E Shtunë, 6 Shtator 2014, në 16:00
Bija Ime fort e dashur, Urtësia Ime është me Origjinë Hyjnore dhe njeriu është i paaftë ta kuptoj shprehjen se Kush Jam Unë.
Unë jap njohuri të mjaftueshme, të dhëna përmes Dhuratës së Shpirtit të Shenjtë, tek njerëzimi. Mësimet e Mia ju dhanë botës në një format të thjeshtë me qëllim që çdo njeri të mund ta kuptonte të Vërtetën. Urtësia prej Hyjit nuk është kurrë e komplikuar dhe ajo jepet me qëllim që njeriu të marri qartësinë që i duhet, për ta pregatitur shpirtin e tij për Mbretërinë Time. Dashuria është e pastër. Dashuria është e thjeshtë. Dashuria e vërtetë është reciproke. Është dëshira Ime e vetme që shpirtrat t’i përgjigjen Dashurisë Sime, që kështu, të fuqizuar prej Dhuratës së Shpirtit të Shenjtë, të kuptojnë, në çast, çfarë kërkohet prej tyre, që të mund të bëhen pjesë e Mbretërisë Sime.
Unë ju dërgoj lajmëtarë me qëllim që t’ju jepet qartësia për të kuptuar. Megjithatë, e Vërteta nuk është e lehtë për t’u pranuar në jetën tuaj të përditshme për shkak të rrëmujës, që ekziston. Fjala Ime vazhdimisht kontradiktohet, ri-shqyrtohet, ri-analizohet, ri-vlerësohet dhe keqkuptohet duke e bërë të vështirë për t’ju përmbajtur Fjalës së Vërtetë të Hyjit. Kur ju deklaroni hapur se ju besoni në Fjalën Time, Mësimet e Mia dhe Sakramentet e Mia atëherë, shumë shpejt, ju do të talleni për shkak të kësaj.
Shumë studjues të vetë-deklaruar të kishës së shpejti do ta vënë në pyetje identitetin Tim të Vërtetë dhe Ekzistencën e Trinisë Më Të Shenjtë. Ata do të përdorin argumenta madhështore për t’ju verbuar ndaj Fjalës së Vërtetë të Hyjit, dhe të përdorin çdo lloj argumenti teologjik, për të vërtetuar se të gjitha fetë janë njësoj. Së shpejti ata do ta refuzojnë të Vërtetën – Fjalën e Hyjit. Ata do ta njollosin Fjalën e Hyjit me doktrina të komplikuara dhe kontradiktore, dhe ata që shkojnë në Kishë ngado, nuk do të jenë më të ditur pasi ata janë ushqyer me gënjeshtra. Fjala Ime do të jetë e fshehur dhe e lënë të marri pluhur. Gjithmonë ta kujtoni, se Fjala Ime duhet të kuptohet ashtu si ajo ishte dhënë. Hollësirat e Hyjnisë Sime dhe Misterit të Hyjit nuk ju zbuluan njerëzimit sepse kjo nuk do të ishte deri kur të filloj Epoka e Re e Paqes. Së shpejti, një njeri do të vij dhe do t’ju thotë se ai po ju zbulon të Vërtetën e Ekzistencës Sime dhe hollësirat e Ardhjes Sime të Dytë. Ai do ta magjepsi botën. Pastaj ai do të deklaroj se ai jam Unë. Shumë do ta besojnë atë sepse ata nuk arritën ta kuptonin Fjalën ashtu si ajo u shkrua në Biblën e Shenjtë.
Unë, Jezu Krishti, do të vij përsëri për të gjykuar të gjallë e të vdekur dhe kjo nuk mund, dhe as nuk do të ndodhi, mbi këtë tokë.
Jezusi juaj
https://fatherofloveandmercy.wordpress.com/2014/09/06/soon-a-man-will-come-and-tell-you-he-is-revealing-to-you-the-truth-of-my-existence/