E vetmja udhë drejt Jetës së Përjetshme është përmes Birit tim, Jezu Krishti. Për arsyen se Ai është kaq i mëshirshëm, Ai i jep mundësinë gjithsecilit për të ardhur tek Ai, sipas vullnetit të tyre të lirë. Ai i dha botës të Vërtetën dhe, përmes Dhuratës së Tij të vdekjes së Tij në Kryq, Ai e hapi rrugën që të gjithë të jetojnë në paqen e përjetshme dhe në Parajsën e Tij.
Shumë nuk e pranojnë Birin tim dhe as nuk besojnë në Hyjin. Nëse ju nuk besoni në Hyjin apo të pranoni Dhuratën e Shpëtimit, atëherë ju e largoni veten nga Hyji. Për arsye të këtij Misioni Final për të shpëtuar shpirtrat, përfshi shpirtrat e të gjithë mëkatarëve, si dhe të atyre që refuzojnë të njohin Ekzistencën e Hyjit, Biri im do të kryej një Mrekulli të Madhe.
Gjatë Paralajmërimit gjithkush do ta shikoj provën se ata e kanë një shpirt dhe shumë do të kthehen në besim. Ata që nuk do të kthehen dhe që mbeten ateistë nuk mund t’ju jepet Dhurata e Shpëtimit, sepse ata do ta refuzojnë Dorën e Tij të Mëshirës. Ata shpirtra do ta refuzojnë Atë në mënyrën më rebeluese dhe asnjë tjetër, përveç lutjeve tuaja, nuk mund t’i shpëtoj ata.
Ata që refuzojnë çdo përpjekje, çdo ndërhyrje dhe çdo Mëshirë, për t’i sjellë ata në Parajsën e Re, do të flaken tutje. Sepse e tyre nuk do të jetë Mbretëria e Birit tim, sepse Ati im, I Cili i dhuroi njerëzimit Dhuratën e vullnetit të lirë, kurrë nuk do ta imponoj Vullnetin e Tij mbi ndonjë nga fëmijët e Tij.
Nëna juaj e dashur
Nëna e Shpëtimit
https://fatherofloveandmercy.wordpress.com/2013/09/06/mother-of-salvation-the-only-way-to-eternal-life-is-through-my-son-jesus-christ/
Nëna e Shpëtimit
https://fatherofloveandmercy.wordpress.com/2013/09/06/mother-of-salvation-the-only-way-to-eternal-life-is-through-my-son-jesus-christ/