Hyji Atë: Unë i premtova botës Librin e të Vërtetës dhe Unë kurrë nuk e thyej Fjalën Time të Shenjtë

E Dielë, 26 Maj 2013

Bija Ime më e dashur, fëmijët e Mi të dashur janë të trazuar në këtë kohë. Unë dëshiroj t’ju them atyre, dhe sidomos ata që i dyshojnë këto Mesazhe Hyjnore të dhëna ty prej dashurisë Sime për ata, se nuk duhet të kenë frikë.

Frika krijon dyshim. Dyshimi krijon rrëmujë. Rrëmuja çon në trazira dhe, gradualisht, ju do të verboheni ndaj të Vërtetës. E Vërteta kurrë nuk do të jetë e lehtë për tu pranuar, sepse e Vërteta zbulon të mirën dhe të keqen. Askush nuk do të dëgjoj të keqen dhe në vënd që të pranojnë udhëzimin e dhënë botës përmes Dëshirave të Mia, njerëzimi do të struket nga frika.

Unë dërgoj profetët e Mi për t’ju kujtuar për Dashurinë Time të Pafund për secilin nga fëmijët e Mi të çmuar. Unë gjithashtu i dërgoj ata për t’ju paralajmëruar për pengesat, që do të vihen para jush nga i ligu për t’ju larguar nga Unë. Kur Unë i zbuloj këto gjëra, nuk është për t’ju shqetësuar ju, por për t’ju shpëtuar dhe për t’ju ruajtur nga lëndimi.

E Vërteta e dhënë juve në Librin Tim të Shenjtë, Biblën, është aty që ju ta shikoni. Mos e merrni atë dhe të krijoni versionin tuaj, sepse nuk është Dëshira Ime që ju ta shtrëmbëroni të Vërtetën. Unë i premtova botës Librin e të Vërtetës dhe Unë kurrë nuk e thyej Fjalën Time të Shenjtë. Këtë Unë ja u jap tani, që të mund të mbledh fëmijët e Mi nga të katër skajet e Tokës. Armiqtë e Mi do të përpiqen të ndalojnë përhapjen e përmbajtjeve në Librin e të Vërtetës. Mos i lejoni ata t’ju heqin vëmëndjen, sepse kur kjo ndodh shpirtrat do të humbasin për Mua.

Të jeni mirënjohës që Unë, Ati juaj i dashur, ju jap këtë Dhuratë të madhe, pasi ju do të keni nevojë për Drejtimin Tim, sidomos tani, kur antikrishti do t’i tregohet tani botës për ta parë.

Ju, përmes Librit të së Vërtetës, do t’ju tregohet si të mbroni shpirtrat tuaj nga fëlliqësia që ai ka planifikuar të shkaktoj mbi botën. Çdo mbrojtje po ju jepet për t’ju ndihmuar të shpëtoni, jo vetëm shpirtrat tuaj, por edhe shpirtrat e miliardave.

Ushtrisë së Mbetur do t’i jepen fuqitë më të mëdha për ta mposhtur bishën. Ajo do të jetë mjaft e fortë për ta bërë këtë, prandaj kurrë mos u ndjeni të dekurajuar kur armiqtë e Mi të përpiqen për t’ju penguar të shumfishoheni përmes gjithë kombeve. Fuqia e tyre do të shuhet dhe ata që janë të dobët dhe pranojnë gënjeshtrat, që do t’ju paraqiten atyre, së shpejti, në Emrin e Birit Tim, do të jenë të humbur për Mua. Vetëm përmes dashurisë suaj për Mua dhe Birin Tim të dashur, Jezu Krishtin, dhe sipas Fuqisë së Shpirtit të Shenjtë munden që të gjithë fëmijët e Mi të shpëtojnë.

Unë do t’ju mbroj dhe do t’ju ruaj gjatë gjithë kohës. Lartësoni shpirtrat tuaj tek Unë përmes besnikërisë suaj ndaj Birit Tim dhe do t’ju jepet Dhurata më e Lavdishme e Parajsës Sime të Re.

Mos lejoni asnjë t’ju ndaloj të deklaroni trashëgiminë tuaj të drejtë. Mos lejoni asnjë t’ju ndaloj të luftoni për shpirtrat e të gjithë fëmijve të Mi, sepse juve po ju jepen Hiret e nevojshme për të shpëtuar madje dhe shpirtrat e atyre që më fyejnë Mua më shumë. Unë ju dua, fëmijë. Unë pres përgjigjen tuaj ndaj kësaj Thirrje nga Qielli.

Ati juaj i dashur

https://fatherofloveandmercy.wordpress.com/2013/05/26/god-the-father-i-promised-the-world-the-book-of-truth-and-i-never-go-back-on-my-holy-word-2/

Kisha Ime duhet të ketë besim tek Unë. Ata duhet t’i heqin zinxhirët e tyre të frikës dhe dyshimit dhe të më lejojnë Mua që ta bëj veten të njohur

E Enjte, 28 Qershor 2012, në 15:00

Bija Ime fort e dashur duhet të dihet se ata që pohojnë se vijnë në Emrin Tim, si profetë, por që nuk flasin me gjuhën e Qiellit, po shtohen në numër.

Kaq shumë nga këta shpirtra po infektohen nga engjëjt e rënë dhe flasin me ton të përshtatur me kujdes por edhe dashamirës, që të kujton atë që ju do të prisnit të ishte Zëri Im i Shenjtë.

Oh sa janë duke u mashtruar tani ndjekësit e Mi të devotshëm dhe sa të hutuar do të jenë ata. Në cilin do të kenë besim? Cilin të ndjekin? Cilin të besojnë?

A nuk pata thënë Unë se shumë do të vijnë në Emrin Tim por pak vetë do të flasin me Zërin Tim?

Janë më pak se 20 ata që kanë lejen për t'ia shpërndarë botës Fjalën e Hyjit dhe këtu përfshihen edhe ata që marrin mesazhe hyjnore nga Qielli prej Nënës Sime të dashur.

Shumë vizionarë të tjerë janë të pranishëm gjithashtu në botë por misioni i tyre është i ndryshëm.

Roli i tyre mund të jetë ai i lutjeve të përditshme për të ndihmuar në shpëtimin e njerëzimit, ose ai i vuajtjeve personale të ofruara tek Unë si një dhuratë për t’i shpëtuar shpirtrat nga Satani. Vuajtja në këtë mënyrë, me dëshirë, e shkatërron fuqinë e Satanit përmbi shumë shpirtra njerëzish.

Profetët e Mi janë të pakët dhe ju do t'i njihni ata prej Zërit Tim të vërtetë i cili do t'i godasë zemrat dhe shpirtrat e fëmijëve të Hyjit në një mënyrë që është e pamundur të shpërfillet. 

Mesazhet e Mia për botën për këto kohë do të jenë të detajuara dhe do të zbulojnë të vërteta të pa-zbuluara më parë.

Shumë prej atyre që Unë ju jap tani është thjesht për t'ju kujtuar Mësimet e Mia.

Shumë prej atyre që Unë ju paraqes tani është ushqimi i jetës, i dhënë tek ju përmes Lutjeve të Mia të Kryqëzatës, për të ndihmuar në shpëtimin e shpirtrave tuaj dhe të atyre të të tjerëve në Ardhjen Time të Dytë.

Shumë mesazhe të tjera që u janë dhënë të tjerëve, do të jenë të ngjashme por nuk do të hyjnë kaq shumë në detaje.

Misionet e tyre janë po aq të rëndësishme sepse ata do të kthejnë në besim shpirtra.

Gjithmonë kujtojeni këtë. Unë po përpiqen t'ju tregoj se sa shumë Unë ju dua dhe dëshiroj që ta zbuloj të Vërtetën e ekzistencës Sime.

Prova e kësaj do t’iu zbulohet më në fund të gjithë fëmijëve të Hyjit së shpejti.

Ju lutem mos u grindni mes njëri-tjetrit duke u përpjekur që t'ia kaloni njëri-tjetrit nga ana e njohurive tuaja shpirtërore.

E Vërteta është kjo.

Asnjë njeri nuk e njeh të Vërtetën e përmbajtur në Vulat e fshehura në Librin e Zbulesës.

Siç ju kam thënë më parë, ato qenë vulosur, në Librin e së Vërtetës, deri tani, në kohët e fundit.

Unë, Jezu Krishti, Qengji i Hyjit, tani i hap ato për t'ju përgatitur për Mbretërinë Time të Re.

Juve ju është dhënë Shkrimi i Shenjtë për t'ju përgatitur dhe tani ju duhet të më lejoni Mua, Mbretin e gjithë Njerëzimit, që t'jua tregoj të Vërtetën se çfarë do të vijë.

Duke e bërë këtë, Unë do të jem në gjendje që t'ju udhëheq përgjatë asaj që do të jetë një zonë e minuar prej mashtrimit, persekutimit dhe urrejtjes.

Më lejoni Mua, të gjithë ju, duke përfshirë të gjithë pjesëtarët e Kishës Sime në Tokë, që t'ju ngre sipër këtyre vështirësive të fundit drejt Jetës së Përjetshme.

Kisha Ime duhet të ketë besim tek Unë. Ata duhet t'i heqin zinxhirët e tyre të frikës dhe dyshimit dhe të më lejojnë Mua që ta bëj veten të njohur përmes këtyre mesazheve.

Dallojeni Dashurinë Time në formën e saj të pastër dhe të thjeshtë.

Dashuria Ime nuk është e komplikuar dhe e maskuar me rrokje mistike.

Ajo është e drejtpërdrejtë për ju që ta shikoni, por e mbushur me një dhembshuri të tillë që do t’ju përshkojë si një flakë mirënjohjeje, kur ju ta keni hedhur poshtë mburojën e krenarisë dhe frikës.

Kur ju ta bëni këtë, do të jetë më e lehtë për ju që të më ndiqni Mua, Jezusin Tuaj.

Unë erdha si Shpëtimtar herën e parë.

Unë vij, përsëri, si Shpëtimtar këtë herë të fundit. Vetëm se këtë herë detyra Ime është madje edhe më e rëndë.

Dashuria për Hyjin ka vdekur në botë. Është vetëm një shkëndijë.

Nëse Ardhja Ime e Dytë do të ndodhte tani, fare pak vetë do të hynin në Parajsë.

Paralajmërimi, Dhurata Ime e Mëshirës Sime Hyjnore do të ndihmojë të konvertojë shumë prej njerëzimit.

Më ndihmoni ta përgatis grigjën Time. Unë kam nevojë për Kishën Time në tokë, së bashku me klerikët dhe laikët, që të më ndihmojnë Mua për t’i shpëtuar të gjithë fëmijët e Hyjit.

Ju lutem pranojeni Dorën Time ndërsa Unë e shtrij dhe e përhap Thirrjen Time ndër të gjitha kombet.

Ejani me Mua, Jezusin tuaj të dashur. Më ndiqni Mua këtë herë.

Mos më refuzoni Mua ashtu siç bënë Farisenjtë. Këtë herë ju duhet ta njihni Zërin Tim.

Ju duhet ta dini tashmë se si Unë flas, sepse juve ju është dhënë Shkrimi i Shenjtë.

Jezusi juaj

https://fatherofloveandmercy.wordpress.com/2012/06/28/my-my-church-must-trust-me-they-must-remove-their-shackles-of-fear-and-doubt-and-allow-me-make-myself-known-through-these-messages/

Asnjë profeti nuk i janë dhënë mesazhe nga Nëna Ime e Dashur dhe nga Trinia e Shenjtë me kaq shumë bollëk

E Hënë, 18 Qershor 2012, në 20:36

Bija Ime fort e dashur, ti nuk duhet të lejosh që refuzimi mizor i mesazheve të Mia të Shenjta prej atyre ndjekësve të Mi, që ti e di se janë veçanërisht të përkushtuar ndaj Vullnetit Tim të Shenjtë, të të çorientojë ty. 

Prite që ky lloj refuzimi të rritet në intensitet, ndërsa Fjala Ime do të bëhet copë-copë dhe të hidhet tutje sikur të mos ishte asgjë. 

Dhimbja e refuzimit që ti ndjen është dhimbja Ime. Përbuzja dhe tallja që shkaktohet mbi ty është persekutimi Im. Në vend që ta lejosh një mos-aprovim të tillë për të të lënduar, ti duhet ta pranosh atë në heshtje. 

Qëndro e gëzuar në mes të lotëve të tua sepse ti e di tashmë se Unë gjithmonë kam qenë i refuzuar madje edhe nga vetë dishepujt e Mi. 

Nëse ti lejon që refuzimi i Fjalës Sime të të vonojë në përhapjen e mesazheve të Mia, atëherë më pak shpirtra do të shpëtohen. 

Gjithmonë kujto se dëshira Ime më e madhe është që të shpëtoj shpirtra. 

Misioni Im nuk duhet të njolloset nga opinione njerëzore të krijuara për të të nënvlerësuar ty. 

Fjalët që po të jap këtë mbrëmje nuk janë për të dhënë ngushëllim, por për të theksuar urgjencën e paralajmërimeve të Mia për botën. 

Shumë prej lajmëtarëve të Hyjit kanë ardhur përpara teje, bija Ime, për ta përgatitur njerëzimin për Ardhjen Time të Dytë. 

Asnjë profeti nuk i janë dhënë mesazhe nga Nëna Ime e Dashur dhe nga Trinia e Shenjtë me kaq shumë bollëk. 

Vetëm këto mesazhe mund të zbulojnë sekretet e kohëve që do të vijnë dhe të ofrojnë bekimet që iu nevojiten të gjithë fëmijëve të Hyjit deri në ditën e fundit. 

Merreni dhuratën e Fjalës Sime që i jepet gjithë njerëzimit për t'ju dhënë jetën.

Pa ndihmën Time ju do ta keni shumë të vështirë për t'i bërë ballë sprovave që do të vijnë.

Të gjithë lajmëtarët e Mi të vërtetë po i përgatisin fëmijët e Hyjit për Ardhjen e Dytë. 

Dijeni se kjo do të ndodhë gjatë kohës së jetës së këtij brezi. 

Merreni Kupën Time, pini prej saj, lëreni atë t'ju mbushë me dhuratën e dijes që kështu ju të mund të më ndihmoni Mua të shpëtoj shpirtra. 

Jezusi juaj

https://fatherofloveandmercy.wordpress.com/2012/06/18/no-prophet-has-been-given-messages-by-my-beloved-mother-and-the-holy-trinity-in-such-abundance/

Testi i një profeti të mirëfilltë qëndron në lutjet që i janë dhënë për njerëzimin

E Martë, 12 Qershor 2012, në 17:58

Bija Ime fort e dashur dije se Unë nuk do t’i dënoja kurrë ata që thonë se vijnë në Emrin Tim, por që nuk vijnë.

Unë i dua të gjithë fëmijët e Hyjit, duke përfshirë edhe profetët e rremë të dërguar për ta ngatërruar njerëzimin në këtë kohë.

Shumë shpirtra të tillë janë plot me dashuri për Mua dhe e ndjejnë të nevojshme për t’u bërë më të afërt. Ata mund të imagjinojnë se po marrin mesazhe hyjnore, edhe pse nuk është faji i tyre. Ju duhet të luteni për shpirtra të tillë. Ju kurrë nuk duhet t’i gjykoni ata.

Pastaj janë ata që thonë se vijnë në Emrin Tim, por që mbajnë stemën e bishës. Si ujqër të veshur në petka deleje, ata dalin për të futur në grackë shpirtrat e pastër dhe i njollosin ata me mëkatin e mashtrimit.

Këta janë të rrezikshmit profetë të rremë, qëllimi i të cilëve është që ta shtrembërojnë të vërtetën e Mësimeve të Mia në mënyrë të atillë që të mos arrihet të vihen re.

Ata, përmes një fasade të jashtme përulësie të rreme, do t'ju bëjnë që të besoni një gënjeshtër në Emrin Tim. Ata do të paraqesin një maskë tolerante të mashtrimit dhe do t’ju bindin se ata janë duke përhapur të Vërtetën.

Testi i një profeti të mirëfilltë qëndron në lutjet që i janë dhënë për njerëzimin.

Kthimi në besim përhapet me shpejtësi nga Fuqia e Shpirtit të Shenjtë kur mesazhet vijnë nga Qielli dhe ato i mbulojnë të gjitha besimet, të gjitha fetë për t’i bashkuar si një.

Unë ju bëj thirrje për lutje në këtë kohë për shpirtra të tillë, të cilët kanë qenë mashtruar për të besuar se ata flasin me zërin nga Qielli. Lutuni për ta që t'iu jepet forca për ta kërkuar përulësinë, në mënyrë që ata të mundësohen për ta parë të Vërtetën.

Lutuni që ata të mos lejojnë që shpirtrat e tyre të përdoren nga mashtruesi për të shkaktuar çorientim midis fëmijëve të Hyjit.

Lutuni, gjithashtu, për ata që nuk flasin në emër të Hyjit por që me vetëdije flasin me gjuhën e Satanit. Ata gjithashtu kanë nevojë për lutjet tuaja, sepse ata po përdoren pa mëshirë nga Satani si një mjet për të përhapur gënjeshtra.

Jezusi juaj i dashur

https://fatherofloveandmercy.wordpress.com/2012/06/12/the-test-of-an-authentic-prophet-lies-in-the-prayers-given-to-them-for-humanity/

Ashtu si Unë u refuzova herën e parë, po ashtu do të refuzohem herën e dytë

E Hënë, 4 Qershor 2012, në 15:20

Bija Ime fort e dashur, shumë pak prej popullit Tim të zgjedhur, Hebrenjve, më pranuan Mua si Mesia i vërtetë kur Unë erdha në botë dhe vdiqa për mëkatet e njerëzimit.

Këtë herë shumë pak të Krishterë do ta kuptojnë se jam Unë që po iu flas atyre tani, përpara se Unë të vij për herë të dytë.

Ata do t’i besojnë gënjeshtrave që dalin nga buzët e gënjeshtarëve, profetëve të rremë të cilët do t’i duan, ndërsa do të më refuzojnë Mua me një urrejtje që bie në kundërshtim me dashurinë që ata kanë për Hyjin.

Ashtu si Unë u refuzova herën e parë, ashtu do të refuzohem herën e dytë.

Ju nuk duhet të ndjeheni të trishtuar për mënyrën se si më tallin Mua, më shkelmojnë, më gjuajnë dhe i përqeshin mesazhet e Mia. Sepse një urrejtje e tillë kundër Fjalës Sime të Shenjtë mund të vijë vetëm nga Satani. Nëse zemërimi i Satanit bëhet intensiv ashtu siç është tani, atëherë ju mund të jeni të sigurt se ai shqetësohet për shpirtrat që Unë kam si qëllim t'i shpëtoj nga kthetrat e tij.

Mbyllini veshët. Shikoni përpara dhe përqendrohuni vetëm tek Unë.

Përqëndrohu tek Unë
jo tek stuhia

Çdo lloj sulmi do të hidhet mbi ju, ndjekësit e Mi, për t'ju ndaluar të më ndiqni Mua.

Çdo argument kundër Fjalës Sime prej atyre që mburren se janë ekspertë në çështjet Shpirtërore të Shenjta, duhet të hidhet mënjanë.

Ata nuk e kanë Shpirtin e Shenjtë në shpirtrat e tyre, sepse ata nuk e meritojnë për shkak të mëkatit të krenarisë.

Ashtu si Unë vuajta fshikullimin tek shtylla, po ashtu, Unë do të vuaj përsëri ndërsa Fjala Ime e Shenjtë tani të copëtohet me urrejtje nga ata që duan të sigurojnë që Fjala Ime të refuzohet.

Unë iu them këtyre shpirtrave tani. Nëse ju nuk doni ta pranoni Dorën Time të Mëshirës për ta shpëtuar njerëzimin, përse mbartni kaq urrejtje në zemrat tuaja?

A nuk e dini se ju po tundoheni nga i ligu që kërkon t'ju verbojë ndaj të Vërtetës?

Urrejtja, shpifja dhe sharja nuk vijnë prej Meje. Kur ju i lejoni këto mëkate të liga që t'ju pushtojnë, ju nuk më doni Mua.

Ju do të ktheheni tek Unë, kur ju të dilni para Meje gjatë Paralajmërimit, nëse e keni përulësinë e nevojshme për të më kërkuar Mua që t'ju fal.

Nëse nuk qëndroni të heshtur tani, ju do të vuani dhe keqardhja do t'ju bëjë të dobët dhe do të dridheni përpara Meje.

Sa më lëndoni Mua.
Sa më bëni Mua të vuaj.

Ju më fshikulloni Mua ashtu si Unë u fshikullova herën e parë. Dhe prapë ju thoni se jeni Dishepuj të Shenjtë të Mitë.

Ju jeni shkaku i një dëshpërimi të madh për Mua.

Ndjekësve të Mi iu them, shpërfillini këto ngacmime.

Mos e hapni gojën apo të ngatërroheni me ata që tregojnë zemërim, urrejtje dhe që, në të njëjtën kohë, pohojnë se më duan Mua.

Si mund të më doni Mua kur ju nuk tregoni dashuri apo durim ndaj njëri-tjetrit.

Ju jeni hipokritë nëse ju e lëndoni tjetrin në Emrin Tim.

Tani koha ka ardhur për refuzimin e dytë, aspak të ndryshëm nga hera e parë.

Përçmimi do të thotë se ata të vetëquajturit dishepuj të Shenjtë do t’i ngacmojnë profetët e Mi duke u përpjekur që t'i pengojnë ata duke iu bërë pyetje mbi njohuritë e tyre për Shkrimin e Shenjtë.

Profetët e Mi nuk e kuptojnë shkrimin e shenjtë dhe ata nuk do ta mbrojnë fjalën Time.

Prapë ata të ashtu-quajturit dishepuj të Shenjtë, ashtu siç ndodhi gjatë Kurorëzimit me Gjemba mbi Kokën Time, do të përpiqen që t'i bëjnë profetët e Mi të duken si budallenj dhe pa vlerë.

Pastaj ata do t’i hyjnë tepër thellë për t’i tallur dhe turpëruar, ndërsa të jenë duke pohuar në të njëjtën kohë, se sa të ditur janë mbi Mësimet e Mia.

Ngacmimet do të vazhdojë derisa ato të lehtësohen pas Paralajmërimit kur këta shpirtra do ta kuptojnë gabimin që e kanë bërë.

Ata do të qajnë dhe do të vuajnë për shkak të kësaj, por Unë do t’i fal sepse i dua ata.

Por atëherë shumë të tjerë nuk do të pendohen. Ata do të shkaktojnë dhimbje dhe persekutim të tmerrshëm mbi profetët e Mi të kohëve të fundit. As edhe për një moment ata nuk do të heqin dorë.

Çdo lëndim, fyerje dhe sulm do të hidhet prej tyre drejt Emrit Tim, Jezu Krishtit, Birit të Njeriut.

Ata do të më mohojnë Mua, përmes Fjalës Sime të Shenjtë që iu jepet atyre sot, deri në fund.

Pastaj atyre do t'iu jepet edhe një rast tjetër për ta pranuar Librin e së Vërtetës. Ata ose do të më pranojnë Mua ose do të më refuzojnë.

Pastaj Unë do t’i mbledh të gjithë ata shpirtra të përulur që më duan Mua dhe Qielli dhe Toka e Re do të bashkohen.

Ata që akoma do të më refuzojnë Mua do të hidhen në Zjarret e Ferrit.

Unë vij edhe një herë të fundit për t'ju shpëtuar.

Hapini zemrat tuaja dhe shikoni se jam Unë, Jezusi, që po ju thërras tani.

Nëse ju nuk mund ta shikoni këtë, atëherë ju keni nevojë për shumë lutje për t’ia lejuar Shpirtit të Shenjtë që me të vërtetë të hyjë në shpirtrat tuaj.

Dijeni se ata që janë të bekuar me Shpirtin e Shenjtë nuk i fyejnë të tjerët, nuk shpifin apo të përhapin urrejtje kundër fëmijëve të Hyjit.

Ata nuk dëshirojnë që t’i kontrollojnë fëmijët e Hyjit.

Ata nuk i thyejnë 10 Urdhërimet.

Jezusi juaj

https://fatherofloveandmercy.wordpress.com/2012/06/04/just-as-i-was-rejected-the-first-time-i-will-be-rejected-the-second-time/

Lutjet mund t’i evitojnë ligësitë që po planifikohen duke nxitur përdorimin e bombave bërthamore

E Martë, 29 Maj 2012, në 17:42

Bija Ime fort e dashur, profetët e Mi, lajmëtarët e Mi dhe të gjithë vizionarët e vërtetë në botë janë duke u bashkuar shpirtërisht për ta shpallur Fjalën Time të Shenjtë në këtë kohë.

Ata që janë zgjedhur për misionin e vështirë, për të siguruar që shpirtrat e gjithë njerëzimit të jenë të përgatitur për Ardhjen Time të Dytë, janë duke u udhëzuar për t’i bërë thirrje botës.

Ata shumë shpejt do të bëjnë thirrje për lutje urgjente për t’i ndihmuar ata që do të vuajnë në luftërat që do të vijnë.

Koha është afër që luftërat të shpërthejnë dhe shumë shpirtra të pafajshëm do të jenë viktima në këto terrore të mbushura me urrejtje kundër fëmijëve të Hyjit. 

Shumë do të çorientohen në drejtime të ndryshme në këto luftëra dhe shumë çoroditje do të ekzistojë në Lindjen e Mesme.

Shumë luftëra të vogla do të përshkallëzohen.

Kaq shumë anë të ndara fillimisht në të gjitha drejtimet, do të shkrihen në vetëm një numër të vogël palësh.

Pastaj ushtritë e mëdha do të përfshihen me shumë kombe që do të bashkohen.

Sa derdhen lotët e Mi për këtë ligësi të tmerrshme të drejtuar përmes influencës së Satanit i cili kërkon të vrasë sa më shumë njerëz të mundet dhe sa më shpejt të mundet.

Lutuni që këto luftëra të dobësohen.

Lutuni që fëmijët e Hyjit, përmes lutjeve te tyre, të mund t'i evitojnë ligësitë që po planifikohen duke nxitur përdorimin e bombave bërthamore. 

Bija Ime më e dashur, Satani do të bëjë çdo gjë në fuqinë e tij në këtë kohë për ta inkurajuar Kishën Katolike që të dënojë ty dhe që t'i deklarojë këto mesazhe si herezi.

Ti duhet t'i shpërfillësh këto sulme. Të gjithë ata që i ndjekin mësimet e Mia duhet vetëm të ndjekin zemrat e tyre, sepse do ta kenë të lehtë për ta dalluar të vërtetën.

Nëse profetëve të Mi nuk do t'iu jepeshin hiret nga Qielli për t’i rezistuar persekutimeve të tilla, atëherë Fjala Ime e Shenjtë, udhëzimet e Mia për t’i përgatitur të gjithë fëmijët e Hyjit për Ardhjen Time të Dytë nuk do të dëgjoheshin.

Po të mos ishte për këmbënguljen kokëforte të të gjithë profetëve të Hyjit dhe lajmëtarëve të Hyjit, që nga fillimi i kohës, atëherë fëmijët e Hyjit do të mbeteshin të paditur.

Njëherë e mirë që dija t’ju jepet juve, ndjekësve të Mi të çmuar, ju kurrë nuk duhet të keni frikë, sepse ju po ndiqni udhën e Jetës së Përjetshme. Cilado udhë tjetër, pavarësisht nga tundimet madhështore, por pa asnjë vlerë, që ju tërheqin drejt kurtheve të botës, nuk do t'ju çojnë drejt Meje. 

Sepse, kur gënjeshtrat rreth Eukaristisë Sime të Shenjtë të fillojnë të dalin, ju duhet të jeni trima dhe të largoheni.

Lutuni për forcë, vendosmëri dhe kurajo për të më ndjekur Mua në Udhën përfundimtare drejt Shpëtimit.

Jezusi juaj i dashur

https://fatherofloveandmercy.wordpress.com/2012/05/29/prayers-can-avert-the-atrocities-being-planned-urging-the-use-of-nuclear-bombs/