Sunday, 30 September 2012

Urrejtja është shkaku i gjithë ligësisë në botë dhe ajo merr shumë forma

E Diel, 26 Gusht 2012, në 18:30
Bija Ime fort e dashur, urrejtja është shkaku i gjithë ligësisë në botë dhe ajo merr shumë forma.
Armiqësia kundrejt një personi tjetër buron nga frika, frika se mos ky person mund t’ju lëndojë në ndonjë mënyrë.
Mosmarrëveshjet me një person tjetër mund të vijnë për shkak të mëkatit të krenarisë. Kjo ndodh kur ju e ndjeni se duhet ta provoni vlefshmërinë tuaj, me çdo kusht, madje edhe kur e keni gabim.
Xhelozia shumë shpejt kthehet në urrejtje edhe pse mund të jetë e butë si fillim.
Mospëlqimi i vetvetes fillon sepse ju e krahasoni jetën tuaj me të tjerët që ju e ndjeni se kanë pasur më shumë fat se ju.
Shumë shpejt ky mospëlqim zhvillohet në urrejtjen e vetvetes dhe të trupit. Kjo pastaj çon në mëkatet e mishit.
Urrejtja gjithashtu mund të zhvillohet për shkak të mëkatit të lakmimit të gjërave të të tjerëve.
Kjo mund të çojë në luftëra kur një shtet lakmon pasuritë e një shteti tjetër.
Ose ajo do të thotë se e lejoni lakminë që t’ua konsumojë shpirtin tuaj, kur ju kërkoni të njëjtat pasuri të botës si fqinji juaj.
Lakmia gjithashtu kthehet në një formë urrejtjeje sidomos kur, pavarësisht se sa shumë përpiqeni ta imitoni një tjetër, ju nuk arrini të përmbushni atë që keni vendosur të bëni.
Të gjitha mëkatet, nëse lejohen të përkeqësohen, mund t’ju çojnë drejt urrejtjes.
Kur ju ndjeni urrejtje, ju duhet ta dini se Satani ia ka arritur ta pushtojë shpirtin tuaj.
Kur kjo ndodh, ai do t'ju mbajë në një mbërthim të ngjashëm me vesin e keq dhe nuk do t'ju lërë të qetë.
Pavarësisht se sa shumë ju të përpiqeni për t'u çliruar nga mbërthimi i tij, ai do të kapet pas jush për jetën. Arma juaj e vetme është lutja. 
Lutuni, lutuni, lutuni kur urrejtja ju përfshin të tërin. Sepse derisa të largohet prej jush, ju kurrë nuk do të ndjeni paqe, dashuri apo gëzim, përsëri.
Kur urrejtja jua mbërthen zemrën dhe shpirtin, ju largoheni një hap më shumë nga Unë, Jezusi juaj.
Ju vuani tmerrësisht dhe ndjeni një zemërim dhe një gjendje pafuqie të cilën ju nuk mund ta kontrolloni.
Kurrë mos e besoni gënjeshtrën finale që Satani do ta mbjellë në shpirtin tuaj, kur ai të ketë hedhur një mantel urrejtjeje mbi ju.
Gënjeshtra është kjo: “Urrejtja juaj mund të zhduket vetëm kur të kërkoni hakmarrjen finale mbi shënjestrën e urrejtjes suaj.”
Çfarë të bëni kur urrejtja ju mbërthen? Fuqia e dashurisë mund ta zhdukë urrejtjen në çast.
Kur ju luteni dhe më kërkoni që t'ju ndihmoj, përgjigja Ime do të jetë kjo.
Falini kundërshtarët tuaj dhe ata që ju besoni se janë shkaku i urrejtjes tuaj.
Por për të falur, ju duhet ta përulni veten para Meje dhe të më kërkoni Mua që t’ju fal juve më parë.
Kur t’i keni falur ata që i urreni, ju më pas duhet të bëni shlyerje për mëkatin tuaj.
Tregoni dashuri ndaj kundërshtarëve tuaj. Luftojeni urrejtjen, sëmundjen e ligë dhe të rrezikshme të shpirtit, me dashurinë.
Dashuria është kura për t’jua pastruar shpirtin nga kjo sëmundje.
Kur ju të arrini që ta bëni këtë, ju do ta keni mundur Satanin dhe ai do t'ju lërë të qetë.
Kurrë mos kini frikë për ta luftuar urrejtjen në shpirtin tuaj edhe pse do ta ndjeni shumë të vështirë.
Nëse urrejtja do të mund të dobësohej në këtë mënyrë, përmes përulësisë së mëkatarit, paqja do të mbretëronte në botë.
Jezusi juaj

Saturday, 29 September 2012

Virgjëra Mari: Përqafojeni Dhuratën e Hirit të Imunitetit fëmijë. Vlerësojeni atë sepse është një Dhuratë e rrallë nga Qielli

E Shtunë, 25 Gusht 2012, në 12:00
Fëmija im, Qielli gëzon. Koret e Engjëjve po këndojnë me zërat në kupë të qiellit në lavdërim të Atin tim.
Mëshira e Tij e Lavdishme, e dërguar prej Tij, përmes Hirit të veçantë të Imunitetit, po festohet me dashuri dhe gëzim të madh nga të gjithë engjëjt dhe shenjtorët në Qiell.
Fëmijët e mi, akoma nuk e kuptojnë domethënien e kësaj Dhurate të madhe të Mëshirës prej Atit, Hyjit Më të Lartit.
Ju, fëmijët e mi, tani keni fuqinë që t'i shpëtoni të tjerët, shpirtrat e humbur.
Kjo do të thotë se fuqia e të ligut mund të mposhtet në një mënyrë, që nuk ka qenë e mundur deri tani.
Gënjeshtrat, mashtrimi dhe urrejtja që i ligu e mbjell në mendjet e fëmijëve të Hyjit, mund të bëhen të pavlefshme nëse lutjet e dhëna atyre që e duan Birin tim, paraqiten përpara Fronit të Atit tim.
Përqafojeni Dhuratën e Hirit të Imunitetit, fëmijë.
Vlerësojeni atë sepse është një Dhuratë e rrallë nga Qielli.
Ajo jua vërteton Dashurinë e Atit tuaj për secilin prej fëmijëve të Tij të dashur.
Ajo është një prej mrekullive të mëdha, e paraqitur tek të gjithë fëmijët e Hyjit në kohët e fundit.
Faleminderit që iu përgjigjët thirrjes sime.
Maria, Mbretëresha e Qiellit
Nëna e Shpëtimit

Virgjëra Mari: Kthimi në besim mund ta dobësojë ndikimin e antikrishtit

E Enjte, 23 Gusht 2012, në 12:40
Fëmija im, le ta dinë të gjithë fëmijët e Hyjit se sa më shumë kundërshtime të ketë ndaj Fjalës së Shenjtë të Birit tim, në këtë kohë, aq më të shumta do të jenë hiret e derdhura mbi dishepujt e Birit tim të Dashur.
Të gjitha profecitë e parathëna mund të dobësohen në shumë mënyra, nëse të gjithë fëmijët e Hyjit do ta pranonin hirin e kthimit në besim.
Kthimi në besim mund ta dobësojë ndikimin e antikrishtit. Lutjet tuaja ditore, duke përfshirë recitimin e Lutjeve të Kryqëzatës, do të ndihmojnë për ta sjellë këtë.
Për ata që e kundërshtojnë Misionin e Birit tim në tokë, unë kërkoj që ju të luteni për shpirtrat e tyre.
Kjo betejë për shpirtrat është intensive dhe ju duhet të ngriheni përmbi mundimet dhe fshikullimet për të më kërkuar mua që të lutem për shpirtrat e gjorë e të gënjyer, të cilët besojnë se flasin në Emër të Birit tim, por që në të kundërt, janë duke u mashtruar nga i ligu.
Biri im kurrë nuk do të heqë dorë nga kërkimi i Tij për shpirtra, sidomos për ata që e refuzojnë Atë, e tallin Fjalën e Tij të Shenjtë dhe që shpirtrat i kanë të nxirë nga mëkati.
Ju duhet të qëndroni të fortë, fëmijë, të gjithë ju dhe të mbeteni të vendosur në qëllimin tuaj për të bërë Vullnetin e Shenjtë të Birit tim.
Kjo nuk do të jetë e lehtë, por që të fitohet hyrja drejt Parajsës së Re nuk është e lehtë.
Ajo kërkon shumë durim, shumë lutje, shumë dashuri për njëri-tjetrin dhe aftësinë për t’i falur të gjithë ata që ju shkaktojnë hidhërim dhe që e njollosin Fjalën e Birit tim.
Faleminderit që ju përgjigjët thirrjes sime.
Nëna e Shpëtimit

Ashtu si ushtari që e shpoi Anën Time, qe konvertuar menjëherë, po kështu do të konvertohen miliona shpirtra

E Mërkurë, 22 Gusht 2012, në 20:10
Bija Ime fort e dashur, ti nuk duhet të ndjehesh e izoluar nga Unë për shkak të madhësisë së kësaj pune. 
Sepse megjithëse mund të duket sikur është e një madhësie të tillë, saqë ti ndjen se nuk do të jesh në gjendje ta përballosh, dije se Unë kërkoj prej teje atë që ti je e aftë të bësh.
Gëzohu që Fjala Ime po kërkohet në gjithë botën sepse kjo është dëshira e Zemrës Sime.
Unë dëshiroj që të gjithë dishepujt e Mi t'i përgjigjen menjëherë Thirrjes Sime, sepse Unë kam nevojë që ata të më ndihmojnë në Misionin Tim për të shpëtuar njerëzimin.
Ky është vetëm fillimi i një konvertimi të shpejtë, kur Gjaku dhe Uji do të derdhen mbi çdo shpirt njerëzor.
Gjaku dhe Uji Im do t’i konvertojnë madje edhe shpirtrat e nxirë. Ashtu si ushtari që e shpoi Anën Time, qe konvertuar menjëherë, po kështu do të konvertohen miliona shpirtra që, në këtë kohë, nuk e besojnë se Unë ekzistoj.
A nuk ju kam thënë se Mëshira Ime është e pafund?
A nuk kam premtuar se mrekulli, të lejuara prej Atit Tim, do të ndodhin për ta bashkuar botën dhe të gjithë shpirtrat për në trashëgiminë e tyre legjitime?
Kaq shumë njerëz po i përgjigjen tani Thirrjes Sime. Lutjet e tyre në veçanti do të shumëfishohen dhe miliona më shumë do të shpëtohen. Të gjithë shpirtrat duhet të përfshihen në përpjekjet tuaja për ta shpëtuar të gjithë njerëzimin.
Synimi juaj, dishepujt e Mi të dashur, duhet të jetë që të mos lejoni as edhe një shpirt të vetëm të rrëshqasë nga rrjeta. Kjo rrjetë do të hidhet jashtë dhe të zhytet ndër ujëra për të kapur shpirtrat dhe për t'i shpëtuar ata. Ju dishepujt e Mi jeni peshkatarët. Unë ju jap rrjetën përmes hireve që Unë tani i dërgoj mbi ju.
Ju do të më ndihmoni Mua që të shpëtoj çdo shpirt të gjallë dhe as edhe një përpjekje nuk do të lihet pa u bërë – as edhe një gur nuk do mbetet pa u kthyer – ndërsa Unë përpiqem ta shpëtoj njerëzimin edhe një herë.
Prandaj, në vend që të strukeni nga frika, të merakosur për përgjegjësinë e madhe ndaj Thirrjes Sime, bija Ime, ju duhet të gëzoheni. Sepse më në fund Vullneti Im i Shenjtë është duke u përmbushur. Megjithatë ne akoma kemi një udhë të gjatë për të bërë.
Jezusi juaj

Friday, 28 September 2012

Virgjëra Mari: Kur unë prisja me apostujt në Dhomën e Darkës së Fundit për zbritjen e Shpirtit të Shenjtë, u deshën 10 ditë përgatitje

E Mërkurë, 22 Gusht 2012, në 09:18
Fëmija im, vetmia në të cilën fëmijët e mi e gjejnë veten në botën sot, është sepse ata nuk e dinë se si mund t'iu jepet Dhurata e Shpirtit të Shenjtë.
Ashtu siç të kam mësuar ty, duhet një kohë e gjatë për ta marrë Dhuratën.
Ajo konsiston në një udhëtim shumë të vështirë, përpara se ndonjëri prej fëmijëve të Hyjit të mund të bëhet i denjë për ta marrë këtë Dhuratë të veçantë.
Kur unë prisja me apostujt në Dhomën e Darkës së Fundit për zbritjen e Shpirtit të Shenjtë, u deshën 10 ditë përgatitje.
Megjithëse atyre shërbëtorëve të shenjtë, të përkushtuar dhe besnikë të Birit tim të dashur iu ishte premtuar Dhurata, ata nuk ishin plotësisht të përgatitur shpirtërisht për t’iu dhënë Dhurata.
Unë, Nëna e tyre e dashur, duhej t’i ndihmoja që t’i përgatisnin shpirtrat e tyre.
Kjo do të thoshte t’iu mësoja atyre rëndësinë e dorëzimit të plotë të vullnetit të tyre të lirë. Për t’u bërë të denjë, ata duhej ta kuptonin thellësinë e përulësisë, në të cilën ata duhej të binin, përpara se të ishin gati.
Disa prej tyre kujtonin se ata kishin mësuar çdo gjë nga Biri Im.
Megjithatë, kjo ishte një shenjë krenarie dhe kur krenaria gjendet brenda jush, ju nuk mund të merrni Dhuratën e Shenjtë të Shpirti të Shenjtë.
Për ta marrë Dhuratën e Shpirtit të Shenjtë ju duhet të bëheni të vegjël para Birit tim, si një fëmijë i vogël.
Nuk mund të ketë vend për krenari apo arrogancë. Prapë, njerëzit sot që pohojnë se flasim me autoritet rreth mënyrës me të cilën flet Biri im, bien në një kurth.
Ata, kur pohojnë se kanë njohuri mbi çështjet shpirtërore, flasin me një arrogancë që nuk i reflekton hiret që iu jepen atyre, që me të vërtetë e zotërojnë këtë Dhuratë të madhe nga Qielli.
Ata që janë të pajisur me Dhuratën e Shpirtit të Shenjtë iu nënshtrohen dëshirave të Birit tim.
Ata nuk janë mburravecë.
Ata nuk janë agresivë.
Ata nuk e kritikojnë tjetrin duke përdorur Emrin e Birit tim për ta bërë këtë.
Ata nuk i tallin të tjerët, kur shpallin interpretimin e tyre të Fjalës së Tij të Shenjtë.
Ata nuk predikojnë urrejtje.
Kur dishepujt e Birit tim qenë përgatitur prej meje, ndodhën shumë debate.
U deshën disa kohë përpara se ata më në fund ta pranonin atë çfarë pritej prej tyre.
Vetëm më pas, kur e kuptuan se si vetëm përulësia e shpirtit mund ta lejojë Shpirtin e Shenjtë të hyjë, ata qenë përgatitur përfundimisht.
Unë iu bëj thirrje të gjithë fëmijëve të Hyjit, veçanërisht atyre të cilët besojnë në Birin tim, që të më kërkojnë mua, Nënën e tyre, për të më lejuar mua që t'i përgatis ata për këtë Dhuratë të madhe.
Fëmija im, m’u desh një vit i plotë për të të përgatitur dhe kjo nuk ishte fare një punë e lehtë. A të kujtohet se sa vështirë e kishe për ta thënë Rruzaren time të Shenjtë? Sa vështirë e kishe që ta dorëzoje vullnetin tënd dhe ta vërtetoje përulësinë tënde?
Tani që ti e ke marrë Dhuratën, kjo nuk do të thotë se mund ta konsiderosh si të garantuar.
Ti duhet të vazhdosh që të lutesh, të mbetesh e përulët në zemër dhe të kërkosh shpengim çdo ditë. Sepse ashtu siç ai jepet, po ashtu edhe mund të merret.
Unë iu kërkoj të gjithë atyre që i ndjekin këto Mesazhe për t’u lutur për Dhuratën e Shpirtit të Shenjtë.
Nuk është e mjaftueshme që të luteni vetëm një herë dhe të thoni se e keni marrë dijen që kërkuat dhe pastaj të hidhni baltë mbi këto Mesazhe Hyjnore. Nëse ju e bëni këtë, atëherë nuk ju është dhënë Dhurata. 
Ju lutem më thërrisni mua, Nënën tuaj të Bekuar, që t'ju ndihmoj të përgatiteni përmes kësaj Lutjeje të Kryqëzatës.
Lutja e Kryqëzatës (74) për Dhuratën e Dijes
O Nëna e Hyjit, më ndihmo ta përgatis shpirtin tim për Dhuratën e Shpirtit të Shenjtë.
Më merr si një fëmijë, për dore, dhe më drejto në udhën drejt Dhuratës së Dijes, përmes Fuqisë së Shpirtit të Shenjtë.
Hape zemrën time dhe më mëso të dorëzohem në trup, mendje dhe shpirt.
Më çliro nga mëkati i krenarisë dhe lutu që të më falen të gjitha mëkatet e mia të shkuara, që shpirti të më pastrohet dhe që të bëhem i plotë, për të marrë Dhuratën e Shpirtit të Shenjtë.
Unë të falënderoj ty, Nëna e Shpëtimit, për ndërhyrjen tënde dhe e pres me dashuri në zemër këtë Dhuratë, të cilën e dëshiroj me gëzim.
Amen.
Kujtoni fëmijë, ejani tek unë, Nëna juaj, për t'ju ndihmuar që ta hapni shpirtin tuaj për ta marrë këtë Dhuratë të mrekullueshme.
Kur ta merrni këtë Dhuratë, unë do t'ju shpie para Birit tim.
Sepse vetëm atëherë ju do të jeni me të vërtetë gati për hapin pasardhës në shkallën drejt përsosmërisë shpirtërore.
Nëna e Shpëtimit

Thursday, 27 September 2012

Hyji Atë: Vetëm kur Unë të jem i kënaqur, Unë do të dhuroj mrekullitë më spektakulare që bota t’i dëshmojë

E Martë, 21 Gusht 2012, në 18:00
Bija Ime më e dashur, asnjë njeri të mos e nënvlerësojë  Forcën e Zemërimit Tim ndërsa njerëzimi zhytet më tej në thellësitë e mëkatit.
Unë ju kam dërguar profetët. Pastaj Unë dërgova Birin Tim të Dashur, të cilin e sakrifikova për t’ju shpëtuar dhe më pas Unë dërgova më shumë lajmëtarë, por gjithçka vlejti pak. 
Madje fare pak shpirtra i panë të tilla mesazhe nga profetët apo i pranuan shenjat e dhëna botës prej Nënës së Bekuar të Birit Tim të Dashur.
Për shkak të dashurisë Sime të madhe për ju, si një Atë, Unë po ua jap të gjithë fëmijëve të Mi Dhuratën e Shpëtimit akoma edhe një herë. Ju nuk duhet t'i shpërfillni profetët e Mi, sepse kjo mund t'ju bëjë të humbisni vendin tuaj në trashëgiminë, të cilën Unë e kam planifikuar për ju. 
Fëmijë shumë prej jush që besojnë në Mua, Atin tuaj të Përjetshëm, nuk arrijnë ta kuptojnë sekretin e shpëtimit.
Kjo udhë drejt përsosmërisë shpirtërore qëndron në aftësinë tuaj për ta pranuar pastrimin e nevojshëm për të siguruar që ju të jeni të aftë për të qëndruar para Meje.
Shumë shpirtra duhet të zhvishen nga të gjitha tërheqjet e botës, shpërqendrimet dhe korruptimi i shpirtit.
Për ata prej jush që keni fatin që e keni duruar një pastrim të tillë, ju do ta dini se pa u bërë si një foshnje, të vegjël në Sytë e Mi, ju nuk do të jeni në gjendje për t'iu dorëzuar Vullnetit Tim të Shenjtë.
Luftojeni një pastrim të tillë dhe ju do ta keni të vështirë që të shpengoheni në Sytë e Mi.
Kur ju të jeni të lirë nga gjithçka që bota ka për t’ju ofruar dhe të përqendroheni tek Biri Im, ju do ta kuptoni se e vetmja dashuri dhe gëzim i vërtetë që ekzistojnë vijnë nga Hyji. Kur ta keni përjetuar një herë këtë, asgjë tjetër nuk do mund t'ju kënaqë përsëri.
Ju mund të rrëshqisni herë pas here por kjo është për t’u pritur. Sepse ju nuk mund të çliroheni nga mëkati, deri kur Bota e Re të fillojë dhe ju ta bashkoni vullnetin tuaj me Timin.
Plani Im i Shpëtimit, i cili mund të arrihet në tokë vetëm me anë të besnikërisë suaj ndaj Birit Tim të Çmuar, tashmë ka filluar. Nuk do të duhet shumë kohë për konvertimin global. Ky do të arrihet përmes profetit Tim të kohës së mbarimit dhe si rezultat i Paralajmërimit të Madh.
Ndjeni Shpirtin Tim të Shenjtë, fëmijë, duke ua pushtuar shpirtin tuaj, ndërsa ai përhapet shumë shpejt nëpër tokë.
Unë i nxjerr fëmijët e Mi nga errësira e tyre shpirtërore në çdo anë të botës.
Unë kam nevojë për sakrificën dhe lutjet tuaja për të ndihmuar në shpëtimin e shpirtrave.
Vetëm kur Unë të jem i kënaqur, Unë do të dhuroj mrekullitë më spektakulare që bota t'i dëshmojë.
Kur këto mrekulli të paraqiten, ato do ta shumëfishojnë konvertimin që më duhet për t'i shpënë fëmijët e Mi drejt shpëtimit dhe brenda Parajsës së Re.
Vetëm atëherë ne mund të bëhemi një familje e vërtetë përsëri.
Unë ju dua fëmijë.
Unë jam i kënaqur me ata prej jush, me zemër bujare dhe me shpirt të pastër që e dallojnë këtë Thirrje Hyjnore nga Qielli.
Unë ju bekoj të gjithëve.
Hyji Më i Larti

Wednesday, 26 September 2012

Jesusi: “Ata do të thonë se Unë isha i martuar. Ata do të thonë se Unë isha thjesht një profet.”

E Enjte, 20 Shtator 2012, ora 15:16

Unë jam Partneri yt Shpirtëror dhe prandaj ti do të vazhdosh të vuash për të shpëtuar shpirtrat.

Bija Ime e dashur, ka ardhur koha që gënjeshtrat rreth Meje të përhapen në gjithë botën.

Ashtu si të kam thënë më parë, ata do të shpikin gënjeshtra dhe do të krijojnë mashtrime për Mua, Jesu Krishtin, që të mund të mohojnë Hyjninë Time.

Hyjnia Ime është e plotfuqishme.

Unë erdha në trup dhe e përula Veten në një mënyrë që njerëzit nuk e prisnin.

Unë nuk erdha i veshur si mbret.

Unë nuk bërtisja apo të mburresha si një mbret që të tjerët të binin në gjunjë para Këmbëve të Mia.

Unë nuk i urdhëroja të tjerët të më prisnin Mua.
Në të kundërt, Unë erdha të shërbej.

Unë erdha të lutem për shpëtimin tuaj. Për ta bërë këtë, Unë duhej ta përulja veten duke u bërë njeri, një njeri i varfër, me origjinë të përulët.

Kur Unë erdha si njeri, kjo  nuk do të thotë se Hyjnia Ime u hoq. Unë linda pa mëkat. Ishte e pamundur për Mua të kryeja mëkat. Unë mund të kisha të njëjtat dëshira të trupit si një njeri, por Unë kurrë nuk bëra mëkat sepse ishte e pamundur. Unë isha i pastër në mëndje, trup dhe shpirt.

Unë isha si njerëzit në shumë mënyra. Por Unë u ngjalla së vdekuri.

Gënjeshtrat që do të dalin, ku ata do të mohojnë të Vërtetën e egzistencës Sime përmes një varg të pavërtetash, do të fillojnë të përmbushin tokën.

Ata do të thonë se Trupi Im akoma mund të gjendet. Ata do të thonë se Unë isha I martuar. Ata do të thonë se Unë isha thjesht një profet.

Pastaj ata do të provojnë të vërtetojnë edhe një herë se Unë isha një heretic. Që Unë blasfemova kundër Zotit. Ata do të tallin Fjalët e Mia që po i jepen tani botës dhe do të më shpërfillin Mua.

Ata e bëjnë këtë për dy arsye. E para është që të njollosin Hyjninë Time dhe të më prezantojnë thjesht si një njeri. E dyta është që të hedhin dyshime mbi Rolin Tim si Mesia.

Sa e fyejnë ata Emrin Tim.
Sa I ngatërrojnë ata ndjekësit e Mi.

Mos i dëgjoni gënjeshtrat.
Mos dëgjoni kur ata përpiqen t'ju bindin se Zoti nuk e krijoi universin.

Sepse të gjitha këto devijime janë krijuar për të dobësuar besimin tuaj dhe për të vjedhur shpirtrat tuaj.

Bllokojini veshët kundër ligësive të tilla. Mbyllini sytë ndaj të pavërtetave pasi çdo përpjekje po bëhet për t'ju bindur se Unë nuk isha Mesia, Shpëtimtari dhe Shëlbyesi I njerëzimit.

Sa të verbër janë ata.
Sa pak kanë mësuar.

Jesusi Juaj

Mesazhi origjinal ne anglisht:
http://www.thewarningsecondcoming.com/they-will-say-that-i-was-married-they-will-say-that-i-was-simply-a-prophet/

Libri i Jetës i parathënë më parë përmban emrat e të gjithë atyre që do të shpëtohen

E Hënë, 20 Gusht 2012, në 15:45
Bija Ime fort e dashur, Libri i Jetës i parathënë më parë përmban emrat e të gjithë atyre që do të shpëtohen.
Megjithatë, për shkak të Mëshirës Sime të Madhe, më shumë shpirtra do të shpëtohen si pasojë e Paralajmërimit.
Akoma edhe më shumë shpirtra mund të shpëtohen gjithashtu për arsye të vuajtjeve tuaja dhe të atyre të gjithë shpirtrave të zgjedhur që janë gjallë në botë sot.
Lutjet e ndjekësve të Mi, duke përfshirë recitimin e Lutjeve të Mia të Kryqëzatës për të shpëtuar shpirtrat, do të jenë një mjet i fuqishëm për të shpëtuar edhe më të ngurtin prej shpirtrave.
Shpirtrat që do ta refuzojnë Mëshirën Time tani, mund të shpëtohen për shkak të ndërmjetësimit bujar të atyre mes jush që ofrojnë sakrifica, përfshirë lutje, agjërim dhe pranim të vuajtjes, në Emrin Tim të Shenjtë.
Ky është premtimi Im, e tillë është Mëshira Ime e Madhe.
Unë sjell shumë dhurata në këtë kohë për shkak të dashurisë suaj për Mua.
Pranojini ato me dashuri dhe falënderim.
Unë ju bekoj. Premtimi Im për t’ju dhënë më shumë Dhurata, për shkak të përgjigjes suaj ndaj këtij misioni, dishepujt e Mi të dashur, mundet dhe do të përmbushet tani për shkak të besnikërisë suaj ndaj Meje.
Jezusi juaj i dashur

Tuesday, 25 September 2012

Unë jam si një stuhi që po përgatitet. Zëri Im është si bubullima në largësi

E Hënë, 20 Gusht 2012, në 03:30
Bija Ime fort e dashur, ti kurrë nuk duhet të harrosh, nëpër agoninë që ti duron në Emrin Tim, se Fuqia e Hyjit nuk mund të kapërcehet.
Unë jam si një stuhi që po përgatitet. Zëri Im është si bubullima në largësi.
Ndërsa Fjala Ime e Shenjtë do ta mbulojë tani tokën, si një mbulesë, një zë gjëmues do të dëgjohet në largësi.
Ndërsa Fjala e Ime përhapet nga personi në person, stuhia do të fillojë që të bëhet më e fortë dhe gjëmimi i bubullimës do të shtohet.
Së shpejti bubullima do të ushtojë dhe fare pak vetë nuk do arrijnë ta dëgjojnë Zërin e Hyjit.
Ndërsa stuhia të rritet në forcë, shumë shpirtra që përpiqen t’i ulin qepenat, nuk do të jenë në gjendje ta ndalojnë stuhinë e Zërit Tim apo forcën e Mëshirës Sime që t’ua prekë shpirtrat.
Koha ka filluar që ndërhyrja nga Qielli të zbrazet mbi një botë pagane plot me errësirë.
Drita Ime do t’i ngrejë madje edhe zemrat më të ngurta kur e Vërteta të fillojë të hyjë.
Të gjithë fëmijëve të Hyjit që po e lexojnë këtë mesazh, ju lutem ta kujtoni Premtimin Tim për ju tani.
Unë po e bëj veten të njohur për ju në këto mesazhe përmes Fjalës Sime të Shenjtë.
Shpirti Im do t’i pushtojë shpirtrat tuaj gjatë Paralajmërimit.
Pastaj Unë, Jezusi juaj, do të zbres nga retë në Ardhjen e Dytë.
Pastaj Unë do të ngre Jerusalemin e Ri që paqja, më në fund, të mund të arrihet në Epokën e Re, Botën e Re pa mbarim.
Fuqia Ime është e gjithëpushtetshme.
Satani mund të ketë disa fuqi por ato nuk janë asgjë. Fuqia e tij mund të jetë e frikshme por ai struket me tmerr përpara Meje.
Ju nuk duhet t'i jepni atij më shumë fuqi duke u dorëzuar në tundimet e tij. As edhe nuk duhet të lejoni që frika ndaj tij t’jua bllokojë dashurinë tuaj për Mua.
Kur ju i frikësoheni Satanit, ju e ushqeni fuqinë e tij dhe ai mund t’i kontrollojë ndjenjat tuaja.
Vetëm lutja, dhe shumë prej saj, mund ta dobësojë fuqinë e tij dhe mbërthimin e tij përmbi ju.
Tani që Fjala Ime është në botim, Satani do ta ngrejë ushtrinë e tij për t'u përgatitur për një betejë të tmerrshme.
Të gjithë ju, ndjekësit e Mi, duhet ta dorëzoni vullnetin dhe besimin tuaj tek Unë plotësisht ndërsa Unë ju udhëheq përmes kësaj beteje të përgjakshme.
Mos u gënjeni, Satani dhe djajtë e tij, janë të tërbuar për shkak të këtij plani, Plani final i Shpëtimit.
Ai do të shkaktojë rrëmujë me këtë punë.
Ai do të krijojë debate, do të hedhë fjalë fyese mbi këtë punë dhe do të bëjë çdo gjë që të mundet për të ndaluar që Librin Im i së Vërtetës – Mesazhet e Mia të Shenjta, të shpërndahen.
Ju mund të prisni gjithashtu edhe mos-aprovim nga elementë brenda Kishës Sime në tokë si dhe një debat të ndezur midis të Krishterëve mbi autenticitetin e Fjalës Sime të Shenjtë.
Kur stuhia përpara të fitojë shpejtësi, ndërsa Fjala Ime të shumëfishohet në çdo gjuhë, tingulli i Zërit Tim do të bëhet shurdhues.
Fuqia e Hyjit kurrë nuk duhet të nënvlerësohet sepse Unë jam Mbreti i Njerëzimit.
Tani Unë vij, në emër të Atit Tim të Përjetshëm, për t’i mbledhur të gjithë fëmijët e Tij në betejën përfundimtare, kur Unë do ta dëboj Satanin në liqenin e zjarrit.
Do të jetë një betejë e tmerrshme dhe shumë shpirtra do të më refuzojnë Mua.
Pavarësisht se sa shumë Unë do të përpiqem, dhe pavarësisht nga Fuqia Ime, do të jetë përmes vullnetit të tyre të lirë që ata do të zgjedhin të ligun.
Besoni tek Unë dhe më lejoni Mua tani t'jua pastroj shpirtrat që të jeni të denjë për Parajsën Time të Re në tokë.
Bashkojini krahët, ndjekësit e Mi, së bashku për të mbrojtur Fjalën Time të Shenjtë që edhe ata që nuk më njohin Mua të mund të vijnë tek Unë.
Unë ju dua.
Unë ju bekoj të gjithëve.
Shpëtimtari juaj i dashur
Jezu Krishti

Monday, 24 September 2012

Kjo periudhë i ngjason qetësisë përpara stuhisë. Përdoreni atë për të përgatitur sa më shumë njerëz të jetë e mundur

E Diel, 19 Gusht 2012, në 22:56
Bija Ime fort e dashur, kur ti vuan për shkakun Tim, dhe kur ndjehesh e izoluar dhe larg Meje, dije se kjo ndodh kur ti je më pranë Zemrës Sime të Shenjtë.
Edhe pse ky, Libri Im i së Vërtetës, është një Dhuratë për botën nga Unë dhe është i mbrojtur nga Qielli, kjo nuk do të thotë se ky udhëtim do të jetë pa dhimbje për ty.
Ti do të përjetosh një kritikë dhe një lloj të ri sulmi tani që Fjala Ime e Shenjtë po shtypet për t’ju dhënë botës.
Ti kurrë nuk duhet t’iu përgjigjesh atyre që të urdhërojnë të shpjegosh se përse ky libër ishte i nevojshëm. Qëndro në heshtje dhe vazhdo me Punën Time.
Mos lejo që asnjëri ta ndalojë apo ta vonojë shpërndarjen e Librit Tim, sepse çdo ditë llogaritet, pasi ka një kohë të kufizuar në të cilën shpirtrave të mund t’iu sigurohet koha për ta shpenguar veten në Sytë e Mi.
Më lejo të siguroj ty, bija Ime, dhe të gjithë ndjekësit e Mi, se ju jeni tani duke u nisur në një udhëtim, një pelegrinazh, si asnjë tjetër.
Kjo kohë është e ngjashme me qetësinë përpara stuhisë.
Përdoreni atë për të përgatitur sa më shumë njerëz të jetë e mundur. Shpërndajini mesazhet e Mia, Lutjet e Mia të Kryqëzatës, dhe lutuni për vëllezërit dhe motrat tuaja, që pas Paralajmërimit ata të pranojnë Mëshirën Time.
Mblidheni së bashku Kishën Time dhe lutuni për forcë pasi Profeti i Rremë po përgatitet dhe është tashmë i pranishëm në Vatikan. Por ai e fsheh fytyrën e tij të vërtetë me shumë kujdes. Zëdhënësi Im i dashur është duke u izoluar dhe koha është e shkurtër.
Unë dëshiroj që të gjithë ju të filloni një Litani të re Lutjesh për mbrojtje kundër Profetit të Rremë dhe t’i recitoni ato një herë në ditë prej tani e tutje.
Lutjet e Kryqëzatës mund të seleksionohen në grupe të ndryshme dhe të recitohen ashtu si të mundeni.
Këtu është Lutja Litani (1) e ‘Jezusit për Njerëzimin’: Mbrojtje kundër Profetit të Rremë.
Më i dashuri Jezus, na shpëto nga mashtrimi i profetit të rremë.
Jezus, ki Mëshirë për ne. Jezus, na shpëto nga persekutimi.
Jezus, na ruaj nga antikrishti. Zot, ki Mëshirë. Krisht, ki Mëshirë.
Më i dashuri Jezus, na mbulo me Gjakun Tënd të Çmuar. Më i dashuri Jezus, hapi sytë tanë ndaj gënjeshtrave të profetit të rremë.
Më i dashuri Jezus, bashkoje Kishën Tënde. Jezus, mbroji Sakramentet tona.
Jezus mos e lejo profetin e rremë ta përçajë Kishën Tënde.
Më i dashuri Jezus, na ndihmo të refuzojmë gënjeshtrat e paraqitura tek ne si e Vërteta.
Jezus, na jep forcë. Jezus, na jep shpresë.
Jezus, vërshoi shpirtrat tanë me Shpirtin e Shenjtë. Jezus, na mbro nga bisha.
Jezus, na jep Dhuratën e Dijes që ne të mund të ndjekim udhën e Kishës Tënde të Vërtetë në çdo kohë, në shekuj të shekujve.
Amen.
Bija Ime, të lutem mos u ndje e rënduar me këtë Mision, sepse Unë do të dërgoj ndihmë së shpejti. Ti duhet të pranosh gjithçka që Unë të kërkoj dhe të mbetesh e fortë me bindjen se gjithçka është në rregull.
Konvertimi tashmë po ndodh përmes këtyre mesazheve dhe ka arritur tashmë në qindra-mijëra shpirtra. Prandaj mos u ndje e pa shpresë apo e shqetësuar. Unë jam i kënaqur me besnikërinë dhe përkushtimin e atyre që më duan Mua pa kushte.
Unë po të dërgoj ata që janë të Mitë me zemra të pastra për të ofruar ty mbrojtje.
Ata do të të ngritin dhe do të të ndihmojnë që t’i udhëheqësh ndjekësit e Mi në të gjithë udhëtimin drejt Portave të Parajsës së Re.
Unë ju dua ndjekësit e Mi të dashur. Ngulmoni me Mua në këtë udhë me gjemba. Pranojeni talljen që do t’ju duhet të ndeshni ndërsa vazhdoni të përhapni Fjalën Time të Shenjtë.
Dijeni se Unë jam gjithmonë me secilin prej jush. Unë i njoh të Mitë dhe ata më njohin Mua. Asgjë nuk mund të na ndajë.
Jezusi juaj

Sunday, 23 September 2012

Këtu është Lutja Litani (1) e ‘Jezusit për Njerëzimin’: Mbrojtje kundër Profetit të Rremë

E Diel, 19 Gusht 2012, në 22:56

Më i dashuri Jezus, na shpëto nga mashtrimi i profetit të rremë.
Jezus, ki Mëshirë për ne. Jezus, na shpëto nga persekutimi.
Jezus, na ruaj nga antikrishti. Zot, ki Mëshirë. Krisht, ki Mëshirë.
Më i dashuri Jezus, na mbulo me Gjakun Tënd të Çmuar. Më i dashuri Jezus, hapi sytë tanë ndaj gënjeshtrave të profetit të rremë.
Më i dashuri Jezus, bashkoje Kishën Tënde. Jezus, mbroji Sakramentet tona.
Jezus mos e lejo profetin e rremë ta përçajë Kishën Tënde.
Më i dashuri Jezus, na ndihmo të refuzojmë gënjeshtrat e paraqitura tek ne si e Vërteta.
Jezus, na jep forcë. Jezus, na jep shpresë.
Jezus, vërshoi shpirtrat tanë me Shpirtin e Shenjtë. Jezus, na mbro nga bisha.
Jezus, na jep Dhuratën e Dijes që ne të mund të ndjekim udhën e Kishës Tënde të Vërtetë në çdo kohë, në shekuj të shekujve.
Amen.

Paganizmi është jashtë kontrollit dhe po inkurajohet një magjepsje për okultizmin

E Enjte, 16 Gusht 2012, në 03:15
Bija Ime fort e dashur, Unë i dua të gjithë fëmijët e Hyjit por, në këtë kohë, niveli i errësirës që e ka përfshirë botën është i tillë sa Unë lotoj me shqetësim për shkak të gjendjes së shpirtrave të tyre.
Kaq pak vetë e kuptojnë të Vërtetën e jetës së tyre të ardhme që i pret ata në Epokën e Re të Paqes, në botën që do të vijë. Botën pa mbarim.
Sikur vetëm ata ta shikonin atë, ta preknin atë, ta shijonin atë dhe të dëshmonin dashurinë dhe paqen që shtrihet përpara, ata do të më luteshin Mua çdo sekondë të ditës duke më kërkuar Mua të drejtën për të hyrë në këtë Botë të Re, në Epokën e Re, Fillimin e Ri.
Ajo është gjendja e përkryer e bashkimit për familjet e tyre dhe të gjithë vëllezërit dhe motrat e tyre. Nuk është një premtim bosh. Është Parajsa e krijuar për të gjithë fëmijët e Hyjit.
Engjëjt e rënë, që e kanë përfshirë botën, po kërkojnë shpirtra ngado për t'i joshur.
Ata përdorin dhunën, urrejtjen dhe tundime të tjera për ta inkurajuar mëkatin e shumë përhapur që është i dukshëm ngado.
Pornografia tani po përhapet në mënyrat më djallëzore për të joshur dhe inkurajuar mëkatin.
Ligje po aprovohen për të siguruar që mëkati të jetë i pranuar kudo.
Madje dhe Kisha Ime po mbështet ligje, të cilat e fyejnë Hyjin.
Kjo do të vazhdojë kështu derisa njerëzimi të sillet si kafshë që nuk e kanë fare kuptimin e mirësisë.
Paganizmi është jashtë kontrolli dhe po inkurajohet një magjepsje për okultizmin, me qëllim që përmes botës së argëtimit të mund t’i tërheqë të rinjtë.
Zgjohuni tani përpara se të jetë tepër vonë për të shpëtuar shpirtrat tuaj.
Prindërit duhet të ngrihen në unison në përputhje me dëshirën e Zemrës Sime për t'i mbrojtur të rinjtë, shpirtrat e të cilëve janë shënjestra numër një e të ligut.
Ai e di se sa të çmuar janë shpirtrat e rinj për Mua dhe ai do t'i kërkojë ata pa pushim.
Unë ju kërkoj që të thoni këtë Lutje të Kryqëzatës (73) për shpirtrat e Rinj, Fëmijët e Rinj.
O Jezus, më ndihmo të shpëtoj shpirtrat e të rinjve në mbarë botën. Përmes Hirit Tënd ndihmoji ata të shohin të Vërtetën e Ekzistencës Tënde.
Silli ata pranë Zemrës Tënde të Shenjtë dhe hapi sytë e tyre ndaj Dashurisë dhe Mëshirës Tënde.
Shpëtoji ata nga flakët e Ferrit dhe përmes lutjeve të mia ki Mëshirë për shpirtrat e tyre.
Amen.
Jezusi juaj

Friday, 21 September 2012

Ky është Libri Im. Fjala Ime. Premtimi Im

E Mërkurë, 15 Gusht 2012, në 01:00
Bija Ime fort e dashur, Unë flas me ty për këtë, ditën më të rëndësishme, ditën që Unë e zgjodha për t'ia paraqitur botës Librin Tim.
Kjo është dita e Ngritjes në Qiell të Nënës Sime të Dashur, Mbretëreshës së Qiellit, Mbretëreshës së Tokës, Nënës së Shpëtimit.
Nuk është rastësi që Libri i së Vërtetës po bëhet i vlefshëm në këtë datë, sepse Nëna Ime është Nëna e Shpëtimit. Libri është për të ndihmuar që të shpëtojë shpirtrat e tërë njerëzimit.
Nëna Ime luan një rol të rëndësishëm në shpëtimin e shpirtrave.
Ajo është Bashkë-Shpenguese, Ndërmjetëse e Hireve dhe Përkrahëse. Kjo do të thotë se Nëna Ime e Bekuar ka qenë zgjedhur prej Hyjit për të më ndihmuar Mua, Birin e saj, në planin final të shpëtimit.
Roli i saj në këtë periudhë kohe të rëndësishme nuk është kuptuar.
Ajo lindi Shpëtimtarin e Njerëzimit dhe solli në botë Dhuratën e Shpëtimit duke pranuar që të bëhej Nëna Ime.
Ajo është Nëna e gjithë fëmijëve të Hyjit tani dhe asaj i është dhënë fuqia për ta shtypur Satanin, ndërsa Unë përgatitem për ta shpëtuar racën njerëzore nga plani i tij i lig për t’i mashtruar fëmijët e Hyjit.
Libri i së Vërtetës nuk është thjesht një libër. Ai është Fjala Ime e Shenjtë, pjesa e parë e shumë zbulesave, për ta konvertuar botën.
Edhe pse mund të jetë dukur shumë i vështirë për t’u krijuar, me kaq shumë pengesa të vëna para teje, bija Ime, kjo punë, të siguroj, është e mbrojtur nga Qielli.
Ky është Libri Im. Fjala Ime. Premtimi Im.
Kur Unë thashë se do të vija përsëri, e kisha me plot kuptim që Unë do të vija përsëri.
Kur erdha në botë herën e parë, Hyji Ati Im i Përjetshëm i përgatiti fëmijët e Tij, më përpara, me anë të profetëve.
Shumë dëgjuan. Shumë nuk dëgjuan.
Prapë se prapë, bota ia arriti, më pas, që ta kuptonte të Vërtetën. Ata e njohën dhe e morën vesh kuptimin e Vuajtjes Sime në Kryq dhe lirinë që ajo i dha botës për të marrë Dhuratën e shpëtimit të përjetshëm.
E njëjta gjë po ndodh tani. Bota po përgatitet për Ardhjen Time të Dytë. Tani.
Fjala e Shenjtë e Hyjit po i jepet njerëzimit, përmes këtyre Mesazheve, si një Dhuratë shumë e madhe.
Shumë do të dëgjojnë. Shumë nuk do të dëgjojnë.
Një gjë është e qartë. Fare pak vetë nuk do të dinë gjë rreth saj.
Ata, ose do ta pranojnë Fjalën Time ashtu siç po iu jepet atyre tani, ose nuk do ta pranojnë.
Unë e kam përmbushur premtimin e Atit Tim.
Ati Im i premtoi botës se atyre do t'iu jepej Libri i së Vërtetës në këtë kohë.
Shumë do ta përtypin të Vërtetën dhe do ta pranojnë atë. Të tjerëve do t'iu duket e Vërteta tepër e hidhur për ta shijuar dhe do ta konsiderojnë atë si gënjeshtër.
Le ta dinë ata se Besëlidhja do të përmbushet ashtu siç do të përmbushen këto profeci.
Asnjë njeri, pavarësisht se sa ai argumenton kundër Fjalës Sime të Shenjtë, nuk do ta ndalojë të Vërtetën që t'i zbulohet botës.
Profecitë e përmbajtura në Librin e Zbulesës po shpalosen para syve tuaj.
Askush nuk e di kuptimin e plotë të Librit të Zbulesës sepse gjërat e përmbajtura në të nuk iu treguan botës qartësisht pasi ato ishin vetëm vija udhëzuese.
Tani që Unë, Qengji i Hyjit, vij ashtu siç është premtuar për t’i hapur Vulat, pak vetë do ta pranojnë këtë.
Përse?
Nëse ju besoni tek Unë, në këto Mesazhe, përse e mohoni të Vërtetën kur ajo po ju jepet?
Mosarritja për ta pranuar të Vërtetën që po ju jepet rreth Profetit të Rremë, antikrishtit dhe profecive të tjera, do të thotë se ju nuk do të më lejoni Mua që t'ju udhëzoj për shpëtimin e shpirtrave.
Vetëm duke e ndjekur të Vërtetën, ju mund jeni të sigurt.
Kujtoni se vetëm e Vërteta do t'ju çlirojë nga gënjeshtrat, të cilat e pushtojnë njerëzimin përmes Satanit.
Ju duhet ta thërrisni vazhdimisht Nënën Time për t'ju ndihmuar që t'ju sjelli tek Unë, në mënyrë që të jeni të mbrojtur nga gënjeshtrat, të cilat Satani do t'i përdorë për t’ju bllokuar nga e Vërteta e Fjalëve të Mia përfundimtare të Shenjta, që i jepen botës përpara Ardhjes Sime të Dytë.
Shkoni në paqe dhe në dashuri. Unë ju bashkoj të gjithëve brenda mbrojtjes së Gjakut Tim të Çmuar në këtë kohë.
Unë gëzohem me përgjigjen tuaj, dishepujt e Mi të dashur dhe Unë mbështetem në besimin tuaj për të më ndihmuar Mua në këtë mision të veçantë.
Jezusi juaj

Thursday, 20 September 2012

Virgjëra Mari: Fëmija im, së shpejti shumë nga profetët e botës, vizionarët dhe lajmëtarët nuk do të marrin më mesazhe

E Hënë, 13 Gusht 2012, në 19:45
Fëmija im, së shpejti shumë nga profetët e botës, vizionarët dhe lajmëtarët nuk do të marrin më mesazhe, me qëllim që të hapet udha për këto mesazhe tepër të rëndësishme.
Shumë prej punës sime, përmes vizionarëve, do të ndalojë së shpejti për t'i lënë hapësirë Zërit të Shpirtit të Shenjtë që po të jepet ty, profetit të kohës së mbarimit.
Shumë profetë të rremë, që kanë dalë, akoma do të bërtasin në kupë të qiellit dhe ata do të jenë zërat e vetëm të tjerë që do të konkurrojnë për vëmendje me këto mesazhe të vërteta përfundimtare nga Qielli.
Mos ki frikë, bija ime, sepse ti dhe ky mision jeni të mbrojtur.
Nuk je vetëm ti ajo që punon për këtë mision. I gjithë Qielli dhe të gjithë engjëjt dhe shenjtorët po punojnë me ty. Prandaj ti kurrë nuk duhet të ndjehesh e vetmuar madje edhe kur vuan.
Ti po bllokohesh çdo ditë nga armiqtë e Hyjit.
Janë hartuar plane për ta bllokuar botimin e Librit të së Vërtetës, por ky persekutim është pothuajse drejt fundit.
Qëndro pranë meje, Nënës tënde, gjatë gjithë kohës që unë të mund ta vendos Mantelin tim të Shenjtë rreth teje për të të mbrojtur nga i ligu.
Ti sa vjen e bëhesh më e fortë dhe më trime, megjithëse ndjehesh e lodhur. Kjo do të kalojë dhe bota do ta mirëpresë Librin e së Vërtetës që iu është premtuar atyre aq gjatë.
Shko tani dhe falënderoje Hyjin për këtë mision madhështor.
I gjithë Qielli të bekon.
Ne e mbajmë dorën tënde çdo ditë dhe të gjithë shenjtorët të mbrojnë.
Beteja fillon në momentin që libri i parë të shitet. Ai do të përhapet në të gjithë botën, prandaj ti duhet të përgatitesh ashtu si duhet.
Kërko ndihmë dhe do ta marrësh.
Shko në paqe dhe në dashuri.
Nëna jote e dashur
Nëna e Shpëtimit