Ju duhet të jeni vigjëlentë, për zërat e spiritualizmit të rremë, që nuk vijnë nga Hyji, por që do të ndjehen në pjesë të ndryshme të botës. Influenca e shpirtrave djallëzorë do të shihet në luftrat e terrorizmit, ku zërat e ëmbël që deklarojnë ideologjitë e gabuara do të përpiqen t’i justifikojnë vrasjet e tmerrshme që ata kryejnë në Emrin e Hyjit.
Së shpejti, zërat, që do të reklamojnë paganizmin, do të dëgjohen në Shtëpitë, të cilat më nderojnë Mua, dhe ata do t’i poshtërojnë Altarët e Mi. Zërat, që vijnë nga shpirti djallëzor, do të shihen si interpretime entuziaste të aspiratave të njerëzve të cilët kërkojnë përmbushje në jetë e tyre. Ata do të bërtasin, do të adhurojnë zota të rremë, do të shkatërrojnë shpirtrat e të pambrojturve dhe do të blasfemojnë kundër Meje. Këta janë shpirtrat që më zemërojnë Mua më tepër, sepse ata janë shumë bindës dhe shkaktojnë çoroditje të madhe. Ata do të jenë si magnetë ndërsa i largojnë shumë të Krishterë nga Unë.
Armiqtë e Mi do t’i verbojnë njerëzit e Mi ndaj të Vërtetës dhe së shpejti të Krishterët do të bëhen si paganët. Unë do të flakem në hendek si një i vobektë dhe dyert e Kishës Sime do të përplasen në Fytyrën Time. Dhe kur Unë të trokas në derë ajo do të jetë e mbyllur nga brënda prej atyre që deklarojnë se vijnë nga Unë.
Unë ju kam paralajmëruar për këto ditë dhe ato së shpejti do të vijnë. Përsëri Unë ju them, Fjala Ime është e Shenjtë. Këto janë mesazhet e fundit nga Qielli dhe i janë dhënë një bote që është indiferente ndaj Meje ashtu si edhe mosmirnjohëse.
Zgjohuni dhe përballuni me të Vërtetën. Ka vetëm një Zotëri. Ju nuk mund të qëndroni besnik ndaj Meje nëse i shërbeni më shumë se një zotërie.
Jezusi juaj
https://fatherofloveandmercy.wordpress.com/2014/11/18/soon-christians-will-become-like-pagans-2/