Tuesday, 26 April 2016

Momenti juaj i lavdisë përpara Syve të Mi – momenti juaj i shpëtimit

E Shtunë, 12 Nëntor 2011, në 16:00
Bija Ime fort e dashur, ndarja nga Unë është e dhimbshme, sidomos për ata që më njohin Mua.
Sapo shpirtrat fillojnë ta kuptojnë Dashurinë që Unë kam për ta, ata pastaj e shohin dhimbjen e ndarjes së rëndë për t’u duruar. Kjo është edhe më e theksuar kur shpirtrat që pohojnë se më duan Mua, për shkak të mëkatit, e gjejnë veten në Purgator pas vdekjes.
Ndërsa të gjithë shpirtrat në Purgator eventualisht shkojnë në Parajsë, dhimbja e të qenit të ndarë nga Unë është e dhimbshme dhe shqetësuese.
Për shumë shpirtra që besojnë në Hyj thjeshtë përmendja e Ferrit sjell shqetësim në zemrat e tyre. Pastaj për ata që e shohin se shpirti i tyre ka nevojë të pastrohet në Gjendjen e Purgatorit, ata gjithashtu ndjejnë një mjerim që është i vështirë për t’u kuptuar nga ata që janë gjallë sot.  
Fëmijë, koha juaj në Tokë është kaq e rëndësishme sepse është gjatë kësaj periudhe që ju duhet të mundoheni t’i pastroni shpirtrat tuaj përmes agjërimit dhe pendesës. Përdoreni këtë kohë ndërsa keni mundësi për t’i shpëtuar shpirtrat tuaj. Për ta bërë këtë ju duhet ta kërkoni përulësinë në çdo kohë për të siguruar që ju të bëheni të vegjël në Sytë e Mi. Vetëm të vegjlit mund të kalojnë përmes portave më të ngushta të Parajsës.
Mirëpriteni, pra, Dhuratën e Purgatorit që do t’ju paraqitet gjatë Paralajmërimit kur ju do të duhet të pastroheni si pendesë për mëkatet tuaja. Juve nuk do t’iu duhet që të prisni vdekjen, fëmijë, për të përballuar këtë pastrim. Ju jeni të bekuar, fëmijë, sepse asnjë shenjë e mëkatit nuk do të mbetet në shpirtrat tuaj. Pastaj ju mund të fitoni hyrje të menjëhershme për në Epokën e Re të Paqes për të cilën Unë flas. Këtu është aty ku të gjithë fëmijët e Mi që kërkojnë falje për mëkatet e tyre gjatë Paralajmërimit, do të merren.
Hapini zemrat tuaja dhe më mirëprisni Mua kur Unë të vij tek ju gjatë Paralajmërimit që po afron, kur ju do të jeni në gjendje që të më përqafoni Mua. Më lejoni Mua t’ju mbaj dhe t’jua fal mëkatet tuaja. Kështu ju do të bëheni të Mitë në trup, mendje dhe shpirt, përfundimisht dhe me dorëzimin e plotë që Unë kam nevojë prej jush.
Ky do të jetë momenti juaj i lavdisë përpara Syve të Mi. Pastaj ju do të jeni gati për fazën e dytë kur ju do të jeni në gjendje t’i bashkoheni vëllezërve dhe motrave tuaja në Parajsën e Re mbi Tokë, ashtu siç qe krijuar në fillim nga Hyji Krijuesi i të gjitha gjërave.
Kjo do të bëhet shtëpia juaj e re dhe që ju takon për 1,000 vjet. Priteni ardhjen Time me dashuri, shpresë dhe gëzim. Nuk ka asgjë për t’u frikësuar. Gëzohuni. Unë vij përsëri për t’ju shpëtuar nga armiku i njerëzimit. Kësaj here fuqia e tij është kaq e dobët sa do të jetë e vështirë për të që t’i vjedhë shpirtrat e atyre që më mirëpresin Mua me krahë hapur gjatë Paralajmërimit.
Jezusi juaj
Shpenguesi i Njerëzimit

Monday, 25 April 2016

Shenja do të shfaqen në qiell më parë – dielli do të rrotullohet

E Premte, 11 Nëntor 2011, në 16:00


Lutja, dhe shumë prej saj, nevojitet për të ndihmuar që të shpëtohen shpirtra tani. Ti, bija Ime, duhet ta përgatitësh familjen tënde dhe tregoju atyre në nevojë për Mëshirën Time të madhe që të jenë gati.
Edhe një herë shenjat do të shfaqen më parë. Shumë njerëz do të ngrihen dhe do të kushtojnë vëmendje kur ata të shikojnë ndryshimet në qiell. Ata do të dëshmojnë diellin të rrotullohet si kurrë më parë. Pastaj ata do të shohin Kryqin. Kjo do të ndodhë menjëherë përpara se yjet të përplasen në qiell dhe kur Rrezet e Mia të Mëshirës Hyjnore do ta mbulojnë Tokën.
Qetësia do të pasojë në mënyrë që çdo shpirt të jetë në një gjendje vetmie absolute kur ata të vijnë përpara Meje. Tregoju fëmijëve të Mi se çfarë të presin, sepse ata nuk duhet të kenë frikë. Kjo nuk është një Ngjarje për t’ia pasur frikën. Përkundrazi ju të gjithë duhet ta mirëprisni këtë takim.
Të gjithë fëmijët e Mi duhet ta pranojnë se Jam Unë Ai që tani vjen përpara tyre. Ata nuk duhet të mendojnë se ky është fundi i botës. Sepse nuk është. Është fillimi i një periudhe të re në kohë kur të gjithë fëmijët e Mi do ta njohin më në fund të Vërtetën.
Unë gëzohem dhe ndjej një ëmbëlsi të madhe kundrejt çdo shpirti të vetëm që mund të shpengohet nëse ata më lejojnë Mua t’ua jap këtë Dhuratë.
Lutuni, lutuni, lutuni për të gjithë shpirtrat tani dhe në veçanti për ata që do të jenë aq të frikësuar saqë nuk do të jenë mjaft të fortë për ta pranuar Dorën Time të Mëshirës.
Shpëtimtari juaj      
Jezu Krishti
https://fatherofloveandmercy.wordpress.com/2011/11/11/signs-will-appear-in-the-sky-first-the-sun-will-spin/

Sunday, 24 April 2016

Dy hajdutët në Kryq

E Enjte, 10 Nëntor 2011, në 15:30
Bija Ime fort e dashur, kur Unë isha duke vdekur në Kryq, dy hajdutë ishin pranë, edhe ata duke u kryqëzuar në të njëjtën kohë.
Njëri më kërkoi Mua që t’ia falja mëkatet e tij dhe shpëtoi. Tjetri nuk e bëri. Në të kundërt, ai bëri vesh shurdhët. Kokëfortësia dhe refuzimi i tij për ta kërkuar Mëshirën Time treguan se ai nuk mund të shpëtohej.
E njëjta gjë do të ndodhë gjatë Paralajmërimit. Disa nga fëmijët e Mi do t’i njohin mëkatet e tyre dhe do ta pranojnë se më kanë fyer Mua. Ata, me gjithë përulësi, do ta pranojnë pendesën e tyre dhe do të shpëtohen. Ata do të hyjnë në Parajsën e Re në Epokën e Paqes që po vjen.
Pastaj do të jenë ata që nuk do t’i pranojnë mëkatet e tyre për çfarë ato janë, një neveri në Sytë e Hyjit Atit të Përjetshëm.
Unë do t’iu jap këtyre shpirtrave plot kohë që të pendohen, e tillë është thellësia e Mëshirës Sime. Lutuni që ata të kërkojnë shpengim me qëllim që edhe ata të mund të shpëtohen. Unë dua që gjithë fëmijët e Mi ta pushtojnë Dhuratën Time madhështore të Mëshirës. Unë dua që të gjithë ju të hyni në portat e Parajsës së Re.
Lutuni që shpirtrat e ngurtë të zbuten dhe ta pranojnë Dorën Time. Lutuni që ata të mësojnë se si të bëhen të përulur në Sytë e Mi.
Jezusi juaj
Shpenguesi i Njerëzimit

Shumë do të vuajnë dhimbjen e Purgatorit si një Pendesë

E Mërkurë, 9 Nëntor 2011, në 15:32
Dëgjojeni thirrjen Time urgjente, fëmijë, për ta dedikuar veten tuaj tek Zemra e Papërlyer e Nënës Sime të dashur, në këtë kohë.
Ajo, Ndërmjetësja e të Gjitha hireve, është caktuar për t’ju sjellë tek Zemra Ime e Shenjtë për ta shpëtuar njerëzimin nga shkatërrimi që i pret ata nëse nuk ia arrijnë ta shkëpusin veten nga veprat e Satanit. Është urgjente tani që të gjithë ju të luteni fort për shpëtimin e shpirtrave. Të gjithë shpirtrat do të vijnë përpara Meje dhe për shumë do të jetë e vështirë. Shumë do të vuajnë dhimbjen e Purgatorit, por do të jetë e vetmja udhë e tyre drejt shpëtimit të përjetshëm. Shumë më mirë që ta kuptojnë se si është ajo ndërsa janë gjallë në këtë Tokë, se sa ta përjetojnë atë pas vdekjes. Kur ata ta durojnë këtë pendesë, këta shpirtra do të jenë të pastër dhe të denjë për të hyrë në Parajsën Time të Re mbi Tokë. Vetëm shpirtrat e pastër do të jenë në gjendje të hyjnë. Mua më duhet t’ju kërkoj që ta pranoni këtë Dhuratë dhe të përballeni me të me forcën e mendjes, trupit dhe shpirtit. Por njiheni dhe dallojeni atë për çfarë ajo është, një udhë drejt jetës së përjetshme, një mundësi për të kuptuar Mëshirën Time Hyjnore.
Është koha që t’i përgatisni shpirtrat tuaj tani. Kur ju ta keni kërkuar shpengimin për mëkatet tuaja përpara Paralajmërimit, ju duhet të luteni për të tjerët. Atyre do t’iu duhet që të jenë të fortë.
Lusni Lutjen e Mëshirës Sime Hyjnore çdo ditë të vetme që tani e tutje, të gjithë ju. Ajo do të ndihmojë për të shpëtuar ata shpirtra të gjorë që mund të vdesin nga tronditja, gjatë kësaj ngjarjeje të mbinatyrshme. Kjo tani do t’i paraqitet botës së shpejti.
Kurrë mos humbisni shpresë, fëmijë. Më besoni Mua kur Unë ju them se Unë ju dua. Unë jua sjell këtë Dhuratë prej kësaj Dashurie.
Shpëtimtari juaj i dashur

Monday, 18 April 2016

Ti do të urrehesh në shumë rrethe dhe do të ta kenë frikën në të tjera

E Hënë, 7 Nëntor 2011, në 20:50
Bija Ime e dashur, ti duhet të dëgjosh. Ndërsa profecitë e Mia shpalosen dhe kur Fjala Ime e Shenjtë të fillojë të pranohet dhe të dëgjohet, ti duhet të bësh kujdes. Ti, bija Ime, do të urrehesh në shumë rrethe dhe do të ta kenë frikën në të tjera.
Profecitë e Mia, të cilat do të jepen ty, janë për të siguruar që të mos ketë asnjë dyshim në mendjet e të gjithë fëmijëve të Mi se premtimi i shpëtimit të përjetshëm më në fund do të realizohet.
Bija Ime, ti do të ndjehesh e izoluar, e refuzuar, e frikësuar dhe do të vuash rëndë në Emrin Tim.
Pa sakrificën tënde, Unë nuk mund ta përmbushja premtimin Tim për ta shpëtuar njerëzimin, që çdo shpirti t’i jepet mundësia për të përfituar nga trashëgimia që iu takon atyre.
Unë iu bëj thirrje shërbëtorëve të Mi të shenjtë që të të mbrojnë, bija Ime, sepse do të jetë detyra e tyre e shenjtë. Me kalimin e kohës ata do ta kuptojnë se cili është roli i tyre. Ndërkohë, Unë iu bëj thirrje të gjithë ndjekësve të Mi të shtrenjtë që të luteni për mbrojtjen tuaj kundër forcave të liga, që udhëhiqen nga Satani, i cili kërkon ta shkatërrojë botën për përfitimin e tij vetjak.
Qëndroni të fortë. Lutuni për mbrojtje dhe përfshini ndihmën e Nënës Sime të Bekuar në çdo kohë.
Jezusi juaj
Shpëtimtari dhe Shpenguesi i Njerëzimit
https://fatherofloveandmercy.wordpress.com/2011/11/07/you-will-be-hated-in-many-quarters-and-feared-in-others/

Tuesday, 12 April 2016

Pushtimi Djallëzor dhe mëkati i Urrejtjes

E Djelë, 6 Nëntor 2011, në 18:30

Bija Ime fort e dashur, njerëzit nuk e kuptojnë se Unë e ri-jetoj Kryqëzimin Tim çdo ditë. Dhimbja dhe vuajtja që Unë duroj shkaktohet nga mëkatet e kryera nga njerëzit çdo sekondë të ditës. Unë duroj çaste pikëllimi të thellë kur i shikoj ata shpirtra që më fyejnë Mua shumë, përmes mëkatit të urrejtjes.
Urrejtja po mbillet në zemrat e shumë njerëzve dhe vjen për shkak të ndikimit infektues të Satanit. Shumë njerëz flasin rreth pushtimit djallëzor sikur të jetë i lehtë për t’u identifikuar. Shumë prej fëmijëve të Mi janë të pushtuar nga Satani. Nuk ka nevojë që ata të shihen duke u përpëlitur që një prani djallëzore të jetë në ta.
Ai, armiku i njerëzimit, i përdor demonët e tij për të sulmuar fëmijët e Mi. Për ata që janë në errësirë ata bëhen pre e lehtë sepse ata e tërheqin praninë e të ligut.
Një herë e mirë të pushtuar, fëmijë, është shumë e vështirë që ta shkulni veten tutje. Këta fëmijë të pafat, përmes ndikimit infektues dinak dhe manipulues të të ligut, do të infektojnë më pas shpirtra të tjerë. Dhe kështu kjo vazhdon.
E keqja zakonisht paraqitet sikur të ishte e mirë. Do të jetë e vështirë të dallohet, me përjashtim të kësaj. Sjellja dhe veprimet e një shpirti të infektuar nuk do të jenë kurrë me natyrë të përulur. Ata nuk do të jenë kurrë zemërbujarë. Ata mund të duken bujarë, por do të ketë gjithmonë një sebep. Ky sebep do të jetë gjithmonë për të bërë kërkesa ndaj jush, të cilat nuk qëndrojnë siç duhet.
Qëndroni larg prej shpirtrave të tillë. Lutuni për ta. Mos i lejoni ata t’ju tërheqin brenda mëkatit. Qëndroni vigjilentë gjithmonë ndaj mashtruesit, sepse ai është kudo në këto kohë.
Gjithmonë lutuni për ta mbajtur këtë ligësi të frenuar. Lutja do t’ia dobësojë mbërthimin dhe forcën dhe gjithashtu do t’ju mbrojë.
Mendoni për Satanin dhe punët e tij të liga si për një sëmundje infektive. Merrni çdo masë për të shmangur rënien në kontakt me ata që e bartin sëmundjen. Nëse e kuptoni se nuk keni zgjedhje tjetër, atëherë armatosuni me Ujë të Bekuar, me kryqin e bekuar dhe me një medalje të Shën Benediktit. Ato do t’i mbajnë këta demonë larg në një distancë sa krahu.
Këto janë kohërat, fëmijë, që ju duhet ta rrethoni veten dhe shtëpinë tuaj me objekte, që janë të bekuara. Shumë njerëz ndjehen të turpëruar që të shihen me gjëra të tilla, nga frika se mos do të qeshin me ta. Këto do t’ju ofrojnë mbrojte në shtëpinë tuaj dhe janë një ndihmesë e madhe gjatë lutjes.
Mbani mend, djalli jeton jo vetëm në Ferr, por tani e ka vendosur fort mbretërinë e tij mbi Tokë. Lutja është e vetmja gjë që e tmerron atë dhe e bën atë të pafuqishëm.
Lutja do t’ju mbajë, fëmijë, në kohët përpara.
Shpëtimtari juaj i dashur 
Jezu Krishti    
https://fatherofloveandmercy.wordpress.com/2011/11/06/demonic-possession-and-the-sin-of-hatred/

Sunday, 10 April 2016

Hyji Atë: Thirrje e fundit Ateistëve

E Shtunë, 5 Nëntor 2011, në 13:00

Bija Ime, njerëzimit tani do t’i tregohet Dora e Mëshirës Sime ndërsa ardhja e Birit Tim të bëhet e pashmangshme.
Të gjithë atyre shpirtrave të torturuar e të trazuar, Unë po ju them, vendoseni besimin tuaj tek Unë, Hyji Atë. Unë, i Cili e krijova secilin prej jush me Dashuri dhe Dhembshuri, dëshiroj të shpëtoj çdo fëmijë të çmuar Timin.
Unë nuk dua të humbas asnjë nga ju, përfshirë ata që më përçmojnë Mua. Përgatituni për Dhuratën Më të Madhe, e cila po përgatitet për ju. Unë do ta pengoj Satanin t’ju rrëmbejë nëse do të më lejoni Mua. Unë nuk mund t’ju detyroj ta pranoni këtë Vepër të Mëshirës. Ajo çfarë më trishton Mua është se shumë nga ju do ta refuzojnë këtë Dorë të Mëshirës Sime. Ju nuk do të jeni mjaft të fortë. Megjithatë, kur ju ta dëshmoni të Vërtetën, ndërsa do t’ju zbulohet gjatë Paralajmërimit, ju do të përpiqeni ta kapni atë si rrugë shpëtimi.
Ju duhet të më kërkoni Mua forcën që të më lejoni Mua t’ju shpëtoj nga mallkimi i përjetshëm. Unë iu bëj thirrje ateistëve në veçanti, një herë të fundit. Mos e refuzoni të Vërtetën kur ajo t’ju vërtetohet. Nëse ju e refuzoni, ju jeni të humbur për Mua përgjithmonë.
Hyji Atë
https://fatherofloveandmercy.wordpress.com/2011/11/05/god-the-father-last-call-to-atheists/

Grupi global që e dëmtoi sistemin tuaj bankar do të shkatërrohet

E Premte, 4 Nëntor 2011, në 19:00
Bija Ime fort e dashur, nga Unë vjen Jeta e Vërtetë, e vetmja jetë për të cilën njeriu do të ketë nevojë prej këtej e deri në përjetësi.
Fëmijë, ju duhet ta dini se kjo trazirë e tmerrshme që ju po shikoni kudo rreth jush nuk do të zgjasë shumë.
Hyji, Ati Im i Përjetshëm, nuk do të lejojë që fëmijët e Tij të shtrenjtë të vuajnë më tepër. Ju, fëmijët e Mi, jeni viktimat e punës së mashtruesit. Ai, i cili kontrollon grupin global, po dobësohet. Fuqitë e tij po shkërmoqen përmes Pushtetit të Atit Tim. Ky grup, që qëllimisht i dëmtoi sistemet tuaja bankare për t’ju shndërruar në lypës, do të shkatërrohet. Ju nuk duhet të shqetësoheni sepse Dora e Atit Tim do të bjerë mbi udhët e tyre djallëzore.
Lutuni që të gjithë këta shpirtra të gënjyer që banojnë si skllevër pranë ligësisë, që është në zemër të këtij grupi, të mund të kthehen në besim gjatë Paralajmërimit.  
Ju kurrë nuk duhet të humbisni shpresë, fëmijë. Do të jetë përmes dashurisë suaj për Hyjin Më të Lartin, që ju do të ktheheni në krahët e familjes suaj. Trinia e Bekuar është shtëpia juaj, fëmijë. Ata prej jush që e pranojnë këtë fakt, të mundësuar përmes konvertimit, do të trashëgojnë Epokën e lavdishme të Parajsës mbi Tokë.
Kini besim tek Unë gjithmonë. Ofroni shqetësimet, problemet dhe frikën tuaj tek Unë. Më lejoni Mua t’jua lehtësoj dhimbjen dhe vuajtjen tuaj. Nuk do të zgjasë shumë tani kur bota të gjejë lehtësim nga dhimbjet e forta të lindjes që ju po duroni në këto kohë.
Kurrë mos humbisni shpresë. Kini besim tek Unë. Lutuni për hiret e Mia për t’ju bërë më të fortë. Vendoseni kokën tuaj mbi Supet e Mia dhe lejoni që paqja Ime t’i mbështjelli shpirtrat tuaj. Vetëm atëherë ju do ta kuptoni të Vërtetën e premtimit Tim të lavdishëm të jetës së përjetshme.
Jezusi juaj
Shpëtimtari i Njerëzimit

Saturday, 9 April 2016

Lajmëtarët e Mi janë tani me ju që t’i përgatisni shpirtrat tuaj

E Enjte, 3 Nëntor 2011, në 21:00
Bija Ime e dashur, profecitë e parathëna do të fillojnë të bëhen të ditura dhe të dëshmohen nëpër botë, me qëllim që asnjëri të mos i shpërfillë ato.
Sa shumë nga fëmijët e Mi janë të pavetëdijshëm ndaj përmbajtjes që gjendet në Librin e Atit Tim, Biblën Më të Shenjtë. Pak vëmendje i kushtohet Librit të Gjonit, ku detajet e kohëve të fundit i janë dhënë gjithë botës.
Kjo kohë tani ka ardhur. Përgatituni që të gjithë.
E Vërteta e përmbajtur në Librin e Zbulesës është thjesht ajo – e Vërteta. A mund t’i dalloni shenjat? Trazirat nëpër botë do të vazhdojnë të përshkallëzohen me një ritëm të egër. Sistemi juaj monetar është duke u kërcënuar nga një grup global, që kërkon jo vetëm paratë tuaja, por që kërkon të vjedhë shpirtrat tuaj.
Ligësia e njeriut është e dukshme, por shumë prej saj është e fshehur. Lajmëtarët e Mi janë tani me ju, fëmijë, që t’ju ndihmojnë t’i përgatisni shpirtrat tuaj. Pavarësisht nëse ju i dalloni ata apo jo se kush janë, Shpirti i Shenjtë, i Cili Mbretëron në shpirtrat e tyre, do të përhapë konvertim.
Ata që i kritikojnë përpjekjet e Mia për të komunikuar me ju do ta kuptojnë të Vërtetën shumë shpejt. Do të jetë atëherë që fëmijët e Mi do të bashkohen kundër kësaj force djallëzore të udhëhequr prej Satanit. Ata nuk do të fitojnë. Çdo pengesë është duke u vënë para tyre nga Dora e Atit Tim Të Përjetshëm. Mëshira e Tij është kaq e madhe, sa Ai do ta përdorë Pushtetin e Tij për të mbrojtur fëmijët e Tij dhe Ai do t’i shkatërrojë ata që insistojnë të ndjekin udhën e mashtruesit.
Pavarësisht nga pikëpamjet tuaja të ndryshme nëse Unë flas me ju tani apo jo, kjo nuk do të ketë rëndësi. Është besimi juaj tek Unë dhe Ati Im i dashur, Hyji Më i Larti, që do të ketë rëndësi në fund.
Lutja është më urgjente se kurrë, fëmijë, kudo që të jeni, cilado qoftë feja juaj, cilatdo qofshin pikëpamjet tuaja. Mblidhuni së bashku dhe lutuni tek Shpirti i Shenjtë për t’jua ndriçuar mendjen në këtë kohë.
Satani po përpiqet t’ju bëjë që të ma ktheni shpinën Mua, Shpëtimtarit tuaj të dashur. Mos i dëgjoni dyshimet dhe frikën që ai vendos në zemrat tuaja. Ai do të përdorë gënjeshtrat për të më penguar Mua t’jua vërshoj shpirtrat tuaj me Dritën Time Hyjnore. Dashuria Ime është kaq e fortë për ju, fëmijë, sa pavarësisht se sa ju më shpërfillni Mua, apo më ktheni shpinën, Unë do të vazhdoj t’ju thërras. Unë do ta bëj këtë përmes Fuqisë së Shpirtit të Shenjtë. Ju duhet të luteni për këtë Dhuratë duke thënë:
“O Jezus, më mbulo me Gjakun Tënd të Çmuar dhe më mbush me Shpirtin e Shenjtë, që të arrij të dalloj nëse këto Fjalë vijnë prej Teje. Më përul në shpirt. Pranoji kërkesat e mia me Mëshirë dhe hape zemrën time ndaj të Vërtetës.”
Unë do t’i përgjigjem edhe shpirtrave më të ngurtë kur ata të recitojnë këtë lutje.
Ma lini Mua mundësinë për t’ju sjellë drejt Meje, që Unë të mund të bashkoj sa më shumë të jetë u mundur nga fëmijët e Mi përpara Paralajmërimit të Madh.
Kujtojeni, Dashuria Ime për ju nuk do të shuhet kurrë, pavarësisht se sa shumë ju e bëni një vesh shurdhët ndaj thirrjes Sime urgjente për bashkim.
Shpëtimtari juaj i dashur
Jezu Krishti
https://fatherofloveandmercy.wordpress.com/2011/11/03/my-messengers-are-now-with-you-to-prepare-your-souls/

Wednesday, 6 April 2016

Moti do të fillojë të shfaqë shenja të çuditshme

E Mërkurë, 2 Nëntor 2011, në 19:40
Bija Ime e dashur, moti do të fillojë të shfaqë shenja të çuditshme ndërsa Toka lëviz në një gjendje të re në përgatitje për Veprën Time të Mëshirës Hyjnore ndërsa Unë vij për t’ju shpëtuar të gjithëve përsëri.
Urrejtja po intensifikohet në çdo shtet. Pakënaqësia po ndjehet kudo. Dashuria për njëri tjetrin është e dobët, ndërsa dashuria për veten bëhet jo vetëm e toleruar por konsiderohet thelbësore për të qenë të pranuar në botën e sotme.
Unë do ta fshij urrejtjen. Unë do të shkel mbi planet e njeriut për të shkaktuar terror mbi vëllanë e vet. Unë do ta fshij arrogancën në shpirtrat tuaj. I gjithë mëkati do t’ju tregohet, ashtu si ai shfaqet në shëmtinë e tij të plotë në Sytë e Mi.
Përse duhet që kaq shumë njerëz zemërmirë t’i kthejnë sot shpinën Mësimeve të Mia të vjetra? Përse tani? Çfarë ka rreth dashurisë për Hyjin Atë që bëhet e turpshme në sytë e tyre? Unë do t’jua tregoj. Kjo është sepse shumë shumë nga fëmijët e Mi janë mënjanuar prej kënaqësive të botës. Edhe pse shumë nga të mirat materiale që ata kërkojnë janë tani të pa-arritshme për ta, ata prapë më refuzojnë Mua. Shpirtrat e njerëzimit janë mjegulluar me një errësirë kaq të thellë sa do të duhet kohë që Drita Ime t’ia ndriçojë dhe t’ia përshkojë shpirtrat e tyre.
Sa Lot të hidhur pikëllimi qaj Unë për këta shpirtra të humbur që janë të dëshpëruar për paqen e shpëtimit që ata kërkojnë. Ata thjesht nuk e kuptojnë se vetëm Unë mund ta sjell këtë paqe në zemrat e tyre të munduara.
Oh sa gjatë është harruar Dashuria Ime. Unë Jam veçse një pjesë e vogël pa asnjë rëndësi të vërtetë në mendjet e tyre. Ata dëshirojnë paqen e mendjes dhe zemrës, por nuk duan të ma kërkojnë Mua këtë. Është vetëm kur ata kërkojnë që Unë mund t’iu përgjigjem. A nuk e dinë ata këtë?
Për ata prej jush që më doni Mua, por që e urreni apo e keni inat vëllanë tuaj, edhe ju gjithashtu keni nevojë për ndihmën Time. Unë nuk e dua besnikërinë tuaj nëse ju nuk i trajtoni të tjerët me mirësi. Kur ju i lëndoni vëllezërit dhe motrat tuaja, për çfarëdo arsye, ju më lëndoni Mua. Sido që ju t’i justifikoni veprimet tuaja, dijeni këtë. Unë e ndjej dhembjen e atyre që ju i abuzoni. Kur ju më lëndoni Mua në këtë mënyrë, ju nuk mund të më tregoni Mua dashuri të vërtetë nga zemra.
Mësoni prej kësaj. Kërkoni përulësi në të gjitha gjërat para se ju të vini përpara Meje për t’u betuar për besnikëri ndaj Vullnetit Tim të Shenjtë. Në këtë mënyrë ju do të jeni me shpirt të pastër dhe të përshtatshëm për të hyrë në Mbretërinë Time.
Ju, fëmijët e Mi, jeni shumë me fat sepse miliona prej jush do të bëhen pjesë e Parajsës Sime të Re. Kjo është për shkak të kohëve në të cilat ju po jetoni. Kaq shumë prej jush në botë sot, fëmijë, mund të shpëtohen tani në një mënyrë që brezat e mëparshëm nuk mund të kishin qenë.
Mirëpriteni këtë lajm dhe përdoreni këtë rast për ta pranuar Mëshirën Time Hyjnore me zemra të hapura dhe të penduara, ndërsa e keni mundësinë.
Shpëtimtari juaj
Jezu Krishti

Tuesday, 5 April 2016

Virgjëra Mari: Koha për Birin tim që të çlirojë Dhuratën e Tij të Mëshirës Hyjnore

E Mërkurë, 2 Nëntor 2011, në 10:40
Bija ime, koha për Birin tim që të çlirojë Dhuratën e Tij të Mëshirës Hyjnore po afron. Prandaj, ti duhet të përqendrohesh në Misionin tënd për të shpëtuar shpirtra. Ti nuk duhet të lejosh shpërqendrime, të cilat t’i largojnë sytë nga detyra më e rëndësishme e përhapjes së konvertimit.
Qiejt gëzojnë, ndërsa kjo Dhuratë hyjnore së shpejti do të shfaqet me Dashurinë e pastër që Biri im mban në Zemrën e Tij për të gjithë shpirtrat. Bija ime, ndërsa kjo punë rritet në intensitetin e vet, i ligu do të vazhdojë të të shqetësojë përmes njerëzish të ndryshëm në çdo rast. Ti ke qenë udhëzuar që të qëndrosh e heshtur dhe të përqendrohesh vetëm tek Biri im.
Ti, bija ime, je caktuar për ta komunikuar me shumë hollësi dëshirën e Birit tim për të folur me njerëzimin në këto kohë. Të jesh trime dhe e guximshme, sepse ky Mision i Shenjtë do të ketë sukses. Ai ka qenë parathënë kaq shumë kohë më parë dhe ty po të jepet çdo lloj udhëzimi nga Qielli. Shenjtorët të gjithë të udhëzojnë, sepse ata kanë qenë mbledhur me gjithë forcën për të siguruar që ky Mision të mos dështojë. As dhe nuk mund të dështojë. Ti duhet të ndalosh së shqetësuari kur gjërat duken pa shpresë, sepse ky është mashtrimi me të cilin ti do të përballesh për shkak të punës së mashtruesit.
Unë, Nëna jote e dashur, punoj me ty gjatë gjithë kohës. Ishte përmes meje që ti u përgatite të vije para Birit tim të Shtrenjtë. Hiret e dhuruara ishin për ta mundësuar shpirtin tënd që të pastrohej, në mënyrë që ti të ishte e denjë për të punuar për Shpëtimtarin e njerëzimit.
Ka qenë përmes Birit tim të çmuar që ti u solle përpara Trinisë së Shenjtë. Ky është një nga Misionet më të rëndësishëm që kur Biri im qe dërguar për ta shpenguar botën nga mëkati.
Kurrë mos ia lejo vetes të devijosh nga ky Mision. As edhe nuk duhet t’i dorëzohesh tundimit për t’u larguar. Lutu tek unë, Nëna jote, në çdo kohë, për mbrojtje.  
Nëna jote e dashur
Mbretëresha e Qiellit
Nëna e Mëshirës

Monday, 4 April 2016

Mesazhet e përmbledhura

Të dashur miq!

Këtu mund të lexoni dhe të printoni përmbledhjen e Mesazheve të Shenjta. 


Ju lutemi t'i shpërndani tek sa më shumë njerëz të mundeni. 

Zoti ju bekoftë

Sunday, 3 April 2016

Mosbesimi i atyre që pohojnë se më njohin, i cili më plagos Mua më së tepërmi

E Hënë, 31 Tetor 2011, në 03:30
Bija Ime fort e dashur, Fjala Ime e Shenjtë, e cila po i jepet një bote, të pavetëdijshme për Ekzistencën Time, do t’i ndezë shpirtrat menjëherë pasi të ndodhë Paralajmërimi.
Më në fund njerëzimi do ta dëgjojë Fjalën Time për të më mundësuar Mua që t’i udhëzoj ata për në Epokën Time të Re të Paqes mbi Tokë. Unë iu bëj thirrje të gjithë fëmijëve të Mi ngado që t’i hedhin poshtë dorezat e tyre dhe ta dëgjoni Shpëtimtarin tuaj të flasë.
Ndërsa Unë kurrë nuk do t’jua zbuloj datën e kthimit Tim në Tokë, Unë mund t’ju them se Unë do të kthehem në Shpirt tani. Unë vij tani për t’ju shpëtuar përsëri edhe një herë gjatë Paralajmërimit me qëllim që njeriu të kthehet në besim. Ju lutem më lejoni Mua t’ju udhëzoj dhe lejoni që Misioni Im Më i Shenjtë të përhapet nëpër botë për t’ju sjellë fëmijëve të Mi ngushëllim. Mos më bllokoni Mua. Mos e refuzoni Dorën Time të Mëshirës. Mos e lejoni krenarinë tuaj t’ju pengojë.
Zgjohuni dhe pranojeni se Unë tani po flas me ju, që Unë të mund t’ju sjell në Gjirin e Mëshirës Sime të madhe. Më në fund shpirti juaj do të ndizet me Zjarret e hireve të Mia hyjnore, të cilat do të hidhen mbi të gjithë ju.
Të gjitha dyshimet do të kenë shkuar. Fuqia e Satanit do të dobësohet me të shpejtë edhe pse ai nuk do ta lëshojë mbërthimin e tij deri në fund.
Ndërsa ju i konsideroni thirrjet e Mia, ju duhet t’ia bëni vetes këtë pyetje. Nëse ju besoni tek Unë, përse më refuzoni Mua tani? Përse tregoni zemërim dhe urrejtje ndaj atyre që vijnë në Emrin Tim? Përse e lartësoni veten në Kishën Time, në kurriz të fëmijëve të Mi. Mos harroni se ju të gjithë jeni të barabartë në Sytë e Mi.
Ejani tek Unë tani me zemër të përulur. Sepse derisa ju të mos e bëni këtë, ju nuk mund të përfitoni nga Mëshira Ime, apo të merrni hiret me të cilat Unë dëshiroj t’ju pajis.
Zëri Im po i thërret tani të gjithë jobesimtarët që ta pranojnë Ekzistencën e Atit Tim të Përjetshëm.
Pas Paralajmërimit, më lejoni Mua që t’ju ndihmoj në udhën drejt jetës së përjetshme. Zemra Ime lëndon kur Unë shikoj shpirtra të humbur. Por dijeni këtë. Është mosbesimi i atyre që pohojnë se më njohin, ai i cili më plagos Mua më së tepërmi.
Shpëtimtari juaj i dashur, Jezusi

Saturday, 2 April 2016

Virgjëra Mari: Hapini zemrat tuaja ndaj të Vërtetës

E Shtunë, 29 Tetor 2011, në 16:49
Fëmija im, ti duhet të lutesh për mbrojtjen time gjatë gjithë kohës. Ti po udhëzohesh dhe duhet ta vësh gjithë besimin tënd tek Biri im i dashur.
Lutu për kthimin në besim ngado. Sa shumë shpirtra të humbur kanë nevojë për lutjet e tua. Kurrë mos e harro këtë pavarësisht se sa i vështirë është ky udhëtim për ty.
Shpirti i të ligut po e mbulon shumicën njerëzimit në një mënyrë që nuk ka ndodhur më parë. Veprimet e mashtruesit po intensifikohen dhe po iu marrin frymën fëmijëve të mi kudo.
Madje dhe ata që premtojnë besnikërinë e tyre ndaj Birit tim të dashur po bëjnë një vesh shurdhët ndaj thirrjeve të Tij për t’i shpëtuar shpirtrat. Kaq arrogantë janë bërë ata prej krenarisë, saqë ata harrojnë se Fjala e Shenjtë e Birit tim është e vetmja jetë që iu nevojitet. Lutja është jetike në këtë kohë. Ata që e lartësojnë veten në sytë e të tjerëve, ndërsa shpallin Fjalën e Birit tim të shtrenjtë, por që e mohojnë thirrjen e Tij, i kanë ngurtësuar zemrat e tyre ndaj të Vërtetës.
Fëmijë, ju duhet ta dëgjoni Birin tim, Jezu Krishtin, tani. Dëgjoni se çfarë Ai po ju thotë. Shpirti i Shenjtë, nëse e lejoni Atë, do t’i hapi zemrat tuaja ndaj të Vërtetës ndërsa Ai ju flet përmes këtyre Mesazheve të Shenjta.
Unë qaj me dëshpërim kur shikoj se si Fjala e Tij e Shenjtë po refuzohet sot. Për ata që e dënojnë Atë, ju duhet ta kuptoni se Ai vjen tani, jo vetëm për t’ju shpëtuar juve. Ai vjen gjithashtu për t’ju ngushëlluar në këto ditë të errësirës. Nëse ju me të vërtetë besoni se Ai është Buka e Jetës atëherë lejojeni Atë që ta zgjojë shpirtin tuaj të dashurisë.
Lutuni për kthimin në besim ngado. Nuk ka shumë kohë.
Nëna juaj e dashur
Maria, Mbretëresha e Qiellit dhe e Tokës

Sulmi më i madh mbi Kishën Time që nga vdekja Ime në Kryq

E Premte, 28 Tetor 2011, në 22:40
Bija Ime fort e dashur, besnikëria e Kishës Sime ndaj Meje, Shpëtimtarit të tyre të dashur, do të vihet në provë së shpejti, përtej durimit të vet. Kisha Ime ka qenë në gjumë dhe në dremitjen e vet nuk e ka përgatitur veten për ardhjen e antikrishtit. Tashmë ai dhe pasuesit e tij janë zvarritur brenda çdo të çare në Kishat e Atit Tim nëpër botë.
Kisha Katolike është shënjestra numër një e antikrishtit dhe ai nuk do të ndalojë derisa t’i kthejë kokat e të paktën gjysmës nga Kisha Ime mbi këtë Tokë. Kaq të papërgatitur janë kardinalët, peshkopët dhe priftërinjtë e Mi saqë do të dështojnë për të vënë re ndryshimet e rafinuara që ndodhin brenda vetë radhëve të tyre. Nuk do të jetë gjatë përpara se ndarja brenda Kishës Sime të bëhet me të vërtetë e dukshme.
Ky është sulmi më i madh mbi Kishën Time që nga vdekja Ime në Kryq. Shërbëtorët e Mi të dashur, të gjorë, shumë prej të cilëve janë kukulla të pafajshme në mëshirën e një fuqie të errët, e cila është e kujdesshme për të mos e zbuluar veten.
Unë iu kërkoj të gjithë shërbëtorëve të Mi që të luten fort për t’i bërë ballë neverisë së madhe, që është në udhë e sipër. Ata duhet të luten tek Unë si më poshtë:
“O Jezusi im i dashur, unë kërkoj Mbrojtjen Tënde dhe lyp Mëshirën Tënde për të shpëtuar vëllezërit dhe motrat e mia, brenda Kishës Tënde, për të mos rënë viktima të antikrishtit. Më jep Hiret dhe më mbro me Mburojën e Fuqisë Tënde për t’i rezistuar veprave të liga, që mund të kryhen në Emrin Tënd të Shenjtë. Unë lyp Mëshirën Tënde dhe e kushtoj besnikërinë time ndaj Emrit Tënd të Shenjtë në çdo kohë.”
Ngrihuni, shërbëtorët e Mi të shenjtë, ndaj kësaj ligësie dhe ndaj bishës nga goja e të cilit këto poshtërsi dhe gënjeshtra do të burojnë.
Vini re ndryshimet në mënyrën se si do të bëhet konsakrimi i Trupit dhe Gjakut Tim. Nëse fjalët ndryshojnë, të cilat e mohojnë Ekzistencën e Trupit Tim në Eukaristinë e Shenjtë, atëherë ju duhet ta mbroni premtimin Tim hyjnor. Ai që ha Trupin Tim dhe pi Gjakun Tim do të ketë jetën e përjetshme.
Qëndroni trima, ndjekësit e Mi të shenjtë. Lutuni për forcën që do t’ju duhet kur besimi dhe bindja juaj do të vihen në provë përtej durimit.
Unë ju dua dhe ju mbroj në çdo kohë. Vetëm ata prej jush që janë të butë në zemër dhe të përulur në shpirt do të përfitojnë nga mbrojtja Ime e shenjtë.
Lutuni për të gjithë shërbëtorët e Mi të shenjtë ngado, që ata të mos e refuzojnë Dritën e së Vërtetës në favor të shpirtit të errësirës, i cili ka për të dalë në pah brenda Kishës Sime.
Shpëtimtari dhe Mbrojtësi juaj
Jezu Krishti

Ju, bijtë e Mi, jeni të bekuar nëse vuani në Emrin Tim

E Enjte, 27 Tetor 2011, në 15:30
Bija Ime fort e dashur, numri në rritje i sprovave që ti po kalon tani në emrin Tim nuk është një rastësi. Ndërsa Satani vazhdon të të torturojë, vetëm mendo për shpirtrat që po shpëton përmes kësaj vuajtjeje. Përpiqu që të ngrihesh përmbi këto vështirësi dhe më mbaj Mua në mendimet e tua gjatë gjithë kohës. Lutu tek Nëna Ime e dashur për mbrojtje dhe recitoje Rruzaren e Shenjtë sa më shpesh që të mundesh.
Është e rëndësishme që të gjithë ndjekësit e Mi të kërkojnë mbrojtje kundër mashtruesit i cili pret për çdo rast që të krijojë dyshime në mendjet e tyre.
Ai dhe djajtë e tij janë kudo. Ata do të përdorin çdo taktikë të mundur për të shkaktuar ç’rregullsi në jetën tuaj. Ta dini, kur kjo të ndodhë, se ju keni qenë prekur nga Mësimet e Mia dhe se ju tani po mbani Kryqin Tim.
Kurrë mos u frikësoni, fëmijë, sepse ju të gjithë jeni të aftë për t’u ngritur nga kjo shkretëtirë përmes forcës që Unë tani hedh mbi secilin prej jush, ushtria Ime. Ju do të triumfoni mbi të ligun dhe ligësinë e tij. Sa më shumë që të luteni të bashkuar, aq më i madh do të jetë muri i mburojës. As edhe një nga fëmijët e Mi që vuan persekutim si rezultat direkt i punës për Mua nuk mund të preket nga i ligu.
Ju, fëmijët e Mi, jeni të bekuar nëse vuani në Emrin Tim megjithëse ju do ta keni të vështirë për ta kuptuar këtë.
Shpërfillini të tilla sulme. Kthejuni shpinën. Mos reagoni. Qëndroni të heshtur. Lutuni për forcë. Unë Jam me ju.
Jezu Krishti juaj i dashur

Friday, 1 April 2016

Prisni tani bashkimin tonë të lavdishëm

E Mërkurë, 26 Tetor 2011, në 22:00
Bija Ime e dashur ti nuk duhet të shqetësohesh për sulmet e vazhdueshme të bëra mbi mesazhet e Mia nga vizionarët e rremë.
Ti duhet ta dish tani se kur Unë iu flas lajmëtarëve të zgjedhur ata gjithmonë do të jenë një shënjestër e urrejtjes. Kur ti sulmohesh dije se edhe Unë gjithashtu po sfidohem. Fjala Ime e Shenjtë po copëtohet, analizohet, vihet në pyetje, kritikohet dhe deklarohet si e padenjë për të dalë nga buzët e Mia.
Oh sa pak dinë fëmijët e Mi. Frika dhe dyshimi i verbon ata ndaj të Vërtetës. Ju do të habiteni gjithashtu se si Fjala Ime hidhet poshtë kaq lehtë në favor të mesazheve të rreme.
Ndërsa Paralajmërimi është pothuajse mbi botën e vërteta më në fund do të bëhet e njohur tek të gjithë ndjekësit e Mi. Do të jetë në atë fazë që ata do ta përqafojnë Fjalën Time për t’i shenjtëruar shpirtrat e tyre të gjorë. Sa do t’i mirëpres Unë ata dhe do t’i sjell pranë Meje kur lotët e tyre të përzihen me të Miat në dashuri dhe bashkim. Përpara Paralajmërimit ata do të vazhdojnë të dyshojnë por nuk do të më mohojnë Mua pasi të vijnë para Meje. Sepse sapo ata të vijnë para Meje dhe të shohin dashurinë që Unë kam për ta, nuk do të duan të largohen nga Unë për asnjë moment, kaq i thellë do të jetë bashkimi ynë.
Priteni tani bashkimin tonë të lavdishëm.
Jezusi juaj