Ju, bijtë e Mi, jeni të bekuar nëse vuani në Emrin Tim

E Enjte, 27 Tetor 2011, në 15:30 

Bija Ime fort e dashur, numri në rritje i sprovave që ti po kalon tani në emrin Tim nuk është një rastësi. Ndërsa Satani vazhdon të të torturojë, vetëm mendo për shpirtrat që po shpëton përmes kësaj vuajtjeje. Përpiqu që të ngrihesh përmbi këto vështirësi dhe më mbaj Mua në mendimet e tua gjatë gjithë kohës. 

Lutu tek Nëna Ime e dashur për mbrojtje dhe recitoje Rruzaren e Shenjtë sa më shpesh që të mundesh. 

Është e rëndësishme që të gjithë ndjekësit e Mi të kërkojnë mbrojtje kundër mashtruesit i cili pret për çdo rast që të krijojë dyshime në mendjet e tyre. 

Ai dhe djajtë e tij janë kudo. Ata do të përdorin çdo taktikë të mundur për të shkaktuar ç’rregullsi në jetën tuaj. Ta dini, kur kjo të ndodhë, se ju keni qenë prekur nga Mësimet e Mia dhe se ju tani po mbani Kryqin Tim. 

Kurrë mos u frikësoni, fëmijë, sepse ju të gjithë jeni të aftë për t’u ngritur nga kjo shkretëtirë përmes forcës që Unë tani hedh mbi secilin prej jush, ushtria Ime. Ju do të triumfoni mbi të ligun dhe ligësinë e tij. Sa më shumë që të luteni të bashkuar, aq më i madh do të jetë muri i mburojës. As edhe një nga fëmijët e Mi që vuan persekutim si rezultat direkt i punës për Mua nuk mund të preket nga i ligu. 

Ju, fëmijët e Mi, jeni të bekuar nëse vuani në Emrin Tim megjithëse ju do ta keni të vështirë për ta kuptuar këtë. 

Shpërfillini të tilla sulme. Kthejuni shpinën. Mos reagoni. Qëndroni të heshtur. Lutuni për forcë. Unë Jam me ju. 

Jezu Krishti juaj i dashur 

https://fatherofloveandmercy.wordpress.com/2011/10/27/you-my-children-are-blessed-if-you-suffer-in-my-name/

Ata që e shpallin Fjalën Time të Vërtetë përmes vizionarëve do të përbuzen

E Diel, 28 Gusht 2011, në 23:00

Bija Ime fort e dashur, Satani dhe djajtë e tij po përpiqen të torturojnë ty tani. Ti duhet ta pranosh këtë fakt dhe pastaj ktheji shpinën. Mos u përgjigj, apo të marrësh pjesë, sepse kur i përgjigjesh ti i jep të ligut më shumë pushtet mbi ty. Shpërfilli ngacmimet e tij dhe mbaje Dorën Time ndërsa Unë qëndroj pranë teje për të mbrojtur ty nga dëme të tilla.

Tregoju ndjekësve të Mi se ndërsa e marrin Kupën Time dhe marshojnë përpara për të përhapur të Vërtetën e kthimit Tim në Tokë, se edhe ata gjithashtu do të vuajnë. Ata do të fyhen, do të tallen dhe do të bëhen të ndjehen budallenj kur të flasin në Emrin Tim. I thuaj atyre se kur kjo të ndodhë çdo dyshim që ata mund të kenë pasur në lidhje me këto Mesazhe do të zhduket. Fëmijët e Mi, gjithmonë ta kuptoni se ata që e shpallin Fjalën Time të Vërtetë përmes vizionarëve të vërtetë do të pësojnë përbuzje ashtu si edhe shpirti i zgjedhur, roli i të cilit është të përhapë Mesazhet e Mia Hyjnore në botë. Ju, ushtria Ime nuk do të jeni më ndryshe. Ky do të jetë një mësim i vështirë për t’u përtypur nga ju. Dijeni se ju gjithmonë do të vuani në këtë jetë kur ju ecni me Mua. Dijeni gjithashtu se vetëm atëherë ju do ta kuptoni se po mbani Kryqin Tim. Sepse vetëm atëherë ju do të jeni të kualifikuar të flisni Fjalën Time. Asnjë profet, asnjë apostull i Imi nuk e ka pasur këtë udhë të lehtë. Ju duhet të luteni për forcën për t’i duruar këto sprova, që do ta testojnë besimin tuaj në ekstrem.

Kur ju e mbani Kryqin Tim për ta lehtësuar peshën Time, ju do të ngarkoheni me barrën. Nëse ju do të besoni tek Unë plotësisht, t’i pushtoni Krahët e Mi, Unë do t’ju mbaj për t’ju dhënë fuqinë që ju duhet për këtë udhëtim. Një udhëtim kaq i ngarkuar me gjemba sa këmbët tuaja mund të gjakosen, prapë besimi juaj do të jetë kaq i fortë sa ju nuk do të jeni në gjendje ta jetoni jetën pa Dashurinë Time të pastër.

Ju, fëmijët e Mi të dashur, jeni ushtria Ime e shtrenjtë. Një ditë ju do të kaloni udhët në Qiell në mrekulli të lavdishme, ku engjëjt do të këndojnë në falënderim për Punën që ju e keni kryer për Mua në jetën tuaj në Tokë. Unë i shpërblej të gjithë ndjekësit e Mi të devotshëm për besnikërinë e tyre dhe dashurinë e vendosur për Mua. Ju jeni të bekuar, shpirtrat e Mi të zgjedhur, që ju është dhënë Dhurata për ta parë të Vërtetën kur të tjerët thjeshtë i kthejnë shpinën.

Mos harroni, juve po ju jepet Dhurata e Shpirtit të Shenjtë dhe si rezultat i kësaj ju nuk do të jeni në gjendje të më mohoni Mua. Megjithatë, kjo rrugë do të jetë plot me gurë që mund t’i lëndojnë këmbët tuaja, gurë të mëdhenj që do t’ju pengojnë dhe ata që do t’ju kundërshtojnë për t’jua bllokuar rrugën duke ju ngacmuar dhe kërcënuar që të ktheheni nga erdhët.

Ngriteni dorën në qortim të lehtë dhe thoni:

“Unë nuk do ta mohoj kurrë udhën e Zotit. As nuk do ta mohoj ndonjë herë Ekzistencën e Jezu Krishtit, të Cilin njerëzimi është përpjekur ta shkatërrojë, jo vetëm gjatë vuajtjes së Tij në Kryq, por edhe më pas. Unë jam në një me Jezu Krishtin. Unë flas në Emër të Tij. Unë eci me Të. Ai më ngre lart që edhe unë gjithashtu, në mënyrën time të përulur, të mund të ndihmoj ta hap zemrën tuaj ndaj Dashurisë së pastër që Ai mban në Zemrën e Tij për ju dhe vetëm ju.”

Ushtria Ime e shtrenjtë, ngrihuni tani kur Unë ju udhëheq përgjatë udhës me gunga por Hyjnore drejt Parajsës së Re në Tokë që ju pret. Ju lutem të siguroni që ju të mblidhni sa më shumë nga fëmijët e Mi endacakë me vete përgjatë udhës, në mënyrë që ne të mund të bashkohemi si një familje.   

Jezusi juaj i dashur

Shpenguesi dhe Udhëheqësi i gjithë Njerëzimit

https://fatherofloveandmercy.wordpress.com/2011/08/28/those-who-proclaim-my-true-word-through-visionaries-will-be-ridiculed-3/

Të jeni të Përgatitur në çdo kohë

E Hënë, 1 Gusht 2011, në 23:00

Bija Ime fort e dashur ti je tani me të vërtetë e bashkuar me Mua më në fund. Tani do ta shikosh se përse ka një urgjencë për t'i ndihmuar njerëzit t'i hapin sytë që të mund të kthehen në besim për të hyrë në mbretërinë e Atit Tim.

Sa shumë njerëz sot më përbuzin Mua. Kur emri Im përmendet nga besimtarët në mënyrë nderimi edhe ata, gjithashtu, përbuzen, tallen dhe vihen në lojë. Pastaj janë të tjerët që nevrikosen kur sfidohen në Emrin Tim. Ka gjithashtu të tjerë që jo vetëm më mohojnë Mua por që gjithashtu më urrejnë Mua. Kurrë më parë nuk ka pasur kaq shumë njerëz në botë që i kanë kthyer shpinën besimit.

Sa shumë shpirtra zgjedhin të hedhin poshtë çdo mendim se Unë, apo Ati Im i Përjetshëm ekzistojmë. Ata mendojnë se nuk luan rol nëse besojnë apo jo dhe se kjo është e parëndësishme në jetën e tyre. Shumë prej atyre me besim të vakët disa herë i shpërfillin mësimet e Mia të cilat i ndjekin sa për sy e faqe. Ata besojnë se do të kenë shumë kohë më vonë në jetë për t’ia përkushtuar kohën e nevojshme besimit të tyre. 

Kjo është sidomos e vërtetë për brezin e ri që mendon se besimi i tyre nuk është akoma diçka për të cilën ata duhet të shqetësohen tani. Ata besojnë se kanë shumë vite përpara tyre për të më nderuar Mua Shpëtimtarin e tyre të dashur dhe Atin Tim të Përjetshëm. Prandaj dhe njerëzit e moshuar tentojnë ta rindezin besimin e tyre në një fazë më të vonshme në jetën e tyre kur fillojnë të mendojnë për jetën e mëtejshme.

Ajo që njeriu nuk arrin të kuptojë është se ata mund të vdesin në çdo moment, në çdo kohë, në çdo moshë nga lindja në pleqëri. Nuk ka rëndësi. Ai duhet të jetë i përgatitur në çdo kohë.

Unë iu bëj thirrje të gjithë besimtarëve që të luten për dijen për t'ua mësuar të rinjve kudo nevojën urgjente për t'i hapur sytë e tyre ndaj dashurisë që Unë dhe Ati Im i Përjetshëm kemi për secilin prej tyre. I ndihmoni për t'i hapur sytë e tyre ndaj premtimit të Parajsës. Është detyra juaj ndaj Meje tani që Unë të mos i humbas të rinjtë ndaj gënjeshtrave që Satani përhap në botë sot.

Më ndihmoni Mua t'i shpëtoj të gjithë ata që besojnë se kanë plot kohë për t'i kushtuar vëmendje shpirtrave të tyre në përgatitje për Parajsën e Re mbi tokë e cila po afron dhe që do të bëhet një realitet sa hap e mbyll sytë kur shumica prej jush më pak e pret atë.

Mësuesi dhe Shpëtimtari juaj i dashur

Jezu Krishti

https://fatherofloveandmercy.wordpress.com/2011/08/01/be-prepared-at-all-times/

Satani është i pafuqishëm kundrejt ndjekësve të Mi të devotshëm

E Hënë, 25 Korrik 2011, në 09:00

Bija Ime e dashur, është me gëzim të madh që Unë të tregoj përsëri për konvertimin që po ndodh tani në botë, ndërsa më shumë mizori po kryhen nga njeriu, përmes influencës së Satanit, më shumë nga fëmijët e Mi po fillojnë ta vënë në pyetje nivelin e qëllimeve vrastare tani mbizotëruese në botën tuaj. Ndërsa më shumë ligësi ju paraqiten, po ashtu edhe të kuptuarit se Satani, në fakt, ekziston. Për ata që nuk besojnë se ai ekziston atëherë më lejoni Mua t’ju shpjegoj se si mund t'i dalloni punët e tij djallëzore.

Çdo herë që fëmijët e Mi dëshmojnë vrasje, vetëvrasje, luftë, korrupsion të qeverive dhe të atyre në pushtet, lakmi, arrogancë dhe padrejtësi, ta dinë se këto veprime janë shfaqje të Satanit. I ligu është bërë i tërbuar tani, për t'i helmuar mendjet e fëmijëve të Mi. Ai do të bëjë gjithçka të mundet në këtë kohë në histori, kaq i acaruar është zemërimi i tij. Ju, fëmijët e Mi, jeni shënjestrat e tij. Ndërsa ai e ka të lehtë t'i infektojë shpirtrat, që e lënë veten të hapur ndaj influencës së tij – ata që vazhdimisht kërkojë vet-lavdi mbi Tokë – ai po e gjen gjithmonë e më të vështirë për ta dobësuar shpirtin e ndjekësve të Mi të devotshëm. Kaq të bekuar janë ata, prej Dhuratës së Shpirtit të Shenjtë, sa ai, Satani, është i pafuqishëm kundrejt tyre.

Për të gjithë ata që i binden udhëzimit Tim për t’u lutur ata do të bëhen më të fortë në mendje dhe shpirt. 

Pastaj ata nuk do të duan t’ia dinë nëse Satani iu sulet me tërbim, sepse mburoja e armaturës së tyre është kaq e fortë. Kjo nuk do të thotë se ai s’do të përdorë çdo metodë për t'ju joshur përmes dëshirave të mishit. Kjo nuk do të thotë se ai s’do t'ju lëndojë duke pëshpëritur në veshët e atyre pranë jush dhe të atyre që ju i doni. 

Qëndroni të palëkundur, ndjekësit e Mi, sepse do të jetë përmes forcës suaj që ai do të shtypet përgjithmonë. Ai, fëmijët e Mi, do të bëhet i pafuqishëm ndërsa kthimi në besim të përhapet. Sepse si mundet ai t'ju bëjë të pini nga kupa e tij e ligë e urrejtjes për njerëzimin, kur ju nuk keni etje për të gjitha premtimet boshe të tij? Sa më të fortë të jeni aq më pak do t'ju shqetësojë ai.

Dijeni tani se kur ju dëshmoni trazira globale, është mashtruesi në veprim. Ndjekësit e Mi tani e njohin menjëherë ligësinë e Satanit kur punët e tij janë kaq qartësisht të dukshme. Lutuni që vëllezërit dhe motrat tuaja ta jenë gjithashtu dëshmitarë të punëve të tij të liga dhe t'i njohin ato për atë çfarë janë. Është vetëm kur jo-besimtarët më në fund e pranojnë se Satani ekziston, që ata do të kthehen tek Unë për strehim.

Lutuni tani për konvertimin global, konvertimin që do të ndodhë, jo thjesht për shkak të Paralajmërimit, por për shkak të së Vërtetës.

Mësuesi dhe Shpëtimtari juaj i dashur
Jezu Krishti

https://fatherofloveandmercy.wordpress.com/2011/07/25/satan-is-powerless-against-my-devoted-followers/

Nëna e Shpëtimit: njerëzit e zgjedhin fatin e tyre

E Martë, 20 Janar 2015, në 15:30

Bijtë e mi të dashur së shpejti do të vij një mashtrim i madh, që do të bjer mbi botën si një perde. Ky mashtrim pothuajse do ta zhduki të Vërtetën, por ata që janë të bekuar me Dritën e Mëshirës së Birit tim do t’i shikojnë fallcitetet, që e maskojnë Fjalën e Hyjit.

Që kur njeriu u krijua, a nuk do t’i lejonte Hyji armiqtë e tij të jepeshin pas një mashtrimi të tillë – një mashtrim që ka një qëllim të vetëm. Ai është që të fshijë të gjitha gjurmët e Hyjit në shoqërinë tonë me qëllim që të gjithë ata që nuk vijnë prej Atij të lartësohen në pozita të mëdha të pushtetit. Hyji e lejon këtë si testin më të madh të racës njerëzore, për të vendosur se kush është për Atë dhe kush është kundër Tij.

Bota ka kryer fyerje të rënda kundër Atit tim të Përjetshëm dhe vazhdon të zhytet më thellë në mëkat mortor. Shërbëtorët e shenjtë, përfshi priftërinj, peshkopë dhe kardinalë kanë dështuar, për më tepër se 40 vjet, t’ju mësojnë të Vërtetën fëmijve të Hyjit. Shumë prej tyre nuk do ta pranojnë ekzistencën e mëkatit, as edhe nuk do t’i paralajmërojnë njerëzit për rreziqet e rënda që mëkati mortor i sjell shpirtrave. Shërbëtorët e Hyjit kanë një detyrë dhe ajo është që t’i udhëzojnë besimtarët në të gjitha gjërat që janë të moralshme dhe t’ju tregojnë shpirtrave rreziqet e mos ndjekjes së një jete të mirë. Mëkati nuk referohet më si armiku më i madh, që e bën njeriun të ndahet nga Hyji.

Fëmijë, Hyji nuk dëshiron të shkaktoj frikë por ju kurrë nuk duhet të tundoheni të besoni se Ferri nuk ekziston, sepse ai ekziston. Njerëzit e zgjedhin fatin e tyre dhe ata shpirtra, që nuk i kërkojnë Hyjit t’i fali mëkatet e tyre do ta kenë shumë të vështirë të hyjnë në Portat e Mbretërisë së Birit tim.

Ju duhet të kapeni pas të Vërtetës gjithmonë. Hyji e ka zbuluar të Vërtetën përmes Profetëve të Tij. Mos i ktheni shpinën të Vërtetës sepse nëse e bëni, ju do të mbështesni doktrinën e rreme dhe, gabimisht, do të besoni se ajo do t’ju hapi portat e trashëgimisë suaj.

Sa shumë njerëz janë gënjyer dhe besojnë se kur ju kujdeseni për mirëqënien materiale të fëmijve të Hyjit, atëherë kjo është gjithçka që ka rëndësi. Kujdesuni për shpirtrat tuaj, fëmijë të dashur, sepse ju e keni një dhe ai do të zgjasi përjetësisht, nëse ju banoni me Birin tim në Mbretërinë e Tij apo do të jeni të hedhur tutje prej Tij. Kurrë mos i neglizhoni shpirtrat tuaj sepse do ta keni të vështirë të bashkoheni me Birin tim.

E Vërteta do të jetoj përherë, pasi ajo është Fjala e Hyjit. Ajo kurrë nuk mund të ndryshoj.

Nëna juaj e dashur
Nëna e Shpëtimit

https://fatherofloveandmercy.wordpress.com/2015/01/20/mother-of-salvation-people-choose-their-own-destiny/

Besimi është çelësi ndaj dashurisë së vërtetë

E Mërkurë, 14 Janar 2015, në 15:40

Bija Ime fort e dashur, kur një fëmij i prindërve të dashur ndjen dashuri, ai apo ajo do të ushqehet me një ndjenjë të madhe ngushëllimi dhe afrimiteti.

Dashuria mes një fëmije – me fat të ketë prindër të dashur – dhe familjes, rrjedh nga një ndjenjë e thellë e besimit. Ky besim është absolut. E njëjta gjë qëndron për çdo shpirt të gjallë që më do Mua pa kushte. Dashuria Ime për ata është e palëkundur. Besimi është çelësi ndaj dashurisë së vërtetë. Çdo fëmij i Imi është i dashur, edhe pse dashuria e tyre për Mua nuk është gjithmonë atje.

Më doni Mua dhe ju do të ndjeni paqe. Më doni Mua dhe ju do t’i doni të gjithë ata që janë bijtë e Hyjit. Kjo dashuri është një gjë e natyrshme. Pa atë ju nuk mund të jeni të plotë.

Kur Unë Jam në ju, ju do ta shikoni botën ashtu si Unë e shoh në gjithë lavdinë e saj si dhe në të metat e saj. Ju do t’i dalloni pengesat, që has njerëzimi dhe do të ndjeni një dëshpërim kur të dëshmoni urrejtje në çdo formë sepse urrejtja është e kundërta e dashurisë.

Lutuni, lutuni, lutuni që dashuria për Hyjin të qëndroj e gjallë në botë, sepse pa atë ju do të ndjeheni të braktisur dhe të izoluar.

Më doni Mua ashtu si Unë i dua të gjithë fëmijët e Hyjit dhe Unë do të hedh Hire të mëdha mbi ju dhe ju do ta mposhtni të ligun në gjithë format e tij.

Jezusi juaj i dashur

https://fatherofloveandmercy.wordpress.com/2015/01/14/trust-is-the-key-to-true-love-2/

Nëna e Shpëtimit: Besimi është themeli i Kishës

E Mërkurë, 29 Tetor 2014, në 14:25

Bijtë e mi të dashur, kur ndjeheni të dëshpëruar, të dekurajuar dhe të frikësuar për shkak të padrejtësive të tmerrshme që dëshmoni, ju lutem të kërkoni mbrojtjen time të fuqishme. Unë do të ndërhyj, në emrin tuaj, dhe do t’i kërkoj Birit tim t’i dëgjoj thirrjet tuaja për paqe dhe qetësi. Ai do t’ju mbushi me Hiret e nevojshme për t'ju ruajtur dhe për ta mbajtur të gjallë, brënda shpirtit tuaj, flakën e Shpirtit të Shenjtë.

Nëse ju kërkoni Dhuratat e Shpirtit të Shenjtë dhe Biri im i përgjigjet thirrjes suaj, besimi juaj tek Ai do të forcohet së tepërmi. Kur kjo të ndodhi, besimi juaj do t’ju bëj të mundur të besoni më tepër në Mëshirën e Tij të Madhe. Besimi është themeli i Kishës, me anë të së cilës ajo mund të qëndroj e fortë. Besimi ju heq frikën dhe dëshpërimin. Ai ju sjell ngushëllim, paqe dhe qetësi në kohë trazirash. Ai ju lejon t’i shikoni gjërat kthjellët ashtu si ju duhet, me qëllim që ta mbroni veten tuaj nga persekutimi që do t’ju duhet të hasni çdo ditë.

Ata që janë të përkushtuar ndaj Jezu Krishtit do t'ju duhet të durojnë gjithmonë dhimbjen e Vuajtjes së Tij. Kjo është diçka që ju duhet ta pranoni kur ndiqni Hapat e Tij. Kur ju e pranoni këtë Kryq atëherë ju duhet ta dorëzoni vuajtjen tuaj tek Biri im, për shpëtimin e shpirtrave të atyre që, përndryshe, kurrë nuk do të ishin në gjëndje të hynin në Mbretërinë e Birit tim. Sakrifica juaj, edhe pse mund të jetë e vështirë, sjell gëzim të madh tek Biri im i cili loton në dëshpërim të madh për ata që Ai do t’i humbasi tek i ligu në ditën e fundit.

Feja, shpresa dhe besimi në Birin tim do ta lehtësojnë vuajtjen tuaj dhe do t’ju sjellin paqe dhe gëzim. Është kur ju i merrni këto Bekime që ju do ta dini se e keni kapërcyer çdo pengesë, që ju ndan nga Hyji. Dhe, për këtë, ju duhet të jeni mirënjohës – jo të dëshpëruar – sepse Mbretëria e Hyjit do të jetë e juaja.

Shkoni, bijtë e mi, ta doni dhe t’i shërbeni Birit tim.

Nëna juaj e Dashur
Nëna e Shpëtimit

https://fatherofloveandmercy.wordpress.com/2014/10/29/mother-of-salvation-faith-is-the-foundation-of-the-church/

Mos kini frikë nga këto ngjarje, pasi ato do të kalojnë shpejt

E Enjte, 11 Shtator 2014, në 14:15

Bija Ime fort e dashur, shumë vepra të liga kundër njerëzimit, janë gati për t’u lëshuar nga ato sekte të fshehta, për të cilët Unë i paralajmërova ndjekësit e Mi.

Ju duhet të qëndroni vigjëlent gjatë gjithë kohës dhe ta vini në pyetje gjithçka, që mund të duket e pazakontë. Ta kujtoni çfarë Unë ju tregova dhe mbajini sytë të përqëndruar tek Unë gjatë gjithë kohës. 

Kaloni të paktën një orë në ditë në lutje me qëllim që sprova të tilla të mund të pakësohen dhe, në disa raste, të zhduken. Mos kini frikë nga këto ngjarje, sepse ato do të kalojnë shpejt dhe së shpejti Unë do të vij për t’i dhënë fund gjithë vuajtjes.

Ndjekësit e Mi të dashur, ju lutem t’i kushtoni vëmëndje Paralajmërimeve të Mia. Mos i shpërfillni ato. Kur ju jeni të pregatitur për ngjarje të tilla, dhe kur e vendosni gjithë besimin tuaj në Mëshirën Time, Unë do t’ju sjell ngushëllim dhe do t’ju çliroj nga ankthi juaj. Gjithçka do të jetë mirë por dijeni këtë. Gjatë betejës së madhe, ata shpirtra që Unë i bëj thirrje, për të më ndihmuar Mua, do të vuajnë. 

Secili prej tyre do ta ketë të vështirë të besoj tek Unë, këtë Mision apo ty, bija Ime e dashur. As edhe për një sekondë nuk do të ndaloj mbreti i gënjeshtrave, i ligu, në përpjekjen e tij për ta shkatërruar këtë Misionin Tim. Çdo gënjeshtër e shëmtuar do të përhapet për t'i dekurajuar shpirtrat të dëgjojnë Zërin Tim. Shumë do t’i lejojnë dyshimet t’i ndalojnë ata të zbatojnë Udhëzimet e Mia, por asgjë që ata mund të bëjnë, nuk do ta ndaloj Ndërhyrjen e Hyjit, Atit të Përjetshëm, për të shpëtuar fëmijët e Tij.

Secili prej jush duhet ta kuptoj, qartë, se jam Unë, Jezusi juaj, Dora Udhëzuese në gjithçka që është bërë për të përhapur Fjalën Time dhe për të dhënë Dhuratat, që Qielli i dërgon në botë, gjatë këtyre kohëve të vështira. Fuqia e njeriut është e fortë kur përdoret për të përhapur ligësi dhe për të kundërshtuar Fjalën e Hyjit. Por fuqia e njeriut, kur Hyji e pajis atë me Dhuratën e Shpirtit të Shenjtë, nuk mund të tejkalohet. Mos lejoni që Puna Ime të njolloset; të dëmtohet nga gojëdhënat e liga apo thashethemet e turpshme sepse jam Unë, Jezusi juaj, që tradhëtohet jo shpirtrat që Unë kam zgjedhur për të shpallur Fjalën Time të Shenjtë.

Jezusi juaj

https://fatherofloveandmercy.wordpress.com/2014/09/11/do-not-fear-these-events-as-they-will-pass-quickly/

Mos i kushtoni vëmëndje ulërimave të opozitës sepse opinioni njerëzor nuk do të thotë asnjë në Mbretërinë Time

E Shtunë, 30 Gusht 2014, në 18:15

Bija Ime fort e dashur, këmbëngulja në vuajtje e sjell një shpirt më pranë Meje dhe Unë i shpërblej sprova të tilla për këtë arsye. Kurrë mos e nënvlerësoni se si Prania Ime tek një shpirt kurrë nuk kalon pa u vënë re nga i ligu, i cili tërhiqet shpejt drejt këtyre shpirtrave ku Prania Ime është më e fortë. Pranojeni vuajtjen në Emrin Tim dhe kuptojeni se arsyeja për atë është për shkakun Tim. Po të mos isha Unë i pranishëm, i ligu do t’ju shpërfillte.

Hiret, që Unë hedh mbi ata që më duan Mua më shumë, dhe që kanë braktisur çdo aspekt të dashurisë për vetveten dhe krenarinë, përfshijnë Dhuratën e dijes. Kjo është një Dhuratë shumë e veçantë nga Qielli dhe të bekuar janë ata që e kanë hirin e dijes të së Vërtetës sepse janë ata që kurrë nuk do të lëkunden nga fallcitetet.

Ata prej jush që ju është dhënë kjo Dhuratë do të më sjellin Mua shpirtra. Por për çdo shpirt që ju më sillni Mua, dhe për arsye të lutjeve dhe vuajtes suaj, i ligu do të përpiqet t’ju ndaloj. Dijeni se Lavdia e Hyjit që është e pranishme krah jush do të sjelli një vrer të tmerrshëm dhe ju do të mallkoheni në Emrin Tim nga ata shpirtra të dobët, që janë si ushqim për Satanin dhe çdo djall që ai e ka lëshuar për të shkatërruar shpirtrat në tokë.

Të keni paqen dhe dijeni se kur ju e mbështesni të Vërtetën – Fjalën e Hyjit – përballë vështirësive, e gjithë Fuqia Ime është ushtruar për të shpëtuar shpirtra. Për çdo shpirt që ju më sillni Mua Unë do t’ju hedh më shumë Hire mbi ju dhe kështu do të vazhdoj. Mos i kushtoni vëmëndje ulërimave të opozitës sepse opinioni njerëzor nuk do të thotë asgjë në Mbretërinë Time. Ju gjithmonë duhet ta shikoni njëri tjetrin sikur përmes Syve të Mi. A nuk ja u kam thënë Unë këtë më parë? A nuk e kuptoni mësimin më të thjeshtë, që Unë ju mësova gjatë Kohës Sime në tokë? Ta doni njëri tjetrin ashtu si ju dua Unë. Nëse ju nuk mund t’i doni armiqtë tuaj atëherë ju do ta keni më të vështirë të afroheni me Mua. Nëse ju e vini veten tuaj para të tjerëve, atëherë ju nuk mund të thoni se më doni Mua pa kushte, sepse po të ishte kështu ju do të më thoshit Mua:

“Jezus, unë nuk jam i denjë të qëndroj para Teje, por bëj me Mua, çfarë Ti dëshiron, sepse unë do të bëj ashtu si Ti dëshiron.”

Shkoni të gjithë ju dhe kujtojeni veten se Kush Jam Unë. Vetëm kur ju e jetoni jetën sipas Mësimeve të Mia ju me të vërtetë mund të thoni se jeni nga Unë. Ju nuk mund të merrni një pjesë të Fjalës Sime dhe ta shpallni atë fortë dhe pastaj të mohoni pjesë të tjera. Atyre që e deklarojnë superioritetin e tyre mbi të tjerët, dhe që paraqesin versionet e tyre të shtrëmbëruara të Fjalës Sime, dhe kur kjo rezulton në largimin e shpirtrave nga Unë, Unë ju them këtë. Ditën kur Unë të largoj Praninë Time në botë, do të jetë kur i fuqishmi dhe krenari do të derdhin lotë zemërimi, dhe më pas dëshpërimi, sepse atëherë ata do ta dinë se si mashtrimi i tyre i shkaktoi shumë shpirtra të rrëzohen dhe zemërimi i Hyjit do t’i bëj ata të dridhen. Do të ketë klithma dhe kërcitje dhëmbësh. Por atëhërë, ata nuk do të kenë se nga të kthehen. Ata nuk do të kenë se kujt t’i përgjigjen sepse ata kurrë nuk do ta shikojnë Fytyrën Time.

Jezusi juaj

https://fatherofloveandmercy.wordpress.com/2014/08/30/heed-not-the-roars-of-opposition-for-human-opinion-means-nothing-in-my-kingdom/

Mos i shqetësoni zemrat tuaja, të argumentoni për Mua apo të përpiqeni të dilni më të mirë se Unë, sepse kjo nuk i shërben asnjë qëllimi

E Shtunë, 9 Gusht 2014, në 17:43

Bija Ime fort e dashur, ndërsa stuhitë egërsohen dhe kur paqja të shpërthej dijeni se koha po afron që Ndërhyrja Ime të godasi. Njeriu do të shikoj trazira ngado që hedh sytë dhe disa do të thonë se koha është afër.

Deri kur të shikoni luftra të shpërthejnë në pjesë të ndryshme të botës dhe kur doktrinat e reja janë mbledhur dhe shpërndarë mes atyre me etje shpirtërore, të cilët do të jenë të parët që t'i mbërthejnë ato si bletët tek mjalti, vetëm atëherë ju mund të jeni të sigurtë për ndryshimet e mëdha, të cilat do të përshpejtojnë Ardhjen e Dytë.

Retë do të mblidhen para stuhive dhe stuhitë do të egërsohen para se rrufeja finale të hidhet nga qiejt. Shenjat janë duke u bërë më të qarta për ata me sy që mund të shikojnë por për të tjerët ata thjeshtë do të besojnë se ka fare pak drejtësi në botë – trazira ashtu si më parë – ashtu si ato kanë qënë gjithmonë.

Por dijeni se profecitë e parathëna do të ndodhin dhe se ato do të dëshmohen nga shumë para Ditës së Madhe.

Mos i shqetësoni zemrat tuaja, të argumentoni për Mua apo të përpiqeni të dilni më të mirë se Unë, sepse kjo nuk i shërben asnjë qëllimi tjetër përveçse të shkaktoj frikë për t’ju shqetësuar në zemrat tuaja. Unë shqetësohem kur shikoj përçarje në botë; Unë ndjej dhimbje kur shikoj ligësinë, që çon në vrasjen e të pafajshmëve dhe vuajtjen e shkaktuar mbi të dobëtin. Unë ndjej dhimbje kur shikoj kaq shumë në errësirë, që derdhin lotë hidhërimi, sepse nuk besojnë në një të ardhme. Ata nuk kanë asnjë besim në Premtimin Tim për të rifituar Mbretërinë Time dhe për t’i sjellë lavdi njerëzimit. Oh sa më shqetëson Mua kjo dhe sa mall kam për t’i sjellë ata shpirtra në ngushëllimin e Dashurisë Sime dhe paqen që Unë dëshiroj ta sjell në thelb të shpirtrave të tyre.

Kur trazirat, që e trazojnë botën, të rriten intensivisht ju duhet t’i ulni të gjitha armët tuaja dhe të hiqni çdo mbrojtje që keni vendosur para Meje për ta mbrojtur veten dhe pastaj më thërrisni Mua në këtë lutje.

Lutja e Kryqëzatës (163) Më shpëto nga persekutimi

O Jezus, më ruaj nga dhimbja e persekutimit në Emrin Tënd.

Më afro pranë Zemrës Tënde.

Më çliro nga krenaria, lakmia, inati, egoizmi dhe urrejtja në shpirtin tim.

Më ndihmo që me të vërtetë të dorëzohem ndaj Mëshirës Tënde.

Largoje frikën time.

Më ndihmo ta shkarkoj dhimbjen time dhe hiqe gjithë persekutimin nga unë, që të mund të ndjek Ty, si një fëmijë i vogël, duke e ditur se të gjitha gjërat janë nën Kontrollin Tënd.

Më çliro nga urrejtja e treguar nga të gjithë ata që deklarojnë të jenë të Tutë, por që në të vërtetë të mohojnë Ty.

Mos i lejo gjuhët e tyre prerëse të më godasin mua apo veprat e tyre të liga të më devijojnë nga Udha e së Vërtetës.

Më ndihmo të përqendrohem vetëm në Mbretërinë Tënde që do të vijë dhe të ngulmoj, me dinjitet kundër çdo fyerjeje që unë mund ta duroj në Emrin Tënd.

Më sill paqen e mendjes, paqen e zemrës, paqen e shpirtit. Amen.

Ju lutem të qëndroni të qetë kur stuhitë mblidhen vrull sepse nëse ju nuk keni besim të plotë tek Unë ju do të lëkundeni dhe dhimbja juaj, kur të shikoni të ligën të maskuar si të mirë, do të bëhet e padurueshme. Besoni tek Unë. Kurrë mos devijoni nga Mësimet e Mia dhe lutuni me gjithë shpirtin tuaj, të pastruar nga ligësia, ashtu si pritet nga ju si një ndjekës i Imi. Kur ju bëni kështu, ju do të çliroheni dhe asgjë nuk do t’ju shqetësoj më.

Jezusi juaj

https://fatherofloveandmercy.wordpress.com/2014/08/09/do-not-trouble-your-hearts-argue-over-me-or-try-to-outwit-me-for-this-would-not-serve-any-purpose/

Shumë janë thirrur por pak janë zgjedhur për të qëndruar besnikë ndaj Meje

E Shtunë, 2 Gusht 2014, në 10:16

Bija Ime fort e dashur, të më ndiqni Mua në këtë, udhëtimin Tim final për të përmbushur Besëlidhjen e Atit Tim, kjo mund të përngjasohet me atë të një grupi alpinistësh që i ngjiten një mali. Dijeni se ky është një mal i lartë, një terren i ashpër dhe i mbushur me pengesa, të cilat do të paraqesin probleme madje dhe për alpinistat më me përvojë, pasi do të paraqesi dredha dhe kthesa të çuditshme dhe të papritura në çdo nivel dhe përreth çdo kthese.

Ata që besojnë në çfarë Unë them dhe që më ndjekin Mua, me një zemër të hapur dhe të dlirë, do ta kenë këtë udhëtim më të lehtë se të tjerët. Megjithatë, shumë që janë të sigurtë në fillim të këtij udhëtimi mund të ecin tepër shpejt dhe të bëjnë hapa të mëdha në përpjekje për t’u ngjitur në majë. Këta janë njerëzit që do të bien më fortë dhe rënia e tyre në fund do të jetë më e dhimbshme.

Të tjerët që nuk janë alpinista me përvojë, por që ndjekin udhëzime të qarta, të dhëna atyre nga Ai I Cili i udhëheq ata, në shumë raste do të arrijnë në majë të parët.

Besimi i tyre, durimi dhe gadishmëria e tyre për të arritur majën, me çdo kusht, do t’ju japi atyre energji dhe entuziazëm të madh, që do t’i ruaj ata në ngjitjen e tyre në majë. Ata që nuk ndalojnë rregullisht dhe të pijnë për të shuar etjen e tyre do të thahen dhe ata që harrojnë të marrin ushqim me vete do ta kenë të pamundur ta ruajnë fuqinë e tyre.

Çdo hap i këtij udhëtimi përfaqëson sfida të reja, kthesa të rrezikshme dhe shkëmbinj pothuajse të pamundur për t’u kapërcyer. Do të duhet një person shumë i fortë me mëndje dhe trup të shëndoshë për të qëndruar në vijë drejt ngjitjes në majë. Ata do të shpërqëndrohen nga të tjerët të cilët e kanë humbur besimin në vetë aftësinë e tyre për të gjetur udhën drejt malit dhe do të përpiqen vazhdimisht për t’i larguar ata nga detyra e tyre.

Pastaj do të jenë të tjerët, xhelozë për ata që ecin përpara me përpjekje të mëdha, të cilët do të përpiqen për t’i penguar alpinistët duke ju vënë kurthe dhe pengesa të tjera para tyre me qëllim që t’i ngadalësojnë. Këta shpirtra të zhgënjyer dhe xhelozë do të bëjnë çfarë të munden për të ndaluar alpinistin e vendosur dhe të përkushtuar të arrij në majë. Ata do të krijojnë gënjeshtra për t’u përpjekur dhe për t’i bindur ata në udhëtimin e tyre të ndalojnë – të largohen, nga frika e rreziqeve të mëdha, që mund të shtrihen përpara. Ata do t’ju thonë atyre se drejtuesi i alpinistëve nuk është i denjë t’i çoj ata në majë dhe për shkak të kësaj ata do të jenë në rrezik të madh, nëse do të jenë kaq të pamend sa të vazhdojnë në atë që ata thonë se është një udhëtim i rrezikshëm dhe i vështirë.

Dhe kështu do të vazhdoj, ky Udhëtim i Imi, deri në Ditën kur Unë do të Vij përsëri. Shumë janë thirrur, por pak janë zgjedhur, për të qëndruar besnikë ndaj Meje. Disa janë thirrur dhe më ndjekin Mua. Pastaj ata më tradhëtojnë Mua. Urrejtja e tyre për Mua është më e keqe nga të gjitha, sepse janë ata që më sollën Mua shpirtrat përgjatë këtij udhëtimi drejt Shpëtimit. Por kur ata i dorëzohen tundimit të Satanit, që mbjell gënjeshtra të tmerrshme brënda shpirtrave të tyre, do të jenë ata që do t’i largojnë shpirtrat nga Unë.

Vetëm ata me një shpirt të përulur, zemër të butë – pa ligësi, krenari dhe egoizëm, do të arrijnë me sukses në majën e malit. Kur ajo ditë të ndodhi, ata që u larguan nga Unë dhe që më tradhëtuan Mua, nuk do të kenë se ku të shkojnë, sepse udha që çonte drejt kodrës nuk do të jetë më.

Jezusi juaj

https://fatherofloveandmercy.wordpress.com/2014/08/02/many-are-called-but-few-are-chosen-to-stay-true-to-me/

Besimi juaj do të vihet në provë si kurrë më parë

E Martë, 1 Korrik 2014, në 20:50

Bija Ime fort e dashur, dashuria, që rrezaton nga dishepujt e Mi të cilët më ndjekin Mua në këtë kohë, është e gjithë përfshirë. Është Drita, e cila ndriçon mes jush ajo që e ruan Dashurinë Time, e cila ndjehet ngado që Unë Jam i nderuar.

Shpirti I Shenjtë vazhdon të vërshoj mbi Kishën Time në Tokë, ndërsa ajo përpiqet kundrejt sprovave dhe vështirësive, me të cilat përballet çdo ditë.

Megjithatë, shpirti i errësirës vazhdon të peshoj rëndë mbi kombet, pasi çdo përpjekje po bëhet nga agjentët e të ligut të zhdukin çdo gjurmë Timen, Fjalën Time dhe Kishën Time të Vërtetë, nga faqja e Dheut. Të jeni të bindur, se pavarësisht se sa e rëndë të jetë pesha juaj, Unë Jam me ju, duke ecur krah jush dhe duke ju ndihmuar të kapërceni vështirësi, në çdo hap të udhëtimit tuaj.

Besimi juaj do të vihet në provë si kurrë më parë; guximi juaj mund t’ju lër herë pas here; këmbngulja juaj do të vihet në provë deri në fund dhe pranimi juaj i të Vërtetës do të sfidohet. Ju do të ngacmoheni; do të talleni dhe përçmoheni, të gjitha këto do të shkaktohen nga veprat e liga të atyre që Satani i përdor për të më luftuar Mua, Jezu Krishtin. Por asgjë nuk do ta shkatërroj Kishën Time – ndjekësit e Mi të vërtetë.

Ata që qëndrojnë besnikë ndaj Fjalës së Hyjit, ashtu si ka ekzistuar për kaq kohë, do të vazhdojnë të më përfaqësojnë Mua në Tokë. Mbrojtja Ime do t’ju mbuloj si një mburojë e padukshme dhe besimi juaj kurrë nuk do të dobësohet kur të luftoni me Shpatën e Hyjit.

Qëndroni besnikë ndaj Meje dhe Drita Ime do të vazhdoj të ndriçoj mbi racën njerëzore. Premtimi Im është se Kisha Ime do të mbetet e paprekur, edhe pse më e vogël nga sa është tani, deri kur Dita e Madhe e Zotit të agoj.

Jezusi juaj

https://fatherofloveandmercy.wordpress.com/2014/07/01/your-faith-will-be-tested-like-never-before/

Hyji Atë: Shumë pak prej jush do ta refuzojnë kishën e re mbarë botërore dhe prandaj Ndërhyrja Ime do të jetë e shpejtë

E Dielë, 20 Prill 2014, në 17:40

Bija Ime më e dashur, kur Unë e dërgova Birin Tim për të shpenguar njerëzimin, bota e refuzoi Atë, ashtu si ata bënë me profetët që Unë dërgova para Tij.

Ndërsa Unë tani pregatitem të dërgoj Birin Tim, herën e dytë dhe të fundit, për të mbledhur fëmijët e Mi dhe për t’ju dhënë atyre Jetën e Përjetshme, ata gjithashtu do ta refuzojnë këtë Vepër të Madhe të Mëshirës. Unë, përmes Fjalës Sime, i kam dhënë njeriut të Vërtetën dhe ai prapë e refuzon atë. Sa lehtë harrojnë ata. Sa të verbuar janë, sepse Unë i tregova botës se Unë do t’ju sillja atyre Mbretërinë Time – një Botë të Re, pa fund – por ata nuk e kuptojnë në të vërtetë se çfarë do të thotë trashëgimia e tyre. Mëshira e Birit Tim nuk do të pranohet nga të gjithë dhe prandaj Unë e kujtoj botën për çfarë do të vij, me qëllim që ata të vijnë dhe ta pranojnë Mbretërinë Time.

Do të ketë rezistencë të madhe nga fëmijët e Mi ndaj shumë mrekullive që Unë do t’i tregoj botës, para Ardhjes së Birit Tim. Do të flitet shumë, por armiqtë e Mi do të sigurojnë që fëmijët e Mi të mashtrohen, me qëllim që të mos i pregatisin shpirtrat e tyre për Jetën e Lavdishme që Unë e kam pregatitur për secilin prej jush.

Ashtu si Biri Im u ngjall së vdekuri në ditën e tretë, po ashtu Ai do ta zbuloj Veten në ditën e tretë, pas tre ditëve të errësirës, në Ardhjen e Tij të Dytë. Unë dëshiroj që ju të jeni të vetëdijshëm për këto tre ditët e errësirës, që të mos keni frikë prej tyre. Qirinjtë e bekuar do t’ju japin dritën e vetme e lejuar nga Unë, për të mundësuar ata që më duan Mua të shikojnë dhe të presin, me gëzim, Arritjen e Birit Tim.

Mos kini frikë nga Dashuria Ime për ju apo nga Fuqia që Unë zotëroj, pasi është për të mirën tuaj që Unë i lejoj të gjitha ngjarjet të ndodhin në ditët që çojnë drejt Ditës së Madhe. Unë i lejoj armiqtë e Mi të enden nëpër Tokë. Unë i lejoj shkatërruesit ta mashtrojnë njeriun, sepse kështu Unë e vë në provë besimin e atyre që janë të bekuar me të Vërtetën. Por dijeni këtë. Ata që e tradhëtojnë Fjalën e Hyjit do të flaken në humnerë. Ata që i godasin dhe i ndëshkojnë shërbëtorët e Mi të shenjtë, të cilët e duan Birin Tim, do të ndëshkohen ashpër. Unë do ta lejoj të dobëtin dhe ata që mashtrohen lehtë, me qëllim që ata – kur Profecitë e Mia, të dhëna ty, bija Ime, të ndodhin – të pendohen dhe të më kërkojnë Mua.

Fëmijë, Unë Jam duke ju pregatitur ju, me qëllim që Vullneti Im të kryhet dhe që ju të jetoni, brënda Mbretërisë Sime, për të cilën keni lindur. Bota në të cilën jetoni është e ndotur, për shkak të të ligut dhe influencës së tij. Toka është e pllakosur nga mëkati, në këtë kohë më shumë se ndonjëherë më parë dhe mëkati tani do të shtohet, ku çdo njëri prej jush, me besim të vërtetë, do ta dëshmoj atë. Ju duhet t’ju kujtohet e Vërteta çdo ditë duke filluar që sot – të Dielën e Pashkës – sepse pa atë, ju do të endeni kot dhe do të humbisni.

Shumë pak nga ju do ta refuzojnë kishën e re mbarë botërore dhe prandaj Ndërhyrja Ime do të jetë e shpejtë. Unë do t’ju tërheq drejt Meje, do t’ju mbaj të lartësuar, kur dhimbja e braktisjes të bëhet e padurueshme, dhe Unë do t’i shpëtoj shpirtrat tuaj me çfarëdo mënyre që Unë zgjedh, sesa t’ju humbas tek armiqtë e Mi. Unë dëshiroj që ju t’i trajtoni me mirësi ata që luftojnë kundër Birit Tim për shkak të këtij, Misionit të Tij për ta pregatitur botën për Ardhjen e Tij të Dytë. 

Unë ju ftoj që të më kërkoni Mua, Atin tuaj të Përjetshëm, të tregoj Mëshirë tek të gjitha ata që përpiqen të pengojnë Dorën Time, Bujarinë Time, Fuqinë Time dhe Hyjninë Time, me anë të kësaj Kryqëzatë Lutje të veçantë:

Lutja e Kryqëzatës (147) Hyji Atë, trego Mëshirë ndaj atyre që e mohojnë Birin Tënd

O Hyj, Ati im i Përjetshëm, unë të kërkoj Ty të tregosh Mëshirë ndaj atyre që e mohojnë Birin Tënd. Unë të lutem për shpirtrat e atyre që përpiqen të shkatërrojnë profetët e Tu. Unë të lutem për kthimin e shpirtrave që janë të humbur për Ty dhe kërkoj që Ti të ndihmosh të gjithë fëmijët e Tu për të përgatitur shpirtrat e tyre dhe për ta ndryshuar jetën e tyre sipas Vullnetit Tënd Hyjnor në pritje të Ardhjes së Dytë të Birit Tënd të dashur, Jezu Krishtit. Amen.

Shkoni, fëmijët e Mi, dhe pregatisni të gjithë ata që janë të njohur për ju, duke i ofruar lutjet e veçanta tek Unë, Ati juaj I Përjetshëm, për Mëshirën Time të Madhe.

Unë ju dua të gjithëve ju. Unë kam Gjithë-Dashurinë, Gjithë-Durimin dhe Unë pres përgjigjen tuaj. Kurrë mos mendoni se Unë nuk do t’i dëgjoj lutjet tuaja, sepse zërat tuaj janë ëmbëlsi për Veshët e Mi dhe dashuria juaj për Mua më sjell Mua gëzim të madh. Nuk ka asgjë që Unë nuk do të bëj për fëmijët e Mi. Asgjë.

Shkoni në dashuri dhe gëzim, sepse ju mund të jeni të sigurtë se Unë Jam I Gjithë-Mëshirshëm.

Ati juaj i dashur
Hyji Më I Larti

https://fatherofloveandmercy.wordpress.com/2014/04/20/god-the-father-very-few-of-you-will-reject-the-new-one-world-church-and-so-my-intervention-will-be-swift/

Ju duhet të qëndroni të qetë, në paqe, por me një vendosmëri të fortë për të vazhduar shpalljen e Fjalës së Shenjtë të përmbajtur tek Ungjilli

E Dielë, 20 Tetor 2013, ora 12:07 

Bija Ime fort e dashur, Unë dëshiroj t’ju zbuloj të gjithëve ju, apostujve të Mi të dashur – ata që ecin në Tokë dhe shpallin Fjalën Time të Shenjtë – se ju duhet të kapeni pas Meje, Jezusit tuaj, si kurrë më parë. Këto kohë, që vijojnë do të jenë të vështira për ju dhe të gjithë ata që qëndrojnë tek Unë, me Mua dhe për Mua, ju do të jeni përgjegjës për ta mbajtur të ndezur Flakën e Dritës Sime në ditët e errëta që do të vijnë.

Fëmijët e Mi të shtrenjtë, ju duhet të qëndroni të qetë, në paqe, por me një vendosmëri të fortë për të vazhduar shpalljen e Fjalës Së Shenjtë e përmbajtur në Ungjill në çdo skaj të botës. Ju, Ushtria Ime e Mbetur, do t’i sillni të gjithë fëmijët e Hyjit tek Unë dhe do të ndihmoni t’i shpëtoni ata nga fryma e të ligut, që do të pushtoj miliona shpirtra. 

Ju jeni të Mitë dhe ju ecni brënda Dritës së Hyjit, duke shtruar udhën që bota të shpëtohet.

Hiret e Mia po hidhen mbi ju, dishepujt e Mi të dashur, dhe menjëherë sa ta kuptoni se ju po udhëzoheni nga Unë dhe besoni tek Unë plotësisht, asnjë dëm nuk do të vij tek ju. Por nëse ju e lejoni veten të bëheni shërbëtorë të vullnetshëm të mashtruesit, atëherë Mbrojtja Ime nuk do t’ju mbuloj më. Ata prej jush që mbajnë anën e profetit të rremë dhe të antikrishtit do të bien në kurth të Satanit dhe ai nuk do t’ju lër të lirë. Ata prej jush që ecin përkrah armiqve të Mi dhe pijnë nga kupa e gjarpërit do të shkatërroheni prej tij nëse guxoni ta kundërshtoni atë.

Dëgjojeni tani, paralajmërimin Tim – mbani anën e bishës dhe bëni një betim jo të shenjtë për të nderuar herezinë dhe ju do ta keni shumë të vështirë ta shkëputni veten nga mbërthimi i tij i lig. Lutuni që ju të keni mënçurinë për të parë të Vërtetën.

Jezusi juaj

https://fatherofloveandmercy.wordpress.com/2013/10/20/you-must-remain-calm-at-peace-but-with-a-firm-resolve-to-continue-to-proclaim-the-holy-word-contained-in-the-gospels/

Nëna e Shpëtimit: Ashtu si Fjala e Shenjtë e Hyjit mund të bashkoj shpirtrat, po ashtu ajo mund të shkaktoj përçarje të madhe

E Mërkurë, 31 Korrik 2013

Bija ime, kur ju e doni Birin tim, Jezu Krishtin, kjo do të bashkoj të gjithë ata që me të vërtetë e duan Atë. Kur ata që e duan Birin tim e kanë të vështirë të duan të tjerët, ata duhet të më thërrasin Mua, Nënën e Shpëtimit, për t’i hapur zemrat e tyre.

Dashuria e Birit tim është kaq e fuqishme, sa me Fuqinë e Shpirtit të Shenjtë, ajo mund të përhapet kaq shpejt nga njëri skaj i botës në të gjitha anët. Kur Fjala e Shenjtë e Birit tim i jepet të gjithë fëmijve të Hyjit, përmes këtij Misioni, ajo do të copëtoj tepërtej zemrat e shpirtrave të përulët, që e njohin Shpëtimtarin kur Ai flet.

Dashuria, që buron nga Fjala e Tij, që po të jepet ty në këtë perioudhë të historisë së njerëzimit, do të bashkoj miliona shpirtra, në çast, sikur ju ta njihnit njëri tjetrin gjatë gjithë jetës suaj. Kaq e fuqishme është ajo, sa përmes fuqisë së gjuhëve, ajo mund të përhapet shpejt nga kombi në komb, në të gjitha gjuhët. Në këtë mënyrë ju e dini se këto Fjalë, përmes këtyre Mesazheve, vijnë nga Biri im.

Ashtu si Fjala e Shenjtë e Hyjit mund t'i bashkoj shpirtrat, po ashtu ajo mund të shkaktoj përçarje të madhe. Urrejtja, që krijohet kur Fjala e Hyjit i pushton shpirtrat, po keqësohet. Kur këto Mesazhe tërheqin urrejtje të tillë dhe veprime të liga, prej atyre që e quajnë veten dishepuj të vërtetë të Birit im, dijeni pra se është i ligu ai që e shkakton këtë. Shpirtrat e mi të gjorë, fëmijët e mi të shkretë të hutuar, ju kurrë nuk duhet të ktheni shpinën kur jeni të pasigurtë për Fjalët e Birit tim.

Ju duhet të jeni vigjëlentë dhe të qëndroni të vërtetë ndaj asaj që Ai ju ka mësuar. Mos gjykoni njeri në Emrin e Tij. Duajeni njëri tjetrin. Nëse nuk besoni se Hyji e ka dërguar profetin e Tij të fundit, kjo nuk ka rëndësi. Ju lutem pra të kujtoni detyrimin tuaj – duke kryer detyrat tuaja ndaj Birit im, duke ju përmbajtur rreptësisht Mësimeve të Tij.

Ju kurrë nuk duhet të pranoni që Ai do të bekonte ndonjë doktrinë të re, që Ai nuk i dha botës kur Ai eci në Tokë. Ai kurrë nuk do të pranonte ndonjë gjë, që zëvendëson vdekjen e Tij në Kryq mbi altaret e botës.

Nëna juaj e dashur
Nëna e Shpëtimit

https://fatherofloveandmercy.wordpress.com/2013/07/31/mother-of-salvation-just-as-the-holy-word-of-god-can-unite-souls-so-too-can-it-cause-great-division/

Sa shumë njerëz po e kërkojnë të Vërtetën dhe nuk arrijnë ta gjejnë atë

E Diel, 23 Shtator 2012, në 09:00

Bija Ime fort e dashur, vjen një kohë kur njeriu duhet ta pyesë veten – kush jam unë dhe përse unë jetoj?

Përgjigjja e vetme, që i sjell atij paqe, është kur ai e kupton se ai është një fëmijë i Hyjit. Në vend që ta mohojë të Vërtetën, për shkak të presioneve të ushtruara prej atyre që qeshin me ata që besojnë në Hyjin, ai duhet të jetë i ndershëm me vetveten.

Ai e di se dashuria që ndjen vjen prej Hyjit.

Ai e di, në zemrën e tij, se mjerimi që ai ndjen kur gjendet në errësirë dhe dëshpërim vjen nga ana tjetër. Ana e errët.

Sa shumë njerëz po e kërkojnë të Vërtetën dhe nuk arrijnë ta gjejnë atë.

Edhe pse e Vërteta është e shënuar në Librin e Shenjtë, shumë vetë nuk arrijnë ta pranojnë se Shkrimi i Shenjtë i përmban të gjitha përgjigjet që ata kërkojnë.

Ju duhet ta përqafoni të Vërtetën dhe të mbështeteni tek ajo përjetë, sepse ajo është udha drejt shpëtimit.

Shumë njerëz do të bëjnë çdo gjë që është e mundur për ta mohuar të Vërtetën. Kryesisht ata do të përdorin inteligjencën njerëzore për ta copëtuar të Vërtetën dhe për t'ju bërë të besoni një gënjeshtër.

Çdo argument do të përdoret për të mohuar të Vërtetën e Hyjit. Kaq bindëse do të jenë këto argumente sa shumë besimtarë do ta kenë të vështirë që ta mbrojnë të Vërtetën.

Nënshtrohuni,
pra Hyjit.
Kundërshtoni djallit,
dhe do të largohet
prej jush.
- Jakobit 4:7

Besimi juaj do t'i qëndrojë provës së kohës por vetëm nëse ju do më lejoni Mua që t'ju drejtoj ditë e natë.

Me qëllim që Unë t'ju drejtoj, ju kurrë nuk duhet t'i largoni sytë nga Unë dhe të mbështeteni tek Unë për ndihmë.

Flisni me Mua. Komunikoni me Mua në çdo kohë të ditës, në makinë, në punë, në shkollë apo në kishën tuaj. Nuk ka rëndësi se ku jeni, sepse ju mund të më thërrisni Mua në çdo moment dhe Unë do t'ju përgjigjem.

Kjo udhë, rruga drejt Kalvarit është ajo që u përket ndjekësve të Mi. Ajo është një kodër shumë e vështirë për t’u ngjitur. Ju duhet të duroni pengesat dhe dhimbjen e refuzimit prej atyre që nuk duan ta pranojnë të drejtën tuaj për ta praktikuar fenë tuaj. Maja e kodrës duhet të jetë pikësynimi juaj. Vetëm kur të arrini majën, ju do të gjeni paqe.

Këmbëngulni, ndjekësit e Mi të dashur dhe Dashuria Ime do të ndjehet prej jush në një mënyrë të tillë që do t'ju japë një forcë që ju nuk do ta besonit të ishte e mundur.

Unë ju dua. Unë eci me ju. Unë kurrë nuk do t'ju lë. Unë ju bekoj të gjithëve.

Jezusi juaj 

https://fatherofloveandmercy.wordpress.com/2012/09/23/so-many-people-are-searching-for-the-truth-and-cannot-find-it/