ata më mohuan Mua në jetën e tyre në tokë dhe do të më mohojnë Mua kur Unë të qëndroj para tyre, me krahët e shtrira, në Ditën e Madhe. Ata do të largohen dhe do të ecin drejt strofkullës së luanit nga ku nuk do të gjejnë kurrë një minutë qetësie.

Jezusi juaj

https://fatherofloveandmercy.wordpress.com/2014/08/10/ask-and-you-will-receive-remain-silent-tight-lipped-and-i-cannot-respond-to-you/

Fjala Ime, do të thonë ata, shkakton kaq shumë fyerje sa do të konsiderohet të jetë politikisht e gabuar

E Enjte, 7 Gusht 2014, në 23:40

Bija Ime fort e dashur, po të mos ishte për Durimin Tim, Ndëshkimi Im do të kryhej tani mbi të padrejtin që e fshikullon Kishën Time në tokë. Urrejtja kundër Krishtërimit po shkaktohet mbi ju në tre mënyra.

E para është përçarja globale, që po udhëhiqet nga kundërshtarët e Mi të cilët e mashtrojnë botën duke e refuzuar gjithçka që është e Imja dhe duke më hedhur Mua në vënde të shkreta për të marr fund.

E dyta vjen për shkak të racionalizmit dhe ndërhyrjes njerëzore në Fjalën Time, e përhapur nga studjuesit e Fjalës Sime të cilët nuk janë të mbushur me frymën e të Vërtetës por që, në të kundërt, janë të mbushur me vetë-siguri, që është e nxitur nga krenaria. Kaq të mësuar ata besojnë se janë në interpretimin e Mësimeve të Mia sa ata do të shtojnë pjesë të reja dhe modifikojnë çfarë Unë mësova për t’ju përshtatur nevojave të tyre vetjake.

Dhe më pas, janë ata zemrat e të cilëve janë prej guri – të ftohtë, pa ndjenja dhe të mbushur me një urrejtje të thellë për Mua dhe për këdo që e praktikon Krishtërimin për t’u parë nga të gjithë.

Influenca e djallit shfaqet në kaq shumë mënyra sa vetë njeriu nuk do të jetë i aftë t’i bëj ballë kërkesave të bëra nga të gjitha këto tre grupe që do të përpiqen ta ndalojnë atë të shpalli Fjalën e Vërtetë të Hyjit. Fjala Ime, do të thonë ata, shkakton kaq shumë fyerje sa do të konsiderohet të jetë politikisht e gabuar dhe prandaj kjo do të jepet si arsyeja kryesore për ta ndryshuar themelisht fytyrën e Krishtërimit. Vetëm njerëzit e thjeshtë, dashuria e të cilëve për Mua i ngjason asaj të fëmijve të vegjël, do të jenë besnikë ndaj Meje, sepse pjesa tjetër do të jenë tepër të zënë me zbatimin e ndryshimeve për sa i përket interpretimit të Fjalës Sime. Dhe gjatë gjithë kësaj kohe, priftërinjtë të cilët Unë i kam thirrur të dëshmojnë të Vërtetën do të jenë duke u pregatitur për të ruajtur të Vërtetën.

Ta fshihni të Vërtetën do të shkaktoj një errësirë të tmerrshme. Ta ndryshoni atë është një tallje e Kryqëzimit Tim. Të paraqisni një zëvëndësues për të Vërtetë është të më mohoni Mua plotësisht. Prapë, keqbërësit më të mëdhenj do të jenë ata që mburren për njohuritë e tyre për Mua – shenjtëria e tyre maskon fallcitetet dhe fjalët dhe veprat e tyre kurrë nuk do t’ju sjellin tek Unë sepse Shpirti I Shenjtë nuk do të jetë i pranishëm në shpirtrat e tyre. Kur Shpirti I Shenjtë nuk është i pranishëm ata – tradhëtarët e Fjalës Sime – do të sjellin erresirën tek të tjerët të cilët do t’i mbështesin me entuziazëm gënjeshtrat e tyre. Të gjitha këto falcitete do të mbajnë shenjën e të ligut – mëkatin e krenarisë – porta drejt shkretëtirës. Menjëherë sa kjo portë të hapet të gjitha paudhësitë e tjera do të vërshojnë dhe shpirtrat e atyre që dorëzohen ndaj herëzive do të bëhen të shkreta.

Pa të Vërtetën ju do të jetoni në një botë ku asgjë që ju dëgjoni nuk do t’ju sjelli paqe. Pa Dritën e Pranisë Sime dielli nuk do të shkëlqej – ai do të bëhet i zymtë dhe i dobët dhe më pas do të bëhet një mjergull deri kur, prej dorës së njeriut të vdekshëm, nuk do të japi më dritë prandaj ata që kanë sy dhe që refuzuan të shikonin nuk do të shohin më, ndërsa ata që panë dhe e pranuan Frymën e Hyjit do të shikojnë.

Jezusi juaj

https://fatherofloveandmercy.wordpress.com/2014/08/07/my-word-they-will-say-causes-so-much-offense-that-it-will-be-deemed-to-be-politically-incorrect/

Kur besimi është thyer, kjo zakonisht ndodh sepse fajtorët e kanë lejuar krenarinë t’i diktoj mendimet e tyre

E Shtunë, 26 Korrik 2014, në 19:59

Bija Ime fort e dashur, Unë erdha si një Mbret, por tani, sot, Unë ju bëj thirrje si një i varfër, sepse Unë nuk mbaj as edhe një pikë krenarie, pasi kjo do të ishte e pamundur.

Unë ju bëj thirrje fëmijve të Hyjit me dëshirë, që të mund të zgjoj brenda zemrave të tyre të ngurta një rreze dashurie – një dashuri e lindur për Atin Tim të Përjetshëm, por që është e përgjumur dhe e harruar. Unë, Jezu Krishti, Jam gjithashtu i harruar, edhe pse nuk ka njeri në botë që nuk ka dëgjuar për Mua.

Ata më njohin Mua, por e harrojnë se Kush Jam Unë. Disa e dinë Emrin Tim, por kjo nuk do të thotë asgjë për ata. Disa më duan Mua, por janë shumë të zënë të flasim me Mua, sa vetëm një përshëndetje aty këtu sa për të më njohur Mua. Të tjerët kanë dëgjuar për Mua, por Unë Jam thjesht një ikonë në sytë e tyre, diçka e një epoke të kaluar – një profet, ndoshta, i cili mundet apo jo të ketë qënë i vërtetë. Sa për shpirtrat e tjerë, që i kuptojnë fare pak çështjet shpirtërore, Unë nuk Ekzisoj.

Unë Jam një copëz e imagjinatës, një krijesë e krijuar në mëndjet e njerëzve me devotshmëri të flaktë, të cilët janë kapur pas shpresës se një botë e re do të ekzistoj pas kësaj. Më lejoni t’ju siguroj se – Hyji është Zot. Njerëzimi u krijua nga Ati Im I Përjetshëm, sepse ishte pjesë e Planit të Tij për universion e përjetshëm. Gjithçka Ishte, Është dhe do të Jetë, sipas Urdhërit dhe Vullnetit të Atij Që Është dhe Që do të Jetë. Të gjithë përulen para Hyjit, përfshi dhe armiqtë e Tij, në botën e Krijimit të Atit Tim.

Ndërsa njeriu përkushtohet më skllavërisht ndaj të gjitha atyre që i shikon, i prek dhe i ndjen sipas vetes së tij fizike – gjëndja e tij shpirtërore bëhet e shkretë. Kur ju besoni se gjithçka fillon dhe mbaron me këtë botë, ju po thoni se Unë nuk Ekzistoj. Ju më mohoni Mua, Birin e njeriut, i dërguar për t’ju shpëtuar nga mashtrimi i djallit. Unë Jam nga Ati Im. Unë isha pjesë e Planit të Tij të Madh Hyjnor. Ne jemi të gjithë një, por ju, bijtë e mi të dashur, keni jetuar në një shkretëtirë të privuar nga jeta dhe në një padituri se çfarë do të thotë Hyjnia Ime. Mbretëria Ime është e përkryer dhe u krijua nga Ati Im.

Raca njerëzore ishte e përkryer, deri kur u shkatërrua nga mëkati më i madh në Sytë e Atit Tim – mëkati i krenarisë. Bëni kujdes nga mëkati i krenarisë, sepse kjo u zhvillua për shkak të vetë-dashurisë së Luciferit. Luciferi, më i larti mes Hierarkisë së Atit Tim, besoi se për arsyen se kishte vullnetin e lirë mund të bënte gjithçka që dëshironte, por ai nuk arriti ta kuptonte këtë. Atij nuk i ishte dhënë vetëm Dhurata e vullnetit të lirë, por edhe besimi i Atit Tim. Ati Im tregoi besim të plotë në gjithë Krijimin e Tij. Për fat të keq, kjo nuk ju kthye reciproke.

Kur besimi është thyer, kjo zakonisht ndodh sepse fajtorët e kanë lejuar krenarinë t’i diktoj mendimet, mëndjen dhe veprimet e tyre. Kur krenaria futet në shpirtin tuaj, ju menjëherë do të krijoni një distancë mes jush dhe Atij Që ju krijoi nga asgjë, veçse nga një dorë dhéu. Ai ju formoi dhe ju dha Dhunti. Krenaria është kërcënimi më i madh ndaj njerëzimit, sepse ju bind se jeni më të ditur se Hyji. Nëse ju e besoni këtë, atëherë ju nuk jeni të denjë as të flisni në Emrin e Tij apo të flisni fare. Dhe kur ju flisni, ju do të krijoni një ambjent në të cilin të gjitha mëkatet do të pranohen sikur janë një gjë e mirë. Kur kjo të ndodhi, ju jo vetëm që do të mashtroni të tjerët, por ju do të gënjeni vetëm veten tuaj.

Mësuesi juaj
Jezusi juaj i dashur

https://fatherofloveandmercy.wordpress.com/2014/07/26/when-trust-is-broken-it-is-usually-because-the-culprit-has-allowed-pride-to-dictate-his-thoughts/

Hyji Atë: Fuqia e Trinisë së Bekuar është përtej ndërhyrjes së njeriut

E Mërkurë, 11 Qershor 2014, në 12:25

Bija Ime më e dashur, Dëshira Ime është që secili prej jush t’i përgjigjet Thirrjes së Trinisë Më Të Shenjtë në këtë kohë. Fuqia e Trinisë së Bekuar është përtej ndërhyrjes së njeriut dhe me Hirin e Dashurisë Sime, Unë arrij tek njerëzimi për të deklaruar të Vërtetën.

Mos kini frikë nga Ati juaj, sepse Unë Jam i juaji dhe ju jeni të Mitë. I gjithë Pushteti është në Duart e Mia dhe Unë bëj përjashtime të mëdha me qëllim që të bashkoj botën. Shumë shpirtra janë mospërfillës ndaj Meje. Ata më shmangen Mua, e mohojnë Ekzistencën Time dhe e fyejnë Hyjninë Time duke vendosur zota të rremë, të bërë me flori të shkrirë, para Meje. Gjithçka që është bërë prej argjili do të zëvendësohet nga një ekzistencë e ripërtërirë. Asgjë në këtë Tokë nuk është e përjetshme. Gjithçka kthehet në pluhur. Gjithçka që është e përjetshme nuk është e botës suaj. Unë e krijova njeriun në Shëmbëlltyrën Time.

Unë fryva jetë dhe juve ju dha frymë dhe Jam Unë Ai që e merr atë. Gjithçka fillon dhe mbaron me Mua dhe asnjë njeri nuk mund dhe nuk do të diktoj se si Unë do t’i bashkoj fëmijët e Mi. Kjo detyrë është e Imja – jo e juaja. Planet e Mia për të shpëtuar shpirtrat – të mirët, të këqinjtë dhe të padenjët, nuk do të shkatërrohen. Do të dëmtohen, ndoshta, por kurrë nuk do të shkatërrohen, sepse gjithçka që Unë them do të bëhet dhe gjithçka që Unë dëshiroj do të kryhet.

Unë e njoh secilin prej jush, sepse keni lindur prej Dashurisë Sime. Sido që të jenë rrethanat tuaja, ato janë krijuar prej Providencës Hyjnore dhe ka një arsye për gjithçka.

Ata prej jush që nuk më njohin Mua – edhe ju jeni të Mitë gjithashtu, sepse Unë ju krijova.

Ju nuk u zhvilluat nga qëniet e gjalla. Të besoni këtë, është të mashtroni veten dhe kjo, e ngulitur në zemrat tuaja nga mashtruesi, ju shërben si një mjet për të më mohuar Mua. Duke më mohuar Mua, Atin tuaj të Përjetshëm, ju mohoni Shpëtimin e Përjetshëm. Dhe duke mohuar të Vërtetën e Ekzistencës Sime, ju do ta largoni veten nga një ekzistencë e lavdisë së përjetshme.

E gjithë Mëshira është e Imja. Unë e hedh Mëshirën Time me bollëk mbi ata zemrat e të cilëve janë të pastra; të cilët kanë dashuri në shpirtrat e tyre sepse më kanë lejuar Mua të hyj tek ata. Pengesa kryesore për të marrë Jetën e Përjetshme është krenaria e njerëzimit. Krenaria është pengesa e vetme më e madhe për ta bashkuar veten me Mua. Ju mund të më njihni Mua, nëpërmjet Birit Tim; ta kuptoni Fjalën Time, por ju nuk e zbatoni çfarë ju është mësuar. Dashuria vjen nga Unë. Kur ka krenari në shpirt, dashuria vdes brënda saj dhe ajo zëvendësohet me urrejtje. Krenaria vjen nga Satani dhe është e neveritshme për Mua, ashtu si edhe e dhimbshme.

Më lejoni Mua t’ju dua duke e pranuar Fjalën Time dhe Dhuratat që Unë i dhashë botës përmes Sakrificës më të madhe të vdekjes së Birit Tim në Kryq. Unë ju dhashë jetë. Unë ju dhashë Veten Time, përmes Shfaqjes së Birit Tim. Unë e ula Veten Time, në përulësi para jush, me qëllim që ta mposhtja mëkatin e krenarisë. Unë ju mësova me anë të profetëve. Unë ju dhashë Dhuratën e vullnetit të lirë por ju e abuzuat atë për të kënaqur joshjet dhe dëshirat tuaja vetjake. Dhurata e vullnetit të lirë ka një qëllim të dyfishtë – për t’ju dhënë ju lirinë të zgjidhni, për të mos ardhur tek Unë nga frika, por prej dashurisë dhe për të mposhtur fuqinë e djallit. Është vullneti juaj i lirë që Satani e lakmon më shumë nga të gjitha dhe ai do të përdori çdo mashtrim për t’ju bërë t’ja dorëzoni atij. Kur shpirtrat e kryejnë këtë, përmes mëkatit të krenarisë, praktikave të epokës së re dhe kultin, ata bëhen skllevër të të ligut. Atëherë ai do të shfaqi, brënda shpirtrave që i dorëzojnë atij vullnetin e tyre të lirë, çdo njërën nga cilësitë e tij.

Ju do t’i njihni ata nga sjellja e tyre. Por një shënjë që vullneti i tyre i lirë i është dhënë të ligut është kur këta shpirtra vazhdimisht kërkojnë ta tallin publikisht Birin Tim, Jezu Krishtin, dhe Nënën e Tij, Virgjërën e Papërlyme Mari, Nënën e Botës. Satani i përçmon të dy ata.

Përkundrazi, nëse ju e përdorni vullnetin e lirë që Unë ju dhurova, për të mirën e shpirtit tuaj dhe që ta doni njëri tjetrin, kjo është një mjet i fuqishëm për të dobësuar fuqinë e Satanit. Por, janë ata shpirtra të cilët më japin Mua, përmes Birit Tim, Jezu Krishtit, dhuratën e vullnetit të tyre të lirë, që japin dhuratën më të fuqishme nga të gjitha. Do të jetë përmes këtyre shpirtrave që Unë do ta mposht të ligun dhe mjeti me të cilën Unë mund të shpëtoj shpirtrat e atyre që e kanë shkëputur veten plotësisht nga Unë.

Ai është Premtimi Im. Unë do të shpëtoj shpirtrat e rasteve më të pashpresë për arsye të sakrificave të atyrë që më japin Mua këtë dhuratë të vullnetit të tyre të lirë, përmes Birit Tim, Jezu Krishtit.

Ati juaj I Përjetshëm
Hyji Më I Larti

https://fatherofloveandmercy.wordpress.com/2014/06/11/god-the-father-the-power-of-the-blessed-trinity-is-beyond-the-interference-of-man-2/

Grupet që do të promovojnë herezi kundër Biblës së Shenjtë do të përndjekin ata që do të mbeten të palëkundur në Besim

E Mërkurë, 21 Maj 2014, në 20:40

Bija Ime fort e dashur, Ati Im dëshiron që të gjithë fëmijët e Tij të tregojnë dashuri dhe bamirësi ndaj njëri tjetrit. Mëkati po përhapet kaq shpejt, si një rezultat i drejtpërdrejtë i mëkatit të krenarisë, sa infektimi, sidomos mes atyre që deklarojnë të jenë të Krishterë, ka marrë shumë shpirtra që dikur ishin të afërt me Zemrën Time të Shenjtë.

Satani, dhe çdo demon që ai e ka dërguar për të shkatërruar njerëzimin, ka krijuar shumë përçarje në botë. Ata janë duke u përpjekur për t’i çuar kombet dhe komunitetet në grindje me njëri tjetrin. Sulmet terroriste do të bëhen më shumë të shfrenuara, por shënja më serioze do të jetë në formën e persekutimit të Krishterëve. Kurrë më parë të Krishterët nuk do të jenë kaq të poshtëruar – e drejta e tyre e lirisë së fesë do të cënohet dhe e drejta e tyre për të qëndruar besnikë ndaj Fjalës do të dhunohet – ashtu si do të jenë tani.

Të Krishterët do të vihen në shënjestër jo vetëm nga armiqtë e Mi, por ata do të kthehen gjithashtu kundër njëri tjetrit. Grupet që do të promovojnë herezi kundër Biblës së Shenjtë do të përndjekin ata që do të mbeten të palëkundur në Besim. Ata publikisht do t’i kritikojnë ata, do ta tallin besnikërinë e tyre ndaj të Vërtetës dhe do të përndjekin çdo shpërbëtor të shenjtë Timin që guxon ta sfidoj tradhëtinë e tyre ndaj Meje, Jezu Krishtit.

I ligu më lufton Mua, në këtë kohë, me një zemërim të tërbuar, sepse e di se Koha Ime është pothuajse afër. Dallojeni çdo formë të persekutimit kundër jush, si një i Krishterë, një vizionar i vërtetë, profet apo shërbëtor i shenjtë, për çfarë është. Një fyerje e lig dhe vulgare mbi Mua, Jezu Krishtin tuaj të dashur. Kujtoni, ndjekësit e Mi të dashur, ju nuk duhet të dorëzoheni ndaj persekutimit, prej dashurisë suaj për Mua. Lutuni për ata shpirtra të gjorë që e kanë lejuar të ligun të dali prej gojëve të tyre. Të jeni të duruar dhe të qetë kur të dëshmoni persekutimin kundër të Krishterëve, sepse vetëm Hyjnia Ime është e Përjetshme. Veprimet, sjelljet e liga, apo herezitë kundër Meje, do të zhduken në çast. Dhe vetëm ata që janë me të vërtetë për Mua do të gjejnë paqe dhe shpëtim.

Lutuni për persekutorët dhe torturuesit tuaj, sepse kur e bëni këtë, ju e dobësoni fuqinë e të ligut.

Jezusi juaj

https://fatherofloveandmercy.wordpress.com/2014/05/21/groups-who-will-promote-heresy-against-the-holy-bible-will-seek-out-those-who-will-remain-steadfast-in-the-faith/

Nëna e Shpëtimit: Ju kurrë nuk duhet të shani një tjetër kur kërkoni Bekimet e Hyjit

E Shtunë, 17 Maj 2014, në 15:54

Bija ime e dashur, kur Biri im dhuron favore të veçanta, mbi fëmijët e Hyjit, atëherë kjo do të thotë se pritet një përgjegjësi nga ana e marrësit. Për çdo Bekim, fëmijë të dashur, që ju merrni nga Biri im, ju gjithmonë duhet t’i jepni falenderime Hyjit. Kur Biri im dhuron Hire qiellore mbi një shpirt, shumë pritet nga ai person. Çdo shpirt duhet ta jetoj jetën e vet sipas asaj që i është mësuar nga Biri im.

Biri im e bën Praninë e Tij të ndjehet kur Ai është i thirrur. Sa më i hapur shpirti është ndaj Dashurisë së Tij, aq më shumë ai ose ajo do të afrohen tek Zemra e Tij e Shenjtë. Megjithatë, kur një shpirt e lartëson veten para Birit tim, kur është duke kërkuar ndihmën e Tij, asgjë nuk do të dali prej Tij. Hyji i do shpirtrat e përulët. Ai hedh Hire të mëdha mbi ata. Sa më shumë Hire që ata marrin, aq më shumë Ai do të jetë i Pranishëm brënda tyre. Pastaj, ndërsa Prania e Tij bëhet e ditur, ai shpirt do të jetë objekt urrejtje. Djalli tërhiqet pas shpirtrave që janë në Dritën e Hyjit. Pastaj ai do të përdori çdo mjet për ta poshtëruar shpirtin e zgjedhur dhe zakonisht e bën këtë duke mashtruar shpirtin e dobët që ai përdor, për të shkaktuar dhimbje dhe vuajtje mbi shpirtin e përulur.

Për fat të keq, shumë njerëz që më duan mua, Nënën e Hyjit, vijnë tek unë duke m’u lutur mua t’i ndihmoj ata në shkatërrimin e shpirtrave të tjerë. Këta shpirtra, më thonë ata, e meritojnë ndëshkimin e Hyjit. Kur ata kërkojnë për Birin tim të hedh gjykim mbi shpirtra të tillë, për shkak të urrejtjes, që ndodhet në zemrat e tyre, lutjet e tyre kurrë nuk do të dëgjohen. Si mund të më doni mua, të adhuroni Birin tim dhe të premtoni besnikërinë tuaj ndaj të Vërtetës kur ju i urreni të tjerët? Oh sa dinak është i ligu kur ai i pushton shpirtrat e shenjtë, të cilët e kanë lejuar krenarinë t’i shpërqëndroj ata. Kur krenaria e mbërthen një shpirt, ai menjëherë e humbet dritën e vet. Sa më i errët ai bëhet aq më shumë ai e largon veten nga Drita e Hyjit.

Kur ju më kërkoni mua të ndërhyj, në emrin tuaj, me Birin tim, ju gjithmonë duhet të vini tek unë të mbushur me dashuri në zemrën tuaj. Ju kurrë nuk duhet të shani një tjetër kur kërkoni Bekimet e Hyjit, sepse kjo është e neveritshme për Atë. Urrejtja nuk luan asnjë rol në Qiell.

Ejani tek unë, fëmij të dashur, vetëm me dashuri në zemrat tuaja për armiqtë tuaj, dhe të gjitha lutjet tuaja do të përgjigjen sipas Vullnetit të Shenjtë të Hyjit.

Nëna juaj e dashur
Nëna e Shpëtimit

https://fatherofloveandmercy.wordpress.com/2014/05/17/mother-of-salvation-you-must-never-curse-another-when-you-ask-for-gods-blessings/

Shumë nga Misteret e Mbretërisë Sime janë të panjohura për njeriun

E Dielë, 27 Prill 2014, në 18:00

Bija Ime fort e dashur, Plani Im për të shpëtuar mbarë botën dhe për të sjellë çdo njërin nga ju në Strehën e Zemrës Sime ka përfunduar dhe të gjitha pjesët janë vendosur në vëndin e duhur, me qëllim që përsosmëria e Premtimit Tim të sjelli fryte.

Ka shumë Mistere të shoqëruara me Hyjninë Time, që njeriu, pavarësisht se sa i ditur është në çështjet shpirtërore, kurrë nuk mund t’i kuptoj me të vërtetë. Shumë nga Misteret e Mbretërisë Sime janë të panjohura për njeriun dhe Ati Im i zbuloi njerëzimit vetëm aq sa Ai dëshironte. Njeriut ju dha njohuria dhe e Vërteta, që ata të mund ta adhuronin Hyjin dhe t’i shërbenin Atij, sa me mirë të mundeshin. Njeriu u informua nga profetët, se si duhej t’i përmbahej 10 Urdhërimeve, për të siguruar që ai të mos binte në gabim. Më pas për të vërtetuar Dashurinë e Tij për botën, Ai u bë njeri dhe përmes Meje, Birit të Tij të vetëm, Jezu Krishtit, i tregoi njeriut pikërisht se çfarë krijon e mira dhe çfarë përbën e liga. Unë e zbulova të Vërtetën, edhe pse vetëm një copë të asaj që dëshironte Ati Im, për nevojat e njeriut. Por njeriu ishte kaq krenar, arrogant dhe ambicjoz, sa nuk donte t’ja dinte për të Vërtetën, sepse ajo nuk i përshtatej atij.

Farizenjtë i mbyllën sytë, panë nga ana tjetër dhe më deklaruan Mua të isha një njeri, I Cili e kishte humbur mëndjen dhe fliste përçart. Ata nuk e kishin aftësinë të dëgjonin të Vërtetën, edhe pse Mësimet e Mia thjeshtë përsërisnin Fjalët, Mësimet dhe Urdhërimet e përmbajtura në Librin e Atit Tim. Nëpër udhën e ngushtë ata ecën, duke mos parë as majtas dhe as djathtas, ndërsa ndiqnin versionin e tyre në shërbim të Zotit. Ata e bënin këtë me një pamje të jashtme prej besimtari, duke e shpërfillur të dobëtin, të varfërin dhe të paditurin, ndërsa ata e adhuronin Zotin. Ata më dëbuan Mua dhe homologët e tyre sot do ta bëjnë këtë, përsëri, ndërsa vazhdojnë me doktinën e tyre të rreme në vitet që vijojnë.

Prandaj ju tani e shikoni, për gjithçka që njeriu pohon se di, ai në të vërtetë di fare pak rreth Udhës së Zotit. Ajo, që ju dha atij u pranua, por vetëm pjesë të së Vërtetës që i përshtaten atij. Për shëmbull, Unë gjithmonë i kam udhëzuar fëmijët e Hyjit ta duan njëri tjetrin, por ata dështojnë ta bëjnë këtë. Sa shumë nga ju shtrihen para Meje dhe më mbulojnë Mua me adhurime në mirënjohje dhe pastaj fyejnë vëllezërit dhe motrat tuaja? Disa nga ju shkojnë deri aty sa më tregojnë Mua se sa njerëz të liq ata janë, në vënd që të tregojnë dashuri dhe falje.

Njeriu gjithmonë do të jetë i dobët, sepse është e pamundur për njeriun të jetë i përsosur. Por përse i pranoni Mësimet e Mia nga njëra anë dhe pastaj i mohoni ato nga ana tjetër? Kurrë mos u dorëzoni ndaj tundimit për të ndëshkuar një tjetër në Emrin Tim, sepse ju nuk e keni autoritetin ta bëni këtë. Kurrë mos e lartësoni veten para Meje, kur ju e fyeni apo e poshtëroni një tjetër qënie njerëzore, në të njëjtën kohë. Kjo është fyese për Mua. Për të pranuar të Vërtetën, ju duhet të jeni pa ligësi, krenari, vetë-pëlqim apo egoizëm. Ju duhet ta hiqni petkun tuaj të arrogancës, sepse ai është një tipar i djallit dhe Unë e shoh atë të neveritshme.

Ju lutem t’i kujtoni Mësimet e Mia dhe ta jetoni jetën sipas asaj që Unë ju tregova. Kur t’i gjeni zemrat tuaja të trazuara, të mbushura me ankth apo urrejtje, ju gjithmonë duhet të kërkoni ndihmën Time. Sepse nëse nuk e kërkoni, atëherë ndjenja juaj e dëshpërimit dhe e urrejtjes do t’ju pushtoj. Ju duhet ta pranoni faktin që ju gjithmonë do bini në mëkat, por gjithashtu dijeni se ju duhet të tregoni pendesë të vërtetë, para se të ndjeni ndonjë lloj paqeje apo qetësie në shpirtin tuaj.

Jezusi juaj

https://fatherofloveandmercy.wordpress.com/2014/04/27/many-of-the-mysteries-of-my-kingdom-are-unknown-to-man/

Kush mes jush do të ishte mjaft i fortë të pranonte Kupën Time të Vuajtjes, në gjithçka që ajo sjell me vete

E Dielë, 19 Janar 2014, ora 14:35

Bija Ime fort e dashur, cili njeri mes jush, që e deklaron veten të jetë një ndjekës i shenjtë i Imi, dhe që mburret me këtë fakt, do ta marri Kupën Time?

Kush mes jush do të ishte mjaft i fortë të pranonte Kupën Time të Vuajtjes, në gjithçka që ajo sjell me vete? Përgjigja është shumë pak nga ju. Dhe prapë, ju ndjeheni të shfajësuar kur ju më godisni Mua, me anë të shpirtrave të Mi të zgjedhur, që me dëshirë e kanë pranuar Kupën Time.

Shpirtrat e zgjedhur, vizionarët, profetët dhe parashikuesit, e pranojnë Kupën Time, sepse ata ma dhurojnë Mua vullnetin e tyre të lirë sipas kushteve të Mia – jo të vetave. Kur ju e deklaroni veten t’i dini të gjitha dhe të jeni të mësuar mirë në Fjalën Time të Shenjtë dhe nuk e pranoni vuajtjen, që durohet nga profetët e Mi të gjorë të persekutuar, atëherë ju nuk më njihni Mua. 

Nëse ju nuk më njihni Mua, atëherë ju nuk mund të më doni me të vërtetë Mua. Nëse ju nuk më doni Mua, atëherë ju nuk mund ta përhapni të Vërtetën. Përkundrazi, ju zgjidhni cilat pjesë ju përshtaten në Ungjillin Më Të Shenjtë dhe pastaj i përdorni ato si shkopinj për të goditur profetët e Mi dhe të gjithë ata shpirtra të zgjedhur që mbajnë Kryqin Tim të dhimbshëm.

Kur ju shkelni mbi shpirtrat e tjerë, i trajtoni ata mizorisht në Emrin Tim, ju jeni infektuar me urrejtje. Urrejtja vjen nga Satani. Ajo nuk vjen nga Unë. Kur ju të vini para Meje, gjatë Paralajmërimit – Ndriçimit të Ndërgjegjes – Unë do t’ju tregoj se si më keni fyer Mua. 

Prapë, shumë nga ju, fajtorë për shtrëmbërimin e Fjalëve të Mia të Dashurisë në fjalë urrejte kundër profetëve të Mi, do të qëndrojnë të pabindur para Meje. Sepse ju jeni kaq të mbushur me dashuri për vetveten dhe krenari sa madje Unë, Jezu Krishti, do ta kem të vështirë t’ju tërheq drejt Meje.

Urrejtja juaj për të tjerët ju ndan nga Unë.

Jezusi juaj

https://fatherofloveandmercy.wordpress.com/2014/01/19/who-amongst-you-would-be-strong-enough-to-accept-my-cup-of-suffering-in-all-that-it-brings-with-it/

Krenaria është një tipar i rrezikshëm sepse ajo e bind njeriun se ai është më i madh se Hyji

E Dielë, 15 Dhjetor 2013, ora 16:45

Bija Ime fort e dashur, njerëzimi është i paditur ndaj Ligjeve Hyjnore dhe Vullnetit Hyjnor të Atit Tim. Njeriu është një krijesë e Hyjit dhe, si i tillë, nuk i është dhënë Dhurata e Dijes në lidhje me shumë sekrete të njohura vetëm nga ëngjëjt dhe shenjtorët në Qiell. Megjithatë, një njeri nuk mund të thotë se ai e di përse Ati Im i lejon disa ngjarje të ndodhin në botë, kurse një njeri tjetër pohon se është i mirë-informuar mbi origjinën e universit. 

Njeriu është thjesht një shërbëtor i Hyjit, por Hyji, për arsyen se Ai donte ta krijonte njeriun në Imazhin e Tij të përkryer, i dhuroi atij shumë dhunti dhe talente. Ai kurrë nuk i dha njeriut Dijen e Pemës së Jetës dhe kjo ishte për një arsye. Njeriu e shkatërroi pozitën e tij në Sytë e Hyjit, kur Adami dhe Eva u larguan prej Tij, për shkak të mëkatit të krenarisë. Mëkati i krenarisë vazhdon edhe sot dhe është shkaku i ndarjes prej Hyjit. Krenaria është një tipar i rrezikshëm sepse ajo e bind njeriun se ai është më i madh se Hyji. Krenaria e tundon njeriun të ndërhyj në Ligjet e Hyjnisë së Hyjit. Kjo përfshin besimin se njeriu e ka të drejtën të vendosi se kujt i jepet Dhurata e Jetës dhe kush e ka të drejtën ta heqi atë.

Kranaria gjithashtu e bind njeriun se ai e di se si u krijua universi, kur ai, në fakt, është i paditur ndaj një mbrekullie të tillë. Vetëm Hyji e ka Fuqinë të krijoj gjithçka. Vetëm Hyji mund të vendosi se sa shumë Ai do ta lejoj njeriun të bëj kërkime apo të ndërhyj në Krijimin e Tij. Prapë, njeriu beson se ai i di të gjitha përgjigjet. Kur njeriu beson se ai e kontrollon fatin e tij, dhe fatin e të tjerëve, ai bie në gabim të rëndë sepse kur ai e imiton mëkatin e Luciferrit, ai do të flaket tutje. Kur njeriu refuzon t’i përgjigjet Krijuesit të tij, Ai nuk do të jetë më atje për ta ngushëlluar atë në ditën e fundit.

Ju kurrë nuk duhet ta lejoni krenarinë t’ju bindi se ju i dini të gjitha gjërat e kësaj bote dhe përtej saj, sepse kjo është e pamundur. Përkundrazi ju duhet të dëgjoni, të pranoni udhëzimet e dhëna në Ungjillin e Shenjtë, që të mund të jetoni në paqe dhe sipas Vullnetit të Atit Tim. Sepse kur ju e përulni veten para Atij, Ai do t’ju tregoj lavdi të madhe dhe pastaj ju do ta kuptoni misterin e madh të Mbretërisë së Tij të Lavdishme në ditën e fundit.

Jezusi juaj

https://fatherofloveandmercy.wordpress.com/2013/12/15/pride-is-a-dangerous-trait-because-it-convinces-man-that-he-is-greater-than-god/

Kur ju mungon përulësia, krenaria do ta pushtoj shpirtin tuaj dhe ju do të mëkatoni kundër Meje

E Enjte, 31 Tetor 2013, ora 23:30

Bija Ime fort e dashur, sa shumë nuk do ta dëgjojnë Zërin Tim, sepse ata nuk e dinë se Kush Jam Unë. Shumë pohojnë se më njohin Mua, por është vetëm përmes interpretimit të tyre të gabuar njerëzor që ata besojnë se e kuptojnë se Kush Jam Unë dhe se çfarë Unë bëra për t’i shpëtuar ata nga humnera, me të cilën do të përballen të gjithë fëmijët e Hyjit, ata që nuk do të më kërkojnë Mua t’i fal.

Vullneti i lirë është një Dhuratë nga Ati Im. Megjithatë, vullneti i lirë mund të ndërhyj me përpjekjen e njeriut për të kërkuar Dashurinë e Hyjit. Prapë, Ati Im i dhuroi fëmijve të Tij këtë Dhuratë. Kaq bujar është Ai. Kaq shumë i do Ai fëmijët e Tij. Kjo është Dhurata që ju dha atyre lirinë të lëvizin nëpër Tokë, të shijojnë frytet e saj dhe të përqafojnë bukurinë e saj. Por njeriu, i tunduar nga Satani, e abuzoi besimin e Atit Tim. Pastaj, ai u bë skllav i Satanit dhe krijoi një pakt me atë, ku mëkati do të vazhdoj t’i largoj të gjithë fëmijët e Hyjit prej Atij.

Dhurata e vdekjes Sime në Kryq do të thoshte se Unë do ta thyeja këtë lidhje të panatyrshme mes njeriut dhe Satanit. Kështu, Unë i dhashë mundësinë njeriut të kërkoj shpëtimin përmes faljes së mëkatit, me anë të vdekjes Sime në Kryq. Kjo do të thotë që njeriu e ka mundësinë të shpëtoj nga mbërthimi i Satanit, por vetëm ata që më ndjekin Mua, në shërbim të plotë të përulët, munden që me të vërtetë të fitojnë shpëtimin. 

Nëse ju nuk jeni në gjëndje të më deklaroni Mua, Jezu Krishtit, hapur, dobësitë tuaja, mëkatet tuaja dhe urrejtjen tuaj për njëri tjetrin, përmes rrëfimit, ju nuk do të mbeteni të pastër. Pa pastërtinë e shpirtit, ju nuk jeni në gjëndje të bëheni të përulur në Sytë e Mi. Kur ju mungon përulësia, krenaria do ta pushtoj shpirtin tuaj dhe ju do të mëkatoni kundër Meje. Kur ju mëkatoni kundër Meje, ju e bëni këtë në një numër mënyrash.

Ju do të ushqeni joshjet, lakminë dhe krenarinë tuaj si fillim. Pastaj ju do të silleni sikur jeni të ditur, më të mënçur dhe më të mirë se të tjerët. Pastaj ju do të gjykoni të tjerët. Më pas ju do të kaloni në fazën tjetër. Ju do të tallni ata që janë me të vërtetë të bashkuar me Mua, duke i quajtur ata të jenë të papërkryer. Pas kësaj ju do të shkaktoni shpifje kundër të gjithë atyre që qëndrojnë Besnikë ndaj Meje. Por, ju do ta bindni veten se jeni të mbushur me Shpirtin e Shenjtë. Por, nuk do të jetë Shpirti i Shenjtë, që ju frymëzon. Në të kundërt, do të jetë shpirti djallëzor, që do ta pushtoj shpirtin tuaj, dhe ju do të besoni se po udhëzoheni nga Qielli. 

Kur ju thoni se më përfaqësoni Mua dhe se jeni në një pozitë më të mirë se të tjerët për të qënë pjesë e Mbretërisë Sime dhe pastaj ju gënjeni për Mua, ju keni nevojë për lutjet e të tjerëve. Në atë fazë, ju jeni në mes të udhës drejt thellësive të Ferrit dhe pa Ndërhyrjen Time ju do të jeni të humbur. 

Merreni Mesazhin Tim. Vendoseni atë pranë zemrës suaj dhe pyesni: “Jezus a je Ti ky? A kam me të vërtetë nevojë për Ndihmën Tënde?” dhe Unë do t’ju jap përgjigjen. 

Jezusi juaj

https://fatherofloveandmercy.wordpress.com/2013/10/31/when-you-lack-humility-pride-will-flood-your-souls-and-you-will-sin-against-me/