Lutuni për shpirtrat në mëkat mortor, që mund të mos e fitojnë mundësinë për të kërkuar shpengim

E Enjte, 12 Janar 2012, në 15:30

Bija Ime tejet e dashur, nevojitet që të gjithë të luten me gjithë zemrën e tyre tani, për shpirtrat që mund të mos i mbijetojnë tronditjes kur ata të dëshmojnë Paralajmërimin dhe Mëshirën Time të Madhe.

Disa prej këtyre shpirtrave të gjorë në mëkat mortor mund të mos e fitojnë mundësinë për të kërkuar shpengim, prandaj ju lutem bëni të sigurt që lutjet tuaja të ofrohen për shpirtra të tillë.

Kërkohet urgjentisht lutje për këta shpirtra në errësirë. Kaq të zhytur janë ata në ligësinë e tyre për të shkatërruar njerëzimin, përmes kontrollit monetar dhe kontrolleve të tjera, saqë ata do ta shohin Paralajmërimin të jetë një tronditje e tmerrshme.

Unë kam nevojë për ata, që t’iu jepet mundësia për t’u penduar por shumë do të më rezistojnë Mua. Ju lutem të luteni për këta shpirtra të torturuar.

Përfundimisht Unë do të doja t’ju kërkoja të gjithë ndjekësve të Mi që ta recitojnë Mëshirën Hyjnore në çdo rast pasi koha po afron tani për Paralajmërimin Tim të Madh.

Të gjithë atyre besimtarëve që refuzojnë të pranojnë se jam Unë, Jezu Krishti, Shpëtimtari i tyre që po iu flet përmes këtyre Mesazheve, më dëgjoni Mua tani.

Mos u bëni si ata shpirtra të gjorë, që jetonin në kohën e Noehit, kur ai merrte tallje.

Hapini mendjet tuaja dhe jepeni me bujari kohën tuaj në lutje. Kjo është gjithçka që Unë kërkoj nga ju në këtë kohë. Ju, fëmijët e Mi, do të derdhni lot keqardhjeje kur ta kuptoni gabimin tuaj. Dhe po, Unë do t’ju fal edhe pse më keni lënduar Mua thellë.

Fyerjet tuaja më lëndojnë Mua.

Talljet tuaja janë si një thikë që më tejshpon Mua sepse ju mendoni se më njihni Mua, por, ju nuk më njihni.

Mendjet tuaja janë të mbyllura ndaj zërit Tim të Vërtetë, i cili është si një thirrje në shkretëtirë.

Të lartësuarit tuaj më fyen Mua.

Ju duhet ta pranoni se udha tani po planifikohet për Ardhjen Time të Dytë.

Ju mund të mos më dëgjoni Mua tani, ndërsa Unë ju bëj thirrje që të luteni për shpirtrat që do të jenë të humbur nga Unë. Por, ju do të dëgjoni kur kjo t’ju provohet, pas kësaj Ngjarjeje të Madhe.

Sepse atëherë Unë do t’ju pres që të më ndiqni Mua dhe të formoni pjesën e mbetur të Kishës Sime. Do të jetë atëherë që ne të gjithë do të bashkohemi për të mbledhur copat e mbetura, ndërsa ne të ecim drejt Parajsës Sime të Re.

Jezu Krishti juaj i dashur
Shpëtimtari dhe Shpenguesi i gjithë Njerëzimit

https://fatherofloveandmercy.wordpress.com/2012/01/12/prayers-urgently-needed-for-souls-in-mortal-sin-may-not-get-the-chance-to-seek-redemption/

Paralajmërimi mbi Ferrin dhe Premtimi i Parajsës

E Shtunë, 13 Nëntor 2010, në 03:00

Bija Ime e dashur, ti ke kaluar një persekutim të tmerrshëm, të cilin Unë e lejova për ta çliruar shpirtin tënd nga mundimet e Ferrit. Ti je tani e lirë dhe shpirti yt do të mundësojë që ta përhapësh Fjalën Time, që njerëzimi të mund të çlirohet nga vuajtja që i pret ata, nëse bëjnë budallallëkun që të dorëzohen tek i ligu.

Ti, bija Ime, ishe dërguar që prej fillimit. Unë po të bëj ty më të fortë gjatë gjithë kohës, në pak ditë. Si mendon se do të jesh për një javë, për një vit apo dy vjet? Një luftëtare, trime deri në fund, ti do të punosh me Mua për të pastruar shpirtrat e fëmijëve të Mi të dashur, për të cilët Unë mbaj një Dhembshuri të thellë dhe plotësisht dashamirëse. Dashuria rrjedh nëpër venat e Mia si një lumë. Dhembshuria Ime kurrë nuk shuhet, pavarësisht nga fakti se ata kthehen në anën tjetër.

Unë do t’i shpëtoj ata nga Mundimet e Ferrit 

Tregoju atyre, bija Ime, se Unë do t’i shpëtoj ata nga mundimet e Ferrit. Unë kam nevojë që ata të kthehen tek Unë në gjendjen e tyre të trishtuar dhe pashpresë. Ka vetëm një rrugë drejt dashurisë dhe paqes. Kjo do të jetë në Parajsën Time të Re kur Qielli dhe Toka do të bëhen një. A nuk e dinë ata këtë? Kurrë nuk kanë dëgjuar për premtimin Tim të vjetër? Premtimi i jetës së përjetshme, ku ata – gjithë njerëzimi që kthehet tek Unë – do të ngrihen në trup, shpirt dhe mendje në Tokën dhe Qiellin e Ri, kur ato të bashkohen, edhe një herë, në Parajsën e premtuar për aq kohë tek fëmijët e Atit Tim.

Besoni. Unë ju lutem. Mendoni. Nëse ju nuk keni qenë ekspozuar kurrë ndaj Shkrimit të Shenjtë, atëherë bëjini vetes suaj këtë pyetje të thjeshtë. Nëse ju ndjeni dashuri në zemrat tuaja, nga mendoni se vjen ajo? A është dashuria ajo që ju bën të ndjeheni të butë, të përulët, me dëshirë të zjarrtë dhe të çliruar nga i gjithë egoizmi? Nëse është kështu, atëherë, kjo është dashuria që Unë ua premtoj të gjithë fëmijëve të Mi që kthehen tek Unë.

Si ambiciet e kësaj bote ju lënë bosh

Unë e di se është e vështirë, fëmijë të dashur, të besoni në një botë të ndryshme nga ajo në të cilën jetoni. Mbajeni mend se kjo botë qe krijuar nga Hyji Ati i Përjetshëm, dhe pastaj ajo u njollos nga veprat e mashtruesit. Ai, Satani, është dinak në ekstrem. Ju, fëmijët e Mi duhet ta dini me siguri se ambiciet e kësaj bote, të cilat nuk mbarojnë kurrë, nuk ju mbushin. Ju ndjeni një boshllëk, të cilin ju nuk mund ta shpjegoni, apo ta kuptoni. A nuk është kështu? Dhe pastaj ju mundoheni për më shumë e më shumë. Por prapë, ju nuk jeni të kënaqur kur e ndjeni se duhet të jeni. Përse është kjo? A keni kërkuar në zemrat tuaja dhe pyetur përse? Përse? Përgjigja është shumë e thjeshtë.

Hyji e krijoi njerëzimin. Njerëzimi qe tunduar nga Satani. Satani ekziston në këtë botë të bukur që Ati Im i Përjetshëm e krijoi prej Dashurisë së Pastër. Për fat të keq, ai, Satani, do të ekzistojë deri në Ardhjen Time të Dytë. Pastaj ai do të ekspozohet për gënjeshtrat e plota dha mashtrimet që ai ka futur tek fëmijët e Mi. Në atë kohë do të jetë tepër vonë për shumë nga fëmijët e Mi, përfshirë ata që janë të pasigurt apo që hezitojnë të besojnë në Krijimin më të lartë Hyjnor të Mbretërisë së Atit Tim.

Mos më refuzoni Mua

Dëgjoni! Unë, Jezu Krishti, Shpëtimtari, u dërgova për t’ju dhënë të gjithëve një mundësi të dytë për të hyrë në Mbretërinë e Atit Tim. Dëgjoni tani premtimin Tim. Dëgjojeni Zërin Tim, të dërguar sipas hirit Hyjnor, përmes lajmëtarëve dhe profetëve të Mi në botën e sotme, dhe kuptojeni se të gjithë fëmijët e Mi janë të barabartë në Sytë e Atit Tim.

Ata që e ndjekin Atë janë të bekuar, por do të vuajnë mundime për shpirtrat që nuk besojnë dhe që refuzojnë të dëgjojnë. Hyji e bëri botën. Ajo nuk u shfaq prej askundit. Njeriu nuk e bëri dhe as nuk mund ta shpikte një Mrekulli të tillë, të cilën shkenca nuk do të jetë në gjendje ta shpjegojë. E Mbinatyrshmja Hyjnore nuk mund të kuptohet kurrë me të vërtetë, derisa të gjithë fëmijët e Hyjit të dorëzohen në mendje, trup dhe shpirt tek Dashuria e Pastër që Unë ofroj.

Ju lutem, Unë jua kërkoj të gjithëve, mos e refuzoni Krijuesin tuaj. Ju lutem të mos i dëgjoni mashtrimet e gënjeshtrave që ju janë thënë nga mashtruesi, përmes divizioneve të freemasonëve, të Iluminati-ve, të profetëve të rremë dhe të kulteve të pazakonta dhe krejtësisht djallëzore që kanë evoluar përmes naivitetit të njeriut.

Satani është i vërtetë

Njerëzimi është i dobët. Madje edhe ndjekësit më të shenjtë bien pre e tundimeve të vazhdueshme të të ligut. Problemi është se ata që kërkojnë kënaqësi, nuk besojnë se ai është i vërtetë. Të tjerë e dinë se ai është i vërtetë dhe se ai ekziston. Këta janë ata që më shkaktojnë Mua më shumë dëshpërim.

Plagët po hapen përsëri dhe po keqësohen

Unë po vuaj në atë shkallë sa Plagët e shkaktuara mbi Mua në Kryqëzimin Tim të tmerrshëm, ndaj të cilit e dhashë Veten, po hapen përsëri dhe po keqësohen, duke më lënë Mua në një agoni tepër të dhimbshme në Trup, Shpirt dhe Hyjninë Time. Prapë Unë kurrë nuk do të pushoj për t’ju dashur të gjithëve.

Unë ju bëj thirrje, nga Qielli dhe në emër të Atit Tim të Përjetshëm, i Cili e krijoi secilin prej jush prej Dashurisë së Pastër, që të qëndroni të fortë. Refuzojeni Satanin. Besoni se ai ekziston. Pranojeni se ai ekziston. Hapini sytë. A nuk e shikoni rrëmujën që ai shkakton në jetët tuaja? A jeni të verbër?

Një Mesazh për të pasurit

Të pasurve Unë ju them ndaloni, mendoni dhe pyeteni Hyjin për vetëm një moment, a është roli juaj në të jetuarin e Urdhërimeve të Hyjit i kënaqshëm për ju? A duket kjo e drejtë? A më keni mohuar gjë Mua, për të fituar bollëkun e botës? I njëjti bollëk dhe kënaqësitë do ta lënë zemrën tuaj bosh. Ju do ta kuptoni, në zemrën tuaj, se kjo nuk ndjehet e drejtë. Dhe ju prapë keni etje për më shumë nga premtimet boshe dhe joshëse që po ju jepen nga mashtruesi si shkëmbim për shpirtin tuaj.

Një mesazh për ata që ndjekin Iluminati-n

Unë ju bëj thirrje të gjithëve, sidomos fëmijëve të Mi që janë të futur në Iluminati dhe në të tjera grupe të tilla djallëzore. Sa të futeni në to, ju jeni të dënuar për në ndëshkimin e përjetshëm. A nuk e kuptoni se ajo që ju është premtuar, si shkëmbim për shpirtin tuaj, është një gënjeshtër? Një gënjeshtër mashtruese dhe e frikshme. Ju kurrë nuk do t'i merrni dhuratat e premtuara nga ky lajmëtar i mbrapshtë nga thellësitë e Ferrit. Si Shpëtimtari juaj në Kryq, Unë e dhashë Jetën Time për t’ju shpëtuar. Ju lutem të mos më lini që t’ju humbas tani. Unë ju dua, fëmijët e Mi. Unë derdh lot ndërsa Unë ju lutem edhe një herë të fundit që të mos më refuzoni Mua në favor të mashtruesit.

Unë do t’i fal të gjithë ata që rrëfehen 

Unë nuk mund të ndërhyj me vullnetin tuaj të lirë, sepse kjo është një nga Dhuratat e dhëna kur lindët në Dritën e Hyjit. Unë do të vij, ashtu si Shkrimet e Shenjta e parathanë, shumë shpejt – më herët se sa ndonjëri të mund të kuptojë. Bota do të zhytet në errësirë dhe dëshpërim. Megjithatë, Unë do t’i fal të gjithë, dhe çdonjërin prej fëmijëve të Mi, të cilët, kur mëkatet e tyre t’iu jenë treguar, sado fyese ato të jenë, t’i rrëfejnë ato. Në po atë çast unë do t’i fal.

Ata do të hyjnë në trup dhe shpirt në Parajsë kur Qielli dhe Toka të bëhen një, ku të gjithë ju do të jetoni përjetësisht me familjen tuaj, në shekuj të shekujve.

Premtimet që Parajsa ka për të ofruar

Asnjë sëmundje apo prishje trupore, asnjë mëkat – vetëm dashuri. Ky është premtimi i Parajsës Sime. Askujt nuk do t’i mungojë gjë. Secili do të jetojë në harmoni, gëzim dhe dashuri.

Realiteti i Ferrit

Mos e refuzoni këtë jetë për jetën që ju është premtuar nga Satani! Ju po gënjeheni. Nëse ju ndiqni udhën ku Hyji apo Unë, Jezu Krishti, Shpëtimtari juaj, nuk bëjmë pjesë, atëherë ju jeni në udhën e mallkimit të përjetshëm. Ju do të ulërini të tmerruar kur ta kuptoni gabimin. Atëherë ju do të luteni për Mëshirë, do të çirrni fytyrën, do të shkulni flokët, por meqenëse ju keni një vullnet të lirë, një Dhuratë nga Ati Im, ai nuk mund të hiqet prej jush. Kur ju zgjidhni këtë udhë të rreme, ju do të vuani mallkimin dhe do të digjeni në Ferr përgjithmonë. Ai është shumë real.

Ndëshkimi më i madh është të kuptuarit më në fund se ka një Hyj. Se Unë, Shpëtimtari juaj, Jezu Krishti, me të vërtetë Ekzistoj dhe se nuk do të ketë as edhe një lloj mënyre, në atë pikë, për të shpëtuar veten. Familja juaj mund t’ju shikojë nga ana tjetër. Kur kjo të ndodhë, dhe ju ta kuptoni të vërtetën e tmerrshme, do të jetë tepër vonë. Mbajini mend këto Fjalë.

Mallkimi më i madh është kur ju e dini se nuk do ta shikoni kurrë Fytyrën e Hyjit. Kjo do të jetë tortura më e madhe dhe do të qëndrojë me ju përgjithmonë në flakët e Ferrit, ku dhimbja është e vazhdueshme dhe që nuk zvogëlohet. Ju, në vend që të shijoni parajsën e premtuar, përmes gënjeshtrave të mashtruesit, do të përfundoni në korridoret e tmerrshme të Ferrit. Kjo është shumë e vërtetë dhe përfaqëson vuajtjen e përjetshme.

Ju lutem, të gjithë ju që nuk besoni se Unë komunikoj me njerëzimin, ju kërkoj që të luteni tek Zemra Ime e Shenjtë. Lusni Mëshirën Time Hyjnore në orën 3 çdo ditë. Unë do t’i përgjigjem kërkesës suaj me Dashuri, të cilën ju do ta ndjeni menjëherë. Kapeni dorën Time fëmijë. Mos e lëshoni. Unë ju dua të gjithë ju aq shumë sa Unë dhashë Jetën Time për secilin prej jush, që të mund të shpëtoheshit.

Këtë herë Unë vij për të Gjykuar. Për aq shumë sa ju dua, Unë nuk mund të ndërhyj me Dhuratën e vullnetit të lirë, që ju është dhuruar nga Ati Im i dashur. 

Unë shpresoj se përmes lajmëtarëve të Mi të kohëve moderne dhe profetëve e Mi, ju më në fund do të dëgjoni. E Vërteta është udha, mbajeni mend, drejt shpëtimit të përjetshëm dhe një fillimi të ri kur Parajsa të kthehet në Tokë.

Gënjeshtrat e Satanit

Gënjeshtrat, pavarësisht se sa joshëse, janë vetëm të tilla. Gënjeshtra – të sajuara për të vjedhur shpirtra të dashur, të cilët nuk mund të çlirohen nga Ati Im, Krijuesi dhe Bërësi i Tokës.

Shpëtimtari juaj Hyjnor

Jezu Krishti

https://fatherofloveandmercy.wordpress.com/2010/11/13/the-warning-of-hell-and-the-promise-of-paradise/

Hidhi të gjitha dyshimet mënjanë

E Martë, 16 Nëntor 2010, në 23:00

Shkruaje këtë bija Ime. Dyshimet që zvarriten në mendjen tënde janë të pritshme. Po, ti po tundohesh që të kthesh kokën, por ai, Mashtruesi, kurrë nuk do të fitojë ty nga Unë. Bija Ime e dashur, ti je më e fortë nga sa mendon sepse fare pak shpirtra të zgjedhur do të ishin në gjendje ta përmbushnin këtë kërkesë të madhe të shenjtë në mënyrën që ti e ke bërë. Kërkohet guxim për të përballuar mënyrën me të cilën Unë komunikoj me ty. Ti nuk u largove me vrap e trembur nga frika. Ti e dije që në fillim se ky ishte një Komunikim Hyjnor nga Hierarkia më e lartë dhe Më e Shenjtë.

Ti do të përjetosh sqarime të mëtejshme së shpejti të cilat do të heqin të gjitha dyshimet e tua. Kur kjo të ndodhë mendja jote do të hapet më tepër për të marrë këto hire të veçanta që duhet të hidhen mbi ty për të të mbushur me kurajon dhe vendosmërinë që kërkohet për të ndihmuar në kryerjen e kësaj profecie.

Po, bija Ime, për habinë tënde ti je e zgjedhura për të përmbushur profecitë e përmbajtura në Librin e Gjonit për të përgatitur njerëzimin për pastrimin që do të tregohet së shpejti. Kur frika, hezitimi dhe pasiguria të largohen nga ti, bija Ime e dashur, ti do të ngrihesh dhe do ta përfundosh këtë detyrë shumë të veçantë që Unë të kërkoj. Tani bëj ashtu si të them Unë. 

Ti duhet të recitosh Mëshirën Time Hyjnore në orën 3, çdo ditë, për të ndihmuar në shpëtimin e shpirtrave. 

Ti duhet të vazhdosh të thuash Rruzaren e dhënë botës nga Nëna Ime më e shtrenjtë e cila punon me Mua për t’ju përgatitur për Ardhjen Time të Dytë në këtë Tokë.

Shumë shpirtra janë të humbur për Mua tani, me gjithnjë e më shumë të tjerë që po rrëmbehen prej Meje çdo ditë nga i ligu. Ata nuk duhet të merren nga Unë. Të lutem më ndihmo Mua të shpëtoj shpirtrat e tyre të gjorë. Hidhi të gjitha dyshimet mënjanë. Thjesht kujto detyrën tënde. Ndihmo që të hapen sytë e tyre për t’ia bërë të mundur që të shpengohen në sytë e Atit Tim të Përjetshëm. Vetëm po të vazhdosh të mendosh për rezultatin përfundimtar, ti do ta kuptosh përse kjo është e rëndësishme dhe përse kjo është një thirrje e bërë prej Dashurisë së Pastër që Unë mbaj për të gjithë fëmijët e Mi në Zemrën Time.

Mendo për të në këtë mënyrë. Dashuria e një prindi të devotshëm nuk njeh kufi. Nëse një fëmijë humbet dhe endet në udhën e përhumbjes, hidhërimi dhe shqetësimi i shkaktuar dhe i ndjerë nga prindi është si një shpatë që e shpon zemrën. Çdo prind që i do fëmijët e tij do të përpiqet të luftojë për ta deri në fund. Ata kurrë nuk dorëzohen. Kurrë. Po kështu është edhe me Mua. Unë do të bëj gjithçka në Fuqinë Time Hyjnore, pa ndërhyrë me vullnetin e lirë të njeriut për t’i kthyer zemrat e tyre tek Zemra Ime e Shenjtë. Ti, bija Ime, do të më ndihmosh Mua ta bëj këtë.

Unë nuk kam nevojë të të kujtoj ty mbi rëndësinë e bindjes dhe braktisjes së plotë tek Unë. Kjo është thirrja për të cilën ti je zgjedhur. Merre shpatën tënde tani. Ti duhet të luftosh krah për krah me Shpëtimtarin tënd Hyjnor në një përpjekje të fundit, për të sjellë shpëtimin e të gjithë fëmijëve të Mi, përpara Ditës së Gjykimit.

Shko tani në paqe dhe dashuri për të marrë Trupin Tim sot.

Shpëtimtari juaj i dashur

Jezu Krishti

https://fatherofloveandmercy.wordpress.com/2010/11/16/cast-all-doubts-aside/

Kthimi në Besim

E Diel, 21 Nëntor 2010, në 01:30

Sot, bija Ime, Unë sjell një Mesazh shprese dhe paqeje tek të gjithë fëmijët e Mi që mund ta ndjejnë se këto Mesazhe kanë paraqitur frikë. Dijeni se madje edhe ata prej jush që e kanë të vështirë të besojnë tek Unë, në Atin Tim të Përjetshëm dhe në Shpirtin e Shenjtë, nuk duhet të shqetësohen. 

Shumë nga ju, fëmijët e Mi të dashur, duan të besojnë, por për shkak të arsyetimeve dhe logjikës suaj, ku ju i vlerësoni të gjitha gjërat duke u bazuar në mendimin racional, ju do ta keni të vështirë të besoni në të mbinatyrshmen.

Mos u trembni. Duke u lutur, madje edhe vetëm një herë në ditë dhe duke i kërkuar Zemrës Sime të Shenjtë të derdhë dashurinë Time mbi ju, shumë shpejt do të ndjeheni ndryshe. 

Shumë nga ju – ata që janë të paqartë në besimin e tyre – i kanë zili të tjerët me besim të thellë. Ju duhet ta kuptoni se Unë ju dua të gjithëve. Si një prind, secili prej jush mban një vend të thellë dhe të veçantë në Zemrën Time. Ju kurrë nuk duhet të ndjeheni se nuk jeni të denjë për Dashurinë Time.

A nuk ju desha Unë deri aty sa me dëshirë e dhashë jetën Time për ju me shpresën se do t’ju jepej një mundësi e dytë të ktheheshit tek Unë?

Fëmijë, ju gjithmonë do të shtyheni mënjanë nga të tjerët kur të shprehni një besim në Krijuesin tuaj Hyjnor. Kur kjo të ndodhë kujtoni që kjo është diçka që njerëzit duhet ta vuajnë në këtë Tokë, për dashurinë e tyre për Mua. Kurrë mos e lini këtë besim në Mua, Shpëtimtarin tuaj Hyjnor, të zbehet apo të fshihet prej atyre që do t’ju vështrojnë me keqardhje.

Po, shumë nga fëmijët e Mi, të influencuar nga arsyetimi dhe logjika njerëzore, të vëna qëllimisht në shpirtrat e tyre të mbyllur, do t’i vënë në pyetje besimet tuaja. Për t’ju fyer ju më tepër atyre do t’ju vijë turp nga besimi juaj, dhe ndërsa nuk do ta pranojnë atë publikisht, ata do të ndjejnë një xhelozi kurioze. Kjo xhelozi vjen nga bindja që atyre u lind, se brenda shpirtrave të tyre gjendet një boshllëk. Pavarësisht se sa shumë ata kërkojnë brenda vetes ata nuk mund ta kuptojnë përse ndodh kjo. Ndërkohë, ju, besimtarët, do të kaloni një poshtërim përmes syve në siklet të vëzhguesve me një besim të dobët ose pa aspak besim.

Kurrë mos kini frikë apo t’ju vij turp të dëshmoni dashurinë që keni në zemrat tuaja për Atin Tim të Përjetshëm. Të jeni të hapur rreth besimit tuaj. Visheni dashurinë tuaj me krenari, për Mua, që të gjithë ta shohin. Duke vepruar kështu ju udhëhiqni përmes shembullit.

Asnjëherë mos u përpiqni fort të impononi, përmes arsyetimit logjik, besimin tuaj tek jo-besimtarët në një mënyrë agresive. Por, tregoni dashuri dhe mbështetje për vëllezërit dhe motrat tuaja edhe pse ju e dini se ata kanë nevojë për udhëzim. Kur ata e shohin mënyrën e drejtë, me të cilën ju e deklaroni dashurinë tuaj për Mua hapur dhe me gëzim në zemër, ata do të fillojnë të çuditen.

Duke i drejtuar të tjerët, përmes shembullit të dashurisë, respektit dhe veprave të mira, ata do të tërhiqen drejt Dritës. Shumë nuk do ta kuptojnë në fillim përse. Por me kalimin e kohës dhe sidomos me anë të fuqisë së lutjeve tuaja, ata do të ecin drejt Meje.

Unë ju bëj thirrje të gjithëve që të luten për kthimin në besim të gjithë shpirtrave. Kjo përfshin ata njerëz të njohur nga ju, personalisht, që ju e ndjeni se kanë nevojë për lutje, për vështirësitë që ata ndeshin në këtë jetë. Lutuni gjithashtu për kthimin në besim të atyre fëmijëve të gjorë të humbur për Mua përmes errësirës që i verbon ata ndaj së Vërtetës. Lutuni me dashamirësi dhe dashuri në veçanti për ata që e ndjekin, aktivisht, udhën e mashtruesit. Ata, më shumë se kushdo tjetër, kanë nevojë për lutjet tuaja. 

Bëjani të ditur, të gjithëve me të cilët bini në kontakt, hollësirat, se si secili prej tyre mund të shpengohet, madje edhe në momentin e vdekjes, duke recituar Kurorëzën e Mëshirës Hyjnore.

Ju lutem, ju lutem t’ia jepni këtë kujtdo që do të dëgjojë. Ju kërkoni atyre, nëse do të guxonit, që ta lexojnë atë dhe ta mbajnë mend, sepse nëse ju e bëni dhe ata e thonë atë në frymën e tyre të fundit, ata mund dhe do të shpëtohen nga Unë. 

Kurrë mos t’ju vijë turp për Kryqet që mbani

Kurrë mos u ndjeni të fyer kur jo-besimtarët qeshin apo ju hedhin shakara kur ju luteni. Kurrë mos t’ju vijë turp për Kryqet që mbani për mbrojtje. Mos i fshihni këto simbole të dashurisë që ju mbani për Mua, Shpëtimtarin tuaj Hyjnor, Atin Tim të Përjetshëm apo Shpirtin e Shenjtë. Duke i mbajtur me krenari këto simbole të nderit të shenjtë, ju do të drejtoni të tjerët drejt Meje. Pavarësisht nga përbuzja e jashtme që ju mund të merrni nga këta njerëz, për brenda, ata ju kanë zili për besimin tuaj. Shumë prej këtyre vëzhguesve ndjejnë një boshllëk të brendshëm, për shkak të mungesës së tyre të besimit. Lutja, fëmijët e Mi, mund të më ndihmojë Mua t’i fitojë shpirtrat e tyre. Thoni këtë lutje për ta.

“Zoti im i dashur, unë i shtrij krahët e mi për të të kërkuar Ty që t’i marrësh vëllezërit dhe motrat e mia të dashura në Krahët e Tu të butë. Bekoji ata me Gjakun Tënd të Shenjtë dhe jepu atyre Hirin e nevojshëm për t’i lejuar ata të marrin Frymën e Dashurisë Tënde për t’i udhëhequr drejt Shpëtimit të Përjetshëm.”

Kur ju, besimtarët e Mi, sfidoheni hapur nga të tjerët për besimin tuaj, në fillim thoni këtë:

“Unë jam një ndjekës i Krishtit, i cili pësoi vdekjen në duart e jo-besimtarëve. Për shkak të kësaj, si një ndjekës i Krishtit, unë gjithmonë do të pësoj përbuzje prej të tjerëve, për shkak të dashurisë sime për Të. Ky është Kryqi që unë mbart dhe jam krenar për këtë fakt. Ai, Shpëtimtari im, vdiq, jo vetëm për mëkatet e mia, por edhe për tuajat.”

Kur ata me krenari mburren për faktin se janë agnostikë apo ateistë, thojini atyre këtë. Pyetini ata nëse do të ndjehen ndryshe kur jeta e tyre në këtë Tokë të vijë drejt fundit? Pastaj jepuni atyre këtë këshillë. Në shtratin e vdekjes kujtojeni këtë lutje të Mëshirës Hyjnore madje edhe nëse jeni akoma të pasigurt. Hapini zemrat tuaja dhe kërkojini Atit Tim të Përjetshëm që t’i fali ata. Kujtojeni premtimin Tim. Si Gjykatës, ashtu si edhe Shpëtimtari juaj, Unë do të fal – deri në frymën e fundit të secilit prej fëmijëve të Mi në Tokë. Thojini atyre që të luten fort me qëllim që t’i hapin zemrat edhe vetëm një herë.

Lutja i sjell të gjithë fëmijët e Mi më pranë Mbretërisë Sime në Tokë kur Qielli dhe Toka të shkrihen si një gjë e vetme. Fuqia e lutjes do të kuptohet me të vërtetë vetëm kur fëmijët e Mi t’i hapin zemrat e tyre dhe të thërresin. Kërkoni, dhe nëse është Vullneti i Hyjit, lutjet tuaja do të përgjigjen. 

Kurrë mos ia mohoni fëmijëve tuaj Sakramentin e Pagëzimit

Më në fund, lutuni për fëmijët e vegjël, bijtë dhe bijat tuaja dhe të rinjtë në botë. Secili prej tyre e meriton t’i tregohet e Vërteta. Atyre nuk iu tregua e Vërteta e Dashurisë së Hyjit apo t’iu jenë dhënë udhëzime nga prindërit e tyre, për shkak të errësirës shpirtërore, që ka ekzistuar mbi Tokë në këto dy dekadat e fundit. Edhe nëse besimi juaj është i dobët, mos e shmangni detyrën tuaj, si prindër, t’ia jepni atyre të drejtën ndaj Sakramenteve, Pagëzimit në veçanti. Kurrë mos e merrni përsipër t’ia mohoni fëmijës suaj këtë Sakrament shumë të rëndësishëm. Shumë prindër që me krenari këmbëngulin, ndërsa bërtasin fort për pikëpamjet e tyre të mosbesimit, po i dëmtojnë shpirtrat e fëmijëve të tyre. 

Jepuni fëmijëve tuaj dhuratën e Sakramenteve. Me kalimin e kohës, ata ose do t’ju falënderojnë për këtë, ose do të më mohojnë Mua. Kjo do të varet nga ata. Më mohoni Mua nëse duhet ta bëni, por mos i vidhni shpirtrat fëmijëve të Mi. Ju mund të jeni prindërit e tyre në Tokë, por ata janë fëmijët e Atit Tim të Përjetshëm, Krijuesit dhe Bërësit të të gjitha gjërave. Mos u përpiqni t’i merrni ata në errësirë me ju. Kujtojeni përsëri, se pavarësisht nga besimet tuaja, Unë ju dua të gjithëve.

Shpëtimtari dhe Gjykatësi juaj Hyjnor

Jezu Krishti, Biri i Atit të Përjetshëm

https://fatherofloveandmercy.wordpress.com/2010/11/21/conversion/

Thirrje për Besimtarët për të kthyer në besim shpirtrat e humbur

E Premte, 26 Nëntor 2010, në 15:00

Bija Ime e dashur, Trinia e Shenjtë bashkohet me ty, si një, për ta çuar përpara të Vërtetën Hyjnore tek çdo shpirt në botë, si një çështje urgjente.

Ti, bija Ime, tani e ndjen dhimbjen dhe vuajtjen në zemrën tënde së bashku me Mua për njerëzimin. Besimi i tyre i humbur të sjell ty një trishtim të thellë dhe një ndjenjë frike për të ardhmen e tyre.

Ndjekësit e Mi të dashur dhe të përkushtuar janë tani, në këtë kohë, duke u bashkuar nëpër botë përmes lidhjes së Dashurisë së fuqishme Hyjnore për të luftuar për shpëtimin e shpirtrave nga mallkimi.

Këta, fëmijët e Mi të Dritës, vijnë nga të gjitha kombet. Ata do ta njohin njëri tjetrin në çast pavarësisht nga raca, ngjyra apo besimi i tyre. Unë Jam duke i drejtuar ata me qëllim që kjo ushtri e dashurisë të ndihmojë në forcimin e besimit të njerëzimit në këtë pikë të historisë.

Kurrë më parë nuk e kam bërë Praninë Time kaq të dukshme brenda zemrave të besimtarëve. Ata ndjejnë vuajtjen që Unë e duroj, ndërsa Unë dëshmoj ligësinë që ta thyen zemrën, e cila emetohet prej njeriut, madje edhe midis atyre që do të konsideroheshin të ishin të mirë dhe dashamirës. Dashuria për vetveten po i shkatërron fëmijët e Mi.

Egoizmi dhe mungesa e respektit për ata rreth jush dhe për të pambrojturit lë një njollë turpi që është e vështirë për t’u fshirë. Mizoria që njeriu i tregon fqinjit të tij, e gjitha për një arsye në mendje – vet-kënaqësisë, ka arritur në një lartësi të të gjitha kohëve. Mania për nevojat e tyre është një mëkat në sytë e Atit Tim të Përjetshëm.

Sa shumë justifikime të rreme, të bëra në emër të vet-vlerësimit, janë plotësisht të papranueshme dhe kundër Mësimeve të Mia. Duajeni njëri tjetrin. Trajtojini të tjerët, ashtu siç do të prisnit që t’ju trajtonin juve. Mendoni për nevojat e të tjerëve përpara nevojave tuaja. Qëndroni për të drejtat njerëzore të vëllezërve dhe motrave tuaja kur ata përballen me padrejtësi nga të tjerët. Kurrë ndonjëherë, mos e justifikoni ndëshkimin e një personi me qëllim që të fitoni materialisht. Tregoni dashuri dhe keqardhje, madje edhe për armiqtë tuaj. Kjo nuk është një detyrë e lehtë për shkak të pasigurive materialiste që ndjejnë fëmijët e Mi. Simptomat e obsesionimit egoist me pasurinë, bukurinë dhe të ashtu-quajturin sukses, që shumë njerëz besojnë të jenë atribute të natyrshme të qenies njerëzore, shkaktojnë një konfuzion të tmerrshëm.

Ideja ku njerëzit mësohen të vënë nevojat e veta të parat, në emër të rëndësisë për vetveten, ka qenë mbjellë në psikozën njerëzore për një kohë të gjatë, por kjo filozofi është përforcuar nga fuqitë e komunikimit modern. Kur fëmijët e Mi i ndjejnë këto mesazhe, pothuajse çdo ditë, përmes TV, medias, kinemasë, muzikës dhe Internetit, ata i pranojnë këto mesazhe sikur të ishin të rëndësishme.

Pavarësisht premtimit të rremë, këto bestytni, që janë joshëse sepse ofrojnë vetë-shpërblim, i cili është vështirë të refuzohet, fëmijët e Mi e pranojnë gënjeshtrën, gënjeshtrën që ka qenë mbjellë nga mashtruesi – Satani.

Shqetësimi që ata ndjejnë menjëherë pasi të kenë përfituar nga dikush tjetër, është e vështirë për ta që të kuptohet. Ata, fëmijët e Mi, pasi e kanë fituar çmimin e kërkuar, nuk janë të kënaqur. Atëherë ata kërkojnë më shumë e më shumë prej së njëjtës gjë, kaq i pangopur është oreksi i tyre. Por kjo është e pavlerë. Ata nuk mund ta kënaqin veten plotësisht. Atyre u mungon gëzimi i vërtetë, një kënaqësi e natyrshme, dhe ata nuk e kuptojnë boshllëkun që ndjejnë përbrenda.

Kur ju e vini veten tuaj të parin, përpara të tjerëve, ky është egoizëm. Kur ju përfitoni me të padrejtë mbi ata që janë më të dobët dhe më të pambrojtur se ju, ky është mëkat. Kur ju e dëmtoni aftësinë e atij personi për të jetuar me dinjitet dhe më pas i hiqni atyre të drejtën për të ushqyer siç duhet familjet e tyre, kjo më fyen Mua rëndë. Unë vuaj me këta shpirtra. Bëjini një të keqe fqinjit tuaj dhe ju ma bëni këtë Mua. Kur ju e lëndoni fqinjin tuaj përmes fjalëve të rënda, ju jeni fajtor për dhimbjen e shkaktuar në Zemrën Time.

Kur njeriu e ndëshkon një tjetër përmes dhunës, Unë e duroj dhimbjen e Mundimit Tim në Kryq. Unë e rijetoj atë. Unë e ndjej dhimbjen e tyre ndërsa ju i shkaktoni atyre dëmin në trup. Kur ju jeni një vrasës, ju jeni fajtor për turpin përfundimtar të gozhdimit Tim në Kryq.

Fëmijë, dijeni këtë. Mëkati do t’ju çojë në Ferr. Kjo është e frikshme për ata besimtarë që më shohin Mua si një Gjykatës të Mëshirshëm. Premtimi Im për Mëshirë të pakufizuar, të cilën Unë do t’ia jap secilit prej jush që pendohet, është akoma i garantuar. Por, si mundem Unë t’i shpëtoj ata që nuk do ta shikojnë gabimin në jetën e tyre të trazuar?

Predikimi i të Vërtetës së Mësimeve të Mia është i rëndësishëm. Është për shkak të tërheqjes së shumë shpërqendrimeve, të cilat janë me bollëk, që shumë prej fëmijëve të Mi do ta kenë jashtëzakonisht të vështirë ta njohin Fjalën e Hyjit. Shumë nuk do të kenë njohuri mbi Mësimet e Hyjit përmes profetëve apo përmes Shkrimit të Shenjtë. Shumë, thjesht nuk duan t’i njohin. Të tjerët, do të refuzojnë të dëgjojnë madje edhe nëse Fjala përhapet përmes profetëve dhe vizionarëve të Mi të sotshëm, me shenja të qarta për t’u parë nga të gjithë. 

Prandaj dhe do të varet nga besimtarët që të luten për të tjerët. Lutje të veçanta kërkohen tani. Duke lutur Mëshirën Hyjnore, lutjen e fuqishme dhënë të dashurës Sime - Motër Faustinës, shumë kthime do të ndodhin.

Kur kjo të ndodhë, Unë kërkoj që të gjithë fëmijët e Mi të ribashkohen në grupe të lutjes për të vazhduar të luten dhe të japin udhëzim për ata fëmijë të Mi të dëshiruar – vëllezërit dhe motrat tuaja.

Në Emrin Tim dhe të Trinisë së Shenjtë, Unë u kërkoj fëmijëve të Mi të dashur që të bashkojnë forcat në bashkim me Zemrën Time dhe të më ndihmojnë Mua të shpëtoj shpirtrat e tyre. Unë i dua ata të gjithë aq shumë saqë Unë derdh lot të dëshpëruara dhe të hidhura terrori për ta. Unë nuk dua t’i humbas ata.

Më ndihmoni Mua, ndjekës të Mi në Dritë, për t’i bashkuar këto shpirtra të humbur me familjen Time, që edhe ata të përjetojnë Parajsën e Vërtetë për të cilën ata përpiqen në mënyrë kaq të dëshpëruar.

Zgjatini duart tuaja tek ato të tyre. Bisedoni me ta. Dëgjojini ata. Tregoni dhembshuri për ata, madje edhe kur ata jua përplasin në fytyrë me përbuzje. Tregoni durim. Mbi të gjitha bëni që ata të ndjejnë Dashurinë Time për ta përmes jush.

Ata do ta kenë të vështirë t’ju shpërfillin atëherë, edhe nëse ata ju tallin. Përmes lutjeve tuaja ju mund t’i shpëtoni, dhe do t’i shpëtoni shpirtrat e tyre.

Unë ju përshëndes, ndjekësit e Mi të çmuar. Ju sillni lot në Sytë e Mi me dashurinë dhe përkushtimin që ju tregoni ndaj Meje, Nënës Sime të Bekuar, Mbretëreshës së Qiejve dhe Trinisë së Bekuar.

Ne, dhe të gjithë engjëjt dhe shenjtorët në Qiell gëzohemi për përgjigjen tuaj ndaj kësaj thirrjeje tani. Prandaj, shkoni të kryeni Punën tuaj në Emrin e Atit Tim të Përjetshëm. Sillmëni grigjën Time.

Shpëtimtari juaj i devotshëm

Jezu Krishti

https://fatherofloveandmercy.wordpress.com/2010/11/26/call-on-believers-to-convert-lost-souls/

Purgatori nuk është një vend ku ju do të ndjeheshit të kënaqur që të hynit

E Premte, 7 Tetor 2011, në 21:45

Bija Ime fort e dashur, arsyeja që Unë dërgoj kaq shumë Mesazhe tek Fëmijët e Mi është për t’i ndihmuar ata që t’i përgatisin shpirtrat e tyre në një mënyrë, që nuk ishte e mundur deri tani.

Shumë nga fëmijët e Mi nuk e kanë lexuar Biblën e Shenjtë, as dhe nuk janë të vetëdijshëm për të gjitha Mësimet e Mia.

Më shumë kohë përdoret nga shërbëtorët e Mi të shenjtë duke u përqendruar mbi pjesën e Mësimeve të Mia ku Unë ju kërkoj të gjithëve që ta doni fqinjin tuaj, e cila është një gjë e mirë, por asnjë e folur nuk bëhet për pasojat që do të përballte njerëzimi po ta refuzonin Atin. 

Përse shërbëtorët e Mi të shenjtë e mohojnë ekzistencën e Ferrit dhe përse ata i japin Purgatorit një pamje zbukuruese?

Fëmijëve të Mi iu janë mësuar shumë gjëra të mira përmes kishave, të cilat e shpallin Lavdinë e Hyjit Atit të Gjithëpushtetshëm. Por për fat të keq, ekzistenca e Purgatorit dhe Ferrit është nënvlerësuar deri aty sa fëmijët e Mi nuk tregojnë interes për ekzistencën e tyre.

Fëmijët e Mi po gënjehen gjithashtu rreth ekzistencës së të ligut. Madje shumë nga shërbëtorët e Mi të shenjtë e mohojnë ekzistencën e tij. Oh sa të marrë janë ata që besojnë se njeriu mund ta forcojë besimin e tij pa e ditur apo kuptuar të vërtetën e fuqisë së të ligut.

Kjo mungesë e drejtimit nga ana e shërbëtorëve të Mi të shenjtë ka bërë që ligësia në botë të zhvillohet në një mënyrë që mund të kishte qenë ndaluar përmes lutjes. Satani është lejuar të endet i lirë mbi këtë Tokë për ca kohë për shkak të verbimit të shërbëtorëve të Mi të shenjtë. Nëse fëmijët e Mi do të kishin qenë informuar siç duhet për këtë rrëmujë të shkaktuar nga Satani, atëherë lutja për ta dobësuar influencën e tij do të kishte qenë shumë më e fortë.

Ekzistenca e Purgatorit

Ekzistenca e Purgatorit është keqkuptuar. Shumë besojnë se ai është thjeshtë një periudhë pritjeje e pastrimit përpara se shpirtrat të mund të hyjnë në Parajsë, për ata shpirtra që mund të mos kenë qenë në gjendjen e hirit në kohën e vdekjes. Ka nivele të ndryshme në Purgator, fëmijë, dhe të gjithë shpirtrat ndjejnë një dhimbje djegëse të errësirës, e cila intensifikohet më shumë në nivelin më poshtë. Kjo do të thotë se shpirtrat në Purgator që për pak i shpëtuan rënies në Ferr e vuajnë dhimbjen e djegies më shumë. Edhe pse të gjithë shpirtrat në Purgator eventualisht do të hyjnë në Mbretërinë e Atit Tim, ai nuk është një vend ku fëmijët e Mi do të ndjeheshin të kënaqur që të hynin. Prandaj ju duhet ta luftoni mëkatin dhe të kërkoni falje sa më rregullisht të jetë e mundur për të qëndruar në gjendjen e hirit. Prandaj dhe ju duhet t’i bindeni 10 Urdhërimeve në çdo kohë. Prandaj dhe ju duhet të luteni gjithashtu për ata shpirtra që janë atje, sepse pa lutjet tuaja ata nuk mund të hyjnë në Mbretërinë e Qiellit deri në Ditën finale të Gjykimit.

Është koha tani që të përballeni me të Vërtetën, fëmijë.

Lutuni për hiret që ju duhen për të qenë të lirë nga mëkati, që ju të mund të hyni në Parajsë. Të jeni gati çdo ditë, sepse ju nuk i dini planet, të cilat janë tashmë gati, që ju presin. Unë jua jap këtë Mesazh që e Vërteta të jetë e qartë. Këto Mesazhe të rëndësishme nuk ju janë paraqitur qartë, fëmijë, ndër dekada. Është e rëndësishme që ju të jeni të përgatitur mirë.

Duke e recituar Kurorëzën e Mëshirës Hyjnore çdo ditë në orën 3 pasdreke Unë do të ndërhyj në momentin e vdekjes në emrin tuaj, pavarësisht se sa shumë mëkatarë të jeni dhe do t’jua tregoj Mëshirën Time. Unë ju them këtë sepse Unë ju dua, jo për t’ju frikësuar, por për të siguruar që ju ta përhapni të Vërtetën tek familjet tuaja.

Fjala Ime sot është thjeshtë një kujtesë e të Vërtetës e cila ju është mohuar prapa maskës së tolerancës. Kjo është pak si prindi i një fëmije të cilin e llastojnë sepse e duan fëmijën kaq shumë. Nëse prindi e ushqen fëmijën më tepër atëherë shëndeti i fëmijës do të dëmtohet. Por prindi vazhdon t’i japë fëmijës ushqim, ndaj të cilit fëmija tani është mësuar prej dashurisë së treguar gabimisht. Kjo mund të çojë në keqësimin e shëndetit të fëmijës. Si pasojë, ky fëmijë bëhet i paditur se çfarë ushqimesh të shëndetshme të hajë, sepse ai nuk di gjë për to. Atij nuk i është thënë kurrë.

Shkoni tani dhe tregojani vëllezërve dhe motrave tuaja të Vërtetën rreth Ferrit dhe Purgatorit përpara se të jetë tepër vonë. Sepse nëse ju nuk e bëni, askush tjetër nuk do ta bëjë.

Mësuesi dhe Shpëtimtari juaj Hyjnor

Jezu Krishti

https://fatherofloveandmercy.wordpress.com/2011/10/07/purgatory-is-not-a-place-you-should-feel-content-to-enter/

Kurorëza e Mëshirës Hyjnore

E Merkure, 21 Shtator 2011

Kurorëza e Mëshirës Hyjnore recitohet duke përdorur Rruaza të Ruzares të zakonshme me 5 dekadat e mistereve. Kurorëza fillon me dy lutje fillestare të marra nga Ditari i Shën Faustinës dhe pason me lutjen mbyllëse.

Zoti kërkon që kjo kurorëz të lutet në orën 3 të ditës. 

Si të themi lutjen:

1. Bëj Shënjën e Kryqit

Në emër të Atit, dhe të Birit, dhe të Shpirtit Të Shenjtë. Amen.

2. Lutja e Orës 3 (marrë nga ditari i Shën Faustinës)

Ju dhatë frymën e fundit, Jesus, por burimi I jetës vërshoi për shpirtrat, dhe oqeani I mëshirës u hap për gjithë botën. O Burim I Jetës, Mëshirë Hyjnore e pamasë, pushtoje gjithë botën dhe zbrazu mbi ne. Gjak dhe Ujë, që dole nga Zemra e Jesusit si një burim Mëshire për ne, unë besoj tek Ty!

3. Ati Ynë

Ati Ynë, Që je në qiell;

U shenjtëroftë emri Yt;

Ardhtë mbretëria Jote;

U bëftë vullnesa Jote si në qiell ashtu dhe në tokë;

Bukën tonë të përditshme na jep sot;

Dhe na i fal mëkatet tona ashtu si i falim ne fajtorët tanë;

Dhe mos na lër të biem në tundim;

Por na liro nga i keqi;

Amen.

4. Të falemi Mari

Të falemi Mari, hirëplotë, e Zoti me ty;

E bekuar je mbi të gjitha gratë;

Dhe I bekuar është fryti I barkut tënd, Jesus;

Shenjta Mari, Nëna e Hyjit;

Lutu për ne mëkatarët;

Tash e në fill të vdekjes sonë;

Amen.

5. Besimi i Apostujve

Besoj në Zotin, Atin e Gjithpushtetshëm;

Krijuesin e Qiellit e të Tokës;

E në Jesu Krishtin, Birin e Tij një të vetmin, Zotin Tonë;

I Cili u zu për virtyt të Shpirtit Shenjtë;

U lind prej Virgjërës Mari;

Pësoi mundimet nën Poncin Pilat;

U vu në kryq, vdiq e u varros;

Zbriti në Ferr;

Të tretën ditë u ngjall së vdekuri;

U ngjit në Qiell;

Rri në të djathtë të Hyjit, Atit të Gjithpushtetshëm;

Andej do të vij për të gjykuar të gjallë e të vdekur;

Besoj në Shpirtin e Shenjtë,

Kishën e Shenjtë Katolike,

Shoqërinë e Shenjtorëve,

Faljen e mëkateve,

Ringjalljen e korpit,

Dhe jetën e pasosur, 
Amen.

6. Ati i Përjetshëm

Atë i Përjetshëm, të ofroj Trupin dhe Gjakun, Shpirtin dhe Hyjninë e Birit Tënd të Dashur, Zotit Tonë, Jesu Krisht, për shlyerjen e mëkateve tona dhe të gjithë botës.

7. Në 10 kokrrat e vogla të secilit mister

Për hir të Mundimeve të Tij të dhimbshme, ki mëshirë për ne dhe për mbarë botën.

8. Përsërit për pjesën tjetër të mistereve

Duke thënë “Ati I Përjetshëm” në 5 kokrrat e mëdha dhe 10 “Për hir të Mundimeve të Tij të dhimbshme” në kokrrat e vogla.

9. Përfundo me Hyj I Shenjtë (Përsërite 3 herë)

Hyj I Shenjtë, Hyj I Shenjtë I Gjithpushtethshëm, Hyj I Shenjtë I Pavdeshkëm, ki mëshirë për ne dhe për mbarë botën.

10. Lutja mbyllëse

O Zot I Përjetshëm, me një mëshirë të pafund dhe thesar I dhembshurisë së pashtershme, me mirësi na mbro dhe shtoje mëshirën Tënde ndaj nesh, që në momente të vështira të mos dëshpërohemi apo të bëhemi të brengosur por me confidencë të madhe ti nënshtrohemi vullnetit Tënd të shenjtë, e cila është Dashuria dhe Mëshira vetë.

11. Lutje pas Kurorës së Mëshirës Hyjnore

Më mbush tani, O Zot, me Dhuratën e Shpirtit të Shenjtë për ta çuar Fjalën Tënde Më Të Shenjtë ndër mëkatarë që më duhet t’i ndihmoj të shpëtohen në Emrin Tënd. Më ndihmo t’i mbuloj ata, përmes lutjeve të mia, me Gjakun Tënd të Çmuar, që të tërhiqen tek Zemra Jote e Shenjtë. Më jep Dhuratën e Shpirtit të Shenjtë që këto shpirtra të gjorë të mund të gëzojnë në Parajsën Tënde të Re. Amen.

https://fatherofloveandmercy.wordpress.com/2016/03/18/chaplet-of-divine-mercy/

Mbani Vigjilje të Mëshirës Hyjnore tani – Paralajmërimi është Pranë

E Hënë, 5 Shtator 2011, në 21:00

(Shënim: Dy Mesazhe u morën këtë mbrëmje nga Jezu Krishti. Në Mesazhin e parë, një zbulesë private, detaje të periudhës kur Paralajmërimi do të ndodhë iu dhanë vizionares. Publikimi i tyre është lënë në kujdesin e vizionares e cila ka vendosur të mos i publikojë ato në këtë pikë. Nga ana tjetër, ato iu dhanë një prifti për t’i ruajtur. Ky Mesazh do të publikohet pasi Paralajmërimi të ndodhë. Mesazhi i dytë është një Mesazh për botën pikërisht tani.)

Bija Ime e dashur, koha tani është pranë. Lutja e ka ndihmuar Zëdhënësin Tim të dashur, Papa Benediktin, t’i bëjë ballë betejës së brendshme që ai has prej forcave të liga. Koha e tij në Vatikan është zgjatur.

Unë iu bëj thirrje të gjithë ndjekësve të Mi që të mbajnë takime lutjesh dhe Vigjilje të Mëshirës Hyjnore për të gjithë fëmijët e Mi të gjorë që janë larguar nga Unë dhe Ati Im i Përjetshëm. Ata urgjentisht kanë nevojë për lutjet tuaja. Lutja, dhe shumë prej saj, është e nevojshme tani për t’i shpëtuar ata. Bëni që të ofrohen Mesha për ata, të cilët për shkak të gjendjes së shpirtrave të tyre gjatë Paralajmërimit, mund të mos mbijetojnë fizikisht. Ata kanë nevojë për lutjet tuaja. Mbajini duart të bashkuar me Mua.

Jezu Krishti juaj i dashur

https://fatherofloveandmercy.wordpress.com/2011/09/05/hold-divine-mercy-vigils-now-the-warning-is-close/

Gusht 2011 – Muaji i Shpëtimit të Shpirtrave

E Shtunë, 23 Korrik 2011, në 17:30

Bija Ime e dashur, ti më bën Mua kaq të lumtur. Dorëzimi yt i plotë tani do të thotë se Unë mund të shpëtoj më shumë shpirtra kudo. Një shpirt viktimë, bija Ime, nuk është tërësisht e qartë për ty për kuptimin e vet të plotë, por me kohën, do të jetë. Në atë kohë, ti do të jesh aq e fortë saqë të vuash për Mua do të të sjellë gëzim, jo dëshpërim. Nuk do të jetë e lehtë, por pastaj të punohet për Mua, Shpëtimtarin tënd të dashur, nuk mund të jetë e lehtë.

Ishte prej frymëzimit të Hyjit, Atit Tim të Përjetshëm, që ti u inkurajove ta bëje këtë sakrificë përfundimtare për Mua. Ky është një hir shumë i veçantë, bija Ime, edhe pse nuk do të duket të jetë në terma njerëzorë, sepse hiret e Mia nuk janë gjithmonë për të sjellë gëzim dhe lumturi në jetën tuaj. Ato mund të sjellin vuajtje, por në të njëjtën kohë, të sigurojnë një njohje të vërtetë të Mbretërisë Sime të Lavdishme.

Shumë, shumë njerëz në botë formojnë ushtrinë Time të shtrenjtë. Ata, përmes lutjes, vuajtjes personale dhe përhapjes së Fjalës Sime, do të shpëtojnë shpirtra. Sa më e fortë të jetë ushtria Ime në shpëtimin e shpirtrave, aq më i ulët do të jetë veprimi i Ndëshkimit.

Unë iu kërkoj të gjithë fëmijëve të Mi që ta kalojnë muajin e Gushtit duke lutur Mëshirën Hyjnore çdo ditë për shpirtrat e humbur që nuk do t'i mbijetojnë Paralajmërimit. Një ditë agjërimi në javë kërkohet gjithashtu, po ashtu edhe Mesha ditore dhe marrja e Eukaristisë Sime Më të Shenjtë.

Nëse mjaft nga ju e bëjnë këtë, në atë që Unë e quaj muaji i “Shpëtimit të Shpirtrave”, atëherë miliona shpirtra do të shpëtohen në mbarë botën. Bëjeni këtë për Mua, fëmijë, dhe ju do të bëheni pjesë e Mbretërisë Sime të Lavdishme.

Shpirtrat tuaj, në pikën e vdekjes, do të bashkohen me Mua në Parajsë. 

Ky është premtimi Im më solemn.

Unë ju dua, fëmijë. Shkoni tani dhe formoni ushtrinë më të fuqishme në botë, Ushtrinë e Dashurisë, Ushtrinë e Shpëtimit.

Shpëtimtari juaj i dashur
Shpenguesi i Njerëzimit
Jezu Krishti

https://fatherofloveandmercy.wordpress.com/2011/07/23/august-2011-salvation-of-souls-month/

Për Ndjekësit e Mi që i dënojnë këto Mesazhe

E Martë, 5 Korrik 2011, në 14:30

Bija Ime fort e dashur, sot është një ditë e veçantë, sepse gëzohem të të them se ata, besimi i të cilëve është forcuar nga Mesazhet e Mia, mund të jenë të sigurt se recitimi i tyre ditor i Mëshirës Hyjnore po shpëton shpirtra.

Fëmijët e Mi kurrë nuk duhet ta harrojnë se lutjet, kur thuhen me sinqeritet dhe nga zemra, gjithmonë do të dëgjohen. Lutjet gjithmonë dëgjohen dhe çdo qëllim i veçantë përmbushet sipas Vullnetit Tim Më të Shenjtë.

Fëmijë ju lutem të vazhdoni me lutjet tuaja sepse ato do të ndihmojnë në lehtësimin e periudhës së Ndëshkimit të Madh. Ati Im është tani gati që ta marrë Mbretërinë e Tij të Shenjtë dhe të fillojë Mbretërimin e Tij përsëri, kur Parajsa e Re mbi Tokë të shfaqet. 

Ligësia në botë pikërisht tani nuk ka qenë kurrë kaq intensive. Për shkak të popullsisë së madhe të botës dhe punët e të ligut, lufta është ngado. Urrejtja e treguar nga njeriu tek njeriu është e dukshme. Nëse kjo urrejtje shfaqet si lakmi politike, apo si kontroll mbi vendet e tjera nga një tjetër, është e gjitha njëlloj. Satani ka shumë ndjekës. Ata, ndjekësit e tij, në shumë raste nuk janë të vetëdijshëm se si ai e influencon çdo mendim dhe veprim në çdo kohë gjatë çdonjërës ditë.

Nëse fëmijët e Mi vetëm të mund ta shikonin numrin e djajve të pranishëm në njerëz të tillë ata do të bëheshin të sëmurë. Ata zaptojnë shumë nga fëmijët e Mi, ku shenjat e vetme që duken janë përmes veprimeve të tyre të liga. Lutuni, lutuni tani, ndjekësit e Mi, që ata shpirtra të gjorë, të humbur të mund të shpëtohen gjatë Paralajmërimit.

Midis tani dhe Paralajmërimit gjithçka që Unë kërkoj prej jush, fëmijë, janë lutjet tuaja dhe në veçanti recitimi i Mëshirës Hyjnore. Ati Im do të shpëtojë shpirtra nëse ju e dedikoni veten për ta thënë këtë një herë në ditë, dhe mundësisht në orën 3 të pasdites.

Për ata prej ndjekësve të Mi që i dënojnë këto Mesazhe, Unë kërkoj që ju t'i luteni Shpirtit të Shenjtë për të kërkuar Dhuratën e dijes përpara se ta shpërfillni Fjalën Time të Shenjtë. Atyre prej jush që e fyejnë vizionaren dhe marrësen Time të këtyre Mesazheve ju duhet të bëni këtë pyetje. Nëse është Satani ai që ju besoni se i influencon këto Mesazhe atëherë përse do t'ju kërkonte ai që të luteshit, të kërkonit falje, të merrnit Eukaristinë e Shenjtë? Atëherë ju do ta dini se kjo është e pamundur.

Mashtruesi do t'i influencojë ndjekësit e Mi fillimisht, për t'i inkurajuar ata që ta mohojnë Fjalën Time sepse ai e di se do të jetë refuzimi i tyre i Fjalëve të Mia Më të Shenjta të Dashurisë që do të më lëndojë Mua më shumë. Refuzojeni Satanin dhe udhët e tija të liga tani. 

Kthehuni tek Unë. Unë ju lutem, sepse ju nuk duhet ta lejoni atë që t'ju influencojë në këtë mënyrë. Lutjet tuaja kërkohen tani për të shpëtuar fëmijët e Mi të gjorë që nuk do t'i mbijetojnë Paralajmërimit.

Shpëtimtari juaj i dashur
Jezu Krishti

https://fatherofloveandmercy.wordpress.com/2011/07/05/for-my-followers-who-denounce-these-messages/

Madje dhe grupet e vogla të lutjes së Mëshirës Hyjnore mund të shpëtojnë miliona

E Shtunë, 16 Prill 2011, në 22:45

Bija Ime e dashur, koha për Paralajmërimin tani është afër dhe do të ndodhë me shpejtësi sa hap e mbyll sytë. Gjithkush do të ndalojë hapat ndërsa do të dëshmojnë Mëshirën Time të Madhe. 

Lutuni për të gjithë ata në mëkat mortor, si një përparësi. Ata kanë nevojë për lutjet tuaja, sepse shumë prej tyre do të bien të vdekur nga tronditja kur të shohin tmerrin e ligësive të ndyra që ata kanë kryer, ashtu siç shihen përmes Syve të Mi.

Duke lutur Mëshirën Hyjnore mund të shpëtoni miliona madje edhe nëse është vetëm një grup i vogël i ndjekësve të dashur e të përkushtuar.

Unë nuk do të jap një datë, bija Ime, për këtë Ngjarje të Madhe. Por të jesh e sigurt se koha është tani afër, ndërsa ligësia vazhdon të rritet pa kufi nëpër mbarë botën, po ashtu edhe Dora e Atit Tim do të bjerë ngado. Ai nuk do të rrijë duarkryq dhe t’i lejojë këta mëkatarë të ligj, në bashkëpunim me Satanin, që t’i shkatërrojnë apo t’i infektojnë më tej fëmijët e Mi. Turp të kenë ata mëkatarë të dhënë pas vetvetes, të cilët Unë prapë i dua pavarësisht nga njolla e keqe e mëkatit të tyre. Unë ju kërkoj që të luteni për faljen e mëkateve të tyre, tani.

Ndërsa Paralajmërimi do të ndodhë tani, po ashtu edhe katastrofat ekologjike do të bien mbi njerëzimin. Lutja është e vetmja armë e juaja tani, fëmijët e Mi, për të shpëtuar veten dhe njerëzimin nga flakët e Ferrit. Kur Paralajmërimi të mbarojë, paqja dhe gëzimi do të mbretërojnë. Dhe pastaj persekutimi nga Aleanca e Re Botërore do të fillojë. Fuqia e tyre do të dobësohet nëse mjaft nga ju përhapin kthimin në besim dhe luten fort.

Mos kini frikë, ndjekësit e Mi të dashur, ju do të punoni së bashku për t’u lutur për shpëtimin e njerëzimit. Dhe ju do të shpëtoni miliona shpirtra në vazhdim.

Shpëtimtari juaj i dashur
Jezu Krishti

https://fatherofloveandmercy.wordpress.com/2011/04/16/even-small-prayer-groups-of-divine-mercy-can-save-millions/

Si të siguroni që familja dhe miqtë tuaj të mund të hyjnë në Parajsë

E Premte, 15 Prill 2011, në 15:30

Bija Ime e dashur, Unë gëzoj sepse kaq shumë ndjekës të Mi të mirë dhe të devotshëm mblidhen së bashku gjatë Javës së Shenjtë, si një trup i vetëm, për të nderuar Sakrificën që Unë bëra për të gjithë. Një Sakrificë që Unë përsëri do ta ofroja me dëshirë nëse do ta shpëtonte çdonjërin prej jush. 

Dashuria Ime është e thellë për çdo person në botë, ku secili u krijua prej Vullnetit të Shenjtë të Hyjit Atit të Përjetshëm, Krijuesit të njerëzimit. Të gjithë ju mbani një vend shumë të veçantë në Zemrën Time, madje edhe ata prej jush që nuk më njihni Mua.

Nëse do ju premtohej një jetë mbi këtë Tokë që t’ju ofronte pasuri dhe lumturi, shumë nga ju do të kërcenit tek kjo mundësi. Kaq të dëshpëruar jeni ju për të kënaqur aspiratat tuaja të trupit. Nëse njerëzve do t’iu ofrohej Parajsa në Qiell, ata do ta kishin të vështirë për ta imagjinuar. 

Unë e kuptoj këtë. 

Për shpirtin e vakët, atij do t’i duhet një imagjinatë e gjallë për ta marrë me mend këtë vend të lavdishëm. Ai gjithmonë do të përpiqet për ta imagjinuar këtë vend të lavdishëm. Të vetmit shpirtra që munden janë ata me një besim të fortë në Ekzistencën e Hyjit. E vetmja mënyrë për ta kuptuar me të vërtetë xhevahirin që e pret secilin prej jush është që të forconi besimin tuaj. 

E vetmja mënyrë për ta bërë këtë është që të luteni fort për të parë të Vërtetën, Dritën, të ardhmen e shndritshme që i pret të gjithë ata që e nderojnë Hyjin Atin e Gjithëpushtetshëm. Besimtarë, ju duhet të luteni për miqtë, bashkëshortët, të afërmit, prindërit, vëllezërit, motrat dhe fëmijët tuaj që kanë pak besim. 

Lutja Ime e Mëshirës Hyjnore, kur recitohet nga ju në emër të tyre do t’i shpëtojë shpirtrat e tyre. 

Ky është premtimi Im për ju tani.

Shpëtimtari juaj i dashur
Jezu Krishti

https://fatherofloveandmercy.wordpress.com/2011/04/15/how-to-ensure-your-family-and-friends-can-enter-heaven/