Wednesday, 31 December 2014

Mbrojeni Fjalën Time. Flisni Fjalën Time.

E Djelë, 28 Dhjetor 2014, në 18:30

Bija Ime e dashur, dhimbja më e madhe e vuajtjeve është ajo, që egziston brënda Ligjeve të kombeve tuaja, të cilat kundërshtojnë Ligjet e Zotit në çdo lloj mënyre, si të dukshme dhe të padukshme. Sepse çdo Ligj i Zotit, i thyer nga ata që drejtojnë kombet tuaja, tani është  zëvendësuar nga një vrasës i heshtur i shpirtit. Çdo keqbërje do t’ju paraqitet të jetë një gjë e mirë. Sa më i ndyrë veprimi, aq më shumë do të duartrokitet. Nuk do t’ju lihet vënd atyre që shpallin të Vërtetën – Fjalën e Vërtetë të Zotit – për ta folur. Zërat e tyre do të shpërfillen për pjesën më të madhe. Por kur ata të dëgjohen, do të dënohen se janë të liq.

Koha ka ardhur me të vërtetë që e Vërteta të përmbyset dhe të paraqitet se është një gënjeshtër. Fjala tani do të konsiderohet nga pjesa më e madhe të jetë një trillim – një gënjeshtër. Megjithatë, Ligjet e Zotit ëshë vështirë të shpërfillen dhe kështu do të jetë kur ata që drejtojnë kombët tuaja do t’ju kërkohet të përgjigjen për veprimet e tyre të liga, do të deklarojnë se Fjala e Zotit është e gabuar dhe e vjetëruar.

Dinakëria e djallit do të thotë se, për të siguruar që ligësia e tij të pranohet, çdo veprim dhe detyrë morale do të deklarohet të jetë e panjerëzishme dhe kundër lirisë publike. Por, për ata që janë të bekuar me Dhuratën e Shpirtit të Shenjtë, prapë do të jenë në gjëndje të dallojnë mes të drejtës dhe të gabuarës. Kurrë më parë, që nga ditët e Noes, bota nuk ka qënë e mbuluar me kaq mashtrim. Kurrë më parë njeriu nuk ka mëkatuar si ai bën tani. Dhe, ashtu si në ditët e Noes, vetë-kënaqësia e njeriut ka arritur kufinj të tillë sa ai beson se e ka fuqinë mbi fatin e tij, deri këtu shkon egoizmi i tij.

Mëkati sot, përkrahet me kënaqësi dhe publikohet të jetë një e drejtë publike dhe prandaj pritet nga ju që ta respektoni atë. Nëse ju nuk tregoni respekt ndaj veprimeve mëkatare atëherë do ta shikoni se do të jeni fajtor të një krimi. Krimi juaj do të jetë se ju mbani Fjalën e Zotit dhe për këtë do të bëheni të vuani.

Sa lehtë gënjehet njeriu nga plani global për të zhdukur çdo formë të fajit për veprimet mëkatare, të cilat janë duke u shkruajtur në ligjet e vëndeve tuaja. Të gjitha këto gjëra janë parathënë dhe shumë shpejt as edhe një vepër keqbërëse përfshi vrasjen, vdekjen e vullnetshme dhe abortin nuk do të konsiderohen të jenë të gabuara. Një kohë do të vij kur genocidi në një shkallë të madhe, do të ndjeki futjen e ligjeve të tilla, të cila do të jenë krijuar për të bërë ligjore vrasjen e atyre që pësojnë paaftësi dhe kushte të tjera fizike.

Ligjet djallëzore, të mbrojtura në vëndet tuaja, do të çojnë në ligje më të mëdha, të cilat do t’ja u heqin juve gjithë fuqinë. Ju i keni dhënë autoritetin atyre që më mohojnë Mua – të cilët i përbuzin Ligjet e Zotit – dhe për shkak të kësaj ata do të tregojnë vepra më të liga, që do të shkaktojnë vuajtje të paimagjinueshme. Çfarë mund të duken të jenë ligjet e vëndit që promovojnë të drejtat publike dhe njerëzore, do të çojnë në një formë të diktaturës, e cila do ta bëj të qënurit Kristjan të jetë një fyerje.

Mbrojeni Fjalën Time. Flisni Fjalën Time. Mos bini në grackën e mbështetjes së ndonjë fushate globale për të drejtat publike, e cila është krijuar për ta konvertuar botën në një fe të një bote të re. Shërbëtorët e Mi të shenjtë, Unë ju bëj thirrje ta shpallni Fjalën e Zotit dhe t’i mohoni veprat djallëzore, që kanë mbërthyer pothuajse çdo komb që e mohon Fjalën e Zotit.

Është shumë e lehtë për të bërë thirrje për përhapjen e të drejtave të njeriut por kërkohet një shërbëtori Im trim për t’u ngritur dhe deklaruar se veprat – që janë të neveritshme për Zotin – janë kundër Meje. Sepse, për ta bërë këtë do të tërhiqte kritikë të madhe dhe do t’ju bënte të papëlqyer.

Kujtoni çfarë Unë ju thashë – njeriu që me të vërtetë më shërben Mua, me ndershmëri, kurrë nuk do të ketë frikë të flasi të Vërtetën dhe ai kurrë nuk do të kërkoj të bëhet i njohur. Qëllimi i tij i vetëm do të jetë shpëtimi i shpirtrave.

Jezusi juaj

Mesazhi origjinal në anglisht:


Monday, 29 December 2014

Nëna e Shpëtimit: Vullneti I Zotit është një mister për shumë nga ju

E Shtunë, 27 Dhjetor 2014, në 12:55

Bijtë e mi të dashur, ju gjithmonë duhet të besoni në Vullnetin Hyjnor të Birit tim sepse Ai lejon vetëm aq ligësi ta përfshij botën sepse Mëshira e Tij është e kaq e madhe.

Kur Biri im ndërhyn në ndonjë veprim, që shkakton shkatërrim të ndonjë lloji, Ai e bën këtë për ta ruajtur besimin. Fjala e Birit tim është e shenjtë dhe Vullneti I Tij është I Veti të bëj çfarë Ai dëshiron. Vullneti juaj është i juaji por, nëse i jepet Zotit me dëshirë atëherë vetëm Vullneti I Tij mund të bëhet.

Besoni, besoni, besoni në Birin tim sepse të gjitha gjërat janë në përputhje me Vullnetin e Tij. Nëse Ai e lejon të ligun të përparoj, dhe ndjekësit e Tij të mashtrohen nga armiqtë e Tij, atëherë kjo është brënda Vullnetit të Tij dhe është bërë për të vënë në test besimin e besimtarëve. Vullneti I Zotit është një mister për shumë nga ju dhe Ai mund të vendosi se çfarë është e nevojshme për të mirën e njerëzimit, në çdo kohë.

Ju duhet t’i lejoni zemrat tuaja ta pranojnë dashurinë dhe besimin për Birin tim, Jezu Krishtin. Ai është shumë i pranishëm mes jush dhe ju duhet të jeni mirënjohës për këtë sepse pa Praninë e Tij të Shenjtë, errësira do ta mbulonte tokën.

Nëna juaj e dashur Nëna e Shpëtimit

Mesazhi origjinal në anglisht:


Mëkati nuk do të tolerohet nga ata që marrin Gjuhët e Zjarrit

E Premte, 26 Dhjetor 2014, në 14:00

Bija Ime e dashur, Koha Ime po afron dhe, së shpejti, vuajtja, mizoria dhe dhimbja e shkaktuar nga mëkati do të zhduken.

Ndërkohë, Dashuria Ime do ta ruaj botën dhe për çdo keqbërje dhe vepër të lig të kryer nga armiqtë e Mi, Unë do t’i zhduk që në rrënjë. Beteja kundër të ligut do të fitohet nga Dashuria, që Unë do të fus në zemrat e shpirtrave të mirë. Kjo Dashuri do të ngazëllej të gjithë ata që bien në kontakt me të, dhe Zjarri I Shpirtit të Shenjtë do t’i mbushi shpirtrat e të gjithë atyre që janë të bekuar me Dashurinë e Zotit.

Kjo hedhje e Shpirtit të Shenjtë, si e tillë nuk ka ndodhur që kur Apostujt e Mi u bekuan në Rrëshajat, do ta zgjoj rracën njerëzore. Fare pak do të mbeten të paprekur nga Fuqia e Shpirtit të Shenjtë dhe ata do të jenë të pafuqishëm kundrejt saj.

Është për arsyen se Zoti i do fëmijët e Tij që Ai i dërgon njerëzimit këtë Dhuratë të shkëlqyer. Shpirtrat do të bëhen më të pastër dhe mëkati nuk do të tolerohet nga ata që marrin Gjuhët e Zjarrit.

Dashuria, e cila do të ndahet nga ata që janë të bekuar me Fuqinë e Shpirtit të Shenjtë, do të jetë e pamundur të shpërfillet dhe për këtë arsye fuqia e Satanait do të dobësohet dhe mbërthimi i tij mbi botën do të çlirohet deri kur ai të bjer në humnerë.

Gëzohuni, ndjekësit e Mi të dashur, sepse është për arsye të Fuqisë së Dashurisë Sime që Unë do ta shpëtoj botën dhe të gjithë ata që e pranojnë Mëshirën Time.

Shkoni në Dashurinë Time. Ta doni njëri tjetrin ashtu si Zoti ju do juve.


Jezusi juaj

Mesazhi origjinal në anglisht:

Saturday, 27 December 2014

Humanizmi është një fyerje ndaj Zotit

E Enjte, 25 Dhjetor 2014, në 15:10

Bija Ime e dashur, mos e merakosni veten me shpirtin e të ligut, që e korrupton botën. Ma lini gjithçka Mua. Sepse për aq kohë sa ju më doni Mua, më nderoni Mua dhe i doni të tjerët, sipas Vullnetit Tim të Shenjtë, Unë do t’ju mbroj nga dhimbja e të gjitha gjërave që janë kundër Meje.

Dhimbja më e keqe që do t’ju duhet të duroni do të jetë ajo e dëshmisë të së ashtu-quajtur vepër bamirësie dhe çështjet humanitare në një shkallë globale, që do t’i maskojnë qëllimet e vërteta të armiqve të Mi. Ju do ta dini, brënda zemrave tuaja, se mashtruesi është në punë. Kur bota jofetare dhe ata që pohojnë se më përfaqësojnë Mua flasin për politikën, vepra humanitare por dështojnë të deklarojnë rëndësinë e ruajtjes së jetës njerëzore, me çdo kusht, atëherë dijeni se kjo nuk është çfarë Unë dëshiroj. Nëse ata që thonë se më përfaqësojnë Mua nuk flasin me të njëjtin pasion rreth ligësisë së abortit, ashtu si ata bëjnë për veprat e tjera kundër njerëzimit, atëherë të jeni të vetëdijshëm se diçka nuk shkon.

Ati Im do t’i ndëshkoj të gjithë ata që i vrasin fëmijët e Tij, përfshi fëmijët që akoma janë duke u ushqyer në bark duke pritur të lindin. Keqbërësit e krimeve të tilla do të pësojnë një ndëshkim të tmerrshëm nëse nuk pendohen për mëkatet e tyre kundër Atij. Ata që janë nga Unë dhe që përfaqësojnë Kishën Time në tokë kanë dështuar ta shpallin të Vërtetën. Vrasja, përfshi abortin, është një nga mëkatet më të mëdha kundër Zotit. Duhet një vepër pendese e jashtëzakonshme me qëllim që të falet një mëkat i tillë. Përse atëherë Kisha Ime nuk lufton me forcë kundër këtij mëkati – një nga veprat më të turpshme të rebelimit kundër Atit Tim? Përse ata ju shpërqëndrojnë nga njohja e mëkateve më serioze ndërsa ata predikojnë për rëndësinë e veprave humanitare?

Humanizmi është një fyerje ndaj Zotit sepse ai përqëndrohet tek nevojat e njeriut dhe jo tek domosdoshmëria për t’u penduar për mëkatin para Krijuesit të gjithçkaje që është. Nëse ju i shpërfillni mëkatet mortore, të caktuara qartë në Ligjet e dhëna nga Zoti, të cilat çojnë në mallkimin e përjetshëm, atëherë asnjë masë mëshire për të drejtat civile të rracës njerëzore nuk do të shlyejnë për këto mëkate.

Nëse ju besoni tek Unë, dhe nëse ju më shërbeni Mua, atëherë ju duhet të flisni vetëm të Vërtetën. E Vërteta është se mëkati është armiku juaj më i madh – jo ata që ju persekutojnë. Mëkati mortor, nëse nuk është penduar, do t’ju çoj në Ferr. Nëse jeni në mëkat mortor dhe e kaloni kohën duke mbështetur vepra të mëdha bamirësie dhe punë humanitare, dhe nuk pendoheni, atëherë shpirti juaj do të humbasi.

Kujtojeni të Vërtetën. Mos u gënjeni nga e folura, veprat apo punët e bamirësisë kur detyra më e rëndësishme është të luftoni mëkatin mortor. Shërbëtori Im i shenjtë që refuzon t’ju kujtoj për pasojat e mëkatit mortor nuk e kupton misionin e tij apo të saj për të më shërbyer Mua. Ju nuk mund ta fshini mëkatin nën dhe, larg syve, sikur nuk egziston. Aspak keqardhje me njerëzit që janë persekutuar në Emrin Tim, nuk do ta kompensojnë faktin se mëkatarët nuk e shpengojnë  veten me Mua, Jezu Krishtin, për faljen e mëkatit.

Jezusi juaj

Mesazhi origjinal në anglisht:


Dita kur Unë të vij në Mëshirën Time Hyjnore do të jetë dita e ndriçimit të mëndjes

E Martë, 23 Dhjetor 2014, në 16:55

Bija Ime e dashur, Unë i bëj thirrje ndjekësve të Mi të dashur, në këtë kohë të veçantë, të vijnë tek Unë dhe të më lejojnë Mua t’i mbuloj ata me Gjakun Tim të Çmuar. Unë dhashë Jetën Time në tokë si një dhuratë e Mëshirës Sime të Madhe dhe Unë do të lëviz male, oqeane dhe do ta shkund tokën ndërsa Unë vij, edhe njëherë, për t’ju sjellë të gjithëve ju tek Unë.

Unë ju dua dhe ju sjell Bekime të mëdha dhe ngushëllim kur Unë ju pregatis për Kohën Time. Lëreni zemrën tuaj të më mirëpresi Mua. Lëreni Dashurinë Time për ju të përshkoj zemrat e të gjithë fëmijve të Zotit përfshi ata që ju persekutojnë në Emrin Tim të Shenjtë. Unë ju sjell paqe këtë Krishtlindje dhe ju siguroj se Koha Ime është shumë afër. Unë do të vij së shpejti për t’ju zbuluar Mëshirën Time. Ata prej jush që më përbuzin Mua përmes këtij Misioni Unë do t’i përshkoj zemrat tuaja të ngurta me Dhuratën e Shpirtit të Shenjtë. Së shpejti, çdo dyshim që ju mund të keni do të iki dhe barra juaj do të hiqet. Deri atëherë, do t’ju duhet të duroni dhimbjen e ndarjes nga Unë, që ju është imponuar nga mbreti i gënjeshtrave, i cili gëzon në refuzimin tuaj ndaj Meje. Mos më bëni Mua rezistencë, të dashurit e Mi, sepse Unë ju dua me një dëshirë të pafund. Është me një kënaqësi të hidhur që Unë vij tek ju, duke ju lutur atyre prej jush që thonë se më duan Mua, të kthehen tek Unë. Unë derdh lotë trishtimi sepse ju nuk mund të më pranoni Mua përmes kësaj ndërhyrje hyjnore kur ju është dhënë falas. Ju duhet të përpiqeni të shpallni të Vërtetën por, në të kundërt, ju më keni refuzuar Mua mizorisht dhe në një mënyrë që nuk është e hijshme për Hyjninë Time.

Dita kur Unë të vij në Mëshirën Time Hyjnore do të jetë dita e ndriçimit të mëndjes. Ju do ta dini menjëherë se Unë ju kam çuar në një kohë të braktisjes së plotë, kur asgjë që ju keni bërë nuk mund të fshihet nga ju. Për çdo vepër dobësie nga ana juaj, ju do të ndjeni dhimbjen e Vuajtjes Sime, e cila do të bëhet e juaja. Pendesa që ju do të ndjeni do të jetë po aq e fortë sa dhe besimi që ju keni tek Unë. Sa shumë prej jush do ta kuptojnë se çfarë duhet të bëjnë për të fituar Pranimin Tim. Megjithatë disa prej jush do ta mohojnë Ndriçimin e Ndërgjegjes për shkak të largësisë që kanë krijuar mes nesh.

Krenarëve dhe arrogantëve mes jush, të cilët do t’i fshehin fytyrat e tyre nga Unë gjatë Paralajmërimit, Unë kam këtë për t’ju thënë. Mos kini frikë nëse jeni të Mitë. Për arsyen se ju jeni një fëmij i Zotit, i krijuar në Imazhin e Tij, Unë do t’ju tregoj Mëshirë të madhe. Mos kinin frikë nga ai që ju do – kini frikë vetëm nga ai që ju përbuz sepse ai, i ligu, është armiku juaj më i madh. Më refuzoni Mua dhe ju do të zaptoheni nga kundërshtari Im më i madh, por nëse ju e refuzoni atë, Fuqia Ime do t’ju mbështjelli, do t’ju mbroj dhe do t’ju sjelli të sigurtë në Mbretërinë Time. Unë ju jap këtë informacion me qëllim që ju ta dini se kur Unë them se kjo do të ndodhi, ajo do të ndodhi. Dhe kur ajo Ditë të vij ju duhet t’i kujtoni Fjalët e Mia. Mos kini frikë nga Unë, se çfarë ka për t’u patur frikë? Nëse Unë dhashë Jetën Time për ju, përse atëherë ju do të donit ta jepnit jetën tuaj tek djalli që kërkon vetëm shkatërrimin e shpirtit tuaj mortor?

Ka vëtëm një udhë ku ju mund të ktheheni dhe ajo jam Unë, Shpëtimtari dhe Shpenguesi juaj I Dashur. Unë Jam rrjeta juaj mbrojtëse. Mos ja mbathni nga shpëtimi juaj. Gjithmonë ta kujtoni Dhembshurinë Time, Dashurinë Time dhe Mëshirën Time të Madhe. Mëshira Ime Hyjnore është gati për t’u marrë.

Jezusi juaj I Dashur

Mesazhi origjinal në anglisht:



Friday, 26 December 2014

Oh çfarë gëzimi do të më sillte Mua po të ktheheshin tek Unë në Ditën e Krishtlindjes

E Hënë, 22 Dhjetor 2014, në 20:45

Bija Ime e dashur, ky është një mesazh për botën, për Ditën e Krishtlindjes. Ndërsa ju të gjithë festoni Ditëlindjen Time, më lejoni Mua të hyj në zëmrën tuaj në këtë ditë të veçantë – sepse kjo ditë është e Imja.

Më ftoni Mua në shtëpinë tuaj si një mik i preferuar dhe më prezantoni Mua tek ata mes familjes, miqve dhe fqinjve tuaj, të cilët mund të kenë harruar për Mua. Krishtlindja mund të jetë një festim për Mua, por Unë Jam shpërfillur mes gëzimeve të mëdha, që ndodhin. Lejoni që përmëndja Ime tja u gëzoj zemrat, t’ju sjelli gëzim dhe shpresë për të ardhmen – një të ardhme që Unë e sigurova për ju që nga dita që Unë linda.

Kujtojini ata që nuk më nderojnë më Mua, për Dashurinë që Unë kam për ata dhe sa dëshirë kam të jem përsëri pjesë e jetës së tyre. Oh sa gëzim do të më sillte Mua po të ktheheshin tek Unë në Ditën e Krishtlindjes dhe të më kërkoni Mua t’ju sjell atyre Paqen Time dhe Dashurinë Time. Nëse ata do të vinin tek Unë në Ditën e Krishtlindjes Unë do t’i pushtoja ata në sigurinë e Strehës Sime Hyjnore dhe kurrë nuk do t’i lija të ndaheshin përsëri nga Unë.

Ndjekësit e Mi të dashur, ju jeni Familja Ime dhe Unë Jam familja juaj. Përmes Mëshirës Sime, Unë ju marr në Gjirin e Atit Tim të Dashur, I Cili ju do me pasionin e një prindi zemër-butë. Oh sa ju do Ai juve dhe sa shumë kënaqësi Ai ndjen kur ju më pranoni Mua dhe më thërrisni Mua për Ndihmën Time.

Ju jeni gjtihçka për Mua dhe Dashuria Ime për ju është e gjithanshme, pëtej imagjinatës suaj. Prandaj është me një pasion të zellshëm dhe vendosmëri të zjarrtë që Unë do të luftoj për secilin prej jush, për t’ju shpëtuar nga ligësia  armiqve të Mi. Unë do t’i ruaj shpirtrat tuaj me xhelozi të madhe dhe do të bëj përpjekjen e mirë për t’ju sjellë shëndoshë e mirë në Mbretërinë Time. Nuk ka rëndësi se sa kundërshtohem; sa shumë Kristjanët duhet të pësojnë poshtërim në Emrin Tim; sado shumë joshtje të jetë vendosur para jush nga kundërshtari Im – Unë do ta fitoj këtë betejë për shpirtrat. Ky është një fakt sepse asgjë nuk qëndron mes Zotit dhe fëmijve të Tij sepse Ai nuk do ta lejoj atë. Njeriu që do të përpiqet, do të rrëzohet. Urrejtja do të shkatërrohet dhe gënjeshtrat do të zbulohen për fallcitetin mbi të cilat u krijuan. E Vërteta do t’i qëndroj testit të kohës.

Unë Jam duke adhur së shpejti për t’i bashkuar fëmijët e Zotit – familjen e Tij të shtrenjtë. Lartësojini zemrat, mos e lejoni armikun Tim ta dobësoj shpirtin tuaj dhe le të jetë shpresa mendimi juaj i vetëm. Kini besim të plotë në Mëshirën Time të Madhe dhe të jeni gati për të më mirëpritur Mua, Shpëtimtarin dhe Shpenguesin tuaj, në jetën tuaj. Gëzohuni, sepse Premtimet e Mia do të sjellin me vete një arsye për gëzimin më të madh. Kjo Krishtlindje do të jetë e gëzueshme, sepse Koha Ime është e shkurtër.

Jezusi juaj i dashur

Mesazhi në anglisht:


Nëna e Shpëtimit: Dhurata e Dashurisë intensifikohet për Krishtlindje

E Shtunë, 20 Dhjetor 2014, në 16:25

Bijtë e mi të dashur, Dashuria e Birit tim nuk është kurrë më e fuqishme sa është për Krishtlindje.

Në këtë kohë, gjatë festimit të Lindjes së Tij, Ai i vërshon shpirtrat me Dashurinë e Tij. Është në këtë kohë që ju duhet ta jetoni Dashurinë që ju është dhënë, natyrshëm, si bijtë e Zotit. Ju duhet ta ruani Dhuratën e Dashurisë, e cila vjen nga Zoti dhe ta ndani këtë Dhuratë me këdo që njihni.

Dhurata e Dashurisë intensifikohet për Krishtlindje në shpirtrat e të gjithë fëmijve të Zotit dhe është në këtë kohë që ju duhet ta pranoni se dashuria fillon në familje. Biri im lindi në një familje dhe kjo ishte për arsye të mirë. Zoti e shfaqi Veten e Tij – jo si një individ i dërguar në një Mision, me asnjë pranë vetes, por brënda Familjes së Shenjtë.

T’i doni familjet tuaja dhe falini keqbërjet e kaluara. T’i doni të gjithë, përfshi ata që ju urrejnë. Ju mund ta mposhtni urrejtjen duke treguar dashuri dhe ndërsa kjo mund të jetë e vështirë disa herë, ju do të jeni më të fortë për atë dhe në paqe. Urrejtja është një emocion negativ dhe e than shpirtin me një ndjenjë të thellë pakënaqësie. Ajo e gërryen thellësinë e shpirtit deri sa ai vdes. Mos e lejoni urrejtjen t’ju ndaj nga Dhurata e Dashurisë, i cili është Hiri më i fuqishëm, sepse ai vjen nga Zoti.

Ta doni njëri tjetrin, ashtu si Zoti e do secilin prej jush këtë Krishtlindje. Lutuni për ata që kanë kryer vepra të liga kundër jush dhe kërkojini Birit tim t’ju çliroj nga barra e urrejtjes.

Dashuria e Zotit në gjithë lavdinë e vet dëshmohet në familjen që ushqehet në Dashuri. Familje të tilla, mjaft me fat për të ndjerë dashuri për njëri tjetrin, duhet ta përhapin këtë dashuri tek të tjerët që nuk kanë dashuri në jetën e tyre. Personi që është rritur në një familje të dashur, dhe që do me një zemër të butë, i prek shpirtrat e të tjerëve. Në këtë mënyrë përhapet Dashuria e Zotit – nga brënda gjirit të familjes.

Ishte prej zemrës së një familje të dashur, që Biri im, Jezu Krishti, e filloi Misionin e Tij në tokë për të shpenguar njeriun nga mëkati. Dhe prandaj, këtë Krishtlindje, unë kërkoj që ju ta doni njëri tjetrin dhe t’i kërkoni Birit tim t’i bekoj të gjitha familjet me hiret për ta dashur më shumë njëri tjetrin.

Dashuria që është e pranishme në një familje mund t’i kapërcej të gjitha pengesat e vëna para saj nga Satanai. Është familja – themeli i Dashurisë së Zotit – që përbuzet nga Satanai. Është familja që është shenjestra nga i ligu dhe ai do të bëj gjithçka për ta shkatërruar njësinë familjare.

Dashuria dhe bashkësia në një familje është një Dhuratë e madhe nga Qielli dhe ju gjithmonë duhet të përpiqeni për të qëndruar të bashkuar gjatë gjithë kohës.

Nëna juaj e Dashur
Nëna e Shpëtimit

Mesazhi origjinal në anglisht:


Për çdo punë të mirë që bëni, mos thoni asgjë

E Martë, 16 Dhjetor 2014, në 23:00

Bija Ime e dashur, ata që thonë se vijnë nga Unë, që janë të bekuar me Shpirtin e Shenjtë, identifikohen lehtë nga ata me dijen e vërtetë. Këta kurrë nuk do të kërkojnë vëmëndje përsonale apo adhurim. Ata kurrë nuk do të kërkojnë popullaritet, as edhe nuk do të jenë të njohur, sepse kur flisni me Zërin e Zotit kjo ju sjell shumë kritika sepse e Vërteta përbuzet nga bota jofetare.

Fjala e Zotit gjithmonë do të ketë sulmuesit e vet dhe ajo kurrë nuk është mbështetur me entuziasëm nga një botë jofetare. Kur të vij dita që ju të dëshmoni bashkimin e Kishës Sime me botën jofetare, qëndroni vigjëlentë. Shërbëtorët e Mi që qëndrojnë besnikë ndaj Meje dhe që publikisht e deklarojnë Fjalën, ashtu si ju dha njerëzimit në Biblën e Shenjtë, kurrë nuk janë të njohur. Ata mund të tolerohen por zërat e tyre rrahë dëgjohen dhe e Vërteta zakonisht shpërfillet me përbuzje.

Janë ata mes jush që e reklamojnë veten e tyre sikur janë mësuesit e Fjalës Sime, të cilët parhapin të pavërteta rreth Fjalës së Zotit, edhe pse ju fshiheni pas fjalëve të zgjedhura me kujdes. Unë e di përse ju e bëni këtë dhe nuk është për të më ndihmuar Mua të shpëtoj shpirtrat. Përkumdrazi, ju dëshironi t’i largoni shpirtrat nga Unë, sepse ju jeni kundër Meje.

Tradhëtarëve të Kishës Sime, përfshi edhe besimtarëve, Unë kam këtë për t’ju thënë. Kujdesuni për kopshtin tuaj sepse është i lënë pas dore dhe toka është jopjellore. Barërat e këqija kanë zënë rrënjë dhe bimët e shëndetshme kurrë nuk do të rriten nëse ju nuk e shkulni kalbësirën dhe ta zëvendësoni dheun me të ri dhe pjellor. Vetëm kur ju e përtërini kopshtin tuaj, dhe filloni nga e para, mundet që kopshti juaj të ketë përsëri jetë. Përndryshe nuk do të ketë aspak jetë dhe të gjitha gjërat në të do të vdesin. Ju do të shkatërroni jo vetëm jetën tuaj por edhe të atyre pranë jush sepse kundërshtari Im nuk ka besë, madje edhe ndaj atyre që ai i mbërthen si skllevër për të zbatuar urrejtjen e tij kundër Meje.

Ata që janë të Mitë janë si Unë, në shumë mënyra. Sa më të afërt të jenë me Zemën Time, aq më shumë ata më imitojnë Mua. Ata do të jenë të përulur sepse kurrë nuk do të mburren për njohuritë e tyre për Mua. Ata flasin vetëm çfarë Unë do të flisja dhe ajo është e Vërteta, madje edhe kur mund të tërheqi urrejtje kundrejt tyre. Ata do ta kenë të sikletshme po të nderohen apo të lavdërohen për ndonjë punë të mirë që ata bëjnë sepse ky nuk është qëllimi i tyre. Ata kërkojnë të bëjnë vetëm Vullnetin Tim Të Shenjtë.

Zërat që bërtasin “më shiko mua – unë jam një shërbëtor i Zotit” dhe që tregojnë me krenari, për t’i parë gjithë bota, punët e mira që ata bëjnë në Emrin Tim, më neveriten Mua. Për çdo punë bamirësie që ju përfundoni, vazhdoni tek puna tjetër – dhe mos thoni asgjë. Mos kërkoni lëvdata, sepse është Puna Ime që ju bëni. Të gjitha punët e mira, të kryera në Emrin Tim, duhet të më ofrohen Mua në shërbim të përulët.

Ju kurrë nuk duhet ta lartësoni veten në Emrin Tim sepse kjo është e shëmtuar për Mua. Kur ju i shërbeni Zotit, ju i shërbeni popullit të Tij dhe ju duhet ta falenderoni Atë për dhënien e hirit për t’i bërë këto gjëra. Ju nuk mund të thoni se ju kryeni punë të tilla në Emrin Tim nëse ju kërkoni falenderime, vlerësime apo lavdërime nga të tjerët. Nëse ju e bëni këtë, atëherë ju jeni një hipokrit.

Jezusi juaj

Mesazhi origjinal në anglisht:


Përkundrazi, ata do të bien në grackën e ndarjes së dogmës nga doktrina

E Hënë, 15 Dhjetor 2014, në 21:55

Bija Ime e dashur, kur Farisenjtë dërguan një forcë për të më sulmuar Mua, duke përdorur çdo marifet të mundshëm, në të njëjtën kohë ata predikonin në tempujt profecitë për ardhjen e Mesias. Ndërsa ata më tallnin Mua dhe përpiqeshin të përhapnin të pavërteta rreth Moralit Tim, ata citonin pjesë nga Shkrimi I Shenjtë. Ndërsa Farisenjtë më persekutonin Mua – duke më thirrur Mua çdo lloj emri duke fyer Atin Tim – ata vazhdonin të pregatisnin popullin e Zotit për ardhjen e Mesias. Megjithëse Unë isha i pranishëm mes tyre, ata refuzuan të më pranonin Mua edhe pse ata nuk mund të më shpërfillnin Mua sepse Unë isha i mbushur me Shpirtin e Shenjtë. Kur Unë u ringjalla së vdekuri, Farisenjve ju dha prova e Ringjalljes Sime por, në të kundërt, zgjodhën të përhapnin gënjeshtra për të fshehur të Vërtetën. Si rezultat i veprimeve të tyre ata larguan miljona shpirtra nga trashëgimia e tyre e drejtë – Dhurata e Shpëtimit të Përjetshëm.

Në kohën që Unë tani e pregatis botën për Ardhjen Time të Dytë, shërbëtorët e shenjtë në Kishën Time në tokë do të bëjnë të njëjtën. Ata do të predikojnë rreth Ditës së Madhe kur Unë do të vij përsëri por do të besojnë se kjo ditë do të ndodhi në një shekull tjetër. Ata nuk do t’i pregatisin shpirtrat në mënyrën që Unë e dëshiroj. Ata nuk do t’i shtyjnë njerëzit e Mi të kërkojnë shpengim; të luten; të kërkojnë Sakramentet dhe t’i përmbahen Fjalës së Shkruar me përpikmëri. Përkundrazi, ata do të bien në grackën e ndarjes së dogmës nga doktrina dhe do të refuzojnë të pranojnë mesazhet e dhëna profetëve të Zotit.

Sa të verbuar janë ata kur Unë ju flas tani, përmes Librit të së Vërtetës. Sa të paditur janë ata që thonë se drejtojnë Udhën drejt Mbretërisë Sime kur ata në të vërtetë nuk e njohin udhën e duhur, që të çon atje. Ata duhet të lexojnë Biblën e Shenjtë, ta studjojnë atë dhe të pranojnë përmbajtjen që është bënda saj në fillim, sepse përndryshe, si mund të më njohin Mua? Si një hajdut natën Unë do të vij dhe ata nuk do të jenë gati të më përshëndesin Mua sepse nuk e ndjejnë të nevojshme të pregatiten.

Tani, Unë qëndroj para jush shërbëtorët e Mi të shënjtë dhe ju kërkoj të më dëgjoni Mua. Unë kërkoj që ju të besoni se Kush Unë Jam, çfarë Unë bëra për ta shpenguar njeriun nga mëkati dhe çfarë është që Unë duhet të bëj tani për të kryer Besëlidhjen e Atit Tim. Ndërsa koha afron, shenjat do t’ju jepen se Dita Ime është e afërt. Unë do ta bëj këtë që ju të zgjoheni nga përgjumja dhe ta dëgjoni Zërin Tim. Unë ju bëj thirrje të flisni të Vërtetën rreth mëkatit; të Vërtetën e Fjalës së Shenjtë të Zotit dhe se se ajo kurrë nuk duhet prekur si dhe të Vërtetën e Hyjnisë Sime.

Kur këto shenja t’ju jepen, Unë solemnisht deklaroj se Shpirti I Shenjtë do të hidhet mbi ju dhe ata prej jush që më duan Mua me bindje të thjeshtë do ta dinë, në çast, se Unë ju flas në këtë kohë. Atëherë Unë do t’ju mbush me Dashurinë Time dhe ju do t’i shikoni gjërat ashtu si janë në të vërtetë, me një qartësi të mëndjes dhe një kuptim në çfarë kërkohet nga ju për të më ndihmuar Mua të kryej Planin Tim për të shpëtuar botën dhe çdo fëmij të vetëm të Zotit.

Dëgjoni. Pregatituni. Lutuni për Forcën Time; Kurajon Time dhe kurrë mos e harroni detyrën tuaj ndaj Meje.

Shkoni në paqe për të më dashur dhe shërbyer Mua, tani dhe përgjithmonë.


Jezusi juaj

Mesazhi origjinal në anglisht:

Punët tuaja për të tjerët nuk do të thonë asgjë për Mua sepse ju do të gjykoheni sipas besnikërisë suaj ndaj të Vërtetës

E Djelë, 14 Dhjetor 2014, në 18:00

Bija Ime e dashur, popullit Tim ju dha një Dhuratë e madhe nga Unë përmes Vdekjes Sime në Kryq. Kjo Sakrificë, e dhuruar për ta shpenguar botën nga vdekja e sigurtë, është pjesë e Besëlidhjes Finale të Atit Tim para Ditës së Madhe kur Ai të shpëtoj pjesën e mbetur nga toka.

Brez pas brezash kanë folur për të Vërtetën, e përmbajtur në Librin e Atit Tim, dhe shërbëtorët e Tij të shenjtë e nënshkruan Fjalën e Zotit. Sa shumë ju keni harruar dhe sa pak dini. Shumë nga ata që janë caktuar për t’ju udhëhequr kanë gabuar dhe kokët e tyre krenare, të mbajtura lart ndërsa ata luajnë me Fjalën e Zotit, do të mbeten të turpëruar dhe të frikësuar kur të përballen me Paralajmërimin nga Qielli. Këtyre shërbëtorëve të shenjtë Unë ju them këtë.

Punët tuaja për të tjerët nuk do të thonë asgjë për Mua sepse ju do të gjykoheni sipas besnikërisë suaj ndaj të Vërtetës. Unë do t’ju ndëshkoj dhe Drejtësia Ime do të jetë e pamëshirshme deri kur ju të hiqni dorë nga ligjet tuaja pagane dhe të shpallni Fjalën që ju është dhënë kaq kohë më parë. Mospërfillja juaj për Ligjet e Zotit më bën Mua me turp të madh por mashtrimi juaj, që do të më kushtoj Mua shpirtrat, do të çoj në rrënimin tuaj. Ata njerëzit e Mi, të cilët jetojnë sipas Fjalës së Zotit, edhe pse janë askush në sytë tuaj, do të ulen mbi Fronet e Gjykimit kur të thirreni për t’u përgjigjur para Meje, për arsyet se përse ju e mashtruat popullin Tim. Ju mund të besoni se fuqia dhe influence juaj është e paarritshme por dijeni se lavdia juaj është duke u venitur dhe së shpejti; rrobat e arta dhe të bardha që ju vishni do të kthehen në vjetërsira dhe kurorat tuaja vezulluese do të zëvendësohen me barishte.

Për të gjitha mëkatet në botë, nuk ka asgjë më të keqe në Sytë e Mi, se ata hipokritë që pozojnë si shërbëtorët e Mi por që nuk më shërbejnë Mua. Kur të vij koha që ju të blasfemoni kundër Meje, dhe t’i ushqeni fëmijët e Zotit me gënjeshtra rreth kuptimit të mëkatit, Unë do të dërgoj mbi ju një ndëshkim kaq të madh sa do ta keni të vështirë të merrni frymë. Breshër i përmasave të mëdha do të lëshohet nga Qielli dhe për çdo Kishë, që i është dorëzuar armiqve të Mi, ku ata do të shkatërrojnë Altarët e Mi, përmbytje të mëdha do t’i shkatërrojnë ata. Për çdo krim që ju kryeni kundër Meje, ju e kryeni kundër një fëmije të Zotit. Dhe prandaj, Unë do t’ju dërgoj paralajmërim pas paralajmërimi deri kur ju ta refuzoni doktrinën e re të rreme; deri kur ju të flisni të Vërtetën – Fjalën e Shenjtë të Zotit – dhe të mbani Sakramentet ashtu si jeni mësuar në fillim.

Pëmes këtyre mesazheve Unë do t’ju kujtoj për të Vërtetën dhe Unë do të vazhdoj t’ju paralajmëroj deri në ditën që ju vendosni se kë do të zgjidhni – Mua apo ata që pohojnë se janë nga Unë por që janë skllevër të bishës.

Jezusi juaj

Mesazhi origjinal në anglisht:


Wednesday, 24 December 2014

Ndërgjegja e njeriut është si një pasqyrë ndaj shpirtit të tij

E Shtunë, 13 Dhjetor 2014, në 00:15

Bija Ime e dashur, ndërgjegja e njeriut është si një pasqyrë ndaj shpirtit të tij. Çfarë ndërgjegja ndjen, në çfarë përgjigjet dhe beson, pasqyrohet në shpirtin e tij. Kjo do të thotë se nëse ndërgjegja juaj ju alarmon për diçka që ju e dini në zemrën tuaj se është e gabuar në Sytë e Zotit atëherë ju duhet ta dëgjoni atë.

Nëse ndërgjegja juaj ju çon të mbroni Fjalën e Zotit, kur e liga t’ju tregohet, ju duhet t’i përgjigjeni asaj, ashtu si ju e dini se duhet. Nëse ju e pranoni të ligun, kur ndërgjegja ju udhëzon ndryshe, atëherë ju e tradhëtoni Fjalën e Zotit. Nëse ju e quani veten Kristjan, ju duhet ta lejoni ndërgjegjen tuaj t’ju udhëzoj. Në shpirtin Kristjan që është i bekuar me Dhuratën e Shpirtit të Shenjtë, ndërgjegja do të jetë plotësisht e vëmëndshme ndaj mashtrimit të djallit në të gjitha format e saj.

Nëse ju e mohoni ndërgjegjen tuaj atëherë ju mohoni Zotin. Kur ju e mohoni Zotin ju mohoni trashëgiminë tuaj. Kurrë mos bëni justifikime për të pranuar ndonjë gjë, që ju e dini se nuk vjen nga Unë, sepse nëse ndërgjegja ju udhëzon nga njëra anë dhe ju merrni drejtimin e kundërt atëherë ju keni dështuar të merrni Kupën Time. Çfarë dua Unë të them me Kupën Time? Kur ju jeni Kristjan ju gjithmonë do të ndesheni me armiqtë e Mi. Kristjanët përbuzen nga ata që nuk vijnë nga Unë. Mund të ketë periudha kur ju nuk do të pësoni ndonjë paragjykim por gjithmonë do të vij një kohë kur ju do të konfrontoheni në Emrin Tim. Kur ajo ditë të vij, a do të më braktisni Mua duke e mohuar Fjalën Time të Shenjtë?

Sa i fortë është besimi juaj apo dashuria juaj për Mua? Është vetëm kur ju përballeni me kundërshtim të madh që ju do ta dini se deri ku do të jeni të pregatitur të shkoni për të refuzuar të pranoni një gabim për çfarë është e drejtë. Ata mjaft të fortë që refuzojnë të pranojnë ndonjë gjë që e mohon dogmën, e dhënë në Biblën e Shenjtë, do ta marrin Kupën Time. Kupa përfaqëson Gjakun Tim dhe Gotën, që e mban atë. Kupa përfaqëson vuajtjen që, në mënyrë të pashmangshme, ndodh kur ju marshoni me konfidencë të madhe për të mbështetur Fjalën e Zotit.

Nëse Zoti i deklaron Ligjet e Tij si fakte, përmes Fjalës së Tij të përmbajtur në Biblën e Shenjtë atëherë ju kurrë nuk mund të pranoni ndonjë gjë, që shkon kundër tyre. Ta kundërshtoni dogmën në Emrin Tim është të më kundërshtoni Mua. Dita do të vij kur Kisha Ime në tokë do ta mohoj dogmën, e cila është e gdhëndur në gur, në shkëmbim për doktrinën e errësirës. Nëse ju e pranoni mashtrimin, edhe pse ndërgjegja ju tregon ndryshe, atëherë ju jeni fajtor për herezi. Kur ju e bëni këtë ju nuk mund ta quani veten Kristjan apo dishepull i Imi, sepse Unë do t’ju mohoj nëse ju e bëni këtë.

Jezusi juaj

Mesazhi origjinal në anglisht: