Mundimi i Madh

E Hënë, 20 Dhjetor 2010, në 10:00

Dëgjoje këtë, bija Ime. Njerëzimi po paralajmërohet, përmes këtyre Mesazheve, për sëpatën që do të bjerë mbi ata që vazhdojnë ta refuzojnë Atin e Përjetshëm. Koha po afrohet për fillimin e Mundimit të Madh. 

Kjo ngjarje do të fillojë nga fundi i 2012-ës dhe nuk duhet të ngatërrohet me kohën, apo datën, për Ardhjen Time të Dytë në Tokë. Sepse kjo, bijtë e Mi, nuk është duke u parathënë në këto Mesazhe. Kushdo që përpiqet t’iu japë fëmijëve të Mi një datë për Ardhjen Time të Dytë është një gënjeshtar dhe jo një profet i vërtetë. 

Unë, sidoqoftë, Jam duke zbuluar vite të ngjarjeve specifike që i prijnë Ardhjes Sime të Dytë, përmes kësaj profeteje.

Hyji nuk do të lejojë që një plan për të pakësuar popullsinë e botës të zbatohet 

Mundimi i Madh, siç është parathënë kaq kohë më parë, do të shpaloset tani para syve të një bote mosbesuese. Kjo do të jetë kur Shpata e Drejtësisë do të godasë, kudo. Ati Im i Përjetshëm nuk është përgatitur për të qëndruar duarkryq dhe ta lejojë të kryhet plani i lig, që po përpilohet pikërisht tani, prapa dyerve të mbyllura, dhe i skicuar për të pakësuar popullsinë e botës.

Ky grup i lig, ndjekës të devotshëm të Satanit, janë përpjekur në të kaluarën që të shkaktonin gjenocid mbi fëmijët e Atit Tim. Ata dështuan. Ata janë duke e provuar përsëri. Ata do të dështojnë përsëri, por jo më parë se ata të kenë shkaktuar shkatërrim të tmerrshëm.

Besimtarët nuk duhet të kenë frikë

Ati Im i Përjetshëm, në Mëshirën e Tij, do të duhet që të ndërhyjë për t’i ndaluar ata, edhe pse i shkakton Atij dhimbje që t’i lëshojë katastrofat globale që qëndrojnë përpara. Besimtarë, mos u trembni për veten tuaj, apo për familjet tuaja. Ju jeni duke u mbrojtur. 

Por ju lutem, ju lutem të lusni Rruzaren e Shenjtë dhe Mëshirën Time Hyjnore, në çdo kohë, për të ndihmuar që të lehtësoni dhe të shmangni disa prej këtyre shkatërrimeve.

Filloni të planifikoni tani. Këta njerëz, ndërsa ata përpiqen për të kontrolluar paratë tuaja, shëndetin tuaj, ushqimin tuaj dhe madje edhe besimin tuaj, duhet të luftohen. Ngrihuni dhe mbroni veten tuaj dhe familjet tuaja duke përdorur lutjen. Thërrisni të gjithë ata shenjtorë që ju i admironi për t’ju ardhur në ndihmë si ndërmjetës tek Ati Im i Përjetshëm.

Katastrofa globale që do të godasin

Ndërsa këto katastrofa globale të fillojnë, me ndryshime dramatike në dukuritë e motit – të cilat tashmë kanë filluar në një formë të butë – ato do të shihen si rezultat i ngrohjes globale. Po, njerëzimi e ka dëmtuar Tokën, në një mënyrë shumë të shëmtuar, por këto katastrofa nuk do të kenë fare të bëjnë me ndryshimet klimatike.

Ati Im i Përjetshëm, nëse Ai do ta vendoste, mund të ulej dhe të mos bënte asgjë. Atëherë këto grupe të liga, të mashtruara, të etura për pushtet dhe të përbëra nga vendim-marrës të fuqishëm do të fitonin. Duke i tërhequr fëmijët e Mi të pafajshëm brenda kurthit të tyre të besnikërisë hipnotizuese ndaj Satanit, të ligut, ata do të vidhnin shpirtra. Kjo nuk do të lejohet.

Thirrje drejtuar të gjitha feve për t’u bashkuar

Është koha tani, për fëmijët dhe ndjekësit e Atit Tim, si dhe për ata që besojnë në Qenien Superiore që është Hyji-Krijuesi dhe Bërësi i të gjitha gjërave, që t’i bashkojnë forcat në një. Pavarësisht se nga cila udhë ju e ndiqni Hyjin, apo nëse besoni tek Unë, Biri i Tij i vetëm i dashur, qëndroni të bashkuar në një. Luftojeni grupin që përfaqëson të ligun. Ai është armiku juaj, nëse ju besoni në Hyjin Atin e Përjetshëm. Ai (i ligu) po përpiqet për t’ju ndaluar që të hyni në Parajsë duke i gënjyer ndjekësit e tij, se ai gjithashtu, do t’i çojë ata në një parajsë po aq të bukur Hyjnore. Ata ndjekës të gjorë të gënjyer dhe të besuar nuk mund ta dallojnë mashtrimin, sepse ata janë të verbuar nga joshja e lavdisë materiale.

Profecitë në Librin e Gjonit, tani dalin në Dritë

Lutuni, lutuni, lutuni, të gjithë ju, çdo ditë të vetme. Shumë shpejt, të gjithë do ta kuptojnë të Vërtetën e Shkrimit të Shenjtë. Të gjithë do ta kuptojnë, më në fund, se Mësimet e përmbajtura në Librin e Atit Tim janë të sakta. Ato nuk gënjejnë. Profeci, të parathëna në të shkuarën, erdhën në dritë. Profecitë e përmbajtura në Librin e Gjonit, do të dalin tani në dritë. Këto Mesazhe, që po i jepen kësaj profeteje, janë për t’i përgatitur fëmijët e Mi që të hyjnë në Mbretërinë e Atit Tim.

Shkoni, tani, përhapeni të Vërtetën Time. Shpëtojeni njëri tjetrin nga kthetrat e mashtruesit, përpara se të jetë tepër vonë.

Shpëtimtari juaj i dashur

Jezu Krishti

https://fatherofloveandmercy.wordpress.com/2010/12/20/the-great-tribulation/

Mundimi i Madh po zbutet përmes lutjes

E Enjte, 18 Gusht 2011, në 20:45

Bija Ime, ata ndjekës të Mi, që janë të mësuar në çështjet e Shkrimit të Shenjtë, tentojnë të largohen me vetë interpretimet e tyre njerëzore, prandaj dhe mësimi që Unë predikova për ta dashur njëri tjetrin është harruar me kaq lehtësi. Duajeni njëri tjetrin. Nderoni nënën dhe babanë tuaj. Nderoni Krijuesin tuaj, Hyjin Atë, dhe jetoni ashtu si Unë ju kam treguar në dashuri dhe frikë ndaj Atit Tim. 

 

Sa shumë njerëz të mësuar, të kapur pas analizave të tyre mbi Mësimet e Mia, e harrojnë një gjë. Ajo është, kur Unë të vij përsëri për të Gjykuar. As edhe për një moment ata nuk e konsiderojnë se kjo kohë mund të ndodhë fort mirë në jetën e tyre dhe jo në të ardhmen e largët. Përse atëherë ata kërkojnë dhe vazhdojnë të kërkojnë për kuptime të mëtejshme në Shkrimin e Shenjtë kur e Vërteta është kaq e thjeshtë? Përse ata nuk e kujtojnë se dashuria është gjithçka që Unë kërkoj? Dashuri për Mua, Shpëtimtarin tuaj. Dashuri për Hyjin Atë dhe dashuri për njëri tjetrin.

Për ata ekspertë intelektualë që deklarojnë të jenë të aftë për t'i analizuar Mësimet e Mia dhe pastaj shkojnë deri aty sa të provojnë që të parashikojnë një datë se kur Unë do të vij përsëri, Unë iu them këtë. Nëse provoni të besoni se ju jeni në gjendje ta kuptoni vitin për kthimin Tim, atëherë ju për fat të keq e keni gabim. Askujt nuk do t'i jepet kjo datë, as edhe engjëjve në Qiell apo Nënës Sime të dashur. Por këtë Unë mund ta zbuloj. Mundimi ka filluar disa kohë më parë. Mundimi i Madh do të fillojë në fund të 2012-ës. Kjo periudhë e tmerrshme po zbutet përmes lutjeve të ndjekësve të Mi të dashur. Ajo, gjithashtu, do të dobësohet përmes kthimit në besim të arritur pasi të ndodhë Paralajmërimi. Kjo ngjarje është lajm i mirë, fëmijët e Mi. Ajo është për të ndihmuar në zhdukjen e skllavërisë së njeriut ndaj të ligut.

Ekspertët fetarë shfaqin një arrogancë, që Unë e shoh fyese

Shumë, për fat të keq, do t'i shpërfillin thirrjet e Mia për t'u përgatitur, kaq të mbërthyer janë ata në këtë të ashtu-quajturin debat fetar intelektual, të bazuar në arsyetimin njerëzor, ku njëri përpiqet t’ia kalojë tjetrit për të provuar se ai apo ajo është më i ditur. Këta ekspertë tregojnë një arrogancë, që Unë e shoh fyese. Ata nuk janë më të mirë nga sa ishin Farizenjtë. Injoranca e tyre e bllokon të Vërtetën kur ajo iu paraqitet para vetë syve të tyre.

Fjala Ime po shpërfillet nga shërbëtorët e Mi të shenjtë

Fjala Ime ka rënë në veshë të shurdhër. Fjala Ime po shpërfillet nga shërbëtorët e Mi të shenjtë, ndërsa Unë përpiqem të komunikoj me ata në këtë moment në histori. Por, pas Paralajmërimit nuk do të ketë asnjë justifikim për ta që të mos ngrihen dhe t’i dëgjojnë udhëzimet e Mia. Sepse atëherë ata do t’i shtrijnë duart duke m'u lutur Mua që t'i udhëheq përmes Ndëshkimit të Madh. Sepse kur kjo profeci t'iu shpaloset atyre që e dyshojnë Fjalën Time, përmes kësaj lajmëtareje, Unë ju bëj thirrje atëherë që ta merrni Kupën Time të Shenjtë, të pini prej saj dhe të luftoni për të shpëtuar shpirtra.

Unë ju bëj thirrje të gjithë juve, përfshirë atyre ekspertëve të vetë-deklaruar të shkrimit, që të uleni me përulësi dhe të bëni këtë pyetje. Përse Unë do t'i inkurajoja besimtarët e thjeshtë të përfshihen në një argument mbi kthimin Tim në Tokë? Gjithçka që ka rëndësi tani është se Unë po vij. Të jeni të përgatitur në çdo kohë. Kurrë mos i gjykoni të tjerët në Emrin Tim. Kërkoni dhuratën e përulësisë me çdo kusht sepse ajo do të jetë pasaporta juaj për në Qiell.

Shpëtimtari juaj i dashur
Jezu Krishti

https://fatherofloveandmercy.wordpress.com/2011/08/18/the-great-tribulation-is-being-mitigated-through-prayer/

Trazirat në botë të shkaktuara prej mungesës së dashurisë për Mua

E Martë, 9 Gusht 2011, në 20:30

Bija Ime fort e dashur, koha ka ardhur për trazirat në botë ku njeriu do të ngrihet kundër njeriut, vëllai kundër vëllait dhe fqinji kundër fqinjit, ashtu si është parathënë. Ngjarjet do të shpërthejnë tani njëra pas tjetrës. Shumë vende do ta përjetojnë këtë. Ka shumë zemërim në botë, zhgënjim dhe frikë mes fëmijëve të Mi. Tregoju atyre se këto ngjarje janë nxitur nga Satani dhe se trazira të mëtejshme do të shpërthejnë dhe do të intensifikohen përpara Paralajmërimit.

Kjo, bija Ime, është parashikuar pikërisht si një nga shenjat që njerëzimi do të përjetojë gjatë 2011-ës, Vitit të Pastrimit. Fëmijët e Mi do të përjetojnë, me tronditje, ligësinë që ekziston në botë tek shpirtrat e atyre që janë të nxitur nga urrejtja e plotë dhe zemërimi për njëri tjetrin. Asnjëri nuk do të fitojë, bija Ime, në këtë betejë që do të vazhdojë të egërsohet. Është prej dorës së njeriut që këto mizori do të ndodhin. Është për arsye të mungesës së dashurisë për Mua, dhe Atin Tim të Përjetshëm, që ata vullnetarisht bëhen bashkëpunëtorë të Satanit.

Lutuni, fëmijët e Mi, për të gjithë ata që do të vuajnë për shkak të trazirave në botë. Sepse pak vende do t'iu shpëtojnë këtyre shpërthimeve të zemërimit dhe shkatërrimit. Kjo luftë e urrejtjes do të shihet brenda vendeve dhe kombeve të ndryshme. Konfuzion, terror dhe dëshpërim do të ndjehet nga shumë.

Ju lutem që të besoni në Atin Tim, Hyjin Atin e Përjetshëm, sepse Dora e Tij do të ndihmojë në ndalimin e këtyre katastrofave, fëmijë. Qëndroni të fortë, të gatshëm dhe besnikë ndaj Meje, Shpëtimtarit tuaj të dashur. Gjithçka do të përmirësohet në botë kur ta kuptoni rëndësinë e dashurisë në jetën tuaj dhe rëndësinë e harmonisë dhe kujdesit për fqinjin tuaj. Lutja do të ndihmojë në dobësimin e efektit të trazirave të liga.

Mos harroni, lufta, dhuna dhe vrasja, nuk janë nga Hyji, ato janë krijuar nga Satani. Zemërimi i tij tani ka arritur nivele të papara dhe egërsia e tij po ushtrohet mbi fëmijët e Mi prej infiltrimit të atyre që janë të dobët në shpirt dhe pa dashuri në zemrat e tyre. 

Më dëgjoni Mua tani. Ta doni njëri tjetrin ashtu si Unë ju dua. Refuzojeni Satanin, vartësit dhe kukullat e tij tani. 

Lutuni tek Shën Mikael Krye-engjëlli për të mbrojtur komunitetin tuaj. Lutuni tek Unë për udhëzim. Lutuni për të kërkuar Shpirtin e Shenjtë që të zbresë mbi vendet tuaja.

Shpëtimtari juaj i Mëshirshëm
Jezu Krishti

https://fatherofloveandmercy.wordpress.com/2011/08/09/turmoil-in-the-world-caused-by-the-lack-of-love-for-me/

Ju jeni tani në mes të Mundimit

E Mërkurë, 20 Korrik 2011, në 23:00

Bija Ime, ti, siç e di, je vizionarja më e pangjarë për shkak të mungesës së njohurive të çështjeve të Shenjta. Megjithatë ti je lajmëtarja e zgjedhur. Ti duhet ta kuptosh se nuk do të jesh e aftë t'i mbrosh Mesazhet e Mia me ndonjë autoritet të vërtetë prandaj qëndro e heshtur kur të kërkohet t'i shpjegosh Mesazhet e Mia.

Ti do të provokohesh dhe do të ngacmohesh për t'u përfshirë me argumente fetare dhe sidomos eskatologjike, por ti nuk duhet të përgjigjesh më, apo të japësh interpretimin tënd të përgjigjeve. Për shkak të kësaj Pune ti nuk do të pëlqehesh. Xhelozi shpirtërore do të dalë mes ndjekësve të Mi, sidomos mes teologëve dhe atyre që e kanë studiuar Shkrimin gjithë jetën e tyre, prandaj qëndro e heshtur, sepse ti nuk e ke njohurinë as dhe autoritetin për ta bërë këtë, ashtu si të kam thënë më parë.

Vetëm ndiq udhëzimet e Mia dhe qëndro e përmbajtur. Përgjigju ndaj kërkesave për lutje, me patjetër, dhe ndihmo për t'i bashkuar ndjekësit e Mi dhe të devotshmit që e kanë premtuar ndihmën e tyre në këtë Punë.

Koha është e shkurtër tani. Çdo gjë ka për të ndodhur me shpejtësi. Paralajmërimi është afër tani, prandaj nuk ka mbetur shumë kohë për t'u lutur për ata shpirtra të gjorë të cilët do të jenë të humbur. Duke e recituar Mëshirën Time Hyjnore, të dedikuar për ata shpirtra të veçantë, shumë miliona shpirtra do të shpëtohen.

Ju, fëmijët e Mi, jeni tani në mes të çfarë quhet Mundim, ashtu si është profetizuar në Librin Tim të Shenjtë. Pjesa e dytë, Mundimi i Madh do të fillojë ashtu si Unë kam thënë, përpara fundit të vitit 2012. Kjo nuk ka për qëllim të fusë frikën tek ti, bija Ime, por për të të bërë të vetëdijshme për urgjencën që fëmijët e Mi të luten për ndihmën Time.

Tashmë, përmes lutjeve të vizionarëve të Mi në mbarë botën, fuqia e Rendit të Ri Botëror, të drejtuar nga forcat Masonike, po fillon të dobësohet dhe të shpaloset para vetë syve tuaj. Shumë më tepër nga këto organizata globale të etura për pushtet do të bien në gjunjët e tyre të përulura, ndërsa ato i japin llogari jo vetëm Hyjit Atë, për ligësinë e tyre, por edhe atyre ndaj të cilëve ato kanë një përgjegjësi mbi këtë Tokë.

Shikoni tani ndërsa grumbullimet e grupeve të fuqishme përpiqen t'ia hedhin njëri-tjetrit, të mbulojnë mëkatet e tyre dhe t’ia fshehin të Vërtetën atyre që ia kanë frikën në vendet e larta. Lutja, fëmijët e Mi, po e sjell këtë. Hyji Atë po godet tani për t'i ndëshkuar këta njerëz përpara se ata të zbatojnë planin e lig që po përgatisin për t'i kontrolluar fëmijët e Mi.

Kjo është një periudhë e dhimbshme, fëmijë, sepse ndikimi i Satanit kurrë nuk ka qenë kaq i fuqishëm në këto ditë të fundit të sundimit të tij mbi Tokë. Luftojini udhët e tij të liga, fëmijë – të gjithë ju. Vetëm shikoni rrëmujën që ai po shkakton kur ai e kthen vëllanë kundër vëllait, shtetin kundër shtetit, krijon urrejtje midis të gjithë juve dhe përçmim për jetët e njëri-tjetrit. Dhe pastaj është urrejtja e plotë që ai fut në fëmijët e Mi për Mua, Shpëtimtarin e tyre të dashur. Urrejtja që ai ngre për Atin Tim ka arritur përmasa epidemike. Forma më e fuqishme e urrejtjes e treguar ndaj Atit Tim është që njeriu ta mohojë se Ai Ekziston.

Sa shumë ju duhet ta ndjeni ankthin, fëmijë, që ju duhet të përballni në botën sot. Asnjë njeri nuk mund t'i shpërfillë trazirat thellësisht shqetësuese të krijuara nga Satani dhe miliona djaj të tij të infiltruar në mbarë botën. Dashuria Ime tani do t’ju provohet të gjithëve. Përmes Paralajmërimit Tim, Unë vij edhe një herë për t'ju shpëtuar përmes Mëshirës së Hyjit Atë. Besoni tek Unë dhe Ati Im i Përjetshëm, dhe ju nuk do të keni asgjë për t’u frikësuar. 

Shpërfilleni çfarë po ndodh dhe ju nuk do të arrini të përgatiteni si duhet.

Shpëtimtari juaj i dashur
Jezu Krishti

https://fatherofloveandmercy.wordpress.com/2011/07/20/you-are-now-in-the-middle-of-the-tribulation-latter-half-end-of-2012/

Njeriu po ndëshkohet në këtë Vit të Purifikimit

E Premte, 11 Mars 2011, në 15:30

Bija Ime e dashur, Purifikimi, i cili do të provohet nga njerëzimi përmes luftërave, tërmeteve, shpërthimeve të vullkaneve, tsunameve, goditjeve të nxehtësisë dhe rrëshqitjeve të tokës, po vazhdon për shkak të mëkateve të njerëzimit.

Vetëm ata që kthehen tek Unë, Shpëtimtari i tyre Hyjnor dhe tek Krijuesi i tyre, Ati Im, Ati i tyre, mund të shpëtohen. Kurrë mos e shikoni Atin Tim me frikë sepse Ai i do të gjithë fëmijët e Tij. Por Ai do të kryejë ndëshkim tek ata që refuzojnë ta pranojnë Ekzistencën e Tij. Durimi i Tij tani, ndërsa ligësia, mungesa e besimit dhe dashuria e padrejtë e njeriut për vetveten vazhdon, po shkon drejt fundit.

Ati Im i Përjetshëm, Hyji Bërësi dhe Krijuesi i të gjithëve, i do të gjithë fëmijët e Tij me një butësi që prindërit e ndjejnë për fëmijët e tyre. Por ashtu si prindërit, siç veprojnë prindërit e përgjegjshëm, fëmijët e tyre ndëshkohen, nëse ata kryejnë veprime që janë agresive, ose të papranueshme. Po ashtu tani Zemërimi i Atit Tim do të lëshohet në botë në këtë kohë. Ky, bija Ime, është ashtu siç të kam thënë Viti i Purifikimit.

Njerëzit kudo do ta kuptojnë se këto ngjarje nuk janë të natyrshme. Ato janë të shkaktuara nga ndërhyrja Hyjnore për ta bërë njeriun që ta kuptojë, më në fund, të Vërtetën e Shkrimit të Shenjtë.

Lutuni, lutuni për kthimin në besim.

Jezu Krishti juaj i dashur

https://fatherofloveandmercy.wordpress.com/2011/03/11/manking-being-punished-in-this-year-of-purification/

Demokracia do Zhduket – Priftërinjtë do të Martirizohen

E Enjte, 3 Mars 2011, në 23:00

O bijë e dashur, Unë e mirëpres me kënaqësi vëmendjen tënde këtë mbrëmje. Mungesa jote më ka shkaktuar Mua dhimbje deri diku, por Unë e dija se ti do të ktheheshe tek Unë së shpejti.

Të lutem dëgjo me kujdes. Ndërsa Unë kuptoj se je e zënë me jetën tënde, ti duhet ta kuptosh urgjencën e plotë të këtij Mesazhi. Fjala Ime po të jepet ty në epokën më historike që nga fillimi. Sepse është në këtë kohë që bota do të përjetojë tani ndryshimet e pa dëshmuara ndonjëherë nga njerëzimi deri më sot.

Bëhuni gati tani, fëmijët e Mi, kudo që të jeni në botë. Sepse shumë shpejt, një nga Dhuratat më të çmuara, prej Mëshirës Sime, do t’i jepet secilit prej jush. Paralajmërimi Im, që po ju jepet, do të përhapë konvertimin kudo. Kur kjo të ndodhë, pas atij momenti në kohë kur Toka do të qëndrojë e palëvizur, Dashuria përmes pranimit të së Vërtetës, do të përhapet.

Ndjekësit e Satanit do ta kenë të vështirë ta mbrojnë sjelljen e tyre djallëzore, përpara dashurisë dhe dritës që do të ndriçojë nëpër ju. Por edhe pse ngjarja e madhe, e cila do t’ju tronditë, do të sjellë shumë konvertim, ju prapë duhet të jeni të përgatitur për të.

Pranojeni se kjo profeci do të ndodhë. Fare pak do ta mohojnë atë gjatë saj dhe më pas. Prapë shumë do të vazhdojnë akoma të largohen nga Unë. Persekutimi i Madh do të vijoj më pas.

Priftërinjtë do të vuajnë

Ushtria Ime e ndjekësve do të ngrihet me trimëri dhe do ta mbrojë Ekzistencën Time. Por edhe ata që ju më pak i prisni, përfshirë drejtuesit e kishës Sime të Krishterë, do të mbajnë anën e të ligut dhe parazitëve të tij. Ata do të joshen për shkak të dobësisë së besimit të tyre. Ju do të shikoni se ata zëdhënës të Mi të shenjtë, shërbëtorët e Mi të shenjtë besnikë, do të duhet ta mbrojnë besimin e tyre. Egërsia, që do të tregohet ndaj tyre, do të jetë e ngjashme me atë që Unë durova nga ekzekutuesit e Mi. Dëgjojeni këtë të gjithë ju që më ndiqni Mua. Mos u tundoni të ndiqni udhën e tradhtarëve, edhe nëse jeni të frikësuar. Kurrë mos i besoni premtimet e tyre të rreme. Të jeni trima. Lutuni për forcë.

Persekutimi nuk do të zgjasë shumë

Qëndroni të fortë, besimtarë, sepse edhe ata më pranë jush do të largohen nga Besimi. Ju mund ta gjeni veten të izoluar, të tallur dhe të përbuzur publikisht. Shpërfillini ngacmimet e tyre. Unë do t’ju drejtoj të gjithëve ju dhe do t’ju mbroj, sepse kjo periudhë nuk do të zgjasë shumë. Vuajtja më e dhimbshme që ju do të përjetoni do të jetë pabesia e tyre ndaj Meje, ndaj të Vërtetës.

Vendet jo të Krishtera do të ushtrojnë kontroll

Lutja mund të ndihmojë në dobësimin e disa nga ngjarjeve katastrofike, që do të shfaqen. Persekutimi, që do të bjerë mbi ata prej jush që besojnë tek Unë dhe Ati Im i Përjetshëm, do të jetë nga kombet që janë të zbrazur nga dashuria. Dashuria për Hyjin. E vetmja dashuri që ata mbajnë në zemrat e tyre është për pushtet mbi kombet me më pak fat. Kontrolli është qëllimi i tyre kryesor. Lavdia, dhe ndjekja për pasuri dhe zotërime mbi ju, vendin tuaj dhe ata prej jush, që refuzojnë të më mohojnë Mua. Dorëzohuni, fëmijët e Mi, dhe ju do ta keni shumë të vështirë të riktheheni dhe t’i ripërshkoni gjurmët tuaja drejt Meje. Kjo do të kërkojë guxim të jashtëzakonshëm përballë kundërshtimit të fuqishëm, por ju do të fitoni. Nëse ju vuani për shkak të pasionit që ju ndjeni në zemrat tuaja për dashurinë ndaj Hyjit, Atit Tim të Përjetshëm, atëherë ju do ta pranoni këtë me gëzim në shpirtrat tuaj.

Ngritja e diktatorëve të rinj

Ndryshime të papritura në situata globale, që deri tani janë dukur si trazira të vogla, tani do të dalin në pah si luftëra gjithëpërfshirëse. Luftërat do të çojnë në mungesën e ushqimit. Demokracia do të zvogëlohet me shpejtësi dhe diktatura të liga do të ngrihen. Megjithatë, këto diktatura do të jenë shumë të kujdesshme për mënyrën se si ato do të perceptohen. Ata do të vijnë si negociatorë të paqshëm dhe si “shpëtimtarë”. Si shpërblim që po i ushqejnë gojët tuaja ata do të kontrollojnë pronësitë tuaja, të cilat më pas do të bëhen të tyret. Juve do t’ju duhet të merrni leje për të ushqyer familjet tuaja. Për të udhëtuar do t’ju duhet një formë e veçantë identifikimi dhe do t’ju kërkohet të pranoni shenjën – shenjën e bishës. Vraponi, fëmijët e Mi. Fshihuni. Sepse kjo nuk është e gjitha. Ata do t’ju diktojnë se si të luteni sepse nuk është tek Hyji që ata kthehen. Këta, fëmijët e Mi, janë ushtritë e Satanit, dhe ata duan të vjedhin shpirtrat tuaj.

Ata prej jush që besojnë tek Unë, përgatituni. Kthehuni tek kishat tuaja menjëherë. Lutuni tek Hyji Ati i Përjetshëm. Mblidhuni në grupe dhe lutuni, lutuni, lutuni. Kërkoni falje tani, që kur të dëshmoni Paralajmërimin ju ta pranoni, me përulësi, gjendjen e shpirtit tuaj. Ju nuk do të keni asgjë për t’u frikësuar.

Lutuni, gjithashtu, për familjet dhe miqtë tuaj, fëmijët dhe fqinjët tuaj. Të gjithë ata duhet të përgatiten. Sa shumë do të kthehen atëherë kur ata të dëshmojnë të Vërtetën e Ekzistencës Sime. Sa shumë nuk do të jenë në gjendje t’i bëjnë ballë tronditjes kur ata ta shikojnë se sa më kanë fyer Mua. Të tjerë thjeshtë nuk do duan t’ia dinë. Orët po trokasin tani.

Më kërkoni Mua t’ju ndihmoj

Shenjat, të cilat të gjitha kanë qenë parathënë, janë përreth jush, fëmijë. Shikojini ato dhe pranojini ato për çfarë janë. Trazira. Tërmete. Përmbytje. Ndryshime klimatike. Ato tani do të përshkallëzohen. Paraja tani po rrallohet po ashtu edhe ushqimi juaj. Mos besoni se gjithçka është e humbur, sepse kur të më kërkoni Mua ndihmë, lutjet tuaja do të marrin përgjigje. Unë do t’ju mbaj të gjithëve për dore dhe do t’ju ndihmoj përgjatë kësaj trazire. Por ju duhet t’i hapni zemrat tuaja. Bllokoni çdo përpjekje për t’ju joshur të futeni në planet e të ligut. Ruajeni pastërtinë e zemrës dhe të mendjes. Të jeni të përulur në sjelljen tuaj. Por kurrë të mos keni frikë të mbroni të drejtën tuaj për të besuar tek Unë.

Koha për të përgatitur shpirtrat tuaj

Koha është gati. Shkoni tani, fëmijët e Mi, dhe përgatiteni shpirtin tuaj. Kërkoni, përmes Sakramenteve, hiret që ju duhen për ta shenjtëruar shpirtin tuaj. Pastaj më kërkoni Mua t’ju marr në Krahët e Mi dhe kërkoni shpëtim. Dashuria dhe Dhembshuria Ime për secilin prej jush është përtej njohurisë suaj. Paralajmërimi, një nga Dhuratat më bujare që Unë mund t’ju jap të gjithë juve përpara se gjykimi final të ndodhë, duhet të mirëpritet nga ju. Të jeni mirënjohës që po ju jepet kjo Dhuratë e mrekullueshme. Sepse kur konvertimi të ndodhë në çdo skaj të botës, ju atëherë do të jeni me të vërtetë gati për Qiellin dhe Tokën e Re, të cilat atëherë do të shkrihen si një – Parajsa Ime dhe trashëgimia e lavdishme që secilit prej jush i takon ta ndajë – nëse vendosni të bëni kështu.

Prisni Paralajmërimin Tim tani, fëmijët e Mi. Sepse koha po afrohet shumë pranë tani.

Shpëtimtari juaj i dashur, Gjykatësi i Drejtë dhe i Mëshirshëm Jezu Krishti

https://fatherofloveandmercy.wordpress.com/2011/03/03/democracy-to-disappear-priests-will-be-martyred/

Nëna e Shpëtimit: Së shpejti vdekja nuk do të ketë më fuqi mbi njeriun

E Premte, 10 Tetor 2014, në 13:10

Bijtë e mi të dashur, Kryqëzimi i Birit tim ishte domethënës, në shumë mënyra. Jo vetëm që ishte prej duarve të ushtarëve Romakë që Ai u vra por edhe me urdhër të atyre që pohonin të ishin ndjekësit e përkushtuar të Fjalës së Hyjit.

Fshikullimi i Tij me kamzhik, persekutimi dhe vdekja u kryen sipas udhëzimeve të atyre që udhëhiqnin besimtarët në Tempullin e Hyjit. Ata e hodhën poshtë gjithçka që e dinin të ishte e Vërteta, sepse refuzuan të pranonin se Biri im, Jezu Krishti, ishte Mesia. Çdo Ligj, i diktuar nga Hyji, u thye ndërsa ata kënaqeshin me ekzekutimin e Birit tim.

Para ardhjes së Ditës së Zotit ata do ta kryejnë përsëri Kryqëzimin e Tij. Ata do ta fshikullojnë Atë me kamzhik, përmes tradhëtisë së tyre ndaj Fjalës së Tij të Shenjtë. Ata do të persekutojnë ata që qëndrojnë besnikë ndaj Tij dhe, pastaj, ata do ta poshtërojnë Trupin e Tij. Por ata nuk do të arrijnë ta vrasin Atë, sepse Trupi i Tij – Kisha e Tij – nuk mund të vdesi dhe ajo do të qëndroj në këmbë, edhe pse në gjëndje të brishtë, deri në fund.

Në këtë kohë, ju duhet të kujtoni se e gjithë jeta vjen nga Hyji. Vdekja nuk ka aspak fuqi mbi Hyjin. Jeta, kur jepet, kurrë nuk mund të vdesi. Së shpejti vdekja nuk do të ketë asnjë fuqi mbi njeriun dhe pëmes Ringjalljes së Birit tim, njeriu do të ketë gjithashtu Jetën e Përjetshme të trupit dhe të shpirtit. Ata që besojnë në Krisht dhe qëndrojnë besnikë ndaj Tij do të kenë jetë. Vetëm ata që e refuzojnë Atë plotësisht nuk do ta kenë.

Gëzohuni duke e ditur se një jetë e lavdishme ju pret të gjithëve ju, që i përmbaheni Fjalës së Shenjtë të Hyjit, sepse vdekja kurrë nuk do t’ju shkatërroj.

Nëna juaj e Dashur
Nëna e Shpëtimit

https://fatherofloveandmercy.wordpress.com/2014/10/10/mother-of-salvation-death-will-soon-have-no-power-over-man/

Dijeni se dhimbja e refuzimit do të jetë pikërisht si ajo që Unë, dhe apostujt e Mi, na duhej të duronim gjatë Kohës Sime në Tokë

E Shtunë, 10 Gusht 2013

Bija Ime fort e dashur, asnjë njeri mes jush nuk është aq i pastër në shpirt sa të mund të gjykoj të tjerët në Emrin Tim. Por dijeni këtë, ata prej jush që janë besnikë ndaj Meje dhe që i ndjekin Mësimet e Mia – do t’ju duhet të duroni shumë hidhërim kur të dëshmoni paturpësinë më të madhe djallëzore, me të cilën bota do të përballet.

Në emër të drejtësisë sociale dhe dhembshurisë sociale, profeti i rremë do të filloj, atë që bota do ta besojë të jetë, për të ungjillizuar dhe krijuar një kishë moderne. Kjo kishë do të shihet të arrijë tek të gjithë mëkatarët dhe do të përfshijë ata mëkatarë, mëkatet e të cilëve nuk janë të pranueshme nga Unë.

Ju, ndjekësit e Mi të dashur, do të shiheni si një sekt heretik, sepse ju do të vazhdoni të shpallni të Vërtetën. Të gjitha përpjekjet për të qëndruar të vërtetë ndaj Meje do të sulmohen ashpër. Ju do të dëboheni dhe do të deklaroheni të jeni disidentë të djathtë. Çdo përpjekje për t'i ruajtur traditat e Ceremonive të Shenjta do të shpërfillet.

Fuqia e atyre që do t’i mashtrojnë kishat e Mia në Tokë nuk duhet nënvlerësuar, pasi miliona shërbëtorë të shenjtë do të përkrahin doktrinën e re të rreme. Ata, gabimisht, do të besojnë se kjo doktrinë e re është një formë ungjillizimi. Përkrahja e tyre, si shërbëtorë të gatshëm të paturpësisë, do ta bëj të vështirë për ata të Krishterë që e njohin të Vërtetën. Zërat e tyre do të jenë si përshpërima mes britmave të atyre që do të bëhen skllevër të gënjeshtrave, të krijuara në Emrin Tim.

Dijeni se dhimbja e refuzimit do të jetë pikërisht si ajo që Unë, dhe apostujt e Mi, na duhej të duronim gjatë Kohës Sime në Tokë. Priftërinjtë e asaj dite, që deklaronin se e donin Hyjin, nuk kishin asnjë hezitim të heshtnin zërat e dishepujve të Mi, të cilët ju sollën atyre lajmin se Kush isha Unë. Këtë herë, kur Unë të lajmëroj Ardhjen Time të Dytë, profetët dhe dishepujt e Mi do të lëndohen kur zërat e tyre do të shpërfillen dhe ata do të akuzohen për blasfemi.

Ndërsa ndjekësit e Mi përhapen dhe shtohen, ata do të jenë si të vobektët dhe do ta ngjisin Malin e Kalvarit – të zhveshur, pa asnjë gjë përveç se besimit të tyre. Ndërsa ata do ta mbajnë të gjallë Flakën e Dritës Sime në Kishën Time – Kishën Time të Vërtetë – ata kurrë nuk do të devijojnë nga e Vërteta dhe do të mbartin mbi shpinën e tyre një kryq të rëndë.

Ky është kryqi i shpëtimit, sepse mbi shpinën e tyre të gjorë, të dërrmuar ata do të mbartin mëkatet e atyre që më braktisin Mua. Mundimi i tyre do të jetë i rëndë. Për arsye të dashurisë së tyre për Mua, ata do të vuajnë për shkak të të tjerëve, me qëllim që të shpëtojnë shpirtrat e tyre të dëshpëruar.

Ata shpirtra nuk e meritojnë të shpëtohen. Ata do të shpëtohen vetëm pse Unë vendos t’i shpëtoj ata. Ata do të më kenë fyer Mua, do të kenë shkaktuar vuajtje të tmerrshme mbi ndjekësit e Mi besnikë dhe do të kenë torturuar Ushtrinë Time të Mbetur.

Prapë, Unë do t’i shpëtoj ata për arsye të besimit të atyre në Ushtrinë Time të Mbetur.

Ata njerëz të tjerë, që i kanë shitur shpirtrat e tyre tek bisha, ta dinë këtë. Ju mund të mos besoni në Ferr, por Unë do t’ju zbuloj se çfarë vuajtjesh ju sjell ai. Ditën që Unë do t’ju tregoj nivelet e torturës në Ferr, ajo do t’ju terrorrizoj dhe shumë prej jush do të klithni për Mëshirën Time. Dhe Unë do t’ju shpëtoj, nëse ju më kërkoni Mua t’ju fal. Unë do ta bëj këtë gjatë Ditës së Paralajmërimit të Madh. Ata prej jush, që do ta ndjejnë djegjen e flakëve të Ferrit, por që nuk do të kthehen tek Unë – ju nuk do t’i shpëtoni Paralajmërimit dhe ai moment që ju më refuzoni Mua do të jetë i fundit për ju.

Të gjithë ata, që mbeten besnikë ndaj Meje dhe të vërtetë ndaj Fjalës Sime – edhe pse ju do të vuani – e ardhmja përpara jush është me lavdi të madhe.

Ata që nuk do t’i kushtojnë vëmëndje Paralajmërimit Tim apo të dëgjojnë të Vërtetën do të jenë në rrezik të madh.

Ata mes jush, që e adhurojnë bishën dhe ata që e ndjekin profetin e rremë në fenë e re mbarë botërore, do të hidhen në flakët përvëluese të Ferrit, të gjallë, së bashku me këta të dy.

E Vërteta ka shije të hidhur, por kur ju e pranoni atë, ajo do t’ju sjelli Jetën e Përjetshme, ku ju do të shijoni përherë Mbretërinë Time me të dashurit tuaj. Mos e prisni kordonin që ju lidh me Jetën e Përjetshme, sepse do të vuani mundime të tmerrshme dhe kurrë nuk do t’ju jepet falja.

Jezusi juaj

https://fatherofloveandmercy.wordpress.com/2013/08/10/know-that-the-pain-of-rejection-will-be-exactly-as-i-and-my-apostles-had-to-suffer-during-my-time-on-earth/

Hyji Atë: Ashtu si Biri Im u kryqëzua, po ashtu edhe Kisha e Tij mbi tokë do të kryqëzohet

E Enjte, 2 Gusht 2012, në 22.06

Bija Ime më e dashur gjyqi ndaj Kishës së Birit Tim në tokë tashmë ka filluar.

Fshikullimi, persekutimi është gati për të filluar.

Ashtu si u kryqëzua Biri Im, po ashtu do të kryqëzohet edhe Kisha e Tij në tokë.

Sprova po ndodh tani.

Biri Im ishte dërguar për të shpëtuar njerëzimin nga flakët e Ferrit.

Vdekja e Tij në Kryq, një vrasje e tmerrshme mizore, u lejua prej Meje si një mjet për t’iu ofruar fëmijëve të Mi një të ardhme.

Trupi i Birit Tim u bë Kisha e Tij në tokë. Priftërinjtë dhe shërbëtorët e Tij të shenjtë zunë vendin e apostujve të Tij.

Tani, ndërsa Ai vjen përsëri për ta shëlbuar njerëzimin dhe për t'i fituar fëmijët e Mi të çmuar, që ata të mund të hyjnë në Parajsën Time, historia do të përsëritet.

Biri Im predikoi të Vërtetën dhe ai mblodhi shumë njerëz që i ndoqën mësimet e Tij dhe që nuk e vunë në dyshim Fjalën e Tij.

Pastaj Ai u tradhtua nga ata që ishin afër Tij dhe që i ishin përkushtuar Atij brenda radhëve të Tij.

Kisha e Tij, Kisha Katolike, gjithashtu është tradhtuar nga brenda korridoreve të veta.

Tundimi prej Satanit e solli në pah këtë dhe një ligësi e madhe ishte përgjegjëse për largimin nga Biri Im.

Në Kishën e Tij sot, largimi prej Tij ka filluar kohë më parë. Ashtu si me Birin Tim, shumë ndjekës besnikë ndaj Fjalës së Shenjtë të dhënë prej Meje, e tradhtuan Atë.

Pastaj filloi gjykimi, ku Biri Im u akuzua për herezi. Po kështu edhe Kisha e Birit Tim në tokë ka vuajtur të njëjtin fat.

Për shkak të të ligjve në mesin e tyre, të cilët kryen fyerje të rënda kundër njerëzimit, shumë ndjekës besnikë e braktisën Kishën.

Më tej ata e braktisën Birin Tim dhe i shpërfillën mësimet e Tij.

Sprova e Kishës së Birit Tim në tokë i ka bërë priftërinjtë e saj që të heshtin kur vjen puna për të mbrojtur mësimet e Birit Tim.

Ata kanë frikë se mos i fyejnë ata që e mohojnë Birin Tim, për shkak të mëkateve të atyre që janë mes tyre.

Kisha e Birit Tim tani përballet me sprovën më të madhe nga të gjitha, që nuk është parë që nga Kryqëzimi i Birit Tim të Dashur.

Kisha e Tij po pëson tallje pa mëshirë, jo vetëm nga armiqtë e saj nga jashtë por edhe nga armiqtë e saj nga brenda.

Kurora e Gjembave do të vendoset tani në Kokën e Kishës së Birit Tim dhe pak prej ndjekësve të Tij do të qëndrojnë pranë Tij.

Ashtu si apostujt e Birit Tim, me përjashtim të Gjonit, e braktisën Atë gjatë gjyqit dhe ekzekutimit të Tij, po ashtu, edhe ata në vendet e larta brenda Vatikanit do ta braktisin Zëdhënësin Tim të Shenjtë.

Ai, si Kreu i Kishës Katolike do të detyrohet që të ecë nëpër një udhë të tmerrshme fatkeqësish pa pasur asnjë faj të tijin.

Edhe pse ai do të fshikullohet, do të përqeshet dhe do të bëhet të duket si budalla, nuk është ai ndaj të cilit ata do të vjellin vrerin e tyre. Do të jetë kundër të Vërtetës së Kishës, Kishës së Krishterë, të formuar prej Sakrificës së Birit Tim, ndaj të cilës ata do të derdhin urrejtjen e tyre.

Krishtërimi do të goditet në çdo cep, në çdo komb, në çdo vend adhurimi derisa të dobësohet nga lodhja.

Ndërsa do të çohet drejt udhës së Kalvarit, ashtu si u çua Biri Im, do të lidhet dhe do të sigurohet me litarë që të jetë e pamundur t'i shpëtojë mundimit.

Pastaj, ndërsa t’i ngjitet kodrës, do të goditet me gurë, do ta pështyjnë dhe tallin gjatë gjithë rrugës deri në majë.

Pastaj do të gozhdohet në Kryq.

Pak simpati do të tregohet për të nga ata që e fajësojnë Kishën për mëkatet kundër të pafajshmëve, kur ata ta dënojnë Kreun e Kishës, Birin Tim.

Ata do ta bëjnë Atë me faj për mëkatet e të tjerëve, të shkaktuara nga tundimet e Satanit.

Kur ata do ta kenë gozhduar Kishën e Birit Tim në Kryq, ata do të dërgojnë qindra roje, ashtu si 600 ushtarët që qëndruan në Kalvar, për të siguruar që çdo pjesë e Mishit të mos shpëtojë pa u ndëshkuar.

As edhe një shërbëtor i Kishës së Tij, që deklaron besnikëri ndaj saj, nuk do të lejohet që të shpëtojë.

Kur Kisha të jetë kryqëzuar, ata do të bëjnë të sigurt që ajo të vuajë për bukë dhe ujë deri në frymën e fundit.

Të gjithë dishepujt e saj, ashtu siç ndodhi me apostujt e Birit Tim, nuk do të duken gjëkundi.

Ata do të shkojnë të fshihen nga frika se mos ndëshkohen.

Kur të duket sikur është në frymën e fundit, gjithçka do të bëhet e heshtur derisa brohoritjet e atyre që e kryqëzuan Kishën do të shurdhojnë mbarë botën me doktrinën e tyre false.

Zëri i kreut të ri të kishës, mashtruesit, Profetit të Rremë, do të tingëllojë fort.

Të gjithë do të bien në gjunjë duke më falënderuar Mua, Hyjin Më të Lartin, me lehtësim. Sepse do të duket të përfaqësojë një fillim të ri.

Do të jetë në atë kohë që Prania e Birit Tim nuk do t'i hijeshojë më altarët brenda kësaj kishe, sepse kjo nuk do të jetë e mundur.

Do të jetë atëherë që Dora Ime, në ndëshkim, do të bjerë si dënim.

Kjo është kur Beteja e Armagedon-it do të fillojë.

Kjo është kur Unë do të vij, përmes Birit Tim, për të shpëtuar shpirtrat.

Mos e mohoni këtë profeci.

Mos u fshihni pas sigurive të rreme sepse kjo ditë duhet të vijë.

Kryqëzimi i Kishës së Birit Tim duhet të ndodhë për shkak të Besëlidhjes Përfundimtare.

Por atëherë, Ringjallja e Lavdishme e Kishës, e Jerusalemit të Ri, do t'i fshijë të gjithë lotët, të gjitha vuajtjet dhe pastaj do të vijë Epoka e Re.

Kini besim tek Biri Im në çdo kohë.

Kurrë mos kini frikë sepse Unë jam Ati juaj dhe Unë do të vij për ta ripërtërirë tokën dhe për t’i mbledhur të gjithë fëmijët e Mi në këtë mrekulli finale të parathënë në Librin e Danielit.

Libri i së Vërtetës tani po ju zbulohet, fëmijë, ashtu siç është premtuar.

Mos e refuzoni ndërhyrjen Time Hyjnore sepse Unë flas të Vërtetën.

Hyji Më i Larti

https://fatherofloveandmercy.wordpress.com/2012/08/02/god-the-father-just-as-my-son-was-crucified-so-too-will-his-church-on-earth-be-crucified/

Ashtu si Unë u refuzova herën e parë, po ashtu do të refuzohem herën e dytë

E Hënë, 4 Qershor 2012, në 15:20

Bija Ime fort e dashur, shumë pak prej popullit Tim të zgjedhur, Hebrenjve, më pranuan Mua si Mesia i vërtetë kur Unë erdha në botë dhe vdiqa për mëkatet e njerëzimit.

Këtë herë shumë pak të Krishterë do ta kuptojnë se jam Unë që po iu flas atyre tani, përpara se Unë të vij për herë të dytë.

Ata do t’i besojnë gënjeshtrave që dalin nga buzët e gënjeshtarëve, profetëve të rremë të cilët do t’i duan, ndërsa do të më refuzojnë Mua me një urrejtje që bie në kundërshtim me dashurinë që ata kanë për Hyjin.

Ashtu si Unë u refuzova herën e parë, ashtu do të refuzohem herën e dytë.

Ju nuk duhet të ndjeheni të trishtuar për mënyrën se si më tallin Mua, më shkelmojnë, më gjuajnë dhe i përqeshin mesazhet e Mia. Sepse një urrejtje e tillë kundër Fjalës Sime të Shenjtë mund të vijë vetëm nga Satani. Nëse zemërimi i Satanit bëhet intensiv ashtu siç është tani, atëherë ju mund të jeni të sigurt se ai shqetësohet për shpirtrat që Unë kam si qëllim t'i shpëtoj nga kthetrat e tij.

Mbyllini veshët. Shikoni përpara dhe përqendrohuni vetëm tek Unë.

Përqëndrohu tek Unë
jo tek stuhia

Çdo lloj sulmi do të hidhet mbi ju, ndjekësit e Mi, për t'ju ndaluar të më ndiqni Mua.

Çdo argument kundër Fjalës Sime prej atyre që mburren se janë ekspertë në çështjet Shpirtërore të Shenjta, duhet të hidhet mënjanë.

Ata nuk e kanë Shpirtin e Shenjtë në shpirtrat e tyre, sepse ata nuk e meritojnë për shkak të mëkatit të krenarisë.

Ashtu si Unë vuajta fshikullimin tek shtylla, po ashtu, Unë do të vuaj përsëri ndërsa Fjala Ime e Shenjtë tani të copëtohet me urrejtje nga ata që duan të sigurojnë që Fjala Ime të refuzohet.

Unë iu them këtyre shpirtrave tani. Nëse ju nuk doni ta pranoni Dorën Time të Mëshirës për ta shpëtuar njerëzimin, përse mbartni kaq urrejtje në zemrat tuaja?

A nuk e dini se ju po tundoheni nga i ligu që kërkon t'ju verbojë ndaj të Vërtetës?

Urrejtja, shpifja dhe sharja nuk vijnë prej Meje. Kur ju i lejoni këto mëkate të liga që t'ju pushtojnë, ju nuk më doni Mua.

Ju do të ktheheni tek Unë, kur ju të dilni para Meje gjatë Paralajmërimit, nëse e keni përulësinë e nevojshme për të më kërkuar Mua që t'ju fal.

Nëse nuk qëndroni të heshtur tani, ju do të vuani dhe keqardhja do t'ju bëjë të dobët dhe do të dridheni përpara Meje.

Sa më lëndoni Mua.
Sa më bëni Mua të vuaj.

Ju më fshikulloni Mua ashtu si Unë u fshikullova herën e parë. Dhe prapë ju thoni se jeni Dishepuj të Shenjtë të Mitë.

Ju jeni shkaku i një dëshpërimi të madh për Mua.

Ndjekësve të Mi iu them, shpërfillini këto ngacmime.

Mos e hapni gojën apo të ngatërroheni me ata që tregojnë zemërim, urrejtje dhe që, në të njëjtën kohë, pohojnë se më duan Mua.

Si mund të më doni Mua kur ju nuk tregoni dashuri apo durim ndaj njëri-tjetrit.

Ju jeni hipokritë nëse ju e lëndoni tjetrin në Emrin Tim.

Tani koha ka ardhur për refuzimin e dytë, aspak të ndryshëm nga hera e parë.

Përçmimi do të thotë se ata të vetëquajturit dishepuj të Shenjtë do t’i ngacmojnë profetët e Mi duke u përpjekur që t'i pengojnë ata duke iu bërë pyetje mbi njohuritë e tyre për Shkrimin e Shenjtë.

Profetët e Mi nuk e kuptojnë shkrimin e shenjtë dhe ata nuk do ta mbrojnë fjalën Time.

Prapë ata të ashtu-quajturit dishepuj të Shenjtë, ashtu siç ndodhi gjatë Kurorëzimit me Gjemba mbi Kokën Time, do të përpiqen që t'i bëjnë profetët e Mi të duken si budallenj dhe pa vlerë.

Pastaj ata do t’i hyjnë tepër thellë për t’i tallur dhe turpëruar, ndërsa të jenë duke pohuar në të njëjtën kohë, se sa të ditur janë mbi Mësimet e Mia.

Ngacmimet do të vazhdojë derisa ato të lehtësohen pas Paralajmërimit kur këta shpirtra do ta kuptojnë gabimin që e kanë bërë.

Ata do të qajnë dhe do të vuajnë për shkak të kësaj, por Unë do t’i fal sepse i dua ata.

Por atëherë shumë të tjerë nuk do të pendohen. Ata do të shkaktojnë dhimbje dhe persekutim të tmerrshëm mbi profetët e Mi të kohëve të fundit. As edhe për një moment ata nuk do të heqin dorë.

Çdo lëndim, fyerje dhe sulm do të hidhet prej tyre drejt Emrit Tim, Jezu Krishtit, Birit të Njeriut.

Ata do të më mohojnë Mua, përmes Fjalës Sime të Shenjtë që iu jepet atyre sot, deri në fund.

Pastaj atyre do t'iu jepet edhe një rast tjetër për ta pranuar Librin e së Vërtetës. Ata ose do të më pranojnë Mua ose do të më refuzojnë.

Pastaj Unë do t’i mbledh të gjithë ata shpirtra të përulur që më duan Mua dhe Qielli dhe Toka e Re do të bashkohen.

Ata që akoma do të më refuzojnë Mua do të hidhen në Zjarret e Ferrit.

Unë vij edhe një herë të fundit për t'ju shpëtuar.

Hapini zemrat tuaja dhe shikoni se jam Unë, Jezusi, që po ju thërras tani.

Nëse ju nuk mund ta shikoni këtë, atëherë ju keni nevojë për shumë lutje për t’ia lejuar Shpirtit të Shenjtë që me të vërtetë të hyjë në shpirtrat tuaj.

Dijeni se ata që janë të bekuar me Shpirtin e Shenjtë nuk i fyejnë të tjerët, nuk shpifin apo të përhapin urrejtje kundër fëmijëve të Hyjit.

Ata nuk dëshirojnë që t’i kontrollojnë fëmijët e Hyjit.

Ata nuk i thyejnë 10 Urdhërimet.

Jezusi juaj

https://fatherofloveandmercy.wordpress.com/2012/06/04/just-as-i-was-rejected-the-first-time-i-will-be-rejected-the-second-time/

Kisha Ime e Mbetur, Dy Dëshmitarët, të referuar në Librin e Zbulesës

E Diel, 15 Prill 2012, në 19:16

Bija Ime fort e dashur, Unë e kuptoj se disa nga këto Mesazhe nuk kanë kuptim për ty, por ti duhet të kesh besim tek Unë dhe ta dish se Unë duhet të zbuloj përmbajtjen e Librit të Zbulesës, që shpirtrat ta dinë se çfarë të presin në këto kohë.

Ju që keni pak besim, por që e pranoni Fjalën Time, e cila po ju jepet përmes këtij profeti, dijeni se përulësia dhe dëshira juaj, e lindur prej një dashurie të pastër për Mua, ju ka sjellë më pranë Zemrës Sime të Shenjtë.

Ju jeni Kisha Ime e Mbetur. Ju jeni Kisha, e referuar në Librin e Zbulesës.

Ju jeni produkt i gruas që lindi një mashkull dhe që u dërgua në shkretëtirë, ku ju do të jeni të izoluar, por të bashkuar në një, për ta shpallur Fjalën Time të Shenjtë dhe për të predikuar Ungjillin e Vërtetë.

Gruaja lind Kishën Time të Vërtetë, grigjën Time besnike, e cila nuk do të gënjehet nga profeti i rremë.

Ju, Kisha Ime, do të hidheni mënjanë në shkretëtirë për 1,260 ditë, ku ju do të gjeni strehë. Por me Dhuratën e Shpirtit të Shenjtë, ju do të ushqeheni me Frytet e Dashurisë Sime.

Do të jenë pjesëtarët besnikë të kishave të Mia të Krishtera, duke përfshirë shërbëtorët e Mi të shenjtë dhe ndjekësit e Mi që do ta refuzojnë profetin e rremë, ata që do ta mbajnë Kishën Time të bashkuar.

Juve do t’ju duhet të më nderoni Mua në fshehtësi, sepse Mesha do të ndryshojë përtej njohjes nën drejtimin e profetit të rremë.

Ju, jeni ndjekësit e Mi të vërtetë dhe të gjitha Hiret e Qiellit janë duke u derdhur mbi shpirtrat tuaj të çmuar.

Sa shumë Unë ju dua fëmijë dhe sa shumë ma qetësoni vuajtjen Time. Por sa shumë dhimbje ka në Zemrën Time për shkak të atyre ndjekësve të Mi që do të refuzojnë të më dëgjojnë Mua. Ata do të tërhiqen në rrjetë nga profeti i rremë drejt errësirës dhe Unë nuk do mund t'i shpëtoj ata.

Me vullnetin e tyre ata do të më godasin Mua me shuplakë në fytyrë.

Kishës Sime të Mbetur do t’i duhet ta përhapë fjalën tek fëmijët e Mi të tjerë, duke përfshirë ata që nuk më njohin Mua fare.

Ju, Kisha Ime e Mbetur, do të duhet t’ua shpallni Profecitë e Mia dhe Fjalën Time të Shenjtë atyre, që nuk janë të Krishterë apo që nuk i njohin 10 Urdhërimet.

Detyra juaj do të jetë të siguroni që Bibla e Shenjtë të lexohet dhe të kuptohet.

Do t’ju takojë juve për ta informuar botën mbi kuptimin e plotë të Vulave që përmbahen në Librin e Zbulesës, të cilat Unë do t’ia zbuloj Marias së Mëshirës Hyjnore.

Dy Dëshmitarët në Librin e Zbulesës:

Ju, ndjekësit e Mi, jeni njëri nga Dy Dëshmitarët e referuar në Librin e Zbulesës dhe që do të mbroheni prej Qiellit.

Fjala Ime që ju jepet juve, Kishës Sime të Mbetur, mund të hidhet mënjanë si një kufomë, por Fjala Ime kurrë nuk do të vdesë.

Hebrenjtë do të jenë i dyti nga Dy Dëshmitarët.

Dy llambat janë kishat e Mia të Krishtera, Kisha tradicionale e Vërtetë dhe ata ndjekës të Mi që do të hidhen mënjanë nga profeti i rremë.

Dy pemët e ullirit janë Izraeli i Jerusalemit të Vjetër dhe Izraeli i Ri.

Ata, Hebrenjtë, do ta njohin më në fund se Unë Jam Mesia dhe predikimi i tyre i të Vërtetës do të lihet mënjanë dhe do të flaket nga profeti i rremë dhe antikrishti, që të kalbet si një kufomë. Përsëri, kjo racë e zgjedhur nuk do të vdesë.

Të dyja palët do të ndjehen të mundura, por kjo nuk do të jetë e vërtetë sepse ju do të formoni, së bashku me të gjitha fetë e tjera, Kishën e Vetme të Vërtetë – Jerusalemin e Ri, që do të ngrihet prej hirit.

Ju do t'i mbijetoni monarkisë së ligë që do të ngrihet nën udhëheqjen e dyfishtë të profetit të rremë dhe antikrishtit, të cilët që të dy do të hidhen në liqenin e zjarrit që është Ferri.

Ky persekutim nuk do të zgjasë shumë dhe ju do të merrni forcë dhe mbrojtje të madhe.

Do t'ju jepet ndihmë dhe shumë udhëheqës do të dalin midis jush për t'ju udhëzuar gjatë kësaj periudhe.

Shumë prej jush do të bëhen shenjtorë në Parajsën Time të Re dhe, ngaqë keni ndihmuar në ndërtimin e Kishës Sime të Mbetur mbi Tokë, do të mbretëroni me Mua në Qiellin dhe Tokën e Re, e cila do të shfaqet në Ardhjen Time të Dytë.

Atyre prej jush që nuk janë me Mua, do t'iu jepet një kohë shumë e shkurtër për të zgjedhur.

Ju ose do të jeni për profetin e rremë dhe kundër Meje, ose do të jeni për Mua.

Zgjidhni të parën dhe shpirti juaj do të vidhet nga mashtruesi. Sado ashpër të tingëllojë, kjo është e Vërteta.

Prova e Pranisë Sime do t'iu jepet të gjithë fëmijëve të Hyjit gjatë Paralajmërimit.

Lutuni që ju ta pranoni të Vërtetën se jam Unë, Jezusi juaj i dashur, që ju thërret nga Qielli për t'ju hapur sytë, që të arrini të shikoni dhe që ju të vini vesh, në mënyrë që të arrini të dëgjoni përpara se të jetë tepër vonë.

Jezusi juaj i dashur

https://fatherofloveandmercy.wordpress.com/2012/04/15/my-remnant-church-the-two-witnesses-referred-to-in-the-book-of-revelation/