Kur dashuria mungon Unë nuk jam i pranishëm në shpirt

E Premte, 9 Janar 2015, në 15:30

Bija Ime fort e dashur, është koha për të Krishterët në gjithë botën të bashkohen kundër përbuzjes të treguar nga miliarda kundër të Vërtetës – Fjalës së Shenjtë të Hyjit.

Çdo mëkat kundër Hyjit po konsiderohet tani të jetë i pranueshëm në Sytë e Mi. Mëkatet që janë të neveritshme për Mua shpejt do t’ju paraqiten të jenë të shenja në Sytë e Mi por kjo kurrë nuk mund të ndodhi. Kur ju e paraqisni diçka, që nuk vjen nga Unë dhe e vendosni atë para Meje në Kishat e Mia, atëherë ju më shkaktoni Mua dhimbje të madhe.

Kurrë nuk ka qënë kaq e vështirë për të Krishterët të ndjekin Udhën Time me Gjëmba sa ajo është sot. Gënjshtra, gënjeshtra, gënjeshtra po ju jepen në Emrin Tim dhe ju kurrë nuk duhet të harroni Mësimet e Mia ose ju do të mashtroheni prej atyre që komplomentojnë kundër Fjalës së Hyjit. Të jesh i Krishterë kërkon shumë me tepër se të deklarosh se je i tillë. Nëse je një i Krishterë i vërtetë atëherë do të bësh gjithçka që Unë të mësova dhe do të ndjekësh Doktrinën e Shenjtë e përmbajtur në Biblën e Shenjtë.

Ta pranoni Fjalën Time është një gjë, por të zbatoni çfarë Unë mësova është një tjetër.

Ta doni njëri tjetrin nuk është kurrë e lehtë për shkak të ekzistencës së mëkatit. T’i doni armiqtë tuaj vë një barrë të madhe mbi ju, por nëse luteni për hiret për ta bërë këtë, atëherë do ta shikoni se dashuria juaj për Mua rritet. Nëse ju më doni Mua me të vërtetë ju do të jeni të lirë prej urrejtjes, dhe atëherë do të gjeni paqen e vërtetë të mëndjes dhe shpirtit. 

Nëse e lejoni Satanin t’ju tundoj të urreni të tjerët ju do të bini në një errësirë të tmerrshme. Urrejtja është si një farë e keqe që rritet dhe përhapet shpejt. Kur urrejtja acarohet në shpirt, gradualisht ajo do ta pushtoj atë plotësisht. Ajo do të sjelli me vete një pakënaqësi shqetësuese dhe ata që janë të mbushur me atë kurrë nuk do të gjejnë paqe. Urrejtja mbjell urrejtje dhe përhapet shpejt nga një shpirt në tjetrin. Menjëherë kur Satani e vendos veten tek këta shpirtra ai kurrë nuk do të largohet prej tyre deri kur ata të pendohen dhe të tregojnë keqardhje të vërtetë.

Dashuria shuan çdo lloj urrejtje por, nëse nuk e largoni veten tuaj nga ata që e nxisin urrejtjen, ju do të zhyteni në dëshpërim. Unë nuk mund ta shpëtoj një shpirt që nuk do të pendohet për ligësinë e tyre. 

Unë pres rrëfimin tuaj dhe kur ju vini tek Unë dhe më kërkoni Mua t’ju lehtësoj nga mallkimi i urrejtjes, Unë do të arrij dhe do t’ju kap dorën për t’ju sjellë në Strehën Time të Paqes.

Paqja dhe dashuria mund të vijnë vetëm nga Hyji. Gjithmonë më kërkoni Mua sepse Unë Jam Dashuria. Kur dashuria mungon Unë nuk jam i pranishëm në shpirt.

Jezusi juaj

https://fatherofloveandmercy.wordpress.com/2015/01/09/when-love-is-missing-i-am-absent-in-the-soul/

I vetmi rrezik ndaj njerëzimit është vetë njeriu

E Enjte, 1 Janar 2015, në 23:50

Bija Ime fort e dashur, personi që ngulmon në lutje do të bëhet më i afërt me Mua. 

Me sa shumë trazira në botë dhe mes Kishës Time në tokë, sfida për njerëzimin është për të qënë të aftë të diferencojnë mes të drejtës dhe të gabuarës në Sytë e Hyjit. Por, për shumë të Krishterë, ata do të largohen nga Unë prej një forme të re të ungjillizimit, e cila do të përqëndrohet kryesisht në politikë. 

Në vënd që të inkurajoheni të qëndroni besnikë ndaj Meje dhe të besoni në gjithçka që Unë Jam, ju do të largoheni nga Unë. Ju kurrë nuk duhet ta ngatërroni Fjalën Time me frymëzimet e botës jofetare. Unë gjithmonë e kam bërë të qartë për njerëzimin, përmes Librit të Atit Tim, për rreziqet nëse e bëjnë këtë. Një botë jofetare i shërben vetëm nevojave të veta dhe njerëzit në pushtet, ambicja dhe qëllimet egoiste krijojnë rregullat, të cilat e qeverisin atë.

Sa shumë keqinformim është përhapur në lidhje me mjedisin, kur vetëm Hyji mund të urdhëroj se si toka vepron. Njeriu mund t’i bëj keq dhe ta dëmtoj tokën por ai kurrë nuk mund ta shkatërroj atë, sepse të gjitha këto gjëra janë në Duart e Hyjit. Mungesa e besimit tek Hyji do të thotë se njeriu beson se ai ka kontroll mbi universin. Njeriu i pamënd mendon se veprimet e tij mund t'i ndryshojnë Ligjet e Hyjit. Njeriu i mënçur e di se Hyji është I Gjithë Pushtetshëm dhe për sa kohë Ai nderohet, dhe Ligjet e Tij të mbështeten, atëherë mbijetesa e njeriut do të jetë e sigurtë. Mbijetesa e tokës nuk ka aspak të bëj me njeriun mortor. Vetëm Hyji e ka fuqinë ta kontrolloj ajrin që ju thithni; ujin që ju pini dhe aftësinë për ta ruajtur jetën. I vetmi rrezik ndaj njerëzimit është vetë njeriu. 

Njeriu do t’i gënjej të tjerët në interes të vetë-përfitimit. Ai do të gënjej nëse është në interes të tij dhe kur i përshtatet atij. Besimi thyhet me lehtësi dhe tani ju po jetoni në një epokë ku duhet ta dini se toka do të qëndroj ashtu si ishte më parë dhe se çdo përmbytje klimaterike është nga Dora e Hyjit. Ndërhyrja e njeriut në një krijim të tillë hyjnor do të lejohet vetëm nëse është sipas Vullnetit të Hyjit.

Kisha Ime është Trupi Im. Të gjithë ata që besojnë tek Unë janë pjesë e Trupit Tim. Ata që janë pjesë e Imja do të ndjekin Mësimet e Mia. Ata që thonë se i udhëheqin ndjekësit e Mi duhet t’i përmbahen Fjalës së Hyjit. Roli i tyre është të mbrojnë të Vërtetën – jo të devijojnë prej saj.

Nëse ju largoheni nga Unë, dhe nëse Fjala Ime refuzohet nga bota, atëherë detyra e shërbëtorëve të Mi të shenjtë është ta kujtojnë botën për çfarë është e drejtë dhe çfarë është e gabuar. Kur ata e largojnë veten nga çështje, që kanë të bëjnë me shpirtin në shkëmbim për çështjet, që çojnë në socializëm, atëherë dijeni se ky është një mashtrim dredharak dhe dinak. Ai gjithashtu e tradhëton gjithë besimin tek Unë.

Jezusi juaj

https://fatherofloveandmercy.wordpress.com/2015/01/01/the-only-danger-to-humanity-is-man-himself-2/

Unë kurrë nuk i kritikova mëkatarët. Unë kurrë nuk i shava ata. Unë kurrë nuk i lëndova ata

E Shtunë, 20 Shtator 2014, në 16:38

Bija Ime fort e dashur, dije se prej dobësisë njerëzore Unë fitoj forcë të madhe. Fuqia Ime është më e madhe kur Unë i prek shpirtrat e dobët, sepse është atëherë kur Unë mund t’i tërheq ata për të më mundësuar Mua të veproj brënda tyre.

Ata prej jush që janë të dobët, ju duhet të më kërkoni Mua t’ju jap Dhuratën e besimit. Besoni tek Unë, të vegjëlit e Mi të dashur, dhe pastaj e gjithë Fuqia është e Imja. Unë nuk mund t’i tërheq shpirtrat krenarë, kryelartë dhe arrogantë, pasi ata nuk do ta përulin veten në Sytë e Mi. 

Krenaria është një pengesë mes njeriut dhe Hyjit sepse njeriu krenar beson se zëri i tij është më i lartë se i Imi. Kështu ka qënë gjithmonë. Sot nuk është më ndryshe. Unë kërkoj që ju të gjithë të luteni për ata shpirtra që më keqkuptojnë Mua dhe që e ndjejnë të nevojshme të deklarojnë se çfarë do të thotë Fjala Ime në të vërtetë, sipas interpretimit të tyre.

Kur një njeri e shan një tjetër dhe pastaj thotë se kjo është çfarë Zoti do të donte kur mbrohet Fjala e Tij, apo kur ai e justifikon keqbërjen dhe thotë se kjo është një gjë e mirë në Sytë e Mi, dijeni këtë. Kur ju më doni Mua, ju kurrë nuk do të devijoni nga dashuria që Unë ju mësova apo nga mënyra në të cilën ju duhet të më imitoni Mua. Unë kurrë nuk i kritikova mëkatarët. Unë kurrë nuk i shava ata. Unë kurrë nuk i lëndova ata dhe kurrë nuk i mohova ata. Prandaj dhe ju, gjithashtu, duhet të bëni ashtu si bëra Unë.

Sepse, nëse nuk e bëni, ju do ta kundërshtoni Vullnetin Tim dhe veprimet tuaja do t’i shërbejnë vetëm opinionit tuaj të gabuar se Kush Unë Jam. Ju nuk mund të thoni se jeni nga Unë nëse ju predikoni të kundërtën e asaj që Unë ju mësova. Kurrë mos i shikoni me përçmim ata që ju besoni të jenë mëkatarë në Sytë e Mi. Lutuni për ata por kurrë mos i gjykoni sepse kjo nuk është e drejta juaj. 

Jezusi juaj

https://fatherofloveandmercy.wordpress.com/2014/09/20/i-never-criticized-sinners-i-never-cursed-them-i-never-hurt-them/

Unë duhet të ndërhyj për të shpëtuar njerëzimin nga vetë shkatërrimi, para Ditës së Madhe të Zotit

E Mërkurë, 29 Janar 2014, ora 15:00

Bija Ime fort e dashur, mos qani për veten tuaj, por për Mua, Jezusin tuaj, i Cili loton dhe vuan për shkak të shpejtësisë me të cilën raca njerëzore po bie në jetën e korruptuar dhe mëkatare.

Për arsyen se Fjala Ime është refuzuar nga kaq shumë, për një kohë kaq të gjatë, shumë njerëz nuk kanë asnjë drejtim apo njohuri kur vjen puna për zgjedhjet që ata bëjnë në jetën e tyre. Shpirtrat, që janë shmangur shumë larg nga e Vërteta, kanë vetëm dëshirat dhe egoizmin e tyre për t’i drejtuar. Vetë-pëlqimi, imoraliteti seksual, vetë-kënaqësia dhe kërkimi i të mirave materiale, shkaktojnë trazira në shpirtrat e tyre. Asgjë nuk mund dhe nuk do t’i kënaqi ata. Kur ata kanë arritur thellësitë e mëkatit, atëherë ata kërkojnë, me shumë entuziazëm, shpirtrat e të tjerëve për t’i zënë në kurth. Kjo është për arsyen se Satani i ka pushtuar shpirtrat e tyre në atë shkallë sa ai i përdor ata për të joshur shpirtrat e tjerë drejt kurthit të tij djallëzor.

Moraliteti i njerëzimit është zhytur në thellësi të tilla sa ky shpirt djallëzor por gllabëron miliona shpirtra për ditë. Oh sa rritet Dhimbja Ime dhe sa shumë punë kërkohet për ta shkulur këtë infektim nga rrënjët. Do të vij një kohë kur vetëm një të tretës së racës njerëzore do t’i jepet Hiri për të dalluar ndryshimin mes të mirës dhe të ligës.

Ata që e mirëpresin të ligun, në çdo lloj forme, do ta paraqesin atë sikur të ishte një gjë e mirë. Së shpejti, do të duhet një njeri shumë i guximshëm që të flasi hapur dhe të deklaroj se: “Kjo është e gabuar”, pa u trajtuar si djall apo të përbuzet, për çfarë ajo do të shihet si një shprehje e paarsyeshme.

Oh sa do të fundosen fëmijët e Hyjit. Shpirtrat me zemrat e ngurta, me një urrejtje për të tjerët, me një mungesë dhembshurie, me lakminë dhe joshjen për dhunë, do të shtohen në numër. Ata do të admirohen në botë, kur dekada më parë ata ishin për t’u patur frikë. Prandaj dhe Unë duhet të ndërhyj për të shpëtuar njerëzimin nga vetë shkatërrimi, para Ditës së Madhe të Zotit.

Plani i Satanit është të shkatërroj sa më shumë shpirtra të jetë e mundur. Plani Im është ta ndaloj këtë infektim dhe Unë nuk do të hezitoj të jap shenjat, që nevojiten për t’ju zgjuar ndaj Dashurisë së Hyjit dhe për nevojën për t’u pregatitur si duhet për botën që vjen.

Kurrë mos e refuzoni Dorën e Hyjit. Kurrë mos e shpërfillni Fjalën e Hyjit, sepse pa këto gjëra ju jeni asgjë.

Jezusi juaj

https://fatherofloveandmercy.wordpress.com/2014/01/29/i-must-intervene-to-save-humanity-from-destroying-itself-before-the-great-day-of-the-lord/

10 Urdhërimet, e dhëna botës nga Ati Im përmes profetit Moisiut, po ri-shkruhen nga njeriu

E Hënë, 8 Korrik 2013

Bija Ime fort e dashur, sa herë që ti e ndjen se ka pak shpresë për mëkatarët, të lutem ta kujtosh se Mëshira Ime e Madhe është e pashteruar. Nuk ka asnjë shpirt në botë që Unë nuk dëshiroj ta përqafoj dhe t’ju sjell atyre Dhuratën e Shpëtimit. Unë ju dua të gjithëve ju. Unë i fal të gjithë ata që më kërkojnë Mua, Dhuratën e Shpengimit, por kjo nuk do të thotë se Unë nuk do t’i ndëshkoj ata që kryejnë mëkat të rëndë.

10 Urdhërimet, e dhëna botës nga Ati Im përmes profeti Moisiut, po ri-shkruhen nga njeriu. Ato janë copëtuar, shtrëmbëruar dhe ju janë dhënë kuptime të reja, me qëllim që njeriu të mund ta pranoj mëkatin.

Ju adhuroni zota të rremë dhe e justifikoni këtë. Ju po jetoni një gënjeshtër të tmerrshme kur ju e fyeni Atin Tim në këtë mënyrë dhe prapë kur e Vërteta t’ju tregohet paganëve, ata do të pendohen dhe Unë do të jem duke pritur për t’i përqafuar ata.

Ju vrisni njëri tjetrin dhe thoni se ju thjesht po tregoni mëshirë kur ju e bëni këtë. Ju e ligjëroni vrasjen, ekzekutimin, vrasjen e vullnetshme dhe abortin dhe thoni se këto janë gjëra të mira. Kjo është ligësi në formën më të keqe, kur ju e kundërshtoni Autorin e gjithë jetës – Krijuesin e Qiellit dhe të Tokës – duke ndërhyrë me Ligjet Hyjnore të Hyjit. Por, kur ju tregoni pendesë të vërtetë, Unë do të jem gjithashtu duke pritur t’ju përqafoj në Krahët e Mi.

Ju plaçkisni çfarë nuk ju takon dhe ju vidhni nga të varfërit, për të kënaqur joshtjen tuaj për më shumë. Ju kryeni mëkate të tmerrshme të mishit, të cilat janë tepër të ulëta për dinjitetin e njeriut dhe ju silleni si kafshë të egra të lëshuara në një gropë. Mizoria juaj është e neveritshme në Sytë e Hyjit, por prapë nëse ju më thërrisni Mua dhe më lypni Mua Mëshirë, Unë do të jem atje duke pritur me durim. Kur ju e fyeni Hyjin duke refuzuar të pranoni se Ai Ekziston dhe pastaj përpiqeni të merrni fëmijët e Tij me vete në humnerë me bishën, Unë prapë do të jem duke pritur kur ju të ktheheni dhe të më kërkoni Mua ta tregoj Veten Time tek ju.

Ata prej jush, që e pranojnë të Vërtetën, nuk shpenzojnë më kohë të më nderojnë Mua në Ditën e Dielë (Sabbath), sepse ju i vendosni nevojat tuaja para Meje. Ju më lëndoni Mua kështu, sepse ju tashmë e dini se ju jeni fëmijët e Hyjit. Ju e keni lënë Shtëpinë e Atit tuaj dhe ju do të ktheheni vetëm kur të mos keni çati mbi kokë. Dhe Unë do të jem duke pritur për t’ju mirëpritur përsëri.

Dashuria juaj për Hyjin është zvogëluar, ashtu si dhe dashuria dhe respekti juaj për prindërit tuaj. Zemrat tuaja janë ngurtësuar aq shumë sa nuk tregoni ndaj atyre dashuri dhe kujdes me mënyrën që duhet ta bëni.

Ju e shani Hyjin dhe betoheni, duke e përdorur Emrin Tim në mungesë respekti, çdo ditë, por ju nuk do të flisni me Mua në mënyrën që Unë dëshiroj. Kur ju fyeni të tjerët, ju më fyeni Mua. Kur ju dëmtoni emrin e dikujt tjetër, ju shkatërroni Dashurinë Time. Dhe, prapë, Unë do t’ju fal, kur ju tregoni pendesë.

Ju nuk e respektoni traditën e martesës dhe nuk e mendoni abuzimin e këtij Sakramenit Më Të Shenjtë. Ju e fyeni Hyjin më tepër kur ju vazhdoni të kërkoni bekimet e Tij mbi martesat, kur Ai nuk mund dhe nuk do t’i njohi ato. Prapë, ju vazhdoni ta fyeni Atë.

Kaq të dhënë jeni pas kërkimeve të të mirave materiale dhe kaq të infektuar jeni me ambicjet e sëmura, sa ju shkatërroni ata njerëz që ju dalin përpara. Pavarësisht nga kjo, Unë do tj’u tregoj Mëshirë, nëse ktheheni tek Unë.

Asnjë mëkat, me përjashtim të blasfemisë kundër Shpirtit të Shenjtë, nuk është aq i keq sa nuk mund të falet. Unë ju bëj thirrje të gjithëve ju ta analizoni ndërgjegjen tuaj dhe të bashkoheni me Mua edhe njëherë.

Unë Jam I Duruar. Unë Jam Dashuri. Unë Jam Shpëtimi juaj. Unë Jam duke pritur. Ju lutem të vini tek Unë shpejt, sepse Unë ju dua me një pasion të thellë. Unë nuk do të pushoj deri kur Unë t’ju kem shpëtuar të gjithëve ju.

Jezusi juaj

https://fatherofloveandmercy.wordpress.com/2013/07/08/the-ten-commandments-given-to-the-world-by-my-father-through-the-prophet-moses-are-being-re-written-by-man/

Nëna e Shpëtimit: As edhe një derë nuk u hap për të lejuar Birin tim të vinte në botë me dinjitet

E Mërkurë, 3 Korrik 2013

Bija ime e dashur, kur ti të hidhesh në shkretëtirë dhe të izolohesh për shkak të këtij Misioni, është e rëndësishme ta dish arsyen përse. Sepse kur ti e di, kjo do ta bëj më të lehtë për ty të pranosh një mizori të tillë.

Kur unë isha gati për të lindur, as edhe një derë nuk u hap për të lejuar Birin tim të vinte në botë me dinjitet. Kur çdo derë përplasej në Fytyrën e Hyjit, I Cili dërgoi Birin e Tij të vetëm për të shpenguar njeriun nga mëkati, do të ndodhi e njëjta kur tani Hyji pregatit udhën për Ardhjen e Dytë të Birit të Tij.

Ndërsa Hyji e pregatit botën për këtë ditë të madhe, dyert përsëri do të mbyllen, në kundërshtim të hapur, kundër Fjalës së Hyjit. Ti, si lajmëtare, do të vazhdosh të përballesh me kundërshtim të ashpër. Shumë jo vetëm që do t’i mbajnë dyert e mbyllura – kjo do të jetë vetëm një fyerje – ata do të bërtasin turpe të tmerrshme dhe do të lëndojnë ty, bija ime, sepse ata nuk duan të dëgjojnë Fjalën e Hyjit.

Shpirti djallëzor mbizotëron në këtë kohë kritike në historinë e njerëzimit dhe do të shtypi madje dhe ata më të shenjtët mes fëmijve të Hyjit. Vetëm më guximtarët do t’i rezistojnë shpirtit të lig, i cili do të infektoj miliona që ata ta refuzojnë Mëshirën e Birit tim.

Nuk do të jenë vetëm Mesazhet ato që do të urrehen, por është frika, që përmes Mëshirës së Birit tim, më shumë shpirtra do të shpëtohen nga mbërthimi i të ligut. I ligu punon dhe e ndërthur udhën e tij në zemrat e shumë shpirtrave, dhe në veçanti, atyre që janë pranë Birit tim. Janë ndjekësit e devotshëm, brënda Kishës së Birit tim, që janë shënjestra e parë e të ligut, i cili do të kthej më të shumtët prej tyre kundër Fjalës së Tij në këtë kohë.

Fjala e Vërtetë e Birit tim, Jezu Krishtit, ka qënë zbehur nëpër shekuj dhe përmbajtja e Biblës së Shenjtë tani po mohoet nga shumë, të cilët thonë se e njohin Birin tim. Mbajeni mënd se, beteja për shpirtrat po luftohet nga ëngjëjt dhe shenjtët në Mbretërinë e Atit tim, kundër mashtruesit. Ti, bija ime, je kapur në mes dhe si e tillë bëhesh një shënjestër e lehtë.

Është për arsye të madhështisë së këtij Misioni dhe sepse ti je një profete – dhe jo një vizionare – që ti do të punosh në izolim dhe do të urrehesh mes njerëzve. Mos e lejo që ky persekutim të trishtoj ty apo të ndjehesh se nuk do të jesh mjaft e fortë, sepse kjo nuk mund të ndodhi. Ti je dërguar dhe je e mbrojtur dhe ti do të ngrihesh dhe do të vazhdosh të shpallësh Fjalën e Hyjit, deri në ditën e fundit. Kjo është parathënë dhe kur shpirtat e botës të shpëtohen dhe kur Mbretëria e Re – Parajsa e Re – të filloj, asnjë nga këto vuajtje nuk do të kenë rëndësi.

Gëzohu dhe mos ki frikë. Unë, Nëna jotë e dashur, do të udhëheq dhe mbroj ty, madje dhe në orën tënde më të errët, që Drita e Hyjit ta mbushi mëndjen, trupin dhe shpirtin tënd, çdo ditë.

Unë të dua, bija ime, dhe ti duhet ta dish se ti je bekuar me Dhuratën e Këmbnguljes. Gjithçka është tani në Duart e Hyjit. Ti duhet të kesh besim tek Ai, gjatë gjithë kohës.

Nëna juaj e dashur
Nëna e Hyjit
Nëna e Shpëtimit

https://fatherofloveandmercy.wordpress.com/2013/07/03/mother-of-salvation-not-one-door-was-opened-to-allow-my-son-to-come-into-the-world-with-dignity/

Fletë për fletë, qëllimet e tyre djallëzore do të bëhen të qarta ndërsa ata pengohen

E Martë, 19 Mars 2013, ora 22:45

Bija Ime fort e dashur, Fjala Ime e Shenjtë përhapet si një erë e fuqishme nëpër gjithë botën, në këtë kohë, përmes këtyre Mesazheve.

Shumë do ta dëgjojnë Zërin Tim, nëse dëshirojnë ta bëjnë këtë apo jo, sepse Ai do të tingëlloj si një bubullimë para stuhisë. Disa do ta njohin Shpirtin e Shenjtë kur Ai do t'i përfshij shpirtrat e tyre. Të tjerët, për fat të keq, nuk do ta njohin, por Unë ju them këtë atyre. Ju e keni dëgjuar Zërin Tim. Ai e ka trazuar shpirtin tuaj dhe, prapë, ju më bllokoni Mua. Kështu, ju ktheni shpinën. Ju mund t'i trëmbeni Zërit Tim, pasi Ai mund të jetë i fuqishëm, por gjënë e vetme që ju nuk mund të bëni është të më shpërfillni Mua.

Kaq i fuqishëm është Shpirti Im I Shenjtë sa Ai do ta preki shpirtin tuaj, nëse e dëshironi ju këtë të jetë apo jo. Ata prej jush që vrapojnë, fshihen dhe pretendojnë se Unë nuk Jam i Pranishëm, duhet ta dini se do të jeni të paaftë të mohoni Praninë Time, pavarësisht se sa shumë ju përpiqeni.

Disa prej jush do t'i rezistojnë të Vërtetës pasi ju mungon besimi në Premtimin Tim për t'ju ofruar jetën e përjetshme. Shumë prej jush e shohin këtë të frikshme dhe do të preferonin të mendonin se Dita e Madhe e Zotit nuk do të ndodhi në jetën tuaj. Dhe prandaj ju i mbyllni sytë, i bllokoni veshët dhe kërkoni ngushëllim në gjëra të tjera.

Siguria që ju ndjeni në përpjekje për të gjetur paqe, atje ku mund të gjendet, do të jetë jetë-shkurtër. Së shpejti juve do t'ju mohoet Fjala e Hyjit. Fjalët që jeni mësuar t'i dëgjoni do të zhduken nga predikimet dhe letrat prej peshkopëve dhe kardinalëve, që ju dërgoheshin juve dhe të gjithë atyre ndjekësve të Mi që nuk dyshojnë.

Sektet masonike infiltrojnë Kishën në Romë. Mos u gënjeni – mund të jetë vetëm një papë në një periudhë jete.

Shumë nga ndjekësit e Mi do ta refuzojnë tani Fjalën Time të Shenjtë, të Vërtetën, ashtu si bënë gjatë vuajtjes Sime në tokë. Ti, bija Ime, do të refuzohesh si heretike, do të përqeshesh dhe tallesh. Ti do të bëhesh problem për profetin e rremë. Por së shpejti, të gjithë do të shikojnë veprat delikate dhe gjestet dinake të atyre mashtruesve të rremë që kontrollojnë Fronin Tim në Romë, sepse ato çojnë në sakrilegj.

Fletë për fletë, qëllimet e tyre djallëzore do të bëhen të qarta ndërsa ata pengohen dhe ata, që janë të bekuar me diturinë e hedhur atyre nga Unë, do ta njohin paturpësinë, që po lëshohet.

Bisha është tani gati dhe formon një rreth jo-besimtarësh, të përbërë nga disa lidera të botës, të bashkuar në një me të gjithë ata që janë kundër Mbretërisë së Hyjit. Shpirtra demonësh, që i sulmojnë këta shpirtra të gjorë, që prej krenarisë dhe arrogancës së tyre, do ta tregojnë veten që të gjithë t'i shohin përmes gjesteve të tyre, të cilat do të analizohen dhe vihen në pyetje deri kur përgjigjet përfundimtare të duken qartë tek ata që janë të bekuar me Dhuratën e Dijes.

Besoni tek Unë. Besoni në këtë Dhuratë të Besimit. Më lejoni Mua t'ju mbaj dhe t'ju drejtoj përmes kësaj xhungle të krijesave djallëzore që dëshirojnë të gllabërojnë shpirtrat tuaj.

Jezusi juaj

https://fatherofloveandmercy.wordpress.com/2013/03/19/layer-by-layer-their-evil-intents-will-become-clear-as-they-trip-themselves-up/

Virgjëra Mari: Arroganca dhe Krenaria e Njerëzimit janë fyese ndaj Pranisë së Hyjit

E Mërkurë, 13 Shkurt 2013, ora 20:10

Manteli im i Shenjtë i mbulon të gjithë ata prej jush që më thërresin mua, Nënën tuaj Qiellore, gjatë këtyre kohëve të Ndëshkimit. Ndërsa Zemërimi i Atit tim të Përjetshëm shtohet, ju, bijtë e mi të dashur, duhet të luteni fortë për të zbutur vuajtjet, që do të vërshojnë, si një përmbytje, mbi tokën.

Ju duhet të përqëndroheni në çfarë ju tregon Biri im dhe qëndroni të bashkuar në lutje, që mëkati të mund të falet. Reja e vetë-kënaqësive, e cila varet mbi pjesën perëndimore të botës, që e ka refuzuar Birin tim, dendësohet çdo ditë.

Arroganca dhe krenaria e njerëzimit janë fyese ndaj Pranisë së Hyjit. Shpirtrat e tyre të zbrazët janë si enë boshe, dhe janë të mbushur me pasurira të pavlefshme, që janë krijuar nga dora e njeriut. Aspak vënd nuk kanë ata në zemrat e tyre lakmitare për Dashuri të Vërtetë, Dashurinë e Hyjit. Pa Dashurinë e Hyjit, ata janë të paaftë të duan dikë tjetër, përveç se veten e tyre. Kjo do të thotë se njerëzimi vuan, më tepër se duhet, sepse dashuria nuk ndahet mes tyre.

Nëse ju kujdeseni vetëm për veten tuaj, ju nuk mund të jepni ngushëllim, apo të lehtësoni vuajtjen e atyre që varen nga të tjerët.

Zgjohuni, fëmijë. Vetëm duke i hapur zemrat tuaja ndaj të Vërtetës ju do të jeni të aftë të fitoni Mëshirën e Birit tim të dashur.

Nëna juaj e dashur
Nëna e Shpëtimit

https://fatherofloveandmercy.wordpress.com/2013/02/13/virgin-mary-the-arrogance-and-pride-of-humanity-is-insulting-to-the-presence-of-god/

Virgjëra Mari: Jo të gjithë do ta pranojnë lirinë. Shumë do të mbajnë anën e të ligut dhe do ta refuzojnë Birin tim

E Mërkurë, 2 Janar 2013, në 16:29

Fëmija im, shumë gjëra tani do të shpalosen në botë dhe shumë ngjarje janë të nevojshme, për t’i pastruar fëmijët e Zotit.

Është e rëndësishme që zemrat e të gjithëve të jenë të hapura ndaj të Vërtetës, Fjalës së Shenjtë të Hyjit. Nëse ata nuk i hapin zemrat e tyre, ata nuk do të jenë në gjendje që ta pranojnë të Vërtetën e premtimit të Birit tim ndaj njerëzimit.

Ai do të vijë përsëri, dhe së shpejti, për ta shpenguar Mbretërinë e Tij mbi Tokë. Ajo do të qëndrojë larg nga mbërthimi i lig i Satanit. Të gjithë fëmijëve të Hyjit do t'iu ofrohet liria që iu nevojitet për t’u bërë një me Birin tim.

Jo të gjithë do ta pranojnë lirinë. Shumë do të mbajnë anën e të ligut dhe do ta refuzojnë Birin tim. Ata do të jenë aq të dobët sa nuk do ta pranojnë Premtimin e Tij dhe do të vazhdojnë të ndjekin ambiciet e botës.

Unë ju kërkoj fëmijë që të jeni bujarë ndaj këtyre shpirtrave. Ata, jo vetëm që do ta refuzojnë Mëshirën e Birit tim, por edhe do të ngacmojnë dhe tallin ata shpirtra të guximshëm, që do të ngrihen dhe ta shpallin të Vërtetën e Hyjit.

Qëndroni në lutje të përditshme, fëmijë, dhe dorëzojeni çdo frikë që mund të keni tek Biri im. Ai ju do dhe dëshiron t'jua lehtësojë barrën nga ky trishtim dhe e tillë dhimbje. Ejani tek unë, Nëna juaj e dashur, dhe unë do t'i kërkoj Atij që t'ju bëjë më të fortë në besnikërinë tuaj ndaj Tij.

Nëna juaj e Dashur
Nëna e Shpëtimit

https://fatherofloveandmercy.wordpress.com/2013/01/02/virgin-mary-not-all-will-accept-freedom-many-will-side-with-the-evil-one-and-reject-my-son-2/

Në këtë kohë në botë, thjesht ta përmendni se besoni në Mua, Jezusin tuaj, ju shkakton ndrojtje

E Martë, 30 Tetor 2012, në 19:10

Bija Ime fort e dashur, ti duhet ta dish, tashmë, se vuajtja që ti e duron, në Emrin Tim, do të vazhdojë deri në ditën e fundit të këtij Misioni.

Kjo është e vështirë për ty ta dëgjosh, por dije këtë. Ky Mision është më i vështiri nga të gjitha Misionet, që erdhën përpara teje. Ti do të hidhesh në shkretëtirë dhe do të ndjehesh e izoluar dhe e vetmuar. Zëri yt do të shpërfillet, por Fjala Ime e Shenjtë do t’i preki zemrat e miliona njerëzve.

Ti do t’i përkushtohesh Vullnetit Tim gjatë gjithë kohës, edhe pse ti shpesh herë ndjen sikur nuk do të jesh mjaft e fortë.

Dobësia jote është forca jote, për shkak të besimit që ti ke tek Unë. Për këtë arsye Unë kurrë nuk do të të braktis ty apo të të lë pa ndihmën e të tjerëve. Megjithatë, ti do të ecësh e vetme në këtë Mision. Shoqëruesi yt i vetëm do të jem Unë. Unë i bashkoj dhimbjet tona si një.

Ti, bija Ime, do të kesh gjithmonë nevojë për Hiret e Mia për të rezistuar. Për të duruar këtë Mision dhe për të shpallur Fjalën Time të Shenjtë tek një botë mosmirënjohëse, nuk do të jetë e lehtë. Kjo do të kërkojë një vendosmëri dhe kurajo të madhe.

Kjo vlen për të gjithë dishepujt e Mi, përfshirë ata që më duan Mua, por që nuk i pranojnë këto Mesazhe.

Pengesat që ju do të hasni, në këtë pjesë të Misionit do të shtohen për të gjithë ju, ushtria Ime e devotshme.

Ju duhet ta pranoni, me dinjitet, se kur më ndiqni Mua, ju do të vuani. Fare pak shpirtra mund ta durojnë vuajtjen, e cila ndikon tek të gjithë ata që i mbështesin Mësimet e Mia.

Në këtë kohë në botë, thjesht ta përmendni se besoni në Mua, Jezusin tuaj, ju shkakton ndrojtje.

Jo vetëm që ju shkakton siklet, kur besnikëria juaj ndaj Meje është deklaruar në publik; ju do të vuani për shkakun Tim.

Kujtoni se, të vuani është një hir i veçantë. Është shumë e vështirë për ta duruar dhe shumë shpirtra largohen nga Unë për shkak të saj. Por ju duhet ta kujtoni këtë. Kur ju vuani në Emrin Tim, Unë do t'ju ruaj dhe do të hedh mbi ju Hiret e Mia. Pavarësisht nga vuajtjet tuaja, kjo do t'ju sjellë paqe në shpirt.

Të lutem, bija Ime, kurrë mos u dorëzo. Kurrë mos u ndje e braktisur, sepse Unë jam më pranë, kur ti ndjehesh e vetmuar. Unë jam akoma më pranë gjatë këtyre kohëve të mundimit. Ti duhet të vazhdosh të kërkosh, për gjithë ndihmën që mund të marrësh, duke i kërkuar Nënës Sime të dashur dhe të gjithë shenjtërve që të të vijnë në ndihmë.

Shumë shpejt ti do ta pranosh se shtimi i vuajtjeve është një rezultat drejtpërdrejtë i kundërshtimit të këtij Misioni nga i ligu. Ai është tejet i frikësuar, sepse betejës së tij po i vjen fundi. Ai të urren ty për shkak të shpirtrave, të cilët po shpëtohen përmes këtij Misioni të shpëtimit.

Jezusi juaj 

https://fatherofloveandmercy.wordpress.com/2012/10/30/at-this-time-in-the-world-the-mere-mention-of-a-belief-in-me-your-jesus-creates-embarrassment/

Virgjëra Mari: Unë derdh lot gjaku për ata dhe Zemra ime është e rënduar

E Diel, 7 Tetor 2012, në 11:00

Të lutem, fëmija im, lutu për fëmijët e mi të humbur të cilët shtohen në numër për çdo ditë. Ata nuk besojnë, dhe as që mund të besojnë, tek Biri im dhe të kthehen në anën tjetër.

Unë derdh lot gjaku për ata dhe Zemra ime është e rënduar. Sa të humbur janë ata dhe sa të zbrazët ndjehen. Unë lutem që Hyji, në Mëshirën e Tij, t'ua hapë zemrat e tyre të ngurtësuara së shpejti.

Paralajmërimi është afër, fëmija im. Fëmijët e mi kanë nevojë që të përgatiten. Ata që i shmangin këto Mesazhe të Shenjta, nga Biri im dhe Ati im i Përjetshëm, do të kenë për t’iu përgjigjur Hyjit.

Shumë vetë e kanë dëmtuar këtë Mision dhe i kanë inkurajuar shpirtrat që të largohen. Shumë shpirtra të tillë kanë vdekur që atëherë, në mëkat mortor. Nëse ata do t'i kishin pranuar lutjet e dhëna njerëzimit, përmes Kryqëzatës së Lutjes, ata mund të kishin qenë shpëtuar.

Ata që nuk do t'i pranojnë këto Mesazhe nuk duhet të punojnë me të ligun për ta nënvlerësuar Fjalën e Hyjit. Ju duhet të luteni për ndihmën që ju duhet për të gjetur paqe brenda vetes.

Ka qenë profetizuar, se profeti i kohëve të fundit nuk do të pranohej, edhe pse, shumë kthim në besim do të arrihet, përmes përhapjes së Fjalës së Hyjit.

Do të jetë në dëmin tuaj ta refuzoni ndihmën, e cila po ju dërgohet nga Qielli, në këtë kohë, për t'ju ndihmuar që të shpëtoni shpirtrat tuaj.

Mos e fyeni Birin tim, duke refuzuar që ta dëgjoni. Ju mund të bëni një vesh të shurdhër pasi t'i keni lexuar këto Mesazhe nga Qielli, por së pari ju duhet të dëgjoni.

Vullneti juaj i lirë do të thotë se ju mund të zgjidhni në cilën udhë dëshironi të ecni.

Vullneti juaj i lirë nuk do të thotë se ju e keni të drejtën për të blasfemuar qëllimisht kundër Shpirtit të Shenjtë.

Kur Paralajmërimi të ndodhë, ju do të mbusheni me Dritën e së Vërtetës. Shpirti juaj do të ndriçohet dhe ju do të shikoni se çfarë punësh të mira, dhe punësh të këqija, ju keni kryer përgjatë jetëve tuaja.

Në atë fazë, shumë prej jush do ta përqafojnë Dashurinë e Hyjit. Për fat të keq, shumë vetë do të jenë tepër kokëfortë për t’i pranuar keqbërjet e tyre. Ata do të hidhen tutje dhe do të vuajnë tmerrësisht.

Të jeni të përgatitur në çdo kohë. Koha është e shkurtër.

Nëna juaj e dashur
Nëna e Hyjit
Nëna e Shpëtimit 

https://fatherofloveandmercy.wordpress.com/2012/10/07/virgin-mary-i-cry-tears-of-blood-for-them-and-my-heart-is-heavy/

Kur ata qëllimisht iu dhanë ryshfet gënjeshtarëve për ta mohuar Ringjalljen Time, Farisenjtë ua mohuan brezave të Hebrenjve të drejtën ndaj të Vërtetës

E Shtunë, 4 Gusht 2012, në 10:35

Bija Ime fort e dashur, njerëzimi duhet ta kuptojë dobësinë e natyrës njerëzore përpara se ta besojnë me të vërtetë veten e tyre në krahët e Hyjit.

Për ata besimtarë midis jush, besimi dhe dashuria juaj për Mua, Shpëtimtarin tuaj, më sjell Mua gëzim të madh.

Por kur ju thoni se më doni Mua, kjo sjell me vete një përgjegjësi të madhe.

Kurrë mos e harroni dobësinë në natyrën tuaj, edhe pse kjo nuk është për fajin tuaj pasi keni lindur me mëkatin origjinal, sepse mund t'ju bëjë që të mëkatoni atëherë kur ju më pak e prisni.

Kur shpirtrat e atyre që thonë se më duan Mua arrijnë një fazë ku ata janë të konsumuar me dashuri për Mua, ky është edhe momenti kur ata duhet të jenë të kujdesshëm. Nganjëherë kjo i bën ata të ndjehen të lartësuar në Sytë e Mi, që është e vërtetë sepse ashtu janë.

Por pastaj vjen tundimi për t'i parë të tjerët në një dritë më pak se të këndshme.

Ata mund të tundohen, jo vetëm për të pasur dhembshuri për këta shpirtra të shkretë që janë në errësirë apo të paqartë, por edhe për t'i përçmuar ata.

Nganjëherë besimi i tyre i fortë dhe njohuria e shkrimit të shenjtë iu jep atyre një ndjenjë të rreme sigurie.

Ata besojnë se dinë gjithçka në lidhje me mësimet e Kishës, Kishës Sime, Trupit Tim mbi tokë.

Kjo është çfarë iu ndodhi edhe Farisenjve.

Ata mendonin se dinin gjithçka rreth Ligjeve të Hyjit. Dashurisë së Hyjit.

Ajo që ata dështuan të kuptonin ishin profecitë, të parathëna aq qartë, rreth ardhjes së Mesia-s. Kjo do të thotë se ata e refuzuan Krishtin, Birin e Hyjit të Gjallë, kur Ai erdhi ashtu siç ishte premtuar.

Mizoria që ata treguan ndaj Meje, Jezu Krishtit Birit të Njeriut, ishte në kundërshtim të plotë me dashurinë që ata pohonin se kishin për Hyjin.

Nëse ata me të vërtetë e donin Hyjin, ata kurrë nuk do ta kishin trajtuar ndonjë fëmijë të Hyjit ashtu si ata bënë.

Mendjet e tyre ishin të mbyllura ndaj profecive të dhëna botës përmes profetëve, të cilat shpallnin të Vërtetën.

E Vërteta është se të gjitha profecitë do të përmbushen ashtu si është premtuar nga Hyji.

Ata e refuzuan Mesia-n e premtuar për të siguruar shpëtimin e ardhshëm për të gjithë njerëzimin.

Më tej, përmes gënjeshtrave të tyre, kur ata qëllimisht iu dhanë ryshfet gënjeshtarëve për ta mohuar Ringjalljen Time, Farisenjtë ua mohuan brezave të Hebrenjve të drejtën ndaj të Vërtetës.

Vdekja Ime në Kryq nuk ishte e mjaftueshme për ta. Ata donin të siguronin që asnjë shenjtë të mos ekzistonte për Mua, Shpëtimtarin e botës, më pas.

Pastaj ata u kthyen dhe i drejtuan fëmijët e Hyjit në një besim të rremë në të cilin e Vërteta u bë një gënjeshtër.

Mbajeni mend se profecitë nga Hyji gjithmonë përmbushen.

Ardhja Ime e Dytë tani do të përmbushet. Këtë herë udhëheqësit në Kishat e Krishtera do të më mohojnë Mua ashtu siç bënë Farisenjtë.

Ata do të më mundojnë Mua, profetët e Mi, njerëzit e Mi dhe çdonjërin që guxon të përhapë të Vërtetën e Ardhjes Sime.

Mos më mohoni Mua këtë herë.

Hapini zemrat tuaja.

Më dëgjoni Mua me kujdes ndërsa Unë ju përgatis për kapitullin final në shpëtimin e botës.

Jezusi juaj

https://fatherofloveandmercy.wordpress.com/2012/08/04/when-they-deliberately-bribed-liars-to-deny-my-resurrection-the-pharisees-denied-generations-of-jews-the-right-to-the-truth/