Kerko Mesazhet ketu

Wednesday 29 August 2012

Mesazh i rëndësishëm nga Hyji Atë: Unë do t’iu jap imunitet nga Portat e Ferrit atyre shpirtrave për të cilët ju luteni

E Enjte, 23 Gusht 2012, në 15:15

Bija Ime më e dashur, rrallë herë ka ndodhur që Trinia e Shenjtë të ketë komunikuar me njerëzimin në këtë mënyrë dhe është hera e parë që Unë, Ati juaj, e kam autorizuar një Mision të këtij lloji.

Fëmijët e Mi, shumë prej të cilëve nuk e kuptojnë rëndësinë e kësaj Ndërhyrjeje Hyjnore, shumë shpejt do ta kuptojnë se përse është e nevojshme.
Nëse Ardhja e Dytë e Birit Tim të Dashur do të ndodhte pa paralajmërim, fëmijët e Mi të shtrenjtë nuk do të hynin kurrë në portat e Parajsës Sime të Re.

Ata kurrë nuk do të kishin qenë në gjendje që t’i përgatisnin shpirtrat tyre dhe nuk do të ishin të denjë që të pranoheshin në Epokën e Re të Paqes.

Ky është një komunikim që bota do ta ketë të vështirë t'i përgjigjet.

Kaq e errët është reja që i mbulon zemrat e njerëzve, saqë fare pak shpirtra do të jenë të aftë për ta parë Dritën e Premtimit Tim Hyjnor.

Forcat djallëzore, kudo të pranishme në botë, i pengojnë fëmijët e Mi që të më afrohen Mua.

Vendosmëria Ime për ta sjellë familjen Time sa më pranë dhe për t'i bashkuar ata në Gjirin Tim është e fuqishme.

Që asnjëri të mos mbesë pa e kuptuar se Unë do ta lehtësoj kthimin sa më të shpejtë në besim të njerëzimit, me çdo kusht.

Duke lejuar që vullneti i lirë i të gjithë fëmijëve të Mi të mbetet i paprekur, mrekullitë që Unë do të urdhëroj, do t'i shndërrojnë zemrat e tyre.

Ky është Premtimi Im ndërsa Unë ju bëj thirrje secilit prej jush, të dashur fëmijë të vegjël të Mi.

Unë, Ati juaj i Dashur, dëshiroj që t’ju marr, t’ju mbledh dhe t’ju mbaj pranë Zemrës Sime dhe t’ju shpie drejt shpëtimit.

Fare pak prej jush e njohin thellësinë e Dashurisë Sime. Kur ju përjetoni dashuri për Mua, Atin tuaj të Përjetshëm, ju kurrë nuk mund ta shkëpusni më lidhjen nga Unë.

Unë dua t’ju jap ngushëllim.

Unë dëshiroj t’jua bëj të ditur se Dashuria Ime për ju do të thotë se, përmes Birit Tim Jezu Krishtit, një Mëshirë e madhe do t’iu tregohet madje edhe atyre me zemra të ngurtësuara dhe atyre me shpirtra aq të zinj saqë vetëm një mrekulli të mund t'i shpëtojë.

Atyre që më duan Mua, Unë ju them këtë. Dashuria juaj për Mua, Atin tuaj, do t’ju kthehet me shumicë. Dashuria juaj për Birin Tim të Çmuar do t’ju shpërblehet në atë që Unë do t’iu jap imunitet nga Portat e Ferrit atyre shpirtrave për të cilët ju luteni.

Asgjë nuk është e pamundur.
Dashuria Ime është e pafund.
Kini besim tek Unë.
Kini besim tek Biri Im.

Kur ju e bëni këtë, Unë do t’ju jap hire të mëdha për Shpëtimin e njerëzimit.

Ati juaj i Dashur
Hyji Më i Larti

Tuesday 28 August 2012

Disidentëve në Kishën Katolike: Shkatërrojini Ligjet e kishës Sime dhe ju do të ndëshkoheni

E Premte, 3 Gusht 2012, në 16:45

Bija Ime fort e dashur, toka do të tundet kur zemërimi i Atit Tim do të bjerë mbi ato kombe që i kanë thyer Ligjet e Atit Tim.

Aspak mëshirë nuk do të tregohet pasi durimi i Tij është vënë në provë përtej mase.

Mëkatet e tyre përfshijnë abortin, vrasjen, ligjet që përpiqen ta zhvlerësojnë Krishtërimin, martesa midis njëjtit seks dhe adhurimi i zotave të rremë.

Pastaj janë ata disidentë brenda Kishës Sime që kërcënojnë të më mohojnë Mua.

Kur ata përpiqen që ta distancojnë veten nga Kisha Ime, dhe përpiqen të krijojnë ligje të reja duke mos iu bindur Vullnetit Tim Hyjnor, ata më mohojnë Mua.

Unë i flak tutje ata tani, për tradhëtin e tyre. Përpjekjet e tyre për të futur ligje, të bazuara mbi mëkatin e krenarisë, epshit dhe ambicjes së botës, nuk do të tolerohen.

A mendonin ata se do të lejoheshin që t’i distanconin fëmijët e Hyjit nga Kisha Ime në tokë dhe t'i shmangeshin Dorës së Atit Tim?

A menduan se ata ishin mbi Ligjet e Hyjit?

Ata nuk e duan Hyjin, ata duan vetveten.

Duke mos pasur përulësi, refuzimi i tyre publik i Ligjeve të Kishës Katolike më shkakton Mua neveri.

Kërkesat e tyre të turpshme kur ata përpiqen ta detyrojnë Kishën Time për të lejuar ligje, të cilat më fyejnë Mua, do të thotë se ata kanë rënë në errësirë.

Betimet e tyre fetare janë të pakuptimta.

Përkushtimi i tyre për ta nderuar dhe për t’iu bindur Kishës Sime ka qenë thyer.

Nëse nuk pendohen dhe të kthehen tek Trupi Im, Kisha Ime në tokë, ata nuk kanë asnjë të drejtë ta quajnë veten shërbëtorë në Kishën Time.

Ju jeni të paralajmëruar. Unë do t'ju flak në shkretëtirë.

Shkatërrojini Ligjet e kishës Sime dhe ju do të ndëshkoheni.

Sunday 26 August 2012

Hyji Atë: Ashtu si Biri Im u kryqëzua, po ashtu edhe Kisha e Tij mbi tokë do të kryqëzohet

E Enjte, 2 Gusht 2012, në 22.06

Bija Ime më e dashur gjyqi ndaj Kishës së Birit Tim në tokë tashmë ka filluar.

Fshikullimi, persekutimi është gati për të filluar.

Ashtu si u kryqëzua Biri Im, po ashtu do të kryqëzohet edhe Kisha e Tij në tokë.

Sprova po ndodh tani.

Biri Im ishte dërguar për të shpëtuar njerëzimin nga flakët e Ferrit.

Vdekja e Tij në Kryq, një vrasje e tmerrshme mizore, u lejua prej Meje si një mjet për t’iu ofruar fëmijëve të Mi një të ardhme.

Trupi i Birit Tim u bë Kisha e Tij në tokë. Priftërinjtë dhe shërbëtorët e Tij të shenjtë zunë vendin e apostujve të Tij.

Tani, ndërsa Ai vjen përsëri për ta shëlbuar njerëzimin dhe për t'i fituar fëmijët e Mi të çmuar, që ata të mund të hyjnë në Parajsën Time, historia do të përsëritet.

Biri Im predikoi të Vërtetën dhe ai mblodhi shumë njerëz që i ndoqën mësimet e Tij dhe që nuk e vunë në dyshim Fjalën e Tij.

Pastaj Ai u tradhtua nga ata që ishin afër Tij dhe që i ishin përkushtuar Atij brenda radhëve të Tij.

Kisha e Tij, Kisha Katolike, gjithashtu është tradhtuar nga brenda korridoreve të veta.

Tundimi prej Satanit e solli në pah këtë dhe një ligësi e madhe ishte përgjegjëse për largimin nga Biri Im.

Në Kishën e Tij sot, largimi prej Tij ka filluar kohë më parë. Ashtu si me Birin Tim, shumë ndjekës besnikë ndaj Fjalës së Shenjtë të dhënë prej Meje, e tradhtuan Atë.

Pastaj filloi gjykimi, ku Biri Im u akuzua për herezi. Po kështu edhe Kisha e Birit Tim në tokë ka vuajtur të njëjtin fat.

Për shkak të të ligjve në mesin e tyre, të cilët kryen fyerje të rënda kundër njerëzimit, shumë ndjekës besnikë e braktisën Kishën.

Më tej ata e braktisën Birin Tim dhe i shpërfillën mësimet e Tij.

Sprova e Kishës së Birit Tim në tokë i ka bërë priftërinjtë e saj që të heshtin kur vjen puna për të mbrojtur mësimet e Birit Tim.

Ata kanë frikë se mos i fyejnë ata që e mohojnë Birin Tim, për shkak të mëkateve të atyre që janë mes tyre.

Kisha e Birit Tim tani përballet me sprovën më të madhe nga të gjitha, që nuk është parë që nga Kryqëzimi i Birit Tim të Dashur.

Kisha e Tij po pëson tallje pa mëshirë, jo vetëm nga armiqtë e saj nga jashtë por edhe nga armiqtë e saj nga brenda.

Kurora e Gjembave do të vendoset tani në Kokën e Kishës së Birit Tim dhe pak prej ndjekësve të Tij do të qëndrojnë pranë Tij.

Ashtu si apostujt e Birit Tim, me përjashtim të Gjonit, e braktisën Atë gjatë gjyqit dhe ekzekutimit të Tij, po ashtu, edhe ata në vendet e larta brenda Vatikanit do ta braktisin Zëdhënësin Tim të Shenjtë.

Ai, si Kreu i Kishës Katolike do të detyrohet që të ecë nëpër një udhë të tmerrshme fatkeqësish pa pasur asnjë faj të tijin.

Edhe pse ai do të fshikullohet, do të përqeshet dhe do të bëhet të duket si budalla, nuk është ai ndaj të cilit ata do të vjellin vrerin e tyre. Do të jetë kundër të Vërtetës së Kishës, Kishës së Krishterë, të formuar prej Sakrificës së Birit Tim, ndaj të cilës ata do të derdhin urrejtjen e tyre.

Krishtërimi do të goditet në çdo cep, në çdo komb, në çdo vend adhurimi derisa të dobësohet nga lodhja.

Ndërsa do të çohet drejt udhës së Kalvarit, ashtu si u çua Biri Im, do të lidhet dhe do të sigurohet me litarë që të jetë e pamundur t'i shpëtojë mundimit.

Pastaj, ndërsa t’i ngjitet kodrës, do të goditet me gurë, do ta pështyjnë dhe tallin gjatë gjithë rrugës deri në majë.

Pastaj do të gozhdohet në Kryq.

Pak simpati do të tregohet për të nga ata që e fajësojnë Kishën për mëkatet kundër të pafajshmëve, kur ata ta dënojnë Kreun e Kishës, Birin Tim.

Ata do ta bëjnë Atë me faj për mëkatet e të tjerëve, të shkaktuara nga tundimet e Satanit.

Kur ata do ta kenë gozhduar Kishën e Birit Tim në Kryq, ata do të dërgojnë qindra roje, ashtu si 600 ushtarët që qëndruan në Kalvar, për të siguruar që çdo pjesë e Mishit të mos shpëtojë pa u ndëshkuar.

As edhe një shërbëtor i Kishës së Tij, që deklaron besnikëri ndaj saj, nuk do të lejohet që të shpëtojë.

Kur Kisha të jetë kryqëzuar, ata do të bëjnë të sigurt që ajo të vuajë për bukë dhe ujë deri në frymën e fundit.

Të gjithë dishepujt e saj, ashtu siç ndodhi me apostujt e Birit Tim, nuk do të duken gjëkundi.

Ata do të shkojnë të fshihen nga frika se mos ndëshkohen.

Kur të duket sikur është në frymën e fundit, gjithçka do të bëhet e heshtur derisa brohoritjet e atyre që e kryqëzuan Kishën do të shurdhojnë mbarë botën me doktrinën e tyre false.

Zëri i kreut të ri të kishës, mashtruesit, Profetit të Rremë, do të tingëllojë fort.

Të gjithë do të bien në gjunjë duke më falënderuar Mua, Hyjin Më të Lartin, me lehtësim. Sepse do të duket të përfaqësojë një fillim të ri.

Do të jetë në atë kohë që Prania e Birit Tim nuk do t'i hijeshojë më altarët brenda kësaj kishe, sepse kjo nuk do të jetë e mundur.

Do të jetë atëherë që Dora Ime, në ndëshkim, do të bjerë si dënim.

Kjo është kur Beteja e Armagedon-it do të fillojë.

Kjo është kur Unë do të vij, përmes Birit Tim, për të shpëtuar shpirtrat.

Mos e mohoni këtë profeci.

Mos u fshihni pas sigurive të rreme sepse kjo ditë duhet të vijë.

Kryqëzimi i Kishës së Birit Tim duhet të ndodhë për shkak të Besëlidhjes Përfundimtare.

Por atëherë, Ringjallja e Lavdishme e Kishës, e Jerusalemit të Ri, do t'i fshijë të gjithë lotët, të gjitha vuajtjet dhe pastaj do të vijë Epoka e Re.

Kini besim tek Biri Im në çdo kohë.

Kurrë mos kini frikë sepse Unë jam Ati juaj dhe Unë do të vij për ta rip
ërtërirë tokën dhe për t’i mbledhur të gjithë fëmijët e Mi në këtë mrekulli finale të parathënë në Librin e Danielit.

Libri i së Vërtetës tani po ju zbulohet, fëmijë, ashtu siç është premtuar.

Mos e refuzoni ndërhyrjen Time Hyjnore sepse Unë flas të Vërtetën.

Thursday 16 August 2012

Më lejoni që t’ju ngre, nga i gjithë lëndimi, drejt shpëtimit larg prej Antikrishtit

E Martë, 31 Korrik 2012, në 20:00

Bija Ime fort e dashur, më dëgjo Mua tani ndërsa Unë të informoj se Koha Ime pothuajse ka ardhur mbi botën.
 
Koha juaj është e shkurtër ndërsa ditët e errësirës zbehen dhe një agim i ri, një fillim i ri do të dalë.

Të gjithë lotëve tuaj të frikës dhe vuajtjes pothuajse po iu vjen fundi ku pak kohë ka mbetur për shfaqjen e Epokës së Lavdishme të Paqes. 

Ripërtëritja e Mbretërisë së Tokës do të ndodhë së shpejti dhe Autoriteti Im mbi të gjithë fëmijët e Hyjit do ta zëvendësojë vendin e Satanit. 

Paqartësia juaj, ndjekësit e Mi, mbi autenticitetin e Thirrjes Sime ndaj jush tani, do të zhduket. 

Gjithçka do të bëhet e qartë, si ujërat e pastra kristal të një burimi nga Trupi Im Qiellor, ndërsa të vërshojë përpara tani për t’i konsumuar zemrat e gjithë fëmijëve të Hyjit. 

Drita e së Vërtetës do ta ndriçojë botën, pavarësisht nga errësira gjithmonë në rritje që është vendosur si një sëmundje e keqe nëpër çdo skaj të tokës.
 
Shumë shpejt e Vërteta do t’ju çlirojë, do t’i qartësojë të gjitha dyshimet tuaja, frikën tuaj dhe do të çlirojë brenda jush një qartësi të mendjes dhe të shpirtit. Pastaj, të mbushur me Shpirtin Tim të Shenjtë, një konvertim global do të ndodhë. 

Ata me besim të dobët do të ripërtërihen dhe e Vërteta e një Ushtrie të re të Krishterë do të dalë në pah. 

Shpresa, dashuria dhe lutja do t'ju mbështesin ndërsa Unë e udhëheq botën drejt Trashëgimisë së Re të premtuar juve për kaq kohë.

Për ata prej jush që jeni të frikësuar nga mesazhet e Mia, thjesht kujtoni këtë. 

Bota që ju pret është një Dhuratë e madhe për ju dhe familjet tuaja. Është një Parajsë që ju duhet ta prisni me padurim sepse asgjë tjetër në tokë, ashtu siç ju e njihni atë, nuk mund të krahasohet me të. 

Nëse ju më doni Mua, atëherë kini besim në Mirësinë Time, Dashurinë Time, premtimin Tim për t’ju shpënë brenda trashëgimisë së Lavdishme për të cilën ju ishit lindur. 

Dorëzojini të gjitha shqetësimet dhe frikën tuaj tani.

Më lejoni që t'ju ngre, nga i gjithë lëndimi, drejt shpëtimit larg prej Antikrishtit. 

Recitoni këtë Lutje të Kryqëzatës (71) Lutje për të na shpëtuar nga persekutimi

O Jezus, shpëtoji fëmijët e Hyjit nga antikrishti. Na mbro nga planet për të kontrolluar Tokën. Zot, na shpëto nga persekutimi.
Mbroji shpirtrat e errët nga antikrishti, që të arrijnë të shëlbohen në Sytë e Tu.

Na ndihmo në dobësinë tonë. Na forco në shpirt për t’u ngritur dhe drejtuar njëri-tjetrin, ndërsa marshojmë në Ushtrinë Tënde për në Portat e Parajsës.

Unë kam nevojë për Ty, i dashur Jezus. 
Unë të dua Ty, i dashur Jezus. 
Unë i jap lavdi Pranisë Tënde në Tokë.
Unë e shmang errësirën.

Unë të adhuroj Ty dhe të dorëzohem, në trup dhe shpirt, që Ti të ma zbulosh të Vërtetën e Pranisë Tënde – dhe që unë gjithmonë të kem besim në Mëshirën Tënde në çdo kohë.
Amen.

Shkoni tani dhe i përgatisni shpirtrat tuaj që të mbeteni të fortë dhe besnikë ndaj Meje ndërsa Unë ju drejtoj drejt Jetës së Përjetshme.

Jezusi juaj

Virgjëra Mari: Mosarritja për të shpallur të Vërtetën e Mësimeve të Birit tim do të thotë se Hyji po harrohet

E Martë, 31 Korrik 2012, në 18:10

Fëmija im, persekutimi që ti po duron është për shkak të publikimit të Librit të së Vërtetës. 

I ligu po vendos pengesa gjatë udhës tënde dhe nuk do të ndalojë ndaj asgjëje për të të dobësuar ty. 

Është e rëndësishme që t'i shpërfillësh gënjeshtrat e liga të vazhdueshme që po të paraqiten prej atyre që pohojnë se janë të ditur rreth Fjalës së Hyjit. 

Mospranimi i tyre ndaj këtyre mesazheve nuk është i rëndësishëm. Vetëm Fjala e Birit tim është çfarë ti duhet t'i përgjigjesh dhe asgjëje tjetër. 

Ti duhet të kesh besim tek Biri im dhe të qëndrosh e heshtur kur ata që janë të verbuar nga gënjeshtrat përpiqen të angazhohen me ty për të të rrëzuar. Mos i dëgjo. Mos iu përgjigj. Në vend të saj, thjesht shpalle Fjalën e Hyjit. 

Fëmija im kaq shumë ndjekës të Krishtit po vuajnë në këtë kohë. Zërat e tyre janë veçse pëshpërima në një botë e cila bërtet për lavdinë e mrekullive tokësore. 

Fjala e vërtetë e Hyjit nuk deklarohet më haptas madje edhe nga shërbëtorët e Hyjit në Kishë. 

Të turpëruar se mos shihen duke e deklaruar haptas të Vërtetën, ata enden pa shpresë duke u përpjekur të gjejnë udhën e tyre mes rrëmujës së shkaktuar nga shekullarizimi. 

Indinjata që shkaktohet kur Hyji, apo Biri im i dashur, Jezu Krishti, të përmenden, është gjerësisht e përhapur. Fare pak shpirtra janë mjaft të guximshëm për t’u ngritur dhe për ta deklaruar veten ushtarë të Krishtit. 

Madje dhe shpirtrat e shenjtë kanë frikë për ta bërë këtë nga frika se mos shkaktojnë zemërim mes të pafeve. 

Mosarritja për të shpallur të Vërtetën e Mësimeve të Birit tim do të thotë se Hyji po harrohet.

Sa lotoj kur shikoj fëmijë të vegjël të gjorë që po shpërfillen nga kujdestarët e tyre për zhvillimin e shpirtrave të tyre. 

Atyre iu mungon ushqimi i Shpirtit të Shenjtë sepse nuk iu është mësuar se si ta shpallin dashurinë e tyre për Hyjin. Shumë prej tyre nuk besojnë në Hyjin Atë. Kjo e trishton Atë. 

Ty, bija ime, të është dhënë një detyrë e vështirë. Kur ti ia deklaron botës përmbajtjen e këtyre mesazheve nga Qielli, ti je e sulmuar nga tri burime. 

Ata që besojnë në Hyj, por që refuzojnë ta dëgjojnë Fjalën e Hyjit ashtu siç po i jepet botës tani. 

Ata që pohojnë të jenë drejtues në Kishën e Birit tim në tokë, që refuzojnë të dëgjojnë sepse ata nuk e pranojnë profecinë. 

Dhe pastaj, ata që nuk besojnë aspak në Hyj. 

Zëri yt do të vazhdojë të bjerë në veshë të shurdhër, por nuk duhet ta lejosh që kjo të të dekurajojë. 

Gjithçka që ti duhet të bësh është t'i bindesh Birit tim në të gjitha gjërat dhe lëre çdo gjë në Duart e Tij të Shenjta. 

Me kalimin e kohës ata do të dëgjojnë. Kur ata ta bëjnë këtë, shumë shpirtra do të kthehen tek Biri im me dashuri dhe gëzim në zemrat e tyre.
 
Ti kurrë nuk duhet të hezitosh apo të vonohesh në përgjigjen tënde ndaj kërkesës së Birit tim për të bërë të sigurt që çdonjërit në botë t’i jepet Fjala e Hyjit në këtë kohë. 

Unë kërkoj që të gjithë fëmijët e Hyjit t'i përgjigjen thirrjes sime për të qëndruar besnikë ndaj Fjalës së Shenjtë të Birit tim tani. Ai i do të gjithë fëmijët e Hyjit dhe dëshiron që ta përgatisë çdo shpirt për Ardhjen e Tij të Dytë, të shumë pritur. 

Mos e mohoni Atë. Pranojeni Dorën e Tij të Mëshirës përpara se të jetë tepër vonë. 

Nëna juaj e dashur
Mbretëresha e Tokës
Nëna e Shpëtimit

Wednesday 15 August 2012

Kisha Ime Katolike është bërë copë-copë, por shpirti i Kishës Sime kurrë nuk do të merret apo të konsumohet nga Satani

E Hënë, 30 Korrik 2012, në 01:00

Bija Ime fort e dashur kur Unë e durova agoninë në kopësht, neveria më e madhe, që m’u tregua Mua nga Satani, ishte mos-besnikëria e Kishës Katolike dhe Apostolike në kohët e fundit.

Këtu është aty ku Satani, që më torturoi Mua me pamjet e së ardhmes, më tregoi shërbëtorët e vakët të Kishës në këto, kohët tuaja.

Ata kanë lejuar që krenaria dhe të vërteta të rreme, të dominuar nga toleranca e tyre ndaj mëkatit, t'i verbojë ata ndaj të Vërtetës së Hyjit.

Angazhimi i tyre ndaj kënaqësive të botës do të thotë se shumë nga shërbëtorët e Mi të shenjtë nuk e kanë dhembshurinë apo përulësinë në shpirtrat e tyre për t'i udhëhequr ndjekësit e Mi drejt shenjtërisë që kërkohet për t’i shpëtuar shpirtrat e tyre.

Sa shumë janë kthyer kundër Meje, edhe pse ata thonë se i duan fëmijët e Hyjit.

Duke promovuar tolerancën në Emër të Hyjit, ata paraqesin një doktrinë të rreme, e cila e maskon të Vërtetën.

Ata disidentë në Kishën Time në tokë, të cilët deklarojnë se po krijojnë një lloj të ri dedikimi në emër të Kishës Katolike, por që i mohojnë mësimet e Mia, janë duke u tunduar prej Satanit i cili kërkon ta shkatërrojë Kishën Time.

Ai, i ligu, tashmë ka shkaktuar mëkat të tmerrshëm për ta korruptuar Kishën Time dhe tani kërkon të ngulë gozhdët e fundit kur do ta kryqëzojë Kishën Time dhe, më tej, t’i hedhë në Ferr ata shërbëtorë të Mi të shenjtë, të cilët e thyejnë Fjalën e Hyjit duke e bërë më të lehtë pranimin e mëkatit midis fëmijëve të Hyjit.

Mëkati i tyre i goditjes Sime me shuplakë në Fytyrë, duke i reklamuar neveritë e turpshme përpara Meje, që ata thonë se janë të pranueshme dhe të toleruara nga Hyji, do të ndëshkohet rëndë.

Ata guxojnë, përmes mëkatit të krenarisë dhe mashtrimit, t'i çojnë shpirtrat në udhën e gabuar dhe t'i drejtojnë ata brenda një grope errësire, pa e kuptuar se si ata po i dënojnë shpirtrat brenda liqenit të zjarrit.

Shumë nga shërbëtorët e Mi të shenjtë po udhëhiqen gabimisht dhe nuk e kuptojnë. Por shumë shërbëtorë të tillë, nëse janë të ndershëm me vetveten, janë të paqartë.

Pastaj vijnë ata që hiqen sikur janë shërbëtorët e Mi të shenjtë por që vijnë nga ana tjetër. Si skllevër të bishës, ata qëllimisht e paraqesin veten si priftërinjtë e Mi të shuguruar.

Ata më shkaktojnë Mua kaq shumë vuajtje të tmerrshme. Jo vetëm që ata i korruptojnë shpirtrat , por ata me vetëdije kanë krijuar një pakt me Satanin, i cili do t'i gëlltisë ata.

Ata kryejnë akte të shëmtuara mbi altarët e Mi, përpara Eukaristisë së Shenjtë, por fare pak e dinë se ata kryejnë vepra të tilla. Megjithatë Unë kam dhimbje për këta shpirtra.

Kisha Ime Katolike është bërë copë-copë, por shpirti i Kishës Sime kurrë nuk do të merret apo konsumohet nga Satani. Por shërbëtorët e Kishës Sime mund të joshen dhe të shkatërrohen nga bisha.

Kjo është koha që Unë të ndërhyj për t'i ndihmuar ata që të ngrihen mbi këto vuajtje të tmerrshme.

Unë kërkoj që ju, ndjekësit e Mi, dhe ata shërbëtorë të shenjtë ndër ju që e kuptojnë se çfarë po ndodh midis jush, të thoni këtë:

Lutje të Kryqëzatës (70) – Lutje që Kleri të qëndrojë i vendosur dhe i vërtetë ndaj Fjalës së Shenjtë të Hyjit

O Jezus i dashur, ndihmoji shërbëtorët e Tu të shenjtë që ta dallojnë përçarjen brenda Kishës Tënde, ndërsa ajo shfaqet. Ndihmoji shërbëtorët e Tu të shenjtë që të qëndrojnë të vendosur dhe të vërtetë ndaj Fjalës Tënde të Shenjtë. 

Kurrë mos lejo që ambiciet e botës ta turbullojnë dashurinë e tyre të pastër për Ty. Jepu atyre Hiret për të mbetur të pastër dhe të përulët përpara Teje dhe për të nderuar Praninë Tënde Më të Shenjtë në Eukaristi.

Ndihmoji dhe udhëzoji të gjithë ata shërbëtorë të shenjtë që mund të jenë të vakët në dashurinë e tyre për Ty dhe ri-ndize Zjarrin e Shpirtit të Shenjtë në shpirtrat e tyre.

Ndihmoji ata të njohin tundimin e vënë përpara tyre për t'i hutuar. Hapi sytë e tyre që të shohin të Vërtetën në çdo kohë. Bekoji ata, i dashur Jezus, në këtë periudhë dhe mbuloji ata me Gjakun Tënd të Çmuar për t'i ruajtur nga e keqja.

Jepu atyre forcën për t’i rezistuar joshjes së Satanit, nëse ata shpërqendrohen prej tundimit për të mohuar ekzistencën e mëkatit. Amen.

Shërbëtorët e Mi të shenjtë janë shtylla kurrizore e Kishës Sime. Ata janë të parët në radhë që përballen me një mori të tmerrshme sulmesh nga Satani në këtë kohë.

Më ndihmoni Mua t'i drejtoj ata në udhën për të shpëtuar mbetjen e Kishës Sime, ndërsa ajo shkon drejt përçarjes që do të krijohet prej Profetit të Rremë së shpejti.

Mblidhuni së bashku dhe lutuni për bashkimin e shërbëtorëve të Mi të shenjtë, të cilët nevojiten për ta mbajtur Kishën Time të fortë në ditët që do të vijnë.

Monday 13 August 2012

Është mëkati i abortit ai që do të bëhet rrëzimi i shumë kombeve dhe për këtë ato do të dënohen rreptësisht

E Diel, 29 Korrik 2012, në 20:10

Bija Ime fort e dashur, braktisja e besimit në botë i ka çorientuar fëmijët e Hyjit rreth ekzistencës së mëkatit.

Shumë shpirtra, kur mendojnë për Mëkatin, menjëherë mendojnë për më të rëndin prej mëkateve të tillë si vrasja.

Mëkati merr shumë forma. Për fat të keq, ngaqë mëkati është i nënvlerësuar si e metë apo veçori individuale, tani mendohet të jetë thjesht një dobësi natyrore. Shumë nuk besojnë më në mëkat tani.

Aborti, pas vrasjes së vëllait tënd, është forma më e madhe e gjenocidit në botë. Megjithatë, jo vetëm që është i toleruar por tani po sillen ligje në shtetet tuaja që e trajtojnë atë si të nevojshëm.

Është mëkati i abortit ai që do të bëhet rrëzimi i shumë kombeve dhe për këtë ato do të dënohen rreptësisht.

Aborti është një vepër e shëmtuar dhe ai fshin breza të tërë të fëmijëve të Hyjit që nuk mund ta mbrojnë veten.

Askush nuk mund të vrasë një fëmijë të Hyjit dhe t'i shmanget dënimit të rreptë.

Zemërimi i Atit Tim do të dëshmohet prej atyre kombeve, që e kanë legalizuar abortin, gjatë Ndëshkimit.

Ato do të fshihen nga faqja e dheut dhe asnjë dhembshuri nuk do të tregohet ndaj tyre ashtu si ata nuk treguan asnjë keqardhje për këtë mëkat mortor kur e aprovuan vrasjen e fëmijëve të Hyjit që në bark.

Unë iu bëj thirrje atyre që me dinakëri përpiqen ta konsiderojnë abortin si diçka që është e nevojshme për të mbrojtur të drejtat e nënës.

Gënjeshtrat janë përdorur për ta kamufluar barbarizmin e abortit i cili e kundërshton Ligjin e Hyjit.

Për këtë mëkat, çdo ligjvënës, doktor apo çdo person që kontribuon në çfarëdo lloj mënyre në këtë vepër të paligjshme, është fajtor në sytë e Hyjit dhe do ta vuajë dënimin që vijon përpara.

Atyre që e lejojnë ekzekutimin, Unë ju them këtë.

Ju, që dënoni një njeri me vdekje, jeni fajtorë për të njëjtin krim që ai mund të jetë fajtor.

Ju jeni fajtorë për vrasje në këtë rast dhe ky është një mëkat mortor. Juve nuk ju është dhënë e drejta që ta merrni jetën. Apo të gjykoni. Vetëm Unë, Jezu Krishti, e kam të drejtën për të gjykuar.

Kushdo që kontribuon në vdekjen e një vrasësi, përmes aktit të ekzekutimit, do të vuajë në zjarrin e Ferrit përjetësisht, nëse nuk pendohet.

Shumë prej jush besojnë në ligjin, nj
ë sy për një sy. Sa shumë në udhë të gabuar jeni. A nuk i pranoni Urdhërimet e Atit Tim? Nuk duhet të vrasësh.

‘Nuk duhet të vrasësh’ i referohet gjithashtu edhe atyre ushtrive agresive që marshojnë në vende që nuk iu përkasin atyre, me qëllimin për t’i kontrolluar.

I referohet ushtrive që gjuajnë dhe vrasin shpirtra të pafajshëm. E gjithë kjo është vrasje. Është kundër ligjit të Atit Tim.

Mëkate të tjera si lakmia, epshi, të folurit keq për të tjerët, mashtrimi i njerëzve mbi atë që u takon, hakmarrja dhe sharja, të gjitha këto çojnë në mëkate të tjera.

Ato bëhen të pranishme në botën tuaj sot sepse dashuria juaj më e madhe është për veten tuaj.

Gënjeshtra e vet-kënaqjes, që ju keni qenë detyruar nga mësuesit e rremë për ta përtypur, është udha juaj drejt mëkatit.

Juve ju është thënë se duhet ta kaloni kohën tuaj duke kënaqur urinë tuaj për pasuri.

Ju është thënë se duhet të kujdeseni për vetveten – se ju jeni personi më i rëndësishëm në jetën tuaj. Se ju duhet të kërkoni çdo gjë për t’i kënaqur qejfet tuaja. Se kushdo tjetër vjen i dyti.

Kjo çon në lakmi, egoizëm, epsh dhe pastaj ju mund të shtyheni që të kryeni mëkat mortor.

Mëkati do të pranohet tani në vendet tuaja si kurrë më parë.

Do të futen ligje të cilat do ta legalizojnë mëkatin mortor dhe mjerë ata prej jush që kundërshtojnë.

Ata që do ta mbështesin një ligësi të tillë do t'ju thonë se këto ligje janë për të mbrojtur të dobëtit kur, në fakt, gjithçka që ato bëjnë është legalizimi i vrasjes, i abortit, i martesës midis të njëjtit seks dhe i adhurimit të zotave të rremë.

Ata do ta shpërfillin persekutimin e të varfërve dhe do t’i nxjerrin ata nëpër rrugë për t’i bërë kukulla që t’i vënë në lojë.

Ata do të sjellin ligje për t’ju detyruar që t
ë ndaloni ta praktikoni fenë tuaj. Duke vepruar kështu, ju do të thyeni ligjin – një mëkat në sytë e tyre.

Siç ju kam thënë më parë bota juaj është kaq e mbushur me gënjeshtra saqë e mira tregohet si e ligë dhe e liga tregohet si e mirë.

Bota juaj është kthyer përmbys dhe, si rezultat, mëkati lulëzon.

Unë ju bëj thirrje që të ktheheni dhe t’i studioni 10 Urdhërimet. Bindjuni atyre dhe jetoni ashtu siç pritet prej jush në sytë e Atit Tim.

Thyejini Urdhërimet dhe ju mëkatoni. Argumentoni se disa mëkate janë të pranueshme dhe ju e kundërshtoni Atin Tim.

Bindja ndaj Ligjeve të Hyjit është e dobët dhe e brishtë në botë në këtë kohë. Shumë prej fëmijëve të Hyjit nuk iu është treguar me vendosmëri, nga shërbëtorët e Mi të shenjtë, mbi pasojat e mëkatit.

Toleranca ndaj mëkatit është mëkati më i madh nga të gjithë.

Toleranca është një gënjeshtër dinake e mbjellë në mendjet e njerëzimit prej mbretit të gënjeshtrave, Satanit.

Toleranca është një tjetër mënyrë për ta justifikuar mëkatin, që t’i përshtatet dobësisë së njerëzve për t’iu dorëzuar tundimit të Satanit.

Zgjohuni dhe pranojeni mëkatin për atë çfarë është.

Debatoni mes njëri-tjetrit dhe mbrojeni mëkatin sa të doni, por ai kurrë nuk do të jetë i pranueshëm në sytë e Atit Tim.

Për të hyrë në Parajsë, ju duhet të jeni të çliruar nga mëkati.

Për t’u çliruar nga mëkati, ju duhet të pendoheni.

Për t’u penduar, ju para së gjithash duhet të pranoni 10 Urdhërimet.

Pastaj ju duhet të tregoni pendesë të vërtetë.

Pendesa e vërtetë mund të ndjehet vetëm prej atyre që e përulin vetveten para Meje.

Vetëm atëherë mëkati mund të falet.

Vetëm atëherë shpirtrat janë të denjë për të hyrë në Mbretërinë e Atit Tim.

Sunday 12 August 2012

Kur ushtria Ime të ketë arritur në 20 milionë, Unë do ta shumëfishoj këtë numër në miliarda

E Premte, 27 Korrik 2012, në 18:30

Bija Ime fort e dashur, dëshira Ime për t’i bashkuar ndjekësit e Mi si një ushtri e vetme po jep fryt tashmë përmes këtyre mesazheve.

Ushtria Ime tashmë është formuar dhe është bashkuar përmes Fuqisë së Shpirtit të Shenjtë që po përhapet si një zjarr nëpër botë.

Për ata prej jush që tani i pranoni udhëzimet e Mia, megjithëse ju mund të mendoni se po punoni së bashku në grupe të vogla, duhet ta dini se ushtria Ime tani konsiston në më tepër se 25,000 ushtarë të përkushtuar, që i marrin Lutjet e Mia të Kryqëzatës çdo ditë.

Përkushtimi juaj ndaj Meje, Jezusit tuaj të dashur, më sjell Mua kaq shumë ngushëllim dhe gëzim, sepse lutjet tuaja po shpëtojnë miliona e miliona shpirtra në çdo sekondë të secilës ditë.

Sikur ju ta shikonit mirënjohjen e tyre, ju s’do të pushonit kurrë së vazhduari për t’u lutur, e tillë është fuqia e saj.

Satani po vuan për shkak të këtij misioni dhe ai do të bëjë çdo gjë të mundur për ta sabotuar atë.

Kjo është edhe arsyeja që ju nuk duhet të lejoni që ngacmimet e jashtme nga ata që ju akuzojnë për herezi, t’ju vonojnë në shpërndarjen e mesazheve të Mia.

Nëse ju i lejoni të tjerët që t’ju ç’orientojnë, ata që përpiqen t'ju turpërojnë apo që qeshin me besimin tuaj, atëherë më pak shpirtra mund 
 shpëtohen.

Mendojeni këtë mision në të njëjtën mënyrë sikur po punonit për një agjenci bamirësie jashtë vendit, ato grupe njerëzish që shkojnë në vende të shkatërruara për të shpëtuar jetët e atyre që po vuajnë urie.

Është e rëndësishme që ju t'i kapërceni të gjitha pengesat për t’i çuar ndihmë viktimave. Një orë vonesë mund të thotë ndryshimin mes jetës apo vdekjes. E njëjta qëndron edhe për këtë mision.

Shikoni përpara, mos ua vini veshin ndërhyrjeve të atyre që do të përpiqen t'ju tërheqin mbrapsht, dhe më pas marshoni përpara.

Mblidhni të tjerë gjatë udhës suaj dhe çojini ata drejt fitores. Fitores së shpëtimit.

Ushtria juaj shtohet çdo ditë. Mbahuni pas Dorës Sime derisa ne të arrijmë në ushtrinë që Unë dëshiroj, prej 20 milionësh, e cila do të udhëheqë betejën kundër antikrishtit.

Kur ushtria Ime të ketë arritur në 20 milionë, Unë do ta shumëfishoj këtë numër në miliarda. Dhe kur kjo të ndodhë, bisha përfundimisht do të shkatërrohet.

Ky është premtimi Im. Sepse në numër të madh, fëmijët e Hyjit, të mbushur me Dashurinë e Tij Hyjnore, do ta shkatërrojnë të ligun.

Dashuria, mbajeni mend, është më e fortë se urrejtja. Vetëm dashuria, me bollëk, mund ta fshijë ligësinë.

Saturday 11 August 2012

Dashuria është një shenjë nga Hyji. Pavarësisht se cilën fe apo besim ju ndiqni, dashuria mund të vijë vetëm nga Hyji

E Mërkurë, 25 Korrik 2012, në 23:30

Bija Ime fort e dashur, Unë dëshiroj të diskutoj rëndësinë e dashurisë dhe se si, pa dashuri, bota nuk do të mbijetonte.

Hyji është dashuri. Dashuria vjen nga Hyji.

Aty ku ju gjeni dashuri, ju menjëherë e ndjeni praninë e Hyjit.

Pothuajse çdo njeri në botë ndjen dashuri në njëfarë periudhe. Dashuria e çliron shpirtin dhe pastërtia e saj ju jep një tregues për thellësinë e dashurisë që Hyji e ka për secilin nga fëmijët e Tij.

Dashuria e mposht vdekjen. Dashuria e mposht ligësinë. Dashuria është e përhershme. Ajo kurrë nuk mund të vdesë sepse ajo vjen nga Hyji dhe do të zgjasë përjetësisht.

Kur dashuria sulmohet në këtë jetë nga i ligu, i cili vepron përmes shpirtrave, ajo vuan, dobësohet dhe mund të zëvendësohet nga indiferenca ose, nganjëherë, edhe nga urrejtja.

Është vetëm përmes dashurisë, veçanërisht për njëri-tjetrin, që paqja në botë mund të përparojë.

Pa dashuri njerëzit do të vdisnin dhe do të bëheshin të shterpë.

Kur ju e doni një fëmijë, ju ndjeni të njëjtin lloj dashurie që Ati Im e mban në Zemrën e Tij për çdo fëmijë të lindur në botë, përmes krijimit të Tij.

Imagjinoni ankthin e një prindi kur një fëmijë humbet.

Pikëllimi, shqetësimi dhe meraku janë identike me atë që ndjen Ati Im kur fëmijët e Tij enden dhe bëhen të humbur ndaj të Vërtetës së ekzistencës së Tij.

Pastaj imagjinoni tmerrin që një prind duhet të durojë nëse fëmija e tij nuk mund të gjendet.

Po sikur ata të humbasin përgjithmonë? Kjo është edhe brenga që duron Ati Im kur Ai i humbet fëmijët e Tij.

Asgjë nuk e ngushëllon Atë derisa Ai të mund t'i gjejë ata përsëri ose kur ata të kthehen dhe të vijnë duke vrapuar në shtëpi drejt Tij përsëri.

I gjithë krijimi ishte themeluar prej dashurisë së Atit Tim.

Dashuria e Tij e vërshon Qiellin dhe tokën dhe është shumë e fuqishme.

Gjithçka u krijua prej Dashurisë Hyjnore të Tij dhe bujarisë së zemrës së Tij me qëllim që t’i ndante të gjitha mrekullitë e krijimit me fëmijët e Tij.

Dashuria e Tij për fëmijët e Tij nuk do të vdesë kurrë.

Tradhtimi i Tij prej Luciferit, të cilit Ai i dha gjithçka, do të thotë se dashuria e Tij për njerëzimin nuk ka qenë kthyer nga shumë prej njerëzimit.

Por si një Atë përherë i dashur, dashuria e Tij është kaq e fuqishme saqë asgjë nuk mund ta vrasë ndonjëherë dashurinë e Tij për fëmijët e Tij.

Dashuria e Tij do të thotë se çdo njeriu i ka qenë dhënë një mundësi e dytë.

Paralajmërimi, një Dhuratë e madhe e aprovuar nga Ati Im, është një thirrje e veçantë nga Qielli.

Kjo thirrje, një mrekulli e madhe e mbinatyrshme, do t'i japë secilit prej jush mundësinë që të shpëtoheni; që të thirreni dhe t'ju jepet çelësi për të hapur derën e Parajsës së Re në tokë.

Për ata prej jush që e pranojnë Çelësin drejt Parajsës, ju në fakt, do ta mundni bishën.

Bota më në fund do ta heqë qafe të ligun, mëkatin, vuajtjen dhe çdo dhimbje. 
Paqja do të mbretërojë.

Dashuria për Atin Tim do të lulëzojë më në fund dhe ju të gjithë do të jetoni sipas Vullnetit të Tij Hyjnor.

Dashuria është një shenjë nga Hyji. Pavarësisht se cilën fe apo besim ju ndiqni, dashuria mund të vijë vetëm nga Hyji.

Ajo është drita e pranishme në çdo shpirt, madje edhe tek ata që janë mëkatarë të ngurtë, sepse Hyji kurrë nuk e shuan dritën e Tij ndonjëherë.

Kapeni atë. Përqafojeni atë. Kapuni pas dashurisë sepse ajo do t'ju çojë drejt Tij.

Dashuria do t'ju mbrojë nga errësira.

Friday 10 August 2012

Profecitë e dhëna Gjonit, dhe që nuk janë zbuluar deri tani, po tregohen në këtë kohë për ta zgjuar botën

E Martë, 24 Korrik 2012, në 17:39

Bija Ime fort e dashur, koha është afër që misteret e fundit t
ë Hyjit Më të Lartit t'i zbulohen mbarë botës.

Zëri yt, bija ime, do ta kompletojë përfundimisht planin e Hyjit në tokë për ta zbuluar të Vërtetën e Ardhjes Sime të Dytë.

Ti, bija Ime, je Engjëlli i 7-të e dërguar për t’i përgatitur fëmijët e Hyjit që ta ripërtërijnë besimin e tyre, me qëllim që të mund të shpëtohen.

Ndërsa ti do t’i zbulosh sekretet brenda shtatë vulave që Unë, Jezusi Qengji i Hyjit tani i hap, do të bësh që shumë të zemërohen.

Gënjeshtrat e liga, të futura prej atyre që pretendojnë se janë shërbëtorë të Kishës Sime, do të ekspozohen nëpërmjet tingullit të zërit tënd.

Çdo vepër e ulët e kryer nga ndjekësit e Satanit që guxojnë ta deklarojnë veten si ndjekës të Mi, do të ekspozohet. Çdo gënjeshtër, do të dalë hapur, që të gjithë ta shohin.

Kisha e re e rreme, e krijuar nga antikrishti, do të tregohet p
ër çfarë është.

Çdo përpjekje e bërë për t’i mashtruar fëmijët e Hyjit do të kthehet përmbys ndërsa beteja për ta shpëtuar njerëzimin intensifikohet.

Blasfemitë e shqiptuara prej atyre që nuk flasin në Emrin Tim të Shenjtë do të dëshmohen nga të gjithë, edhe pse shumë vetë nuk do ta pranojnë të Vërtetën e Hyjit ashtu siç po i jepet tani botës.

Fjalët, të fshehura për kaq kohë, dhe të mbyllura deri për në fund, tani po rrjedhin nga buzët e Mia.

Asnjë njeri nuk do të përjashtohet nga e Vërteta. Të gjithëve do t'iu tregohet Fjala e Vërtetë ndërsa Unë përgatitem, përsëri edhe një herë, për ta shpëtuar njerëzimin nga mallkimi i përjetshëm.

Profecitë e dhëna Gjonit, dhe që nuk janë zbuluar deri tani, po tregohen në këtë kohë për ta zgjuar botën.

Ungjilli, akoma edhe një herë, pas kaq kohe, do të përhapet nëpër botë.

Të verbrit do të shikojnë përsëri.

Memecët do të flasin të vërtetën, si mjaltë, që rrjedh prej buzëve të tyre.

Të shurdhët do të dëgjojnë dhe e Vërteta do t'iu sjellë atyre ngushëllimin që iu mungonte për kaq kohë në jetët e tyre.

Braktisja e besimit do të çahet dhe shpirtrat e vrazhdë, që kanë pasur etje për të Vërtetën, më në fund do ta pranojnë atë me krahë hapur.

Fuqia e Hyjit do të shfaqet tani në çdo skaj.

Të jeni të sigurt se pjella e Satanit dhe e ndjekësve të tij do të bëjnë çdo gjë që të munden për të bllokuar që Libri i së Vërtetës t'i jepet botës përmes dashurisë së Hyjit.

Ata do të jenë të pafuqishëm kundër tij, edhe pse nuk do të duket kështu.

Qielli pret tani kohën për ta sjellë së bashku gjithë njerëzimin për Kthimin Tim të Lavdishëm.

Kurrë mos më braktisni Mua. Më mirëprisni ndërsa Unë ju përgatis për Ardhjen Time të Lavdishme të Dytë.

Silleni familjen tuaj me vete dhe ejani në krahët e Mi ndërsa Unë përgatitem që t'ju mbështjell brenda mbrojtjes së hireve të Mia të veçanta nga Qielli.

Unë ju bëj thirrje të gjithëve prej jush që ta njihni thirrjen e fundit, përmes Lajmëtarit Tim të 7-të, që i është dhënë autoriteti për t’i zbuluar 7 trumbetat, përmbajtjen e vulës së shtatë, ndërsa kori i engjëjve përgatitet që profecitë të shpalosen.

Thursday 9 August 2012

Virgjëra Mari: Si Nëna e Shpëtimit, titulli im i fundit nga Qielli, më lejoni t’ju ndihmoj

E Hënë, 23 Korrik 2012, në 16:36

Fëmija im, lugina e lotëve që e përmbyt çdo komb në aq shumë mënyra, ka qenë parathënë shumë herë.

Prapë ata nuk i kanë dëgjuar paralajmërimet që Unë iu dhashë vizionarëve ndër shekuj.

Disa prej atyre që i njohin premtimet e Zotit, që tha se Ai do të vinte përsëri për të sunduar në një botë pa fund, mund t'i njohin shenjat.

Shumë njerëz nuk do t'i njohin, sepse ata nuk e njohin Ungjillin.

Fëmijë, këto kohë janë shumë të vështira dhe ngatërruese. Unë, Nëna juaj e dashur, ju ofroj mbrojtjen kundër Satanit, mjafton vetëm që ju të ma kërkoni.

Mua më është dhënë fuqia për ta shtypur atë. Nëse e kërkoni ndihmën time, unë mund t’jua lehtësoj mundimet tuaja.

Fëmija im, ndikimi i tij po bëhet më i qartë për shumë prej jush që i mbajnë sytë hapur.

Ligësia e tij është manifestuar në shumë prej fëmijëve të Hyjit.

Vrasjet, vrasjet pa kuptim, luftërat, lakmia, persekutimi, imoraliteti dhe mëkatet e shfrenuara që e thyejnë çdonjërin prej Urdhërimeve të Hyjit, të dhëna Moisiut, janë në dukje për t’u parë nga të gjithë ju.

Për ata që kanë pak besim dhe thonë se çfarë rëndësie ka për ju që duhet ta njihni dëmin që Satani shkakton në shpirtin tuaj.

Ai është si një sëmundje që është e vështirë për t'u kuruar. Nëse ju kap, ju çon në sëmundje të tjera akoma më të këqija se e para, kështu që një kurë nuk mjafton.

Ai e helmon shpirtin, mendjen dhe trupin kaq shpejt saqë është shumë e vështirë për t’iu shkëputur.

Fëmijë, ju nuk e kuptoni se sa i fuqishëm dhe hakmarrës është ai. Sapo ta infektojë një shpirt, ai nuk do ta lërë atë të vetëm derisa shpirti në fjalë pothuajse e humb mendjen.

Në disa raste, këta shpirtra nuk i kontrollojnë më impulset e tyre.

Si Nëna e gjithë fëmijëve të Hyjit, unë e kam fuqinë për të ndihmuar që ta shpëtoj shpirtin tuaj.

Si Nëna e Shpëtimit, titulli im i fundit nga Qielli, më lejoni t’ju ndihmoj.

Ju duhet ta thoni Rruzaren time të Shenjtë çdo ditë për mbrojtje dhe Satani do t’ju lërë ju dhe të dashurit tuaj të qetë.

Kurrë mos e nënvlerësoni këtë lutje sepse fuqia e Satanit zvogëlohet sapo që ju ta thoni atë.

Fëmijë, fuqia e Hyjit iu jepet atyre që e thërrasin Birin tim, Jezusin, për t'iu dhënë forcën për të jetuar përgjatë këtyre kohëve. Ajo mund t’ju jepet vetëm po ta kërkoni atë.

Këtu është Lutja tjetër e Kryqëzatës që ju duhet ta recitoni për të kërkuar mbrojtje nga Satani.

Lutja e Kryqëzatës (68) Më mbro nga ndikimi i Satanit

O Nëna e Hyjit, Nëna e Shpëtimit, 
më mbulo me Mantelin tënd Më të Shenjtë 
dhe mbroje familjen time nga ndikimi i Satanit 
dhe i engjëjve të tij të rënë.

Më ndihmo të kem besim në Mëshirën Hyjnore të Birit tënd të dashur, Jezu Krishtit, në çdo kohë.

Më mbështet në dashurinë time për Të 
dhe kurrë mos më lejo të largohem nga e Vërteta e Mësimeve të Tij, pavarësisht se sa shumë tundime vendosen para meje. Amen.

Lutuni, lutuni, lutuni gjithmonë për mbrojtje kundër të ligut sepse ai shkakton lëndim, dëmtim dhe mjerim të tmerrshëm në jetët tuaja.

Nëse nuk i kërkoni, ju nuk mund t'i merrni këto hire.

Kini besim tek unë, Nëna juaj, gjatë gjithë kohës sepse roli im është që ta ndihmoj Birin tim për të shpëtuar shpirtrat e të gjithë fëmijëve të Hyjit.

Wednesday 8 August 2012

Ju do ta fitoni këtë betejë për shpirtrat dhe nuk do të zgjasë shumë përpara se Bota e Re, e pafund, të shfaqet

E Diel, 22 Korrik 2012, në 19:00

Bija Ime fort e dashur, shumë shpirtra të zgjedhur po durojnë një vuajtje të madhe në këtë kohë ndërsa zemrat e tyre ndërthuren me Timen për shkak të goditjes së mëkatit.

Ky bashkim vuajtjesh, që tani po përjetohet nga shumë vizionarë, profetë dhe shpirtra viktimë është për shpëtimin e shpirtrave të atyre që do të vdesin në mëkat mortor gjatë Paralajmërimit.

Është një vuajtje si asnjë tjetër dhe do të ndihmojë për ta mundur armikun gjatë Paralajmërimit.

Bija Ime ti duhet të vazhdosh t’i publikosh mesazhet e Mia edhe pse kjo është e dhimbshme për ty në këtë kohë.

Trazirat në botë do të rriten shpejt dhe jo vetëm që do të dalin luftëra por banka botërore do të përpiqet që të marrë kontrollin mbi shumë nga monedhat e botës.

Kaosi do të mbizotërojë dhe katastrofat ekologjike do të ngrihen kur Dora e Atit Tim të bjerë për ta ndëshkuar njerëzimin për dobësinë dhe skllavërinë e tyre ndaj mëkatit.

Ndjekësit e Mi, lutjet tuaja kanë larguar shumë fatkeqësi që do të kishin shkatërruar qytete dhe kombe.

Ju kurrë nuk duhet të hiqni dorë nga lutja. Këmbëngulja dhe besnikëria ndaj Meje, Jezusit tuaj, do ta lehtësojnë situatën.

Ju duhet të qëndroni të fortë gjatë kësaj periudhe konflikti, sepse shumë shpejt çdo gjë do të ndryshojë.

Pavarësisht nga ligësia e ushtrisë së Satanit, besimi në rritje i Ushtrisë Sime do të qëndrojë përpara tyre dhe do t'i ndalojë ata në përpjekjet e tyre për ta shkatërruar Kishën Time.

Kurrë mos u ndjeni të zhgënjyer me këtë punë madje dhe kur nganjëherë të duket e pashpresë. Mëshira Ime është e madhe. Dashuria Ime i mbulon të gjithë fëmijët e Hyjit.

Ju do ta fitoni këtë betejë për shpirtrat dhe nuk do të zgjasë shumë përpara se Bota e Re, e pafund, të shfaqet.

Kjo është e ardhmja juaj, e ardhmja e botës për të cilën ju duhet të përpiqeni. Ditët e Satanit janë pothuajse të mbaruara.

Gëzohuni sepse së shpejti vuajtja do të jetë harruar.