Barbarizmat e Kryqëzimit Tim nuk i janë zbuluar Njeriut ashtu si duhet

E Shtunë, 7 Maj 2011, në 09:50

Bija Ime e dashur, ti tani duhet ta marrësh Kryqin Tim dhe të më ndihmosh Mua ta mbaj atë në udhëtimin, që Unë kam planifikuar për ty. Bija Ime e shtrenjtë, sa shumë ke vuajtur në këto pak javët e fundit. Unë e lejova këtë të ndodhë sepse kjo të ka afruar më pranë Zemrës Sime të Shenjë.

Shumë shpirtra janë thirrur për t’ia përcjellë botës Mesazhet e Mia. Do të jetë vetëm përmes pastrimit të vullnetshëm nga ana e shpirtit që do të përcaktohet cilësia e të kuptuarit. Me fjalë të tjera, nëse shpirti që Unë zgjedh për t’ia komunikuar Fjalën Time është i pastër, atëherë Mesazhet do të kenë më shumë efekt. Ato do të lënë një përshtypje që zgjat më shumë tek shpirti. Ato do të jenë plot me dhembshuri, por sidoqoftë ato do ta zbulojnë të Vërtetën e Mësimeve të Mia në formën e tyre të thjeshtë.

Unë nuk kam kohë për butësitë e pritura nga njeriu, i cili është i kushtëzuar që ta dëgjojë Fjalën Time në njëfarë mënyre – në një version të ndryshuar. Edhe Mundimet e Mia, Kryqi dhe barbarizmat e kryera nga njeriu në Kryqëzimin Tim nuk i janë zbuluar botës në mënyrën me të cilën ato duhet të kishin qenë. Sa pak nga ju, fëmijët e Mi, e kuptoni trajtimin Tim të tmerrshëm, Shpëtimtarit tuaj Hyjnor, në duart e njeriut. Ky trajtim i Imi sot, ku Unë përbuzem, tallem, fyhem, shpërfillem dhe abuzohem, është akoma i dukshëm. Vdekja Ime shtroi udhën për t’i shpëtuar shpirtrat tuaj nga mallkimi i përjetshëm. Kjo akoma qëndron. Mos e hidhni tutje Dhuratën e Shpëtimit, sepse pa e pranuar të Vërtetën ju nuk mund të shpëtoheni. 

Dëgjoni këtë. Unë Jam e Vërteta. Unë Jam Çelësi i shpëtimit tuaj. Para vdekjes, madje edhe nëse më keni shpërfillur Mua, Mësimet e Mia, e keni mohuar Ekzistencën Time të Vërtetë, kthehuni tek Unë dhe kërkoni Shpengim. Nuk është kurrë vonë të ktheheni tek Unë dhe të më kërkoni Mua t’ju mbaj për dore dhe të më lejoni Mua t’ju çoj drejt Mbretërisë Qiellore të Atit Tim. Por ju mund ta bëni këtë vetëm ndërsa jeni të gjallë mbi këtë Tokë. Kjo është e vetmja mundësi e juaja që t’ju ofrohet jeta e përjetshme. Do të jetë tepër vonë më pas.

Shpëtimtari juaj Hyjnor i dashur
Jezu Krishti

https://fatherofloveandmercy.wordpress.com/2011/05/07/atrocities-of-my-crucifixion-not-revealed-to-man-in-the-way-they-should/

Kur Kryqëzimi i Kishës Sime në Tokë të filloj, ju duhet të shikoni për të gjitha shenjat, që ishin parathënë

E Enjte, 3 Tetor 2013, ora 22:35

Bija Ime fort e dashur, kur Kryqëzimi i Kishës Sime në Tokë të filloj, ju duhet të shikoni për të gjitha shenjat, që ishin parathënë. Armiqtë e Hyjit do të imitojnë çdo aspekt të Vetë Kryqëzimit Tim, duke filluar me shkatërrimin e Trupit Tim. 

Kur Unë isha tërhequr zvarrë para xhelatëve të Mi, ata më zhveshën, me qëllim që të më vinin Mua në lojë dhe të më turpëronin. Pastaj ata më veshën Mua me të kuqe – ngjyrë e shoqëruar me bishën. Pastaj ata ziheshin se kush do ta ngulte gozhdën e parë në Trupin Tim. Më pas, si egërsira, ata i shqyenin Gjymtyrët e Mia dhe i tërhiqnin Krahët e Mi aq larg sa i nxorrën prej Kyçeve, për të më shkaktuar Mua më shumë dhimbje. Për të më bërë Mua të vuaj më tepër, ata i ngulnin gozhdët në pëllëmbët e Duarve të Mia në një pozicion të tillë që ato dilnin nga Kyçet e Duarve të Mia. Të dy Krahët e Mi u tërhoqën nga dy drejtime të vështira dhe Unë u vara në një pozicion të pazakontë, të dhimbshëm, i sajuar për të më shkaktuar Mua dhimbje dhe turpërim maksimal. 

Ata hidhnin shorte me qëllim që 8 burrat e fundit të mund të mbikqyrnin torturën e përgjakshme që ata shkaktuan mbi Trupin Tim. Ata nxirrnin fëlliqësira nga goja, më godisnin Mua me pëllëmbë dhe me grushte, më shkelmonin në bark dhe ulërinin si egërsira. Ata më poshtëronin Mua në çdo mënyrë për t’ju treguar të gjithë atyre që dëshmuan vdekjen Time në Kryq se Unë po ndëshkohesha për të ashtu-quajtura gënjeshtrat e Mia të liga. Ata më vranë për të më heshtur Mua dhe për të penguar Fjalën e Hyjit të arrinte tek shpirtrat. 

E njëjta gjë do të ndodhi së shpejti. 

Nuk do të jetë e mjaftueshme për armiqtë e Mi të ndryshojnë Prezantimin e Eukaristisë Sime – ata do ta poshtërojnë Trupin Tim edhe një njerë. Ata do të më poshtërojnë Mua në të njëjtën mënyrë. Ngjyra e kuqe do të përdoret; ata do të bëjnë gjeste para Kryqit Tim dhe do të më fyejnë Mua me ritualet e tyre të reja. Vetëm ata që i dallojnë shenjat do ta kuptojnë se si këto paturpësi do të paraqiten me entuziazëm në botë, mes ceremonive dhe shfaqjeve madhështore. 

Leximet e reja të meshës do të jenë të kota dhe shumë nga liturgjia e re nuk do të ketë kuptim. Ju që i dini Mësimet e Mia, bëni kujdes nga deklaratat e ngatërruara, pakuptim dhe të komplikuara, të cilat do të shoqërojnë futjen e mësimeve të reja, të ripërpunuara dhe besimet e vjetra. Ata jo vetëm që do t’ju ngatërrojnë dhe do të krijojnë trazirë në shpirtin tuaj, ata do të jenë të mbushur me kontradita dhe gënjeshtra, që kurrë nuk mund të vijnë nga Unë, Jezu Krishti. 

Juve ju është dhënë e Vërteta që nga koha që Unë eca në Tokë. Tani do t’ju jepen gënjeshtra, të sajuara për t’ju bërë të largoheni nga Hyji. Sigurohuni që të jeni vigjëlentë, sepse do të gëlltiteni dhe do të çoheni drejt doktrinës së rreme. Doktrina e errësirës, e planifikuar me kujdes për shumë vjet, do të zbresë tani mbi ju. 

Ju kurrë nuk duhet të pranoni premtimet, që bien në kundërshtim me Fjalën Time. Kur të shikoni këto gjëra të ndodhin ju do ta dini se ato janë sjellë tek ju nga shpirti djallëzor, me qëllim që të shkatërroj mundësinë tuaj për shpëtimin e përjetshëm. 

Jezusi juaj

https://fatherofloveandmercy.wordpress.com/2013/10/03/as-the-crucifixion-of-my-church-on-earth-commences-you-must-watch-out-for-all-the-signs-which-were-foretold/

Së shpejti Papa Im i Dashur Benedikti do t’i udhëzoj fëmijët e Hyjit nga vëndi i tij i dëbimit

E Premte, 29 Mars 2013, ora 08:45

Mesazhi i dytë për të Premten e Madhe

Bija Ime e dashur, historia do të bëhet sot. Ndërsa Vuajta Ime po  festohet, në të vërtetë, ajo përfaqëson Kryqëzimin e Kishës Katolike.

Në ditët që çuan drejt tradhëtisë Sime në Kohën Time në tokë, priftërinjtë e asaj dite u përpoqën me çdo mënyrë që mundeshin për të provuar dhe vërtetuar se Unë isha fajtor për herezi.

Ata morën çfarë Unë u kisha mësuar – Fjalën e Hyjit – dhe e shtrembëruan atë. Thashethemet që ata përhapnin më pas përmbanin gënjeshtra dhe ata thanë se Unë po përpiqesha t'i largoja njerëzit nga Mësimet e Vërteta të Kishës. Ata predikonin nëpër Tempuj për t'i paralajmëruar njerëzit të qëndronin larg nga Unë, nga frika se mos fyenin priftërinjtë e lartë. Ata ishin paralajmëruar se, nëse vazhdonin të përhapnin Mesazhet e Mia, ata do të flakeshin tutje, si leprozë, nga Tempulli I Shenjtë. Në disa raste, dishepujve të Mi ju thanë se do të pësonin ndëshkime fizike dhe se do të arrestoheshin.

Ndërsa ata blesfemonin kundër Shpirtit të Shenjtë – ata e mohonin se Unë flisja të Vërtetën dhe thanë se Fjala Ime ishte nga Satani – ata vazhdonin të adhuronin Zotin nëpër Tempujt. Të veshur me rrobat e Mbretërve, ata luftonin për vëndin e tyre mbi altar në Tempull. Të gjithë shërbëtorët e ulët detyroheshin të qëndronin në këmbë me orë të tëra ndërsa ata uleshin në karriget, që ishin të zbukuruara për Mbretër. Altari ishte kaq i mbushur me liderat në Kishë sa njerëzit e zakonshëm ishin të paqartë. Ata ishin të detyruar t'i bënin nderime Hyjit duke u imponuar të nderonin shërbëtorët e Hyjit me postet më të larta. Priftërinjtë e lartë, kërkonin respekt nga ata që vinin në Tempull. Nga jashtë ata shfaqnin të gjitha shenjat e dashurisë dhe përulësisë, të cilat priteshin prej tyre, dhe prapë, ata visheshin dhe silleshin si zotërinj në Shtëpinë e Atit Tim, në vënd të shërbëtorëve që ata duhej të ishin.

Njerëzit kishin frikë se fyenin Farizenjtë kur ata më ndiqnin Mua. Priftërinjtë kërcënoheshin dhe paralajmëroheshin se, nëse nuk ndalonin së përhapuri Fjalën Time, atyre do t'ju hiqeshin titujt e tyre. Njerëzit e zakonshëm e dinin se nëse do të kapeshin duke përhapur Mësimet e Mia fati i tyre do të ishte shumë më i keq.

Kryqëzimi i Trupit Tim në tokë përfundoi pjesën e parë të Besëlidhjes me Atin Tim për të shpëtuar njerëzimin.

Kryqëzimi i Trupit Tim Shpirtëror – Kisha Ime në Tokë – fillon sot, fillimin e persekutimit final, ndërsa plani Masonik për të shkatërruar Shtëpinë Time, tani do të bëhet i qartë tek të gjithë ata që e njohin të Vërtetën.

Historia tani do të përsëritet, por e Vërteta nuk do të mohoet. Ata që do të më mohojnë Mua, prapë do të kthehen tek Unë në kohë. Ata që e dinë se profecitë e parathëna – se Kisha Ime do të jetë shënjestra finale për të pastruar botën nga të gjitha gjurmët e Mia, Jezu Krishtit – po ndodhin tani, do të më ndjekin Mua në ushtrinë Time të mbetur. Ata do të qëndrojnë besnikë ndaj Mësimeve të Mia deri në ditët e fundit.

Askush nuk mund ta ndaloj përhapjen e Fjalës së Vërtetë të Hyjit. Askush.

Mbizotërimi në Shtëpinë e Pjetrit do të jetë i shkurtër dhe së shpejti Papa Im i Dashur Benedikti do t’i udhëzoj fëmijët e Hyjit nga vëndi i tij i dëbimit. Pjetri, Apostulli Im, themeluesi i Kishës Sime në tokë, do ta udhëzoj atë në ditët e fundit të vështira, kur Kisha Ime lufton për Jetën e saj.

Jezusi juaj

https://fatherofloveandmercy.wordpress.com/2013/03/29/soon-my-beloved-pope-benedict-will-guide-gods-children-from-his-place-of-exile/

Hyji Atë: Ashtu si Biri Im u kryqëzua, po ashtu edhe Kisha e Tij mbi tokë do të kryqëzohet

E Enjte, 2 Gusht 2012, në 22.06

Bija Ime më e dashur gjyqi ndaj Kishës së Birit Tim në tokë tashmë ka filluar.

Fshikullimi, persekutimi është gati për të filluar.

Ashtu si u kryqëzua Biri Im, po ashtu do të kryqëzohet edhe Kisha e Tij në tokë.

Sprova po ndodh tani.

Biri Im ishte dërguar për të shpëtuar njerëzimin nga flakët e Ferrit.

Vdekja e Tij në Kryq, një vrasje e tmerrshme mizore, u lejua prej Meje si një mjet për t’iu ofruar fëmijëve të Mi një të ardhme.

Trupi i Birit Tim u bë Kisha e Tij në tokë. Priftërinjtë dhe shërbëtorët e Tij të shenjtë zunë vendin e apostujve të Tij.

Tani, ndërsa Ai vjen përsëri për ta shëlbuar njerëzimin dhe për t'i fituar fëmijët e Mi të çmuar, që ata të mund të hyjnë në Parajsën Time, historia do të përsëritet.

Biri Im predikoi të Vërtetën dhe ai mblodhi shumë njerëz që i ndoqën mësimet e Tij dhe që nuk e vunë në dyshim Fjalën e Tij.

Pastaj Ai u tradhtua nga ata që ishin afër Tij dhe që i ishin përkushtuar Atij brenda radhëve të Tij.

Kisha e Tij, Kisha Katolike, gjithashtu është tradhtuar nga brenda korridoreve të veta.

Tundimi prej Satanit e solli në pah këtë dhe një ligësi e madhe ishte përgjegjëse për largimin nga Biri Im.

Në Kishën e Tij sot, largimi prej Tij ka filluar kohë më parë. Ashtu si me Birin Tim, shumë ndjekës besnikë ndaj Fjalës së Shenjtë të dhënë prej Meje, e tradhtuan Atë.

Pastaj filloi gjykimi, ku Biri Im u akuzua për herezi. Po kështu edhe Kisha e Birit Tim në tokë ka vuajtur të njëjtin fat.

Për shkak të të ligjve në mesin e tyre, të cilët kryen fyerje të rënda kundër njerëzimit, shumë ndjekës besnikë e braktisën Kishën.

Më tej ata e braktisën Birin Tim dhe i shpërfillën mësimet e Tij.

Sprova e Kishës së Birit Tim në tokë i ka bërë priftërinjtë e saj që të heshtin kur vjen puna për të mbrojtur mësimet e Birit Tim.

Ata kanë frikë se mos i fyejnë ata që e mohojnë Birin Tim, për shkak të mëkateve të atyre që janë mes tyre.

Kisha e Birit Tim tani përballet me sprovën më të madhe nga të gjitha, që nuk është parë që nga Kryqëzimi i Birit Tim të Dashur.

Kisha e Tij po pëson tallje pa mëshirë, jo vetëm nga armiqtë e saj nga jashtë por edhe nga armiqtë e saj nga brenda.

Kurora e Gjembave do të vendoset tani në Kokën e Kishës së Birit Tim dhe pak prej ndjekësve të Tij do të qëndrojnë pranë Tij.

Ashtu si apostujt e Birit Tim, me përjashtim të Gjonit, e braktisën Atë gjatë gjyqit dhe ekzekutimit të Tij, po ashtu, edhe ata në vendet e larta brenda Vatikanit do ta braktisin Zëdhënësin Tim të Shenjtë.

Ai, si Kreu i Kishës Katolike do të detyrohet që të ecë nëpër një udhë të tmerrshme fatkeqësish pa pasur asnjë faj të tijin.

Edhe pse ai do të fshikullohet, do të përqeshet dhe do të bëhet të duket si budalla, nuk është ai ndaj të cilit ata do të vjellin vrerin e tyre. Do të jetë kundër të Vërtetës së Kishës, Kishës së Krishterë, të formuar prej Sakrificës së Birit Tim, ndaj të cilës ata do të derdhin urrejtjen e tyre.

Krishtërimi do të goditet në çdo cep, në çdo komb, në çdo vend adhurimi derisa të dobësohet nga lodhja.

Ndërsa do të çohet drejt udhës së Kalvarit, ashtu si u çua Biri Im, do të lidhet dhe do të sigurohet me litarë që të jetë e pamundur t'i shpëtojë mundimit.

Pastaj, ndërsa t’i ngjitet kodrës, do të goditet me gurë, do ta pështyjnë dhe tallin gjatë gjithë rrugës deri në majë.

Pastaj do të gozhdohet në Kryq.

Pak simpati do të tregohet për të nga ata që e fajësojnë Kishën për mëkatet kundër të pafajshmëve, kur ata ta dënojnë Kreun e Kishës, Birin Tim.

Ata do ta bëjnë Atë me faj për mëkatet e të tjerëve, të shkaktuara nga tundimet e Satanit.

Kur ata do ta kenë gozhduar Kishën e Birit Tim në Kryq, ata do të dërgojnë qindra roje, ashtu si 600 ushtarët që qëndruan në Kalvar, për të siguruar që çdo pjesë e Mishit të mos shpëtojë pa u ndëshkuar.

As edhe një shërbëtor i Kishës së Tij, që deklaron besnikëri ndaj saj, nuk do të lejohet që të shpëtojë.

Kur Kisha të jetë kryqëzuar, ata do të bëjnë të sigurt që ajo të vuajë për bukë dhe ujë deri në frymën e fundit.

Të gjithë dishepujt e saj, ashtu siç ndodhi me apostujt e Birit Tim, nuk do të duken gjëkundi.

Ata do të shkojnë të fshihen nga frika se mos ndëshkohen.

Kur të duket sikur është në frymën e fundit, gjithçka do të bëhet e heshtur derisa brohoritjet e atyre që e kryqëzuan Kishën do të shurdhojnë mbarë botën me doktrinën e tyre false.

Zëri i kreut të ri të kishës, mashtruesit, Profetit të Rremë, do të tingëllojë fort.

Të gjithë do të bien në gjunjë duke më falënderuar Mua, Hyjin Më të Lartin, me lehtësim. Sepse do të duket të përfaqësojë një fillim të ri.

Do të jetë në atë kohë që Prania e Birit Tim nuk do t'i hijeshojë më altarët brenda kësaj kishe, sepse kjo nuk do të jetë e mundur.

Do të jetë atëherë që Dora Ime, në ndëshkim, do të bjerë si dënim.

Kjo është kur Beteja e Armagedon-it do të fillojë.

Kjo është kur Unë do të vij, përmes Birit Tim, për të shpëtuar shpirtrat.

Mos e mohoni këtë profeci.

Mos u fshihni pas sigurive të rreme sepse kjo ditë duhet të vijë.

Kryqëzimi i Kishës së Birit Tim duhet të ndodhë për shkak të Besëlidhjes Përfundimtare.

Por atëherë, Ringjallja e Lavdishme e Kishës, e Jerusalemit të Ri, do t'i fshijë të gjithë lotët, të gjitha vuajtjet dhe pastaj do të vijë Epoka e Re.

Kini besim tek Biri Im në çdo kohë.

Kurrë mos kini frikë sepse Unë jam Ati juaj dhe Unë do të vij për ta ripërtërirë tokën dhe për t’i mbledhur të gjithë fëmijët e Mi në këtë mrekulli finale të parathënë në Librin e Danielit.

Libri i së Vërtetës tani po ju zbulohet, fëmijë, ashtu siç është premtuar.

Mos e refuzoni ndërhyrjen Time Hyjnore sepse Unë flas të Vërtetën.

Hyji Më i Larti

https://fatherofloveandmercy.wordpress.com/2012/08/02/god-the-father-just-as-my-son-was-crucified-so-too-will-his-church-on-earth-be-crucified/

Vullneti i lirë nuk mund të hiqet prej jush. Unë nuk mund t’ju urdhëroj që ju të më ndiqni Mua

E Premte, 8 Qershor 2012, në 19:05

Bija Ime fort e dashur shumë që i lexojnë këto, Fjalët e Mia të Shenjta që po i jepen njerëzimit prej dashurisë sime, i keqkuptojnë qëllimet e Mia.

Si Biri i Njeriut, premtimi Im është që ta shpëtoj mbarë njerëzimin.

Kryqëzimi Im në Kryq nuk ishte thjesht një moment në kohë, apo një moment në histori.

Ishte një Sakrificë e bërë për t'ju ofruar secilit prej jush, edhe sot e kësaj dite, dhuratën e Jetës së Përjetshme.

Ky është një premtim solemn. Jeta e botës që do të vijë, Mbretëria Ime në tokë, është për të gjithë.

Unë po vij tani për t'ju përgatitur.

Unë jua kam thënë më parë se ndërsa Unë vij për t'ju paralajmëruar mbi rreziqet e refuzimit të Mësimeve të Mia dhe të 10 Urdhërimeve të dhëna nga Ati Im i Përjetshëm, Unë nuk mund t’i komandoj apo t’i urdhëroj fëmijët e Hyjit që të më dëgjojnë. Sepse të gjithë njerëzimit i ishte dhënë një dhuratë e veçantë, po ashtu si edhe engjëjve në Qiell; dhurata e vullnetit të lirë.

Vullneti i lirë nuk do të hiqet prej jush. Unë nuk mund t'ju urdhëroj që ju të më ndiqni Mua.

Unë mund t'ju paralajmëroj, t'ju tregoj gabimin e udhëve tuaja, por nuk mund t'ju urdhëroj që t'i përgjigjeni thirrjes Sime.

Unë vetëm mund të kërkoj.

Vullneti i lirë, ndërkohë që është një dhuratë, mund të bëhet gjithashtu një pengesë sepse mund të përdoret nga Satani për të mbjellur gënjeshtra në mendjen tuaj.

Ai mund t’ju bëjë urdhëresa të një natyre shumë detyruese, të cilat ju do t’i keni shumë të vështira për t'i luftuar, e tillë është fuqia e tij.

Durimi Im është duke u vënë në provë në këto, kohët e fundit, si kurrë më parë.

Pavarësisht nga Vdekja Ime në Kryq, ku Jeta Ime ishte dhuruar me dashuri për të shpëtuar secilin prej jush, shumë e kanë harruar se çfarë do të thotë me të vërtetë kjo Sakrificë.

Kur Unë e dhashë jetën Time për shpëtimin e njerëzimit, përse nuk dëgjojnë fëmijët e Mi?

Nëse ata nuk duan të më dëgjojnë Mua tani, përmes këtyre mesazheve, kjo është zgjedhja që ata e bëjnë sipas vullnetit të tyre të lirë. Atëherë përse ata vazhdojnë ta keqinterpretojnë dhe ta shtrembërojnë përmbajtjen e Biblës së Shenjtë?

Pa marrë parasysh se sa shumë Unë jam i refuzuar, Unë kurrë nuk do të heq dorë nga detyra Ime për t'ju paralajmëruar për rreziqet që po vijnë.

Rreziqet për të cilat Unë flas nuk janë vetëm vuajtjet e planifikuara nga dishepujt e ligj të Satanit përmbi kombet tuaja, kontrolli i parave tuaja, i ushqimit tuaj apo i jetës njerëzore.

Jo, rreziqet për të cilat ju duhet të jeni në dijeni, më shumë se të gjitha, janë rreziqet e humbjes së shpirtit tuaj tek Satani dhe engjëjt e tij të rënë.

Nëse ju i kushtoni vëmendje Fjalës Sime tani, kjo varet tërësisht nga gjithsecili prej jush.

Gjithçka që Unë kërkoj është që ju të dëgjoni. Mosarritja për të dëgjuar, për t’i pranuar hiret e veçanta që Unë ju dhuroj tani, do të thotë që ju mund të mos pajiseni ashtu si duhet për ta shpëtuar shpirtin tuaj nga bisha.

Unë ju bekoj të gjithëve. Atyre që janë të ngatërruar, Unë ju bëj thirrje që të zgjidhni lutjet që ju janë dhënë përmes këtyre mesazheve.

Ato do t'ju ndihmojnë që t'i përgjigjeni Thirrjes Sime nga Qielli.

Jezusi juaj

https://fatherofloveandmercy.wordpress.com/2012/06/08/free-will-cannot-be-taken-away-from-you-i-cannot-demand-that-you-follow-me/

Ju lutem. Mos më kryqëzoni Mua përsëri

E Premte, 30 Mars 2012, në 15:00

Bija Ime fort e dashur, është e rëndësishme që të gjithë fëmijët e Hyjit ta kuptojnë se Unë vdiqa për ta shpëtuar botën nga dënimi i përjetshëm. Satani ka sunduar në zemrat e njerëzve që nga rënia e Adamit dhe Evës dhe kjo ka çuar në faktin që ai ka arritur me sukses të vjedhë shpirtra. Shumica e njerëzimit nuk do që ta pranojë Fjalën e Hyjit, sidomos Urdhërimet e dhëna atyre nga Moisiu.

Unë më pas u dërgova për të siguruar që njerëzimit t’i jepej e Vërteta, me shpresën se bota do ta pranonte këtë dhe të kthehej tek Ati.

Edhe pse shumë e pranuan Fjalën Time të Shenjtë, shumica refuzoi të më pranonte Mua si Mesia.

E Vërteta është se ata nuk do të kishin pranuar askënd, përfshirë edhe profetët sepse ata ishin të kënaqur të jetonin në mëkat, i cili ua mbërthente shpirtrat.

Po të më kishin pranuar Mua, Unë do të kisha Mbretëruar në Tokë dhe i gjithë njerëzimi do ta kishte shijuar shpëtimin e përjetshëm.

Por, Unë u refuzova.

Hebrenjtë, Vetë populli Im, më përçmonin Mua.

Farisenjtë shikonin me përçmim mbi Mua dhe megjithatë, kur ata e dëgjonin Fjalën Time të Shenjtë, ata nuk mund të më shpërfillnin Mua kaq lehtë.

Kjo ishte sepse Fjalët e Mia lëshonin një Shkëndijë në shpirtrat e tyre, të cilën e kishin të vështirë ta mënjanonin.

Kështu ata vazhdonin të ktheheshin tek Unë, herë pas here, për të më hetuar.

E njëjta gjë po ndodh edhe sot. Ju që thoni se e mohoni Fjalën Time, e folur përmes profetit Tim, nuk mund të largoheni aq lehtë.

Pavarësisht nga deklarimet tuaja refuzuese, ju vazhdoni të ktheheni herë pas here.

Me kalimin e kohës, ju do ta pranoni Fjalën Time, që po ju tregohet sot.

Ju nuk duhet të bëni të njëjtin gabim, i bërë nga ata që jo vetëm më refuzuan Mua, por që edhe më kryqëzuan.

Ju lutem. Mos më kryqëzoni Mua përsëri.

Më lejoni Mua t’ju udhëheq drejt shpëtimit, duke më dëgjuar Mua tani, ndërsa ju thërras nga Qielli, për t’ju përgatitur për shpëtim dhe për Parajsën Time të Re.

Jezusi juaj i dashur

https://fatherofloveandmercy.wordpress.com/2012/03/30/i-beg-you-do-not-crucify-me-again/

Jezusi zbulon detajet e Kryqëzimit të Tij

E Enjte, 29 Mars 2012, në 13:15

Bija Ime fort e dashur, koha që Unë të vuaj më shumë do të vijë, kur Mundimi Im në Kryq të përkujtohet.

Asnjë njeri nuk e kupton shkallën e vuajtjes Sime, gjatë Kryqëzimit Tim apo se në çfarë mënyre Unë u fshikullova.

Torturimi Im me kamzhik ishte më i keqi i mundshëm. Unë u godita egërsisht - nga dhjetë burra dhe çdo centimetër i trupit Tim u fshikullua.

Mishi në pjesën e Kurrizit Tim u shqye dhe Kockat e Shpatullave të Mia ishin të dukshme.

Unë mezi mund të qëndroja në këmbë dhe njërin Sy e kisha të nxirë dhe të dërrmuar.

Unë mund të shikoja vetëm me Syrin e majtë.

Në kohën kur më çuan Mua para Poncit Pilat dhe më vendosën Kurorën me Gjemba në Kokë, Unë mezi mund të qëndroja në këmbë.

Më pas ata më zhveshën komplet, përpara se të më vinin një rrobë të kuqe të shkurtër përmbi Kokë, dhe pastaj vendosën një degë palme në Dorën Time të djathtë.

Çdo gjemb ishte si një gjilpërë, kaq të mprehtë ishin. Njëri prej këtyre gjembave gjithashtu e shpoi Syrin Tim të djathtë, i cili më la Mua pothuajse të pa-aftë për të shikuar.

Unë humba kaq shumë Gjak sa fillova të vjell dhe isha kaq i trullosur sa kur fillova ngjitjen Time për në Kalvar, nuk isha në gjendje të mbaja Kryqin.

Unë rashë aq shumë herë, sa u deshën orë përpara se të arrija majën e kodrës.

Unë isha goditur dhe fshikulluar në çdo hap të udhës.

Trupi Im ishte i tëri i gjakosur dhe i mbuluar me një djersë të trashë e prodhuar prej diellit përcëllues.

Disa herë më ra të fikët.

Për sa shumë kjo të ishte e dhimbshme dhe agonizuese, më e frikshmja nga të gjitha ishte urrejtja e treguar ndaj Meje, jo vetëm nga të rriturit përgjatë rrugës, por edhe nga fëmijët, të cilët më godisnin Mua me shkelma, pasi ata ndiqnin shembullin e prindërve të tyre.

Britmat që dilnin prej gojëve të tyre dhe urrejtja nuk ishin asgjë në krahasim me frikën që ata kishin ndaj Meje. 

Sepse, pas gjithë kësaj, ata nuk ishin akoma të sigurt nëse Unë isha apo jo, në të vërtetë, Mesia, që ata ishin duke e pritur prej kaq kohësh.

Ishte më e lehtë, kështu, që të më urrenin Mua, të më mohonin Mua, sesa të më pranonin Mua, sepse kjo do të thoshte që atyre do iu duhej të ndryshonin udhët e tyre.

Momenti Im më i dhimbshëm, ishte kur Unë dergjesha në tokë në njërën anë, i goditur përsëri me shkelma në kurriz, dhe pashë Nënën Time të dashur që po më shikonte Mua.

Ajo ishte me zemër të thyer dhe duhej të mbahej nga dy prej dishepujve të Mi.

Unë mund ta shikoja atë vetëm përmes njërit Sy të mbetur, dhe nuk mund të duroja të shikoja vuajtjen e saj.

Talljet, britmat dhe ulërimat nga turmat prej qindra njerëzish mund të ndjeheshin nga toka ku Unë dergjesha dhe u deshën 600 ushtarë për të organizuar dhe mbikëqyrur Kryqëzimin Tim dhe të gjashtë të tjerëve.

Unë isha qendra kryesore e vëmendjes së tyre dhe të tjerët nuk vuajtën siç vuajta Unë.

Kur Kyçet e Duarve të Mia, tek baza e Gishtave të Mëdhenj, u gozhduan në Kryq, Unë nuk mund të ndjeja më asgjë.

Trupi Im ishte kaq i dëmtuar dhe i ënjtur saqë kisha kaluar në shok.

Shpatullat e Mia ishin zhvendosur dhe Krahët e Mi ishin shkulur nga vendi i tyre.

Dëmi më i keq fizik u krye mbi Trupin Tim, përpara se Unë të gozhdohesha në Kryq.

Unë nuk nxora asnjë britmë.

Asnjë protestë.

Vetëm një pëshpërimë.

Kjo i tërboi ekzekutuesit e Mi, të cilët donin të shikonin një reagim për të kënaqur epshet e tyre.

Unë kurrë nuk u angazhova me ata, sepse po ta bëja, kjo do të thoshte që Unë të angazhohesha me Satanin dhe djajtë e tij, që i infektonin shpirtrat e tyre.

Kjo ishte arsyeja se përse egërsia e tyre ndaj Meje ishte kaq intensive.

Unë qëndrova i varur në Kryq për pesë orë.

Dielli ishte përcëllues dhe nuk kishte re për ta penguar djegien e Lëkurës Sime.

Sapo Unë dhashë frymën Time të fundit, Ati Im dërgoi re të zeza, si dhe bubullima e vetëtima.

Stuhia që filloi ishte e një shkalle kaq të frikshme dhe aq e papritur, sa spektatorët e Mi nuk kishin më asnjë dyshim në atë moment se Unë isha, me të vërtetë, Shpëtimtari që kishte qenë dërguar nga Hyji Atë. 

Unë ta zbuloj këtë, bija Ime, si një Dhuratë për ty, si shpërblim për aktin madhështor të vuajtjes që ti më ke ofruar Mua.

Tregoju fëmijëve të Mi se Mua nuk më vjen keq për Mundimin Tim në Kryq.

Ajo që më vjen keq është se Sakrifica Ime është harruar dhe se shumë njerëz e mohojnë që Kryqëzimi Im ndodhi me të vërtetë.

Shumë nuk e kanë fare idenë se çfarë m’u desh Mua të vuaja, sepse shumë nga apostujt e Mi nuk e dëshmuan ngjitjen Time drejt Kalvarit.

Ajo çfarë më lëndon Mua sot është se shumë njerëz më mohojnë Mua akoma.

Thirrja Ime për ju, ndjekësit e Mi, është që të mos lejoni që Kryqëzimi Im të shkojë dëm.

Unë vdiqa për TË GJITHA mëkatet, duke përfshirë ato që kryhen sot.

Unë dëshiroj dhe Unë duhet t’i shpëtoj, madje edhe ata që më mohojnë Mua, edhe sot.

Shpëtimtari juaj i dashur
Jezu Krishti

https://fatherofloveandmercy.wordpress.com/2012/03/29/jesus-reveals-details-of-his-crucifixion/