Gjithmonë dijeni se beteja, që ekziston mes Hyjit dhe Satanit, është për shpirtrat e njerëzimit. Dhe ndërsa çdo forcë dhe Hir do të hidhet mbi njerëzimin nga Ai Im – çdo punë dhe vepër e keqe do të kryhet nga i ligu mbi shpirtrat. Shumë njerëz janë të pavetëdijshëm për çfarë po ndodh dhe për fat të keq shumë po e japin veten vullnetarisht tek Satani duke i hapur shpirtrat e tyre dhe duke e lejuar atë të hyj tek ata.
Mund të marri pak kohë para se Satani me të vërtetë të shfaqi veten brënda shpirtrave dhe për ata që vazhdimisht kërkojnë pajtim përmes Meje, Jezu Krishtit, atyre do t’ju jepen Hiret për t’i bërë ballë atij, me qëllim që ta mbrojnë veten duke mos u dorëzuar ndaj akteve që çojnë në shthurje të plotë. Unë kërkoj që të gjithë ju të luteni për shpirtrat që bien viktimë ndaj intrigave dhe qëllimeve të ndyra të Satanit. Ju lutem ta recitoni këtë Lutje:
Lutja e Kryqëzatës (139) Për forcën për ta mposhtur të ligun
I dashur Jezus, më mbro nga ligësia e djallit. Më mbulo mua, dhe të gjithë ata që janë të dobët dhe të pambrojtur në praninë e tij me Gjakun Tënd të Çmuar. Më jep guximin ta mohoj atë dhe më ndihmo t’i shmangem çdo përpjekjeje të tij për të më angazhuar në çfarëdo lloj mënyre, çdo ditë. Amen.
Ju lutem të mos e shpërfillni paralajmërimin Tim, mbi rreziqet e angazhimit me djallin, duke u dorëzuar në mënyrat e tij të ndyra. Kur ju imitoni cilësitë e tij, të cilat përfshijnë të gënjyerit, vetë-kënaqësitë, dhimbja e shkaktuar mbi të tjerët dhe fyerja e fqinjit tuaj, atëherë ju do ta dini se ai ju ka pushtuar dhe do të jetë vetëm përmes Meje, dhe Hireve që Unë ju jap, që ju do të jeni të aftë të shkëputeni nga mbërthimi që ai do të mbaj mbi ju.
Gjithmonë më thërrisni Mua, Jezu Krishtin, kur ju e dini në zemrën tuaj se është përmes influencës së djallit që ju bëheni të papastër në Sytë e Mi.
Jezusi juaj