E Shtunë, 1 Nëntor 2014, në 13:35
Bija Ime fort e dashur, bëj kujdes nga ata që e mohojnë Hyjninë e Atit Tim. Ai, dhe vetëm Ai, e krijoi botën – gjithçka erdhi prej Tij. Asgjë nuk mund të vij prej asgjëje. Gjithçka që është, dhe që do të jetë, vjen nga Ati Im i Përjetshëm.
Fjala nuk mund të thyhet, dhe nëse, apo kur thyhet, është për të mos pranuar ndonjë gjë që është në kundërshtim me të Vërtetën. Ju jetoni në një kohë kur e gjithë evidenca e ekzistencës së Hyjit, dhe gjithçka që Ai krijoi, do të mohohet. Gjithçka që Ai e mban të shtrenjtë do të shkatërrohet. Krijimi i Tij është duke u copëtuar prej atyre që e mohojnë Atë. Jeta, e cila vjen prej Atij, është duke u shkatërruar dhe e Vërteta, të cilën Ai jua dha fëmijve të Tij përmes Librit të Tij të Shenjtë, që përmban Testamentin e Vjetër dhe të Ri, është duke u vënë tani në pyetje. Së shpejti, shumë prej asaj çfarë Fjala thotë do të konsiderohet të jetë e pavërtetë.
Sa pak ju e doni Atë i Cili është Ati juaj i Përjetshëm dhe sa pak ju e vlerësoni vetë fatin tuaj, sepse udha që ju zgjidhni është përzgjedhur me kujdes për t’ju përshtatur vetëm arrogancës dhe vetë-kënaqësisë suaj. Njeriu që është i fiksuar pas intelektit, njohurisë dhe kotësisë së tij do të vazhdoj të përpiqet të gjej një udhë drejt Hyjit, por sipas modelit të vet. Kjo do ta çoj atë në udhë të gabuar dhe ai do të përfundoj të bëj një jetë mashtrimi. Kur ju endeni nëpër këtë jetë në kërkim të kuptimit të ekzistencës suaj, ju kurrë nuk do ta gjeni atë nëse nuk e pranoni të Vërtetën e Krijimit.
Hyji, Ati Im i Përjetshëm, ju krijoi ju. Deri kur ta pranoni këtë ju do të vazhdoni të adhuroni zota të rremë dhe paganizmi juaj do t’ju bëj të bini në gjunjë të dëshpëruar. Koha ka ardhur kur ju do të pranoni gjithçka që vërteton se Ati Im nuk ekziston.
Juve ju është dhënë e Vërteta. Pranojeni atë. Më lejoni Mua t’ju udhëheq për dore tek Ati Im që të mund t’ju sjell Shpëtimin e Përjetshëm. Gjithçka tjetër përveç të Vërtetës do t’ju çoj në udhën e ferrit.
Jezusi juaj
https://fatherofloveandmercy.wordpress.com/2014/11/01/nothing-can-come-from-nothing-2/