E Enjte, 6 Nëntor 2014, në 17:40
Bija Ime fort e dashur, koha ka ardhur që Ati Im i Përjetshëm ta fshij nga faqja e dheut, pisllëkun, që ka hedhur errësirë mbi shpirtrat e njerëzve. Ai do ta ndëshkoj të ligun dhe do të marri në Krahët e Tij të Shenjtë ata që e mbështesin Fjalën e Vërtetë të Hyjit. Ëngjëjt e Tij do të vërshojnë përpara, në një furtunë të madhe, dhe me kosat e fuqishme do ta presin nga rrënjët sëmundjen, që i shkatërron shpirtrat e njerëzve, me qëllim që bota të mund të pastrohet përsëri.
T'i trëmbeni Zemërimit të Hyjit sepse kur Ai të jetë çuar në një zemërim të tillë, njeriu do të dridhet nga frika. Ata që besojnë se Hyji nuk e ndëshkon të ligun nuk e njohin Atë. Zërat e tyre, të lartë dhe krenarë, që e mbushin tokën me fallcitete, dhe ata që e konsiderojnë veten të denjë për favore të mëdha, në Sytë e Atit Tim, por që shajnë të përulurin mes popullit Tim, do të shkulen nga toka dhe do të marrin ndëshkimin më të madh të hedhur mbi njerëzimin që nga përmbytja e madhe.
Ëngjëjt e Hyjit do të zbresin, dhe me një kosë në dorën e djathtë, do të ndajnë kashtën nga gruri. Ata që e shajnë Hyjin do të heshten; ata që hedhin baltë mbi Birin e Njeriut do të heshten; ata që e njollosin Trupin e Tij do të enden të hutuar, të humbur dhe të çoroditur, përpara se të zhyten në shkretëtirë.
Dashuria për Hyjin nuk ka qënë reciproke dhe Mëshira e Tij tashmë është refuzuar. Shpirtrat mosmirnjohës, sytë e të cilëve janë ngulitur mbi kënaqësitë e tyre personale – dhe vendosmëria e tyre për të kryer vepra në kundërshtim të drejtë me Vullnetin e Hyjit – do të ndjejnë dhimbjen e ndëshkimit të Hyjit. Si një shkëndijë rrufeje, do të derdhet, si në një furtunë e madhe, një trazirë e madhe e tokës, e cila do të ndjehet në çdo pjesë të botës.
Ata që e njohin të Vërtetën nuk do të kenë aspak frikë, sepse ata do të jenë dëshmitarët e gatshëm ndaj premtimeve të dhëna në Shkrimin e Shenjtë, kur Mundimi i Madh të vij. Ata që e kanë hequr Hyjin nga jeta e tyre – sikurse të kenë prerë një gjymtyrë nga trupi i tyre – nuk do t’i dinë pasojat që e shajnë Hyjin, deri kur të jetë tepër vonë.
Ju, që më keni tradhëtuar Mua, do të vuani më shumë. Ju, që keni hedhur gur mbi të tjerët, në besimin e gabuar se më përfaqësoni Mua, nuk keni se nga t’ja mbani. Sepse kudo që mundoheni të fshiheni, do të gjendeni lakuriq pa patur asgjë për ta fshehur turpin tuaj. Unë ju them këtë, sepse durimi i Atit Tim është mbaruar dhe në fushën e betejës do të dalin dy ushtri – ata që janë për Mua dhe ata që janë kundër Meje.
Lutuni për Mëshirën e Hyjit. Dhe ata që e godasin Trupin Tim ta dinë këtë. Ju mund të besoni se Unë mund të hiqem nga Shtëpia Ime por, ky do të ishe një gabim i rëndë nga ana juaj.
Largohuni nga Unë, sepse ju nuk më përkisni Mua. Ligësia juaj do të jetë rrënimi juaj dhe përmes besnikërisë suaj ndaj të ligut, ju e keni shkëputur veten nga Mbretëria Ime e Lavdishme.
Jezusi juaj
https://fatherofloveandmercy.wordpress.com/2014/11/06/those-who-do-not-believe-that-god-will-not-punish-the-wicked-do-not-know-him/