Jeta juaj është veçse një moment i shkurtër në gjithë periudhën e jetës suaj. Ju jeni të dëbuar

E Martë, 3 Shtator 2013

Bija Ime fort e dashur, është dëshira Ime më e madhe t’i Bëj Thirrje njerëzve në mbarë botën, të cilët më kanë hequr Mua nga jeta e tyre, që të kthehen tek Unë. Shumë shpirtra, të drejtuar nga ideja se Zoti në fakt nuk Ekziston, kanë vendosur të më harrojnë Mua, Jezusin e tyre të dashur. Unë shqetësohem për këta shpirtra të gjorë, të hutuar sepse Unë i dua ata shumë dhe më mungon miqësia e tyre.

Nëse ju jeni larguar nga Unë dhe e keni të vështirë ta lidhni pikpamjen tuaj të një bote moderne të nxituar me një besim të thjeshtë tek Unë, Jezu Krishti, atëherë më lejoni Mua t’ju ndihmoj të kuptoni. Ju jeni ndarë nga Unë për shkak të mëkatit. Kur mëkati e njollos shpirtin tuaj, një errësirë bie mbi të dhe kjo e bën të vështirë të pranoj Dritën e Hyjit. Kur kjo ndodh, zemra juaj bëhet e ngurtë. Dhe pastaj intelekti juaj fillon të përfshihet dhe është pikërisht atëherë kur ju gabimisht do të besoni se Hyji nuk mund të Ekzistoj, sepse llogjika ju dikton se Ai nuk mund të ekzistoj.

Jeta juaj është veçse një moment i shkurtër në gjithë periudhën e jetës suaj. Ju jeni të dëbuar. E Vërteta gjendet në të ardhmen, kur ju përfundimisht të ktheheni në shtëpi tek Hyji në gjëndjen tuaj të natyrshme. Unë e kuptoj se sa e vështirë është për njeriun të mbetet pranë Meje pasi ai përballet me kaq shumë joshje, tundime dhe errësirë në Tokë.

Kur ju e ndjeni se nuk mund ta ndjeni Praninë Time apo Dashurinë Time, Unë dëshiroj që ju të recitoni këtë 

Lutje të Kryqëzatës (119) Për të ndjerë Dashurinë e Jezusit

Jezus më ndihmo, unë jam kaq i trazuar. Zemra ime nuk do që të hapet ndaj Teje. Sytë e mi nuk arrijnë të të shikojnë Ty. Mendja ime të bllokon Ty. Goja ime nuk arrin të shqiptojë fjalë për të të ngushëlluar Ty. Shpirti im është i mbuluar me errësirë. 

Të lutem ki mëshirë për mua, një mëkatar i gjorë. Unë jam i pafuqishëm, pa Praninë Tënde. Më mbush me Hiret e Tua, që të marr guximin për të ardhur tek Ti, për të kërkuar Ty Mëshirë. Më ndihmo mua, dishepullin Tënd të humbur, që të do Ty, por që nuk e ndjen më dashurinë të ma trazojë zemrën, për të parë dhe pranuar të Vërtetën. Amen.

Nuk është e lehtë të jeni të bashkuar me Mua. Ju duhet të këmbngulni deri kur ta ndjeni Praninë Time në shpirtin tuaj. Më thërrisni Mua dhe Unë do të vrapoj dhe do ta pushtoj shpirtin tuaj të dërrmuar dhe do t’ju marr, do t'ju drejtoj dhe do t'ju sjellë drejt shpëtimit tuaj të përjetshëm. Pavarësisht se çfarë keni bërë, ju kurrë nuk duhet të keni frikë të më thërrisni Mua. Unë i përgjigjem çdo mëkatari, pavarësisht se kush janë ata. As edhe një prej jush nuk është pa njollën e makatit. Unë e pres thirrjen tuaj.

Jezusi juaj

https://fatherofloveandmercy.wordpress.com/2013/09/03/your-life-is-but-just-a-fleeting-moment-in-your-entire-lifetime-you-are-in-exile/