E Hënë, 5 Gusht 2013
Bija Ime fort e dashur, sa lotoj me trishtim kur Unë shikoj përçarjen e tmerrshme që po shfaqet brënda Kishës Sime në Tokë. Megjithatë, hidhërimi i Vuajtjes Sime është lehtësuar, nga ata që me të vërtetë më duan Mua dhe që tashmë ndjehen të shqetësuar për mënyrën se si po trajtohet Trupi Im.
Ju kurrë nuk duhet ta ndjeni të nevojshme për të pranuar ndonjë detyrë, veprim apo fjalë që janë kundër Meje. Nëse ju ndjeheni të shqetësuar me çfarë dëshmoni, brënda Kishës Sime, nga ata që betohen se janë të bashkuar me Mua, kur ata e shkatërrojnë Trupin Tim, ju duhet të ndiqni zemrën tuaj. Unë Jam me ju në çdo sekondë të kësaj braktisje të madhe dhe për ata që do të vazhdojnë të më thërrasin Mua, Unë do t’ju hap sytë ndaj të Vërtetës, që ata të mbeten të vërtetë ndaj Meje.
Koha është pothuajse gati tani.
Dyert e Kishës Sime shpejt do të mbyllen për ata që do të insistojnë të qëndrojnë besnikë ndaj praktikave tradicionale të Krishtërimit. Këto dyer do t’ju përplasen në fytyrë kur ju të më dëshmoni Mua. Besimi juaj do të vihet në lojë, në mënyrën më dinake, prandaj kur ju të mbroni Fjalën Time, ju do të konsideroheni të jeni të pashpirtë, të ashpër dhe që ju mungon dhembshuria ndaj atyre që nuk besojnë në Zot.
Ju do të qortoheni nëse jeni një shërbëtor i shenjtë i Imi dhe do t’ju bëjnë të përgjigjeni për besnikërinë tuaj ndaj Meje. Mblidhuni tani, të gjithë ju. Unë kërkoj që ju të mos më mohoni Mua. Unë do t’ju mbroj, që të mund të më shërbeni Mua. Unë do t’ju ndihmoj duke e ngritur barrën tuaj. Të gjitha Hiret e Qiellit do të hidhen përmbi ju.
Paralajmërim për Priftërinjtë:
Unë do t’i shkëpus të gjitha ata prej jush që ndjekin kishën e rreme – kishën e bishës – kur ajo t’ju shfaqet. Ndiqeni këtë kishë të re dhe ju do t’i shisni shpirtrat tuaj tek bisha. Në vënd që të shpëtoni shpirtrat, në Emrin Tim, ju do të jeni përgjegjës që do t’i çoni ata në Ferrin e përjetshëm.
Unë Jam duke ju treguar të Vërtetën tani, me qëllim që t’ju jepet kohë e mjaftueshme për t'u pregatitur për këtë ditë, pasi nuk është shumë larg.
Jezusi juaj
https://fatherofloveandmercy.wordpress.com/2013/08/05/when-you-defend-my-word-you-will-be-deemed-to-be-cruel-unkind-and-lacking-in-sympathy-to-those-who-do-not-believe-in-god/