Bija Ime, sa madhështore do jetë dita kur Shpirti i Shenjtë, Drita e Dashurisë Sime, të derdhet përmbi Tokën. Kjo është një Dhuratë shumë e veçantë. Ajo do t’i çelë zemrat e shumë njerëzve dhe do të përgatisë shumë shpirtra për Paralajmërimin. Dashuria Ime nuk ka kufi.
Nuk ka asnjë burrë, grua apo fëmijë, të cilin Unë e përjashtoj nga dëshira Ime për ta mbajtur fort secilin në Krahët e Mi. As edhe një mëkatar nuk është i përjashtuar.
Dhuratat e Mia për njerëzimin janë të bollshme dhe Unë do të vazhdoj t'i derdh Dhuratat e Mia si përgjigje ndaj atyre që i recitojnë Lutjet e Kryqëzatës, që të janë dhënë ty, bija Ime.
Ato janë për këto kohë dhe janë një armë e fuqishme kundër persekutimit.
Këto lutje dëgjohen sa herë që ato dalin nga buzët tuaja, fëmijët e Mi.
Ato do t’ju sjellin shpërblime të mëdha.
Pranojeni Shpirtin Tim të Shenjtë me admirim dhe me falenderime.
Kjo është një mrekulli dhe është duke u dërguar tek secili prej jush me Dashurinë Time për të gjithë.
Shkoni tani në paqe dhe dashuri.
Ati juaj
Hyji Më i Larti
https://fatherofloveandmercy.wordpress.com/2012/05/05/accept-my-holy-spirit-with-wonder-and-with-thanks/