Unë nuk mund të duroj kur mendoj për ata shpirtra të zvarritur në Ferr nga Satani

E Martë, 13 Dhjetor 2011, në 20:15

Bija Ime më e dashur, përgatitjet janë të rëndësishme për të gjithë ndjekësit e Mi ndërsa Paralajmërimi afrohet.

Të gjithë ata besimtarë duhet të luten fort për faljen e mëkateve të tyre, me qëllim që të shmangin dhimbjen e Purgatorit, të cilën shumica e njerëzve në botë do ta përjetojnë menjëherë pas Paralajmërimit, për një kohë të shkurtër.

Lutuni, lutuni për të gjithë ata që do të jenë të traumatizuar kur ata të shikojnë gjendjen e shpirtrave të tyre, kur mëkatet t’iu shfaqen atyre gjatë Paralajmërimit.

Ata duhet ta kuptojnë se mëkatet e tyre duhet t’iu tregohen, përpara se ata të pastrohen nga gjithë mëkati, në mënyrë që të mund të hyjnë në Parajsën Time të Re në Tokë – Epokën e Re të Paqes, Dashurisë dhe Lumturisë, të cilën secili nga fëmijët e Mi duhet ta trashëgojë.

Zemra Ime është e mbushur me Gëzim sepse Unë i sjell njerëzimit këtë Dhuratë të madhe. Por, trishtimi Im mbetet për shkak të atyre që thjesht do ta refuzojnë mundësinë e kësaj Jete të Re.

Unë kam nevojë për kaq shumë lutje, fëmijë, që Satani të mund të ndalohet së vjedhuri shpirtra. Ai do të vazhdojë ta bëjë këtë deri në minutën e fundit.

Unë nuk mund të duroj të mendoj për ata shpirtra që do të zhvaten nga Unë, duke klithur dhe shkelmuar në protestë ndërsa ai dhe ndjekësit e tij i tërheqin ata zvarrë në thellësitë e Ferrit.

Më ndihmoni Mua, fëmijë, ta ndalojmë këtë përmes lutjeve tuaja.

Fëmijë, këta shpirtra duhet ta refuzojnë Satanin dhe udhët e tij plotësisht, nëse duan të hyjnë në Parajsën e Re. Ata ose duhet të kthehen tek Unë me dëshirë ose fare.

Ata kanë dy zgjedhje, Parajsën e Re mbi Tokë ose thellësitë e mallkimit të përjetshëm në shoqërinë e Satanit.

Kurrë mos e dyshoni ekzistencën e Ferrit, fëmijë. Të jeni të vetëdijshëm se çdo shpirt i errët, në çastin e vdekjes, tërhiqet zvarrë nga djajtë e Satanit në Ferr dhe torturohet përjetësisht. Për të gjitha premtimet e tij, Satani ka krijuar një situatë të tmerrshme torturash për shpirtra të tillë. Për shkak të urrejtjes së tij për njerëzimin këta shpirtra do të vuajnë përtej durimit të tyre. Por ata duhet të durojnë përjetësisht.

A nuk e dinë këta shpirtra se çfarë sjellin premtimet e Satanit?

A nuk e dinë ata se pasuritë, fama dhe materializmi joshës do të krijojnë një udhë të hapur drejt e në krahët e të ligut?

Zgjohuni të gjithë ju, sa e keni mundësinë. Shpëtoni veten tuaj dhe ata mëkatarë të gënjyer, të gjorë nga ky fund i tmerrshëm i ekzistencës suaj.

Ju nuk keni shumë kohë. Le të fillojë lutja për këta shpirtra sot.

Shpëtimtari juaj

Jezu Krishti

https://fatherofloveandmercy.wordpress.com/2011/12/13/i-cant-bear-to-think-of-those-souls-dragged-by-satan-into-hell/

Shpirtrat e ngurtë nuk do ta kenë Paralajmërimin të lehtë

E Premte, 30 Shtator 2011, në 21:15 

Bija Ime fort e dashur, detyra Ime për t’i kthyer shpirtrat rritet tani në intensitetin e vet.

Ju lutem që të paralajmëroni sa më shumë njerëz të mundeni për t’i përgatitur shpirtrat e tyre përpara Paralajmërimit.

Informoni të gjithë ata priftërinj, murgesha, peshkopë dhe grupe të tjera, të cilët besojnë në Atin Tim të Përjetshëm, që ta dëgjojnë Fjalën Time. Kaq shumë nga fëmijët e Mi janë në errësirë të tillë saqë Drita e Lavdisë Sime Hyjnore do t’i lëndojë shpirtrat e tyre. Ata do të ndjejnë dhimbje të vërtetë sepse nuk do të jenë në gjendje t’i bëjnë ballë kësaj Vepre Madhështore të Mëshirës Sime.

Disa njerëz buzëqeshin me dëfrim ndaj këtyre Mesazheve të Shenjta. Kjo më bën Mua të trishtuar. Jo sepse ata nuk e besojnë se Unë u flas atyre në këtë mënyrë, por sepse ata nuk dëshirojnë të besojnë tek Unë. Për të gjithë ju që jeni të shqetësuar për të dashurit tuaj, ju lutem të luteni që pastrimi me të cilin ata do të përballen gjatë Paralajmërimit t’i sjelli ata, përfundimisht, në Zemrën Time.

Unë kërkoj që të gjithë ndjekësit e Mi tani ta mbrojnë veten nga Satani. Ata duhet ta spërkasin çdo cep të shtëpisë së tyre me Ujë të Bekuar, të mbajnë një Kryq te Shën Benediktit dhe të mbajnë Rruzaren pranë. 

Lutjuni gjithashtu Shën Mikaelit Krye-engjëll. 

Satani dhe ushtria e tij e ndjekësve do të bëjnë gjithçka për t’ju bindur se nuk jam Unë Ai që po flet. Satani dhe djajtë e tij do të fillojnë t’ju mundojnë dhe të vendosin dyshime të tmerrshme në mendjet tuaja. Ju, fëmijët e Mi, mund ta ndaloni atë duke ndjekur udhëzimet e Mia. Për fat të keq, ai do t’i kthejë mendjet e shpirtrave të dobët në refuzim të plotë ndaj Meje.

Shpirtrat e ngurtë nuk do ta kenë Paralajmërimin të lehtë. Ata do të debatojnë rreth mënyrës se si ata më kanë fyer Mua. Madje edhe zjarret përcëlluese të Ferrit, që ata do të përjetojnë gjatë Paralajmërimit, nuk do t’i fshijnë të gjitha dyshimet ndaj Ekzistencës Sime.

Shumë do të përhapin gënjeshtra rreth Paralajmërimit pasi të ndodhë. Ata, pa-fetë, të cilët janë skllevër të Satanit do të krijojnë një gënjeshtër, të cilën ata do ta përhapin ngado. Argumente shkencore do të paraqiten për ta shpjeguar Ngjarjen. Ata nuk duan ta dëgjojnë të Vërtetën. Për ata duhet lutur. Kaq fort e ka mbërthyer botën kapja e Satanit, saqë Emri Im nuk do të shqiptohet në publik. Diskutimi i Ekzistencës Sime mbi Tokë shihet të jetë një temë e sikletshme bisede.

Emri Im sot përdoret kryesisht përmes përdorimit të gjuhës së paedukatë, apo më keq, nga rrëshqitja e gojës kur mallkoni. Por më dëgjoni Mua tani. Emri Im do të dëgjohet dhe pranohet edhe një herë pas Paralajmërimit, nga ata që do të kthehen në besim. Pastaj Emri Im do të përdoret kur ata, fëmijët e Mi, do të luten tek Unë.

Jezusi juaj i dashur

https://fatherofloveandmercy.wordpress.com/2011/09/30/hardened-souls-will-not-find-the-warning-easy/

Ndëshkimi mund të zbutet përmes lutjes

E Hënë, 12 Shtator 2011, në 12:00

Bija Ime fort e dashur, shumë shpejt tani bota do të ndalojë dhe periudha pas Paralajmërimit do ta ndryshojë mënyrën se si njeriu do ta shikojë botën. Kënaqësitë dhe teprimet materiale nuk do të kënaqin më. Njerëzit nuk do t’i trajtojnë më si zota, idhujt që ata i bëjnë prej njerëzve të famshëm dhe pasurisë. As edhe nuk do të jenë më aq të shpejtë për ta dënuar apo për ta trajtuar fqinjin e tyre mizorisht.

Bota e re, pas Paralajmërimit, do të jetë një vend ku dashuria për Mua dhe Hyjin Atë do të nderohet me respekt. Shumë udhëheqës nëpër vende, jo të besimit të Krishterë, do t’i bëjnë nderime Atit Tim. Ata në vende pushteti, që kontrollojnë financat e popullit, do të pendohen, në numër të madh. Më shumë të tjerë do t’i heqin shtresat e tyre të pushtetit dhe do të bashkë-ndajnë me vëllezërit dhe motrat e tyre bukën që vjen nga Hyji Atë. Sepse kjo bukë është për të gjithë dhe është dhënë për t’u ndarë në mënyrë të barabartë.

Shumë gjëra të mira do të zhvillohen si rezultat i Paralajmërimit. Megjithatë, shumë shpirtra nuk do të jenë mjaft të fortë në besimin e tyre. Ata, për fat të keq, do të kthehen prapa në udhët e tyre të vjetra. Të joshur nga premtimet e pushtetit, pasurisë, kontrollit dhe dashurisë për vetveten, ata do ta refuzojnë Hyjin Atë. Ata do ta njohin të Vërtetën, por kjo prapë nuk do të jetë e mjaftueshme për ta. Këta mëkatarë të gjorë e të dobët do të jenë një gjemb në anën tuaj, fëmijë. Pa lutjet tuaja mëkatet e tyre do të shkaktojnë rrëmujë në një botë, që do të jetë përmirësuar gjatë pastrimit të saj të ri.

Lutja, fëmijët e Mi, është kaq e rëndësishme. Ju duhet t’i kërkoni Hyjit Atë që ta pranojë kërkesën tuaj për ta shtypur persekutimin, që po planifikohet nga këta njerëz. Lutja e mjaftueshme mund, dhe do të evitojë, shumë prej tmerrit që këta mëkatarë do të përpiqen të shkaktojnë nëpër botë. Sa shumë prej jush janë të verbër ndaj planit që po kurdiset prapa shpinave tuaja. Shenjat po zbulohen me shumicë, por ju nuk po arrini t’i dalloni ato.

Fëmijët e Mi, ndërsa besimi juaj rritet lutuni që Shpirti i Shenjtë të mund të përhapet tek këta mëkatarë dhe t’ua pushtojë shpirtrat e tyre. Unë, Jezusi juaj i shtrenjtë, ju mbroj, ndjekësit e Mi të dashur. Nën urdhrin Tim Unë ju udhëzoj që të luteni, jo vetëm për këta shpirtra të rënë, por që persekutimi i burrave, grave dhe fëmijëve të thjeshtë të eliminohet. Nëse këta keqbërës, që do ta kundërshtojnë Atin Tim, vazhdojnë të terrorizojnë njerëz të pafajshëm përmes kontrolleve të reja që ata do të vënë në zbatim nëpër botë, ata do të ndëshkohen.

Këtyre mëkatarëve po iu jepet Mëshira më e madhe e mundshme që nga Kryqëzimi Im. Ata duhet ta përqafojnë Paralajmërimin, sepse kjo është hera e fundit që atyre do t’iu ofrohet mundësia e shpengimit. Përndryshe ata do të përballin një dënim të tmerrshëm. Ky dënim, që do të sillet nga Dora e Drejtësisë Hyjnore, përmes Atit Tim të Përjetshëm, nuk është i dëshirueshëm. Ndërsa nga njëra anë ky Ndëshkim i Madh ka qenë profetizuar, ai mund të zbutet përmes fuqisë së lutjes.

Shpëtimtari juaj i dashur

Mbreti i Mëshirës, Jezu Krishti

https://fatherofloveandmercy.wordpress.com/2011/09/12/chastisement-can-be-mitigated-through-prayer/

Kushdo që deklaron të jetë Unë, është një gënjeshtar, sepse Unë kurrë nuk do ta Manifestoj më Veten si njeri

E Diel, 17 Korrik 2011, në 15:40

Bija Ime fort e dashur, një nga kohët më ngatërruese do të dalë në pah së shpejti, kur, jo vetëm ata që pohojnë se vijnë në Emrin Tim do të jenë të rremë, por do të jenë edhe ata që do të deklarojnë se jam Unë. 

Fëmijët e Mi duhet ta kuptojnë këtë. Unë erdha herën e parë si njeri për të shpëtuar njerëzimin nga mëkati. Këtë herë Unë do të vij për të Gjykuar. Ndërsa shumë do të vijnë ballë për ballë me Mua gjatë Paralajmërimit, Unë nuk do të vij për herë të dytë deri në Ditën e Gjykimit.

Kushdo që deklaron të jetë Unë, është një gënjeshtar. Shpirtra të tillë, dhe ka shumë prej tyre, bija Ime, nuk kanë qëllim të lëndojnë. Aq të mashtruar janë ata saqë mashtruesi i bind njerëz të tillë se ata jo vetëm kanë fuqi Hyjnore, por se ata janë Biri i Hyjit i Mishëruar. Por kjo është e pavërtetë, sepse Unë kurrë nuk do ta manifestoj Veten Time në një tjetër qenie njerëzore mbi këtë Tokë. Kjo nuk mund të ndodhë kurrë. Asnjë njeri nuk është i denjë për një nder të tillë, sepse kjo nuk ka qenë parathënë.

Shumë do të dalin tani dhe të deklarojnë se ata janë Unë, Jezu Krishti, Biri i Hyjit. Për këta shpirtra të gjorë, Unë ju them këtë. Bini në gjunjë tani dhe kërkojini Hyjit Atë që t'ju mbrojë nga mashtruesi. Ai do që t'ju ngatërrojë me qëllim që nga ana tjetër, ju jo vetëm të ngatërroni fëmijët e Mi që e presin kthimin Tim në Tokë, por do t’i acaroni talljet e shprehura nga ateistët. Jo vetëm që ju i sillni turp Emrit Tim, por ju pa e ditur po i ktheni njerëzit kundër besimit të tyre në Hyjin Atin e Gjithëpushtetshëm.

Unë gjithashtu dëshiroj t'i paralajmëroj ata që pohojnë se kryejnë mrekulli. Kushdo që bën deklarata të tilla, se mban fuqi të tilla, nuk do të jetë nga Hyji, sepse ka vetëm një Hyj dhe vetëm Ai ose Unë, Biri i Tij i dashur, Jezu Krishti, mund të bëjmë gjëra të tilla. Satani nga ana tjetër zotëron gjithashtu fuqi. Ai mund të krijojë iluzione. Në rastin e kurimeve mrekullibërëse që Satani mund të bëjë, përmes atyre të ashtu-quajturve shërues besimi fuqitë e të cilëve burojnë nga okulti, zgjidhje të përkohshme ndodhin, ku mrekullitë mund të duken të jenë arritur. Por ato nuk do të zgjasin shumë. Satani do të sjellë gjithashtu të ashtu-quajturat mrekulli përfshirë vizionet, të para nga shumë, në qiell. Përsëri ato janë iluzione dhe jo nga Hyji.

Fëmijë, ju, ndërsa po përpiqeni të tregoni besnikërinë tuaj ndaj Meje, jeni duke u tunduar nga forcat djallëzore çdo ditë të vetme. Ju duhet vetëm të përqendroheni tek Unë dhe Ati Im i Përjetshëm. Dhe ta kujtoni, Unë nuk eci mbi këtë Tokë si një qenie njerëzore. Unë mund të jem i pranishëm mbi Tokë në Shpirt, por Unë kurrë nuk do ta manifestoj Veten Time në ndonjë njeri.

Lutuni për udhëzim çdo ditë dhe për dijen për të qenë në gjendje t'i dalloni gënjeshtrat nga e Vërteta.

Shpëtimtari juaj i dashur
Jezu Krishti

https://fatherofloveandmercy.wordpress.com/2011/07/17/any-man-who-claims-to-be-me-is-a-liar-for-i-will-never-manifest-myself-in-man/

Njerëz të Zakonshëm, Njerëz të Mirë më Kthejnë Mua Shpinën

E Enjte, 23 Qershor 2011, në 21:10

Bija Ime fort e dashur, gëzimi që ti ndjen sot është si rezultat i hireve të hedhura mbi ty gjatë Adhurimit dje. Tani ti e di se sa e rëndësishme është që të më lejoni Mua të hedh hire të tilla mbi shpirtrat gjatë kësaj kohe më të veçantë kur jeni në shoqërinë Time personale.

Si t’i identifikoni shpirtrat e humbur

Sot Unë dua t’ju flas për shpirtrat e humbur në botë dhe si t’i identifikoni ata. Ndjekësit e Mi shpesh gabimisht besojnë se shpirtrat e humbur janë ata në mëkat mortor. Kjo nuk është plotësisht e vërtetë. Një shpirt i humbur mund të jetë një person që nuk beson tek Unë, apo tek Ati Im i Përjetshëm. Një shpirt i humbur mund të jenë gjithashtu ata fëmijë kaq të dhënë pas përpjekjeve të tyre të përditshme për të fituar para, për të ndërtuar pasuri, karrierë dhe duke dëshiruar gjëra materiale. 

Gjithçka për shkak të gëzimit që ata besojnë se këto gjëra do t’iu sjellin atyre në jetën e tyre të ardhshme. Këta janë njerëz të zakonshëm, njerëz të mirë, por që më kthejnë Mua shpinën.

Shumë nga këta fëmijë të Mi janë zemër mirë. Ata mund të jenë plot me dashuri për njerëzit, familjet dhe miqtë e tyre. Ata mund të jenë të njohur dhe të pëlqyer. Dhe prapë ata mund të jenë shpirtra të humbur. Si është kështu mund të pyesni ju? Sepse ata nuk besojnë se shpirti i tyre është po aq i rëndësishëm sa edhe nevojat e tyre fizike dhe prandaj ata e neglizhojnë atë. Duke e neglizhuar shpirtin e tyre ata janë të prirur ndaj tundimeve të hedhura në udhën e tyre çdo ditë. Ata e kanë të vështirë t’i rezistojnë të mirave materiale pa menduar se koha që ata investojnë në ambiciet e tyre mund të kalohet duke treguar dashuri ndaj të tjerëve përmes artit të ndarjes me të tjerët. Në përpjekjet e tyre për para ata mund të bëhen krenarë. Krenaria e bën të vështirë të silleni si një ndjekës i Imi i vërtetë.

Fëmijë, nëse ju e kaloni gjithë kohën tuaj duke ndjekur ëndrrat që ju besoni se kjo botë ka për t’ju ofruar – pasuri, zotërime dhe pozita pushteti – mbetet fare pak kohë për t’u lutur apo për t’i ushqyer shpirtrat tuaj për jetën tjetër. Kaq shumë nga fëmijët e Mi kurrë nuk mund ta kuptojnë se përse të mirat materiale i lënë ata të zbrazët përbrenda. Ata nuk i dëgjojnë ata ndjekës të Mi të cilët e njohin të Vërtetën. Duke mos arritur ta pranojnë Ekzistencën e Hyjit Atit të Gjithëpushtetshëm, ata nuk mund të arrijnë të kënaqin njeri tjetër përveçse veten e tyre. Nga jashtë këta njerëz bëjnë jetë aktive, të shëndetshme, me argëtime dhe pa shqetësime në botë. Por ky lloj të jetuari nuk mund të arrihet në mënyrën e duhur pa besuar në jetën e përjetshme. Përulësia mungon në jetën e tyre.

Ju mund të thoni, në mbrojtje të tyre, se ata duhet t’i ushqejnë familjet e tyre dhe të kujdesen për të tjerët që varen prej tyre dhe prandaj ata punojnë drejt këtyre qëllimeve. Përgjigja Ime është jo ata nuk e bëjnë këtë. Ata nuk kanë për qëllim të ushqejnë familjet e tyre. Në shumë raste ata synojnë për më tepër për të kënaqur joshjet e tyre. Sa më shumë që e bëjnë këtë, aq më tepër ata bëhen të humbur për Mua dhe Atin Tim të Përjetshëm.

Nëse fëmijët e Mi nuk zgjohen dhe të njohin mënyrat me të cilat Satani i përdor të gjitha joshjet e lavdishme të botës, për t’ju zhytur në një ndjenjë të rreme të sigurisë materialiste, ju nuk mund të vini tek Unë. Koha duhet kaluar në këtë jetë për ta lavdëruar Krijuesin tuaj – të kujdeseni për fqinjin tuaj përmes punëve të bamirësisë – duke i vënë nevojat e të tjerëve para atyre tuaja – duke ecur në hapat e Mia.

Nëse fëmijët e Mi që nuk besojnë në Hyjin Atë, apo që e besojnë Atë por që e zgjedhin më të përshtatshme që të lënë mënjanë ndonjë nderim ndaj Tij sepse janë më të preokupuar me çështjet materiale, do ta kenë të vështirë të hyjnë në portat e Qiellit, Parajsa e Vërtetë që ata dëshirojnë. Toka është vetëm një fazë në gjithë qenien tuaj. Qielli, madje edhe një shikim i shpejtë i çfarë ai ofron, nuk mund të përjetohet në jetën tuaj mbi Tokë. Asnjë nga këto kënaqësi të botës nuk ia vlen t’i ndiqni nëse kjo do të thotë se do të humbisni xhevahirin që është Qielli.

Cilësitë kryesore për të hyrë në Mbretërinë Time të Lavdishme janë besimi, dashuria, përulësia dhe një dëshirë për të më kënaqur Mua.

Mësuesi juaj i dashur dhe Shpëtimtari i gjithë Njerëzimit
Jezu Krishti

https://fatherofloveandmercy.wordpress.com/2011/06/23/ordinary-people-good-people-turn-their-backs-on-me/

Gjithmonë të bëni kujdes ndaj përçarjeve që dëshmoni në botë

E Mërkurë, 13 Gusht 2014, në 16:03

Bija Ime fort e dashur, zemërimi i Satanit kurrë nuk ka qënë kaq intensiv sa ai shkakton vuajtje të çdo lloji mbi fëmijët e Hyjit, në çdo skaj të botës. Sa më e madhe trazira aq më e madhe është prania dhe influenca e tij. Por ai është i pafuqishëm i vetëm dhe është vetëm përmes influencës, që ai ushtron mbi ata që janë të hapur ndaj tij, që ai mund të shkaktoj persekutime të tilla djallëzore.

Sa më shumë shpirtra që ai zapton aq më i keq është persekutimi dhe aq më shumë ai torturon. Kur njerëzit që janë besnikë ndaj Meje, e lejojnë atë të krijoj rrëmujë dhe dëshpërim në zemrat e tyre, helmi që derdhet është i llojit më të keq. Është atëherë kur ata kthehen kundër njëri tjetrit, luftojnë dhe përçahen deri sa e shkatërrojnë njëri tjetrin.

Gjithmonë të bëni kujdes ndaj përçarjeve që dëshmoni në botë, qofshin ato në politikë, në fe apo mes ndjekësve të Mi, sepse ato i kanë gjithmonë rrënjët në strehën e bishës, sundimi i të cilit mbi njerëzimin i ka ardhur fundi. Megjithatë, ai nuk do të ndaloj për asnjë sekondë në planin e tij për të shkatërruar të gjithë besnikërinë ndaj Meje, Jezu Krishtit.

Është vetëm kur ju e pranoni Fjalën Time, ndërsa Unë e jap tani tek juve, që ju do të gjeni hirin për të më kërkuar Mua t’ju drejtoj përmes këtij rreziku djallëzor. Asnjë nga ju nuk është mjaft i fortë në besimin tuaj për të luftuar influencën e djallit.

Pa lutje ditore, ku ju lypni për Ndihmën Time, ju nuk do të jeni në gjëndje të qëndroni pranë Krahë Meje. Por kur Unë hedh hire të tilla mbi ju, ju do të bëheni të guximshëm dhe do ta keni forcën për të qëndruar besnikë ndaj Meje. Vetëm atëherë e Vërteta do t’ju mbroj.

Jezusi juaj

https://fatherofloveandmercy.wordpress.com/2014/08/13/always-be-wary-of-the-divisions-you-witness-in-the-world/

Ju do të jeni po aq fajtor sa dhe ata që ishin përgjegjës për dorëzimin Tim tek egzekutuesit e Mi

E Mërkurë, 28 Maj 2014, në 08:40

Bija Ime fort e dashur, Premtimi Im për të ardhur përsëri do të përmbushet. Asgjë nuk mund ta pengoj Ardhjen Time të Dytë, por prapë ata që më njohin se Kush Jam Unë dhe që punojnë për kundërshtarët e Mi me zemër të hapur dhe të gatshme besojnë se ata mund të shkatërrojnë shpirtra para kësaj Dite të Madhe.

Kundërshtarët e Mi, ta dini këtë. Unë ju njoh ju. Unë mund t’i shikoj shpirtrat tuaj. Unë mund ta shikoj se çfarë ligësie banon brënda zemrave tuaja. Unë mund të shikoj gjithashtu edhe të mirën, që ndodhet për krah saj brënda jush. Më dëgjoni Mua, ndërsa Unë ju zbuloj të Vërtetën e çfarë ka për të ardhur.

Nëse ju më doni Mua, do të inkurajoheni të mos e bëni këtë.

Nëse ju besoni në Mesimet e Mia, do t’ju kërkohet të besoni në një alternativë të re të rreme.

Nëse ju besoni se Unë Jam duke komunikuar me ju, përmes këtyre Mesazheve, ju do të bindeni nga i ligu se këto Fjalë nuk vijnë nga Unë. Prandaj, ju do të tundoheni të më tradhëtoni Mua dhe ju do ta bëni këtë duke persekutuar shërbëtorët e Mi, të cilët e mbështesin këtë Mision. Ju do të bëheni tradhëtarët e këtij Misioni dhe, si të tillë, ju do të jeni po aq fajtor sa edhe ata që ishin përgjegjës për dorëzimin Tim tek egzekutuesit e Mi.

Nëse ju nuk më dëgjoni Mua, atëherë kjo varet nga ju dhe Unë nuk do t’ju mbaj përgjegjës, sepse Unë kurrë nuk do ta detyroj Vullnetin Tim mbi ju. Është më mirë për ju të më shpërfillni Mua dhe të ndiqni Mësimet e Mia, sesa të shkaktoni vuajtje mbi të tjerët.

Tani që Plani Im për të shpëtuar miliarda shpirtra ka filluar, dijeni se Unë do të ngrihem mbi vullnetin e njerëzve që më kundërshtojnë Mua. Asgjë – asnjë fjalë – asnjë veprim – asnjë punë – asnjë ligësi e ndonjë lloji - nuk mund të më ndalojnë Mua në përpjekjen Time për të shpëtuar njerëzimin. Ata që pengojnë udhën e Hyjit do të jenë të pafuqishëm dhe, në fund, do të shtrihen me fytyrë përtokë të dëshpëruar para Meje në Ditën që Unë vij për të gjykuar.

Jezusi juaj

https://fatherofloveandmercy.wordpress.com/2014/05/28/you-will-be-just-as-guilty-as-those-who-were-responsible-for-handing-me-over-to-my-executioners/

Gjarpëri i jep antikrishtit mesazhe të veçanta, të cilat ai i dokumenton me kujdes

E Mërkurë, 16 Tetor 2013, ora 23:27 

Bija Ime fort e dashur, trinia më mëkatare, e përbërë prej tre armiqëve të Mi, profeti i rremë, antikrishti dhe dragoi, që është Satani, do të ngrihet tani në kundërshtim të hapur kundër Trinisë Më Të Shenjtë. Dijeni se ata kanë me mijra e mijra dishepuj të devotshëm dhe ndërsa koha po afron, shumë ceremoni sekrete dhe të shëmtuara do të kryhen për të nderuar gjarpërin. Kaq i kujdesshëm është gjarpëri për të mos e zbuluar veten e tij të vërtetë, sa qëllimet e tij vërtetë djallëzore kundër çdo fëmije të Hyjit janë të maskuara, dhe ai e tregon veten e tij tek ata pak të zgjedhurit e tij si një princ tërheqës dhe i bukur, ku ai shfaqet para tyre në mënyrën më joshëse. Ashtu si janë komunikuar profetët e Mi të zgjedhur, po ashtu dhe gjarpëri i jep antikrishtit mesazhe të veçanta, të cilat ai i dokumenton me kujdes dhe pastaj i ndan me hierarkinë e tij në Tokë. Këto mesazhe përmbajnë udhëzime për të rrëzuar Kishën Time, në pregatitje për antikrishtin që ta marri fronin e tij dhe ta mashtroj botën të besoj se ai është Krishti, Shpëtimtari i Botës. Dëgjoni tani, të gjithë ju që e shpërfillni këtë paralajmërim. Së shpejti, shumë nga dishepujt e Mi, që më duan Mua, por që nuk besojnë në këto Mesazhe, do të hasin rrezik të madh. Plani për t’ju larguar nga Unë ka filluar, dhe nëse ju nuk qëndroni të kujdesshëm dhe vigjëlent, ju do të josheni drejt strofullës së errësirës. Ai, antikrishti, do të imitoj çdo aspekt të Hyjnisë Sime, të treguara këto nga gjarpëri. 

Ai, gjarpëri, e vëzhgoi Kryqëzimin Tim dhe vetëm ai ka njohuri mbi hollësirat, që kanë të bëjnë me këtë ngjarje të tmerrshme. Ai do të më talli Mua duke i udhëzuar shërbëtorët e tij të devotshëm t’i ri-përpunojnë ritualet, në të kundërt, në Kishën Time. Fjala Ime do të hiqet dhe pjesë të reja të turpshme do të shtohen në Të, me qëllim që të nderoj bishën dhe shumë nuk do t’i kuptojnë pasojat. Merruni me djallin dhe vëreni veten tuaj në kontrollin e tij dhe kjo do t’ju çoj drejt sprovave të mëdha. I përsërisni fjalët e ndyra që ai do të fusi mes jush dhe ju do ta hapni shpirtin tuaj tek ai. Adhurojeni atë, duke e dashur antikrishtin kur ai të marshoj me arrogancë para jush dhe ju do ta fusni atë në zemrat tuaja, dhe jo Mua. Gjithçka që Unë ju kam mësuar do të jetë e kundërt, përmbys, dhe anasjelltas. Për arsyen se shumë nuk i kuptojnë me të vërtetë Mësimet e Mia dhe se pak prej jush e kanë dëgjuar me kujdes Ungjillin, në lidhje me ngjarjet që çojnë drejt Ardhjes Sime të Dytë, ju nuk do të jeni më të mënçur. Oh sa më thyhet Zemra Ime kur duhet t’ju zbuloj këtë lajm. Sa do të doja Unë që ju të mos vuanit kështu. Por, Unë ju premtoj, Unë do t’ju lehtësoj dhimbjen dhe sundimi i tij, kur të ndodhi, do të jetë i shpejtë.

Shpirtrave që janë kapur pafajësisht në këtë shpërfytyrim të Hyjnisë Sime, do t’ju tregohet Mëshira Ime. Për fat të keq, ata që besojnë se do të mbretërojnë në një parajsë, e premtuar atyre nga mashtruesi, do ta gjejnë veten të hedhur në liqenin e zjarrit ku do të vuajnë përjetësisht. Nuk do të ketë njeri për t’i ndihmuar ata, sepse ata do të kenë gëlltitur gënjeshtrat, e sajuara për të fituar besimin e tyre, të cilat do të çojnë në humbjen e shumë shpirtrave që do ta ndjekin verbërisht doktrinën e tyre të rreme. Lutuni për Mëshirë për ata që do të mashtrohen nga mbreti i errësirës.

Jezusi juaj https://fatherofloveandmercy.wordpress.com/2013/10/16/the-serpent-gives-the-antichrist-special-messages-which-he-documents-carefully/

Ju duhet të luteni për shpirtrat e tyre, sepse ata i kanë shitur ato

E Enjte, 29 Gusht 2013

Bija Ime fort e dashur, ata prej jush që i lusin Lutjet e Mia të Kryqëzatës me zell, e dinë se Unë sjell çlirim nga kurthet e djallit në botë.

Gjarpëri i vjetër rrëzohet dhe pengohet duke humbur shumë fuqi kur ju përpiqeni të thoni Kryqëzatën Time të Lutjeve, çdo ditë. Dhe ndërsa koha e sprovave të mëdha vazhdon, lutjet tuaja do të krijojnë shumë pengesa në planet e krijuara nga fuqitë Masonike në botë, të cilat janë përpiluar për të krijuar trazira me qëllim që të kontrollojë të dobëtin dhe të pashpresin.

Vetëm një Lutje e Kryqëzatës, e thënë nga zemra, është e mjaftueshme për Mua për të shkatërruar fuqinë e udhëheqësve politikanë arrogantë, të cilët nuk kanë ndërgjegje.

Egoizmi është një mallkim dhe një rrezik ndaj aftësisë së njerëzimit për të jetuar në harmoni dhe paqe. Fiksimi pas ambicjeve personale nuk sjell tjetër veçse përçarje, pasi njeriu përpiqet të dominoj mbi ata që ai e ndjen se duhet, për të fituar shumë.

Ata prej jush që i ndjekin, verbërisht, urdhërat e atyre në postet me pushtet, që ju drejtojnë juve të kryeni akte, të cilat ju i dini janë të neveritshme në Sytë e Hyjit, edhe ju gjithashtu, do të gjendeni fajtorë njëlloj si ata që ju tundojnë të kryeni ligësi të tilla. Burrat dhe gratë, fuqia e të cilëve mbi të tjerët është krijuar për shkak të korrupsionit dhe mënyrave të tjera, do t’ju duhet shumë punë për të bërë, nëse dëshirojnë të shijojnë Mbretërinë Time të Lavdishme.

Unë do ta rrëzoj egoistin dhe krenarin mes jush. Unë do t’ju hedh në tokë, deri sa ju të bëheni aq të përulët sa ata mbi të cilët ju shkelni.

Unë do t’i shkul zemrat e atyre shpirtrave të ngurtë dhe kokfortë që nuk duan t’ja dinë për nevojat e askujt, përveç se të tyret. Atyre duhet t’ju bëhet mësim se nëse ata nuk mund të duan, atëherë ata nuk duhet ta kenë atë. Në vënd të dashurisë, ata kërkojnë vetëm adhurim. Këta shpirtra të gjorë, që janë lartësuar para jush në botë, në çdo lloj forme, janë viktimat e Satanit. Në vënd që ta duartrokisni mëndjemadhësinë e tyre dhe ta pranoni nevojën e tyre të pangopur për adhurim publik, ju duhet të luteni për shpirtrat e tyre pasi shumë i kanë shitur ato.

Shumë shpirtra në pozitën e influencës mbi të tjerët, përfshi ata në politikë, botën e muzikës, medias, biznesit të argëtimit dhe atyre në financën e lartë, duhet të mbahen në zemrat tuaja, pasi shumë janë bërë skllevër të vetvetes dhe nevojave të tyre, të cilat i shërbejnë vetëm joshjes dhe dëshirave të tyre. Ata e infektojnë të pafajshmin, i cili e imition dhe e kopjon mënyrën e tij të jetesës, që i ndan ata nga Hyji.

Unë, Jezusi, e dënoj botën e idhujve të rremë të krijuar nga ata që nuk duan asgjë tjetër vetëm pushtet, pasuri dhe aftësinë për të influencuar të tjerët.

Përhapja e ateizmit është shkaktuar nga krenaria e njeriut në aftësinë e tij vetjake. Ajo është shkaktuar nga besimi i njeriut se njeriu i vdekshëm, për arsye të Dhuratë së inteligjencës njerëzore, i ka të gjitha përgjigjet për kuptimin e vërtetë të jetës së tyre në Tokë.

Shpirtrat e të rinjve janë të humbur për Mua sepse ata adhurojnë idhujt e rremë në formën e të mirave materiale, modës, muzikës dhe botës së argëtimit. Nuk është që ata nuk duhet ta shijojnë jetën – sepse kjo më sjell Mua kënaqësi – por është mungesa e tyre e dashurisë për Mua dhe për vetë trupin e tyre që më trishton Mua. Ata kanë lindur të pastër dhe të përkryer. Trupat e tyre janë një Dhuratë nga Qielli. Ata e shkatërrojnë trupin e tyre dhe nuk kanë turp të kryejnë akte të shëmtuara me qëllim që të tërheqin drejt vetes shpirtra të pafajshëm. 

Shumë prej tyre me një fuqi të tillë e kanë shitur shpirtin e tyre për dhuratat e frymëzuara djallëzisht. E vetmja arsye që atyre ju dhanë këto dhurata ishte që t’i jepnin botës kënaqësi, si një talent i dhënë atyre nga Hyji. Por, Satani i tundoi shumë dhe ju premtoi atyre, në këmbim për shpirtat e tyre, një jetë të lavdishme dhe të shkëlqyer me pasuri, adhurim, famë dhe kënaqësi. Kur ata i morën këto dhurata, ata i përdorën ato për të infektuar shpirtrat e tjerë. Dhe kështu, kjo vazhdon, deri kur miliona shpirtra të tjerë bëhen skllevër të Satanit. Shumë shpirtra që ndjekin idhujt e rremë joshen pas drogës. Ata nuk kanë aspak turp, as modesti, as dashuri të vërtetë për njëri tjetrin, pasi secili përpiqet të konkuroj për vëmëndjen më të madhe.

Kaq shumë kohë është harxhuar në betejën për vetë-lavdi, e cila është e shkaktuar nga një mani për dashurinë për vetveten, ku Hyji nuk luan asnjë rol në jetën e tyre. Shumë prej tyre e refuzojnë Hyjin hapur përmes shkatërrimit të Kryqit të Shenjtë – kaq pa turp janë ata. Dijeni se ata do të pësonin një fat të tmerrshëm, nëse Unë nuk do të ndërhyja.

Ata janë vetëm një grup i shpirtrave të humbur, të cilët Unë do t’i mbledh dhe pastaj do t’ju jap atyre Dhuratën e shpëtimit, për arsye të lutjeve tuaja, ndjekësit e Mi të dashur. Unë do t’i marr ata përmes kësaj lutje të veçantë, nën Strehën Time.

Lutja e Kryqëzatës (117) Për ata që i kanë shitur shpirtrat e tyre

Më i dashuri Jezus, Unë i dedikoj shpirtrat e (vendosi emrat e tyre këtu) dhe të të gjithë atyre që i kanë shkëmbyer shpirtrat e tyre për çmimin e famës.

Çliroji ata nga infektimi i tyre. Largoji ata nga kërcënimi i Iluminatit, që i përpin ata.

Jepua atyre kurajën për t’u larguar nga kjo robëri e ligë pa pasur frikë. Merri ata në Krahët e Tu të Mëshirës dhe riktheji në Gjendjen e Hirit, që të bëhen të denjë për të qëndruar përpara Teje.

Me anë të Hyjnisë Tënde, më ndihmo mua, përmes kësaj Lutjeje për shpirtrat e adoptuar të Satanit, t’i largoj ata nga Masoneria. Çliroji ata nga prangat që i mbajnë të lidhur dhe që përfundojnë në një torturë të tmerrshme në qelitë e Ferrit.

Ndihmoji ata, përmes vuajtjes së shpirtrave të zgjedhur, përmes lutjeve të mia dhe përmes Mëshirës Tënde, të jenë në radhët e para, të gatshëm për të hyrë në Portat e Epokës së Re të Paqes – Parajsës së Re. Unë të lutem Ty t’i çlirosh ata nga skllavëria.
Amen.

Jezusi juaj

https://fatherofloveandmercy.wordpress.com/2013/08/29/you-must-pray-for-their-souls-as-they-have-sold-them/

Kurrë mos e pranoni një kryq, që nuk i përngjan Kryqit, mbi të cilin Unë u kryqëzova

E Martë, 30 Korrik 2013

Bija Ime fort e dashur, sa të ëmbël janë zërat e atyre që më duan Mua dhe që më ngushëllojnë Mua në këtë kohë të hidhërimit të madh. Ju, ndjekësit e Mi të dashur, që kurrë nuk do të më braktisni Mua, jeni si mjalti, i ëmbël në Gojën Time, duke e lehtësuar Trupin Tim dhe duke e lartësuar Shpirtin Tim.

Shumë do të ndjekin fallcitetet, sepse ata do të kenë frikë të ngrihen dhe të mbrojnë hapur Fjalën e Hyjit. Në fillim, ata do të jenë të çorjentuar, prej praktikave të reja, simboleve të reja, veshjeve të reja, formateve të reja për altar dhe kryqeve të reja. Pastaj ata do t'i pranojnë të gjitha këto gjëra të reja, si shenjat e kohës. Kjo metodë e re, moderne, e ashtu-quajtur e bashkpunuar për të nderuar Hyjin, do të jetë e përkrahur me entuziazëm nga ata shpirtra të gjorë. Por ata që janë të Mitë do të qëndrojnë të vërtetë ndaj Fjalës Sime, për të gjitha kohët. Ata janë shtylla e Kishës Sime në Tokë dhe ata kurrë nuk do të thyhen.

Dëshira Ime është që ju, të Krishterët e Mi besnikë – të të gjitha emërtimeve – të mblidheni së bashku për të luftuar djajtë, që janë lëshuar nga Ferri dhe që vërtiten rreth jush. Kurrë mos të kërkoni ndjesë që më doni Mua. Kurrë të mos pranoni një kryq, që nuk i përngjan Kryqit, mbi të cilin Unë u kryqëzova. Kur Unë të mos Jem i pranishëm, apo nuk Jam përmendur, atëherë dijeni se infektimi është përhapur në ato Kisha, të cilat janë pregatitur nga armiqtë e Mi. Nëse ju i pranoni ritualet dhe simbolet e tyre satanike, do ta lini veten të ekspozuar ndaj të ligut.

Qëndroni të vërtetë ndaj Meje. Mbajini të thjeshta lutjet tuaja ditore. Mbani Ujë të Bekuar dhe Kryqin Tim në shtëpitë tuaja. Mbrojeni njëri tjetrin. Qëndroni të bindur ndaj atyre shërbëtorëve të Mi të shenjtë, që do të mbeten besnikë të palëkundur ndaj Meje dhe që refuzojnë të më tradhëtojnë Mua. Pastaj kalojeni pjesën tjetër të kohës suaj duke u lutur për shpirtrat e ateistëve, atyre që besojnë në zotat paganë dhe atyre që verbërisht ndjekin armiqtë e Kishës Sime drejt shkretëtirës.

Qëndroni të bashkuar fortë me Mua dhe më thërrisni Mua çdo ditë për forcë. Unë do të jem krah jush gjatë këtyre sprovave të hidhura dhe Unë kurrë nuk do t'i braktis ata që më kërkojnë Mua.

Jezusi juaj

https://fatherofloveandmercy.wordpress.com/2013/07/30/never-accept-a-cross-which-does-not-resemble-the-cross-upon-which-i-was-crucified/

Të pafajshmit e tjerë, që verbërisht ndjekin bishën dhe profetin e rremë, do të mbyllen në skllavërinë e egër

E Dielë, 28 Korrik 2013

Bija Ime fort e dashur, ju kurrë nuk duhet ta vini në dyshim Fjalën Time. Ju, nëse me të vërtetë besoni tek Unë, duhet të bëni atë që Unë dëshiroj prej jush, me qëllim që Unë të mund ta ndriçoj botën, në këtë kohë, dhe t'i pregatis ata për Fillimin e Ri.

Shumë prej çfarë po ndodh në Kishën Time është parathënë, por ju duhet ta pranoni që Ati Im i lejon këto turpe për një arsye. Ky është fundi final i sundimit të Satanit. Ai ka ngritur një bishë, në emrin e tij, dhe ky antikrisht është shpirti i vetë Satanit. Atij dhe ndjekësve të tij ju është dhënë fare pak kohë për betejën e madhe për shpirtrat.

Hakmarrja e Satanit është të vjedhi sa më shumë shpirtra të ketë mundësi, përpara se ai të lidhet me zinxhirë dhe të hidhet në humnerë. Ata bashkpunëtorët e tij, që adhurojnë gjarprin, ndjekin vetëm urdhrat e tij për shkak të pushtetit që ai ju thotë se do të jetë i tyre, nëse e ndihmojnë atë të përfundoj planin e tij djallëzor. Sa do të vuajnë këta shpirtra të gjorë përjetësisht dhe sa do të ulërijnë ata për Mëshirën Time kur kuptimi i tmerrshëm i fatit të tyre të bëhet i qartë.

Të pafajshmit e tjerë, që verbërisht ndjekin bishën dhe profetin e rremë, do të mbyllen në skllavërinë e egër, nga e cila do të jenë të pafuqishëm të shpëtojnë. Ata kanë nevojë të madhe për ndihmën tuaj. Ju duhet të luteni fort për shpirtrat e tyre që të lëshohen të kthehen tek Unë. Për botën e jashtme, ata si fillim nuk do të shikojnë shumë për t'i alarmuar ata. Luftrat në Lindjen e Mesme dhe paqja që do të vijoj do të përshëndeten me duartrokitje.

Njeriu i paqes do të marri shumë dekorata si njohje për punët e tij humanitare. Profeti i rremë do të duket të bashkoj kishat e botës dhe të shfaqi, në çdo rast, të gjitha cilësitë që shoqërohen me një shenjtor.

Gjithçka do të jetë mirë, deri kur këta të dy të kthehen dhe me një hakmarrje të godasin të gjithë ata që e kundërshtojnë planin e tyre për të kontrolluar botën. Ata do ta ndryshojnë Kishën Time në Tokë brënda folesë së bishës, deri kur errësira të mbuloj Tokën.

Të gjithë do të ndjejnë një trazim. Të gjithë ju do të ndjeni të ligun, ndërsa Satani, përmes antikrishtit, i kontrollon të gjitha. Por pastaj, kur gjërat të duken pashpresë, Unë do të zbres, përmes Mëshirës Sime të Madhe, për t'ju mbështjellë të gjithëve, për t'i vërtetuar botës të Vërtetën.

Kaq e madhe është Mëshira Ime, sa Unë do të ndriçoj shpirtrat më të errët dhe ata do të vijnë tek Unë me lehtësi në zemrat e tyre. Në atë kohë, të gjitha dyshimet e tyre do të largohen nga shpirtrat e tyre, sipas Fuqisë së Shpirtit të Shenjtë. Shpejt më pas, ndërsa fëmijët e Hyjit të njohin të Vërtetën, Trumpeta Finale do të oshëtij dhe Toka do të rilindi. Gjithë ligësia do të zhduket. Dielli do t'ju mbushi të gjithëve ju me një Dritë të Madhe dhe Parajsa e Re do të dorëzohet, me dashuri të madhe, si Dhurata më e madhe që ju e keni imagjinuar ndonjëherë, tek secili prej jush.

Ajo që ju duhet të bëni është që të keni besim tek e Vërteta që Unë zbuloj, me qëllim që të shmangni grackat që janë ngritur për të vjedhur shpirtrat tuaj. Ata prej jush që mund të shikojnë, që besojnë tek Unë, që më thërrasin Mua, do të më ndihmojnë Mua të shpëtoj shpirtrat e atyre që mund të shikojnë, por që refuzojnë të shikojnë të Vërtetën.

Jezusi juaj

https://fatherofloveandmercy.wordpress.com/2013/07/28/to-the-other-innocents-who-blindly-follow-the-beast-and-the-false-prophet-they-will-be-locked-into-a-savage-bond/

Nëna e Shpëtimit: Sa lehtë njerëzit i pranojnë ligjet e reja, të cilat thuhen të jenë të mira

E Mërkurë, 10 Korrik 2013

Bija ime, lutjet e tua po përgjigjen dhe Biri im do të ndërhyj për qëllimet e tua të veçanta. Ti duhet të lutesh për të gjithë ata në botë që po gënjehen të besojnë se ligësia është e mirë. Ky rrjet mashtrimi e ka mbuluar njerëzimin deri aty sa shumë nuk mund ta dallojnë ndryshimin mes Ligjeve të Hyjit dhe djallëzisë së të ligut kur ai shfaqet mes jush.

Sa lehtë njerëzit i pranojnë ligjet e reja, të cilat thuhen të jenë të mira – për të mirën e të gjithëve – kur, në fakt, ato e mbulojnë mëkatin mortor në Sytë e Hyjit.

Beteja egërsohet midis atyre që i mbështesin Ligjet e Hyjit dhe atyre që i shkatërrojnë ato. Ata që publikisht i mbështesin Ligjet e Hyjit trajtohen sikur të jenë djajë dhe deklarohen të jenë mizorë dhe të liq. Mashtrimi dhe gënjeshtrat, që i mbushin ata që thonë se e duan njerëzimin, duken qartë kur ata publikisht e justifikojnë mëkatin mortor. Sa dinak është i ligu. Sa pak e kuptojnë influencën e tij në jetën e tyre apo se si ai e përdredh arsyetimin e tyre.

Të jeni të qetë, fëmijë të dashur, në dijen se unë, Nëna e Shpëtimit, mund ta mposht të ligun në mes jush. Ju duhet të më thërrisni mua sa herë që ndjeheni të mundur nga fuqia që ai zotëron në vëndet tuaja. Unë do ta shkatërroj influencën e tij, kur ju e vini kërkesën tuaj para meje.

Ju lutem të recitoni këtë Kryqëzatë Lutje (113) Për të mposhtur të ligun në tokën tonë

O Nëna e Shpëtimit, eja në mesin tonë dhe mbuloje tokën tonë me mbrojtjen tënde.

Shtype kokën e bishës dhe çrrënjose influencën e tij të keqe midis nesh.

Ndihmoji fëmijët e tu të gjorë e të humbur për t’u ngritur dhe për të folur të Vërtetën, kur të jemi të rrethuar nga gënjeshtrat.

Të lutem, O Nëna e Hyjit, mbroje tokën tonë dhe na mbaj të fortë, që të mbetemi besnikë ndaj Birit tënd në kohën tonë të persekutimit. Amen.

Ju kurrë nuk duhet të pranoni argumenta, që lejojnë ligjet djallëzore të vihen në zbatim, të cilat ju diktojnë si ta jetoni jetën tuaj, dhe që nuk janë sipas Fjalës së Hyjit. Kur këto ligje hyjnë në vëndet tuaja, ato shkatërrojnë shpirtra.

Kini besim tek unë, Nëna e Shpëtimit, për të ndihmuar në shpëtimin e shpirtrave të atyre që ju i doni dhe me të cilët punoni. Më thërrisni mua dhe unë ju premtoj se unë do ta mbuloj kombin tuaj me Mantelin tim Më Të Shenjtë.

Nëna juaj e dashur
Nëna e Shpëtimit

https://fatherofloveandmercy.wordpress.com/2013/07/10/mother-of-salvation-so-easily-do-people-accept-new-laws-which-claim-to-be-good/

Urdhëri Mbarë Botëror është shtrembërimi më i madh kundrejt Hyjit të Trinisë së Vërtetë

E Premte, 5 Korrik 2013

Bija Ime fort e dashur, është një fe, e cila më shkakton Mua vuajtjen më të madhe dhe ajo është feja e rreme, e cila adhuron bishën. Urdhëri Mbarë Botëror është shtembërimi më i madh kundrejt Hyjit të Trinisë së Vërtetë dhe ata që i përkasin shtëpisë së Satanit kanë nevojë për kaq shumë lutje. 

Ata janë mashtruar të besojnë se është një Zot tjetër, që i do ata. Atyre ju është thënë se Trinia e Bekuar është një fallsitet dhe se Ati Im i dashur është djallëzor. Ata nuk e pranojnë se Ai i krijoi ata dhe se kokat e tyre janë mbushur me kaq shumë gënjeshtra sa kurrë nuk do ta hapin mëndjen e tyre ndaj të Vërtetës. Për shkak të devotshmërisë së tyre ndaj kultit, ata janë përfshirë me forcat satanike, që i kanë shkatërruar shpirtrat e tyre, të cilat janë mbushur me urrejtje, jo vetëm për Hyjin, por për të gjithë fëmijët e Hyjit.

Ata duan vetëm vetveten dhe epshi i tyre për kënaqësi i mbush ata me një dëshirë të pangopur për të patur më shumë. Asnjë sasi e kënaqësive të botës nuk do t’i kënaqi ata, prandaj dhe ata lakmojnë gjëra të tjera të turpshme. Ata gjejnë kënaqësi në marrjen e jetës dhe nuk kanë aspak keqardhje në shpirtrat e tyre, për vrasjet brutale për të cilat ata janë fajtorë. Influenca e tyre përhapet nëpër Tokë tek çdo komb dhe ndjekësit e djallit shoqërohen me të pasurit, udhëheqës biznesi, qeveri, familje mbretërore, organizata, përfshi media dhe përfaqësuesit e rendit, gjykatat dhe Kishën.

Ju lutem të mos i nënvlerësoni fuqitë e tyre. Edhe pse janë në numër të vogël, dhe nuk infiltrojnë çdo sektor të komuniteteve tuaja, ata prapë do të kryejnë dëme të tmerrshme. Jo vetëm që i kanë shitur shpirtrat e tyre tek djalli, por ata do të tërheqin shpirtra të tjerë të pafajshëm në humnerë me bishën dhe djajtë e tij.

Unë po ju jap të gjithë atyre që më duan Mua Hiret për t'u mbrojtur nga ky grup keqbërës dhe i fuqishëm, të cilët më fyejnë Mua në çdo sekondë të ditës, kur ju të thoni këtë Kryqëzatë Lutje të shkurtër.

Lutja e Kryqëzatës (112) Për Hirin e Shpëtimit

Më i dashuri Jezus, unë të bëj thirrje Ty që t’i mbulosh shpirtrat e atyre që janë të infektuar nga Satani, me Hirin Tënd të veçantë të Shpëtimit. Çliroji shpirtrat e tyre nga robëria e ligë prej së cilës nuk mund të shpëtojnë. Amen.

Këta shpirtra të gjorë do të jenë të parët ta deklarojnë bishën si të tyren dhe ata do të bien me fytyrë përdhe për të adhuruar antikrishtin. Ju duhet të luteni fortë, të gjithë ju, me qëllim që fuqia, që Satani e mban mbi ata, të mund të thyhet dhe që zemrat e tyre të hapen ndaj Mëshirës Sime të Madhe.

Jezusi juaj

https://fatherofloveandmercy.wordpress.com/2013/07/05/the-one-world-order-is-the-greatest-travesty-against-the-true-triune-god/

Kur ata përpiqen për të krijuar një Sakrament, në Kishat e Mia, nga një gjë e neveritshme, ata do të thonë se ishte për shkak të të drejtave të çifteve me të njëjtin seks

E Diel, 21 Tetor 2012, në 10:05

Bija Ime fort e dashur, pamjet që Unë lejova të të tregoheshin, të shpirtrave duke u hedhur në Ferr, nuk ishin për të frikësuar ty. Në të kundërt, ato ishin për të të treguar realitetin. Në këtë mënyrë ti tani do ta kuptosh se sa vuaj Unë, çdo ditë, ndërsa i shikoj shpirtrat të fundosen në thellësitë e Ferrit.

Oh, sikur njerëzit ta njihnin tmerrin e Ferrit, dhe mënyrën me të cilën bisha i gllabëron këta shpirtra, ata do ta evitonin mëkatin me çdo kusht.

Këta shpirtra akoma mund të shpëtohen, bija Ime, përmes lutjes së Hirit të Imunitetit. Duke e bërë këtë, ju dishepujt e Mi, do të më sillni Mua lehtësim nga ky fshikullim i tmerrshëm që ma copëton zemrën.

Ata, të cilët vdesin në mëkat mortor, janë të destinuar për në flakët e Ferrit. Shumë vetë i kryejnë këto mëkate me besimin se, nëse me të vërtetë ka një Hyj, atëherë Ai është i mëshirshëm. Dhe kështu ata vazhdojnë të mëkatojnë, derisa ata i justifikojnë mëkatet e tyre, kështu që ato bëhen, eventualisht, në sytë e tyre, sikur të jenë pa asnjë pasojë.

Ata do të thonë se nuk kishin asnjë zgjidhje tjetër, për arsyen se mëkati i tyre ishte i nevojshëm për dobinë e të tjerëve.

Me mëkatin e vrasjes, ata do të thonë se ishte për të marrë hakun për vdekjen e një tjetri.

Me mëkatin e prostitucionit, ata do të thonë se ishte për të ndihmuar familjen e tyre që të kishte ushqim në tryezë.

Me mëkatin e abortit, ata do të thonë se ishte për dobinë e jetës së nënës dhe për ta bërë jetën e saj më të lehtë. Në rastin e devijimeve seksuale ata do të thonë se ishte thjesht një gjë natyrale. 

Në rastin e atyre që marrin pjesë në praktikat e okultizmit, ata do të thonë se ishte argëtim i padëmshëm, dhe prapë ata nderojnë bishën kur e bëjnë këtë.

Kur ata i persekutojnë të tjerët dhe shkatërrojnë jo vetëm emrin e tyre, por edhe jetesën e tyre, ata do të thonë se ishte një ndëshkim i nevojshëm, për mëkatet e të tjerëve.

Kur ata e shkatërrojnë një person tjetër në mendje, trup dhe shpirt përmes diktaturës, ata do të thonë se ajo ishte për të mirën e tyre.

Kur ata përpiqen për të krijuar një Sakrament në Kishat e Mia, nga një gjë e neveritshme, ata do të thonë se ishte për shkak të të drejtave të çifteve me të njëjtin seks, të cilat kanë të njëjtat të drejta si të tjerët.

Kur ata e shkatërrojnë Kishën Time, nga brenda, ata do të thonë se të gjitha kishat janë të barabarta. Ata do të përdorin justifikimin se është vetën një Hyj, me qëllim që të fusin një kishë pagane.

Këta mëkatarë janë shpirtrat e humbur për të cilët Unë flas.

Për t'i ndihmuar ata, në fillim ju duhet t'i vështroni në sy. Mendojini ata si fëmijët tuaj, apo vëllezërit dhe motrat tuaja. Shikojini ata përmes Syve të Hyjit. Atëherë ju do të ndjeni dashuri. Por tmerri do t'ju pushtojë, sepse ju e dini në zemrat tuaja, tmerrin me të cilin ata do të përballen.

Sa shumë ju duhet të luteni që ata ta shohin të Vërtetën, së shpejti.

Sa shumë ju duhet të luteni për shpëtimin e këtyre shpirtrave.

Të gjithë fëmijët e Hyjit, përfshirë edhe shpirtrat e nxirë, janë të dashur.

Mëkatet e tyre duhet të shkatërrohen, përpara se të gjithë fëmijët e Hyjit të mund të bashkohen, si një familje e vetme, në Mbretërinë Time të Re.

Ty, bija Ime, të janë dhënë të gjitha hiret dhe armatimet për të shkatërruar mëkatin dhe për të shpëtuar, jo vetëm shpirtin tënd, por edhe shpirtrat e të tjerëve.

Faleminderit, bija Ime, që i je përgjigjur Thirrjes Sime.

Ti ke shumë punë për të bërë.

Jezusi juaj

https://fatherofloveandmercy.wordpress.com/2012/10/21/when-they-try-to-create-a-sacrament-in-my-churches-out-of-an-abomination-they-will-say-it-was-because-of-the-rights-of-same-sex-couples/

Ata që kryejnë vrasje me gjakftohtësi, mund të shpëtohen përmes lutjeve tuaja

E Diel, 14 Tetor 2012, në 18:10

Bija Ime fort e dashur, kurrë mos beso, as edhe për një moment, se ata që kryejnë mëkate të tmerrshme, dhe që veprat e liga të të cilëve shkaktojnë mizori në botë, nuk mund të shpëtohen.

Ata që kryejnë vrasje me gjakftohtësi, që i ekzekutojnë bashkë-qytetarët e tyre, apo i vrasin fëmijët e tyre, të cilët janë akoma në bark, mund të shpëtohen përmes lutjeve tuaja.

Shumë shpirtra të tillë nuk do të kërkojnë shëlbim në Sytë e Mi, sepse ata nuk shohin ndonjë gabim në çfarë ata bëjnë. Shpëtimi i tyre varet nga lutjet tuaja.

Këta janë shpirtrat, për të cilët Unë këmbëngul më shumë.

Këta shpirtra të humbur janë kaq të larguar nga Unë, saqë do të jetë vetëm me ndihmën e vuajtjeve të shpirtrave viktimë, dhe lutjeve të dishepujve të Mi, që ata mund të shpëtohen.

Madje dhe ata që, me dijeni e adhurojnë Satanin, dhe që e dinë se Unë ekzistoj, por që vazhdojnë të më tallin Mua, mund të shpëtohen gjithashtu nga ndëshkimi i përjetshëm.

Unë ju bëj thirrje të gjithë juve që të më thërrisni Mua, përmes kësaj Lutjeje të Kryqëzatës, për të kërkuar falje për ata shpirtra, në mëkat mortor, që kryejnë vrasje.

Lutja e Kryqëzatës (80) Për shpirtrat e atyre që kryejnë vrasje.

O Jezus i dashur, unë lutem për Mëshirë për ata që kryejnë vrasje.

Unë bëj thirrje për mëshirë për ata në mëkat mortor.

Unë të ofroj Ty vuajtjet dhe vështirësitë e mia, që Ti ta hapësh Zemrën Tënde dhe t’ua falësh atyre mëkatet.

Unë kërkoj që Ti të mbulosh me Gjakun Tënd të Çmuar të gjithë ata me qëllime djallëzore në shpirtrat e tyre, që të mund të pastrohen nga ligësitë e tyre.

Amen.

Mbajeni mend se, edhe pse mëkatet e tyre mund t’ju bëjnë të ndjeheni keq, ndjekësit e Mi, këta shpirtra kanë nevojë për ndihmën tuaj.

Ata kanë qenë infektuar nga i ligu, dhe shumë prej tyre nuk e njohin ndryshimin midis të mirës dhe të keqes.

Këta janë shpirtrat që më shkaktojnë Mua ankthin dhe dhimbjen më të madhe. Vuajtja Ime po zgjerohet, me qëllim që secili prej tyre të mund të shëlbohet.

Shkoni, dishepujt e Mi, dhe lejoni që Dashuria dhe Përulësia Ime të rrjedhin në zemrat tuaja me qëllim që ju, përmes bujarisë së vuajtjes suaj, të mund të ndihmoni për t’i shpëtuar këta fëmijë të gjorë e të humbur të Hyjit.

Jezusi juaj 

https://fatherofloveandmercy.wordpress.com/2012/10/14/those-who-carry-out-cold-blooded-murder-can-be-saved-through-your-prayers/

Dy miliard shpirtra, që do ta refuzojnë Dorën Time të Mëshirës

E Enjte, 27 Shtator 2012, në 09:00

Bija Ime fort e dashur, Misioni për t’i shpëtuar ata dy miliard shpirtra, që do ta refuzojnë Dorën Time të Mëshirës, duhet të formojë një pjesë të lutjes ditore për të gjithë ata që e quajnë veten Kryqtarë të Hyjit.

Mrekullitë e shumta do të çojnë që shumë prej njerëzve t’iu jepet Dhurata e Shpëtimit dhe hyrja brenda Parajsës së Re.

Dhimbja në Zemrën Time të Shenjtë është e dhimbshme për shkak të këtyre shpirtrave të humbur. Kjo është edhe arsyeja se pse dishepujt e Mi duhet të luten fort, që ata të gjithë të mund të bashkohen si një familje e vetme në Epokën e Re, sepse nëse familja Ime është e pa-bashkuar, do të më sjellë Mua agoni të tmerrshme.

Unë ju bëj thirrje të gjithëve ju për t’i shpëtuar këta shpirtra, që me kokëfortësi do të refuzojnë ta pranojnë Hyjin, duke recituar këtë 

Lutje të Kryqëzatës (79) për dy miliard shpirtrat e humbur.

O Jezus i dashur, unë të lutem Ty që të hedhësh Mëshirën Tënde mbi shpirtrat e humbur.

Falua atyre refuzimin ndaj Teje dhe përdore lutjen dhe vuajtjen time që Ti, përmes Mëshirës Tënde, të vërshosh mbi ata Hiret që iu nevojiten për të shenjtëruar shpirtrat e tyre.

Unë të kërkoj Ty Dhuratën e mëshirës për shpirtrat e tyre.

Unë kërkoj që Ti t’ua hapësh zemrat, me qëllim që ata të vijnë tek Ti dhe të kërkojnë Ty t'i mbushësh me Shpirtin e Shenjtë, që të mund të pranojnë të Vërtetën e Dashurisë Tënde dhe të jetojnë me Ty dhe me gjithë familjen e Hyjit përgjithmonë. Amen.

Është e vështirë për shumë njerëz që ta pranojnë Mëshirën e Hyjit. Kjo është për shkak të pushtetit, që Satani e mban mbi ta; vetëm se ata nuk e dinë këtë, në shumë raste.

Megjithatë, në disa raste, ata nuk kanë asnjë dyshim mbi Ekzistencën e Hyjit, dhe prapë ata zgjedhin Satanin me dijen e plotë se Hyji ekziston dhe se Ai i krijoi ata. Ata ia kthejnë shpinën Mbretërisë së Hyjit.

Mbretëria që ata zgjedhin është ajo që iu është premtuar nga Satani. Ata besojnë se kjo mbretëri, në fund të kohës, ofron pasuri të madhe, çudira të mëdha dhe se ajo do të jetë një botë që shkëlqen, megjithëse nuk është ashtu. Gjithçka që ata do të gjejnë do të jetë një liqen i madh zjarri ku ata do të vuajnë nga dora e të ligut. Ai do t'i mundojë ata përjetësisht dhe ata do ta vuajnë çdo sekondë të kësaj dhimbjeje sepse ajo kurrë nuk mund të mbarojë.

Tani ju e dini pse Unë vuaj kaq agoni, sepse vetëm mendimi i vuajtjes që i pret këta shpirtra, është tepër i vështirë për t'u duruar.

Vetëm lutjet tuaja, ndjekësit e Mi, dhe Mëshira Ime mund t'iu ofrojë atyre ndonjë shpresë.

Më ndihmoni Mua t'i shpëtoj ata.

Jezusi juaj 

https://fatherofloveandmercy.wordpress.com/2012/09/27/two-billion-souls-who-will-refuse-my-hand-of-mercy/

Kur shpirtra të tillë e sulmojnë Fjalën Time të Shenjtë me kaq vrer, kjo është një shenjë e konfirmimit të Satanit se këto mesazhe janë autentike

E Hënë, 6 Gusht 2012, në 18:06

Bija Ime fort e dashur, ka shumë prej ndjekësve të Mi të devotshëm që po komplotojnë një fushatë për ta shkatërruar këtë mision.

Ju që besoni se do të jenë jo të Krishterët dhe ateistët ata që do ta mohojnë Fjalën Time në këto mesazhe, dijeni pra këtë.

Do të jenë ata që e shpallin hapur besimin e tyre tek Unë, Jezusi i tyre, të cilët do të më lëndojnë Mua më së tepërmi.

Ata janë duke u mjegulluar prej mashtrimit të mbretit të gënjeshtrave, i cili ka dërguar shumë engjëj të rënë tek këta shpirtra. Të pakënaqur me mohimin që i bëjnë Mesazheve të Mia të Shenjta, ata do të vendosin që të mbledhin sa më shumë përkrahje që të munden mes priftërinjve të Mi për t'u përpjekur dhe sabotuar këtë mision.

Shpirtra të tillë kurrë nuk ndalojnë për ta pyetur veten, përse e bëjnë këtë. Apo se përse ndjejnë një urrejtje të tillë ndaj teje, bija Ime. Apo përse Fjala Ime e Shenjtë i shqetëson ata kaq shumë.

Kur shpirtra të tillë e sulmojnë Fjalën Time të Shenjtë me kaq vrer, kjo është një shenjë e konfirmimit të Satanit se këto mesazhe janë autentike.

Sepse kur tregohet një kundërshtim kaq i fortë dhe kur njerëz të shenjtë provokohen për t’i sulmuar mesazhe Hyjnore si këto, atëherë ju mund të jeni të sigurt se ato mesazhe vijnë nga Hyji.

Kur ata e mohojnë Fjalën Time, kjo më copëton Mua saqë Unë derdh lot trishtimi kur ata nuk më njohin Mua. Por kjo është e pritshme. Me kalimin e kohës ata do ta njohin të Vërtetën.

Por është atëherë kur ata ngrihen me qëllimin për t’i larguar shpirtrat nga Mëshira Ime, që ata më fyejnë Mua rëndë.

Nëse ata janë përgjegjës për shpirtrat që iu është mohuar shpëtimi, ata do të ndëshkohen.

Ndëshkimi i tyre do të jetë i mjerueshëm nëse ata përpiqen t'i mbrojnë veprimet e tyre, për edhe vetëm një shpirt të humbur. Veprat e tyre mund të rezultojnë në faktin se një shpirt, i cili përndryshe do të kishte qenë kthyer në besim, mund të vuajë persekutimin final në zjarret e Ferrit.

Është kur ata përpiqen që ta sabotojnë Fjalën e Hyjit, që veprat e tyre të mira të mëparshme do të bëhen të pavlefshme. Për çfarë të mire janë ato kur këta i kundërvihen të tilla veprave të vlefshme me vepra urrejtjeje për Hyjin?

Unë ju them atyre. Dita kur ju të vini para Meje për t'u përgjigjur për vepra të tilla të liga, do të jetë shumë e vështirë për ju.

Jo vetëm që do t’ju duhet të përgjigjeni për veten tuaj, por ju do të duhet të përgjigjeni për gënjeshtrat që shpërndatë rreth Meje, rreth Fjalës Sime të Shenjtë, tek të tjerët.

A është frika e Fjalës Sime të Shenjtë që ju çon drejt një ligësie të tillë? Frika vjen nga Satani. Krenaria gjithashtu vjen nga Satani. A nuk e dini se është për shkak se ju besoni se jeni të përgatitur mirë mbi Shkrimin Tim të Shenjtë që ju bën të besoni se ju dini më shumë se sa dini në të vërtetë?

Ju gjeni gabime në Fjalën Time të Shenjtë, ashtu siç bënin Farisenjtë. Duke vepruar kështu, ju thoni se dini më shumë rreth të Vërtetës sesa Hyji.

Dijeni se sa më shumë që ju përhapni gënjeshtra rreth Fjalës Sime të Shenjtë, ju mëkatoni kundër Fjalës së Hyjit.

Ky mëkat, kundër profetit të Zotit është një nga më të papëlqyerit prej Atit Tim.

Të gjithë ata që kanë mëkatuar kundër profetëve të Zotit, qenë ndëshkuar. Sepse kur ata përpiqen ta ndalojnë Fjalën e Hyjit, që i jepet botës për të shpëtuar shpirtrat, ata po pengojnë shpëtimin e shpirtrave.

Për këtë ata do të goditen, sepse asgjë nuk do ta ndalojë Fjalën e Hyjit që t'i shpërndahet fëmijëve të Tij të çmuar.

Jezusi juaj

https://fatherofloveandmercy.wordpress.com/2012/08/06/when-such-souls-attack-my-holy-word-with-such-venom-this-is-a-sign-of-satans-confirmation-that-these-messages-are-authentic-2/

Njeriu nuk evoluoi nga kafshët, por kjo është se çfarë ata, të cilët nuk besojnë në Hyjin, duan t’ju bëjnë ta besoni

E Enjte, 21 Qershor 2012, në 17:30

Bija Ime fort e dashur që nga fillimi i kohës dhe kur bota u krijua nga Ati Im i Përjetshëm ka pasur shumë paqartësi rreth origjinës së racës njerëzore.

Kur Ati Im e krijoi botën, që Ai të mund të kishte një familje, shumë përgatitje ishin bërë.

Ai e krijoi tokën, detet, bimët, pemët, malet, lumenjtë, kafshët dhe pastaj në ditën e parafundit, kur gjithçka ishte në vendin e vet në Parajsë, Ai krijoi njeriun.

Njeriu, edhe pse i njollosur me mëkat, është krijesë e shenjtë. Kafshët janë për t'i shërbyer njerëzimit.

Njeriu nuk evoluoi nga kafshët, por kjo është se çfarë ata, të cilët nuk besojnë në Hyjin, duan t’ju bëjnë ta besoni.

Teoria e evolucionit, e cila deklaron se njeriu erdhi nga kafshët, është një gënjeshtër. Ajo kurrë nuk mund të provohet. Satani, engjëjt e tij të rënë dhe çdo djall që del nga armiku i Hyjit, e kanë bindur njeriun me këtë gënjeshtër të tmerrshme.

Njeriu është një fëmijë i Hyjit, por për ta poshtëruar fëmijën njerëzor të Hyjit, Satani kërkon të krijojë paqartësi në zemrat e njerëzimit.

Përse e promovon ai këtë gënjeshtër përmes mësimeve të rreme? Në këtë mënyrë ai mund të tregojë që njeriu evoluoi nga majmuni dhe pastaj t’i bindë ata se nuk qenë krijuar nga Dora e Atit Tim të Përjetshëm.

Kjo është një nga gënjeshtrat më të mëdha të futura nga djalli duke përdorur shpirtrat e atyre njerëzve që pohojnë se janë më inteligjentë se vëllezërit dhe motrat e tyre.

Shkencëtarët deklarojnë se njeriu evoluoi nga kafsha, por ata po mashtrohen.

Shkenca është me defekte kur përpiqet të deklarojë të vërtetën rreth krijimit të universit.

Asnjë njeri nuk e kupton mrekullinë e Krijimit Hyjnor.

Nëse njeriu beson se i di të gjitha përgjigjet rreth origjinës së njerëzimit, duke u bazuar në arsyetimin njerëzor, atëherë ai mashtron jo vetëm shpirtrat e tjerë të gjorë, por edhe vetveten.

Kur nuk ka aspak dashuri për Hyjin të pranishme në shpirtra të tillë, të cilët besojnë në epërsinë e inteligjencës njerëzore, atëherë ateizmi përhapet si një bar i keq.

Ky bar i keq, i cili rritet në çdo drejtim, e infekton dhe e shkatërron çdo të mbjellë që ka përpara dhe krijon sëmundje.

E vetmja kurë është që të kërkohet ndihmë nga Hyji përmes lutjes së përulur dhe të kërkohet që e Vërteta të zbulohet.

Kaq shumë të pavërteta të përhapura nga ateistët, të cilët përpiqen të provojnë se Hyji nuk ekziston, kanë shkatërruar miliona shpirtra. Viktimat e tyre kanë nevojë për lutjet tuaja.

Ateizmi është feja më e madhe në botë dhe ata që ia kanë kushtuar jetët e tyre këtij mashtrimi janë të humbur përjetësisht.

Ata do të përballen me zjarret e Ferrit.

Nëse nuk kthehen tek Unë, gjatë ose pas Paralajmërimit, ata do të vuajnë një ndëshkim të tmerrshëm.

Lutuni për ta.

Jezusi juaj

https://fatherofloveandmercy.wordpress.com/2012/06/21/man-did-not-evolve-from-animals-but-that-is-what-those-who-do-not-believe-in-god-would-have-you-believe/