Ndërsa Toka do të pastrohet, shpirtrat e çdo besimi do të zhyten në një ripërtëritje të shpirtit dhe shumë do të durojnë një betejë të tmerrshme shpirtërore. Ata nuk do ta kuptojnë se çfarë po durojnë, por Unë do ta lejoj këtë për arsye të Mëshirës Sime. Për të qënë të denjë të qëndroni para Meje dhe t’ju jepet Jeta e Përjetshme në Parajsën e Re, shpirtrat duhen pastruar në fillim.
Ky pastrim do të ndodhi mbi Tokë, për ata që do t’i mbijetojnë persekutimit të antikrishtit, si dhe për ata që do të mbijetojnë përmes tranzicionit për në Parajsën e Re. Edhe Toka, në të njëjtën kohë, do të filloj ripërtëritjen e vet dhe e gjithë ligësia do të çrrënjoset, hap pas hapi.
Ati Im këmbëngul sepse fëmijët e Tij janë Krijesa e Tij dhe Ai nuk do t’i lejoj ata të merren nga Satani. Kaq xheloz ishte Luciferri, sa kur Ati Im krijoi njeriun në Shëmbëlltyrën e Tij, ai u betua se do të luftoj deri në ditën e fundit për ta kthyer njeriun kundër Krijuesit të tij.
Ati Im do të ndërhyj, prej Dashurisë së Tij, për ta bërë të pafuqishme forcën e Satanit. Çdo përpjekje e versionit të Satanit për Trininë e Hyjit, e përbërë nga profeti i rremë, antikrishti dhe shpirti djallëzor, do të përmbyset. Kjo betejë do të jetë e shëmtuar, e padrejtë ndaj shumë shpirtrave, që do të jenë tepër të dobët për t’u çliruar nga mbërthimi i të ligut, por ajo do të fitohet nga Hyji I Gjithpushtetshëm.
Të gjithë ju duhet të ktheheni tek Ati Im dhe t’i luteni Atij ta shpëtoj shpirtin tuaj dhe t’ju mbroj të mos ndiqni bishën drejt udhës së mundimeve të ferrit.
Jezusi juaj