E Martë, 20 Mars 2012, në 21:20
Bija Ime fort e dashur, Unë dëshiroj t'i përqafoj të gjithë
dishepujt dhe ndjekësit e Mi kudo që janë në Krahët e Mi në këtë moment.
Unë kam nevojë për ngushëllimin tuaj fëmijë. Unë kam nevojë për
ngushëllimin tuaj në vuajtjet e Mia, ndërsa Unë derdh lot për Kishën Time mbi
Tokë.
Kaq shumë të larguar janë bërë disa nga shërbëtorët e Mi të
shenjtë, sa shumë nuk besojnë në
Ardhjen Time të Dytë.
Ata priftërinj, peshkopë dhe kardinalë që besojnë, po shtyhen
mënjanë dhe po detyrohen të mbajnë heshtjen.
Sa lot derdh Unë për këta dishepuj të Mi të gjorë, të çmuar që e
kanë premtuar jetën e tyre tek Unë dhe në përhapjen e Mësimeve të Mia tek
njerëzimi.
Shumë shpejt ata do të duhet të kenë kujdes se çfarë thonë për
Fjalën Time të Shenjtë, sepse ata do të detyrohen të shpallin mësimet e një
gënjeshtari, shpirti i të cilit nuk vjen nga Drita.
Bashkohuni tani, fëmijët e Mi, priftërinjtë e Mi të dashur dhe
të gjithë ata që më duan Mua dhe më ndihmoni Mua t’i shpëtoj shpirtrat. Për ta bërë këtë ju nuk duhet të humbisni as edhe një moment. Ju
duhet t’i tregoni të tjerëve për Lavdinë e Madhe që shtrihet përpara për
secilin dhe çdonjërin prej jush në Ardhjen Time të Dytë.
Kjo Ngjarje Madhështore dhe e Lavdishme do të jetë momenti kur
ju përfundimisht do të bashkoheni me Mua, Jezusin tuaj të shtrenjtë, I cili ju
do kaq shumë të gjithëve.
Ju, ndjekësit e Mi të dashur, duhet të qëndroni në gatishmëri
gjatë gjithë kohës.
Ju do të tundoheni për
të më braktisur Mua, për t'i mohuar Mësimet e Mia të Vërteta dhe do të
detyroheni që ta nderoni dhe t’i bindeni ujkut të veshur me lëkurë deleje.
Kaq shumë shpirtra të shkretë jo vetëm që do të bien pre e papës
së rremë – profetit të rremë, të parathënë kaq kohë më parë – por ai do t’ju
bëjë që të besoni se ai ka fuqi hyjnore.
Fëmijë koha për përçarjen brenda Kishës pothuajse ka ardhur dhe
ju duhet të përgatiteni tani.
Bashkohuni në një.
Mbështetuni tek njëri-tjetri.
Mbrojeni njëri-tjetrin
dhe lutuni për ata që do të ndjekin udhën e gabuar dhe do t'i bëjnë nderime profetit të rremë.
Shumë lutje kërkohet, por nëse bëni ashtu si ju them Unë, ju
mund të shpëtoni shpirtra.
Ju, ndjekësit e Mi të shtrenjtë, do të formoni Kishën Time të
Mbetur mbi Tokë dhe do të udhëhiqeni nga ata shërbëtorë të shenjtë trima, të
cilët do ta njohin profetin e rremë për çfarë ai është në të vërtetë.
Mos kini frikë, sepse Unë Jam duke ju dhuruar Hiret e urtësisë,
qetësisë dhe dijes mbi secilin prej jush që ma kërkon ta bëj këtë, me anën e
kësaj lutjeje:
O Jezus, më ndihmo ta shoh të Vërtetën e Fjalës Tënde të Shenjtë, në çdo kohë, dhe të qëndroj besnik ndaj Mësimeve të Tua, pa marrë parasysh se sa
shumë jam i detyruar të të refuzoj Ty. Amen.
Ngrihuni tani dhe të jeni të guximshëm, të gjithë ju, sepse Unë
kurrë nuk do t’ju braktis.
Unë do të eci me ju në
udhën me gjemba dhe do t’ju udhëheq të sigurt drejt Portave të Parajsës së Re.
Gjithçka që ju duhet të bëni është të keni besim të plotë tek
Unë.
Shpëtimtari juaj i
dashur
Jezu Krishti
Jezu Krishti