Dashuria vetëm vjen nga Unë. Urrejtja nuk vjen

E Enjte, 16 Maj 2013

Bija Ime fort e dashur, do të jetë prej Forcës së Dashurisë që njerëzimi mund dhe do të shpëtohet. Dashuria për të cilën Unë flas është Dashuria e Hyjit, e cila vërshon në zemrat e njerëzve. Dashuria e Hyjit është e pranishme në zemrat e të gjithë fëmijve të Tij, përfshi edhe ata që e mohojnë Atë. Do të jetë dashuria juaj për njëri tjetrin, që do t’ju mbështes gjatë sprovave, të cilat shtrihen përpara. Tregoni dashuri dhe bamirësi ndaj fqinjit tuaj dhe të jeni të dashur ndaj të varfërit, të dobëtit dhe të pashpresë dhe Unë do t’ju bëj të jeni të Mitë përjetësisht.

Ata mes jush që sillen ashpër me të tjerët, që shkaktojnë dhimbje mbi ata të cilët ju sundoni dhe që përshpërisin keqdashje për të tjerët, ju do të jeni si enët e zbrazura pa patur asgjë për të më ofruar Mua.

Ju gjithmonë duhet të ndiqni Mësimet e Mia. Dashuria vetëm vjen nga Unë. Urrejtja nuk vjen. Ata që thonë se më nderojnë Mua dhe flasin keq për të tjerët, edhe pse pohojnë se e mbështesin Fjalën Time dhe e ruajnë Emrin Tim – ata nuk më nderojnë Mua.

Ata më fyejnë Mua dhe turpi i tyre do të duket qartë në Ditën e Madhe. Kurrë, për asnjë moment, mos mendoni se ju mund të jetoni pa dashuri në zemrat tuaja për të tjerët, sepse nëse nuk keni dashuri për të tjerët, atëherë ju e mohoni Dhuratën, që është dhuruar falas tek të gjithë fëmijët e Hyjit. Kur ju më doni Mua me të vërtetë, ju do i trajtoni të tjerët me dashuri dhe respekt.

Kur ju jeni mizor ndaj të tjerëve, flisni keq për ata apo i kritikoni pa të drejtë, atëherë ju e refuzoni Dashurinë që Unë e hedh mbi ju. Në vënd të saj është urrejtja. Urrejtja për një tjetër qënie njerëzore vjen nga Satani.

Kur ju e lejoni urrejtjen ta ngurtësoj shpirtin tuaj, ju e largoni veten nga Unë dhe ju do të jeni thellësisht të trazuar brënda shpirtit tuaj.

Kur ju e doni një tjetër në Emrin Tim, ju do ta bëni këtë përmes fjalëve tuaja, punëve dhe veprave tuaja të bamirësisë. Dashuria e Hyjit, e jetuar sipas dëshirave të Tij, përmes fëmijve të Tij, mund ta shpëtoj njerëzimin. Dashuria e mposht të ligën. Fuqia e Satanit do të shkatërrohet në çast kur ju tregoni dashuri ndaj të tjerëve që ju trajtojnë keq. Ju duhet të punoni fortë për ta lejuar dashurinë t’ju mbështjelli, me qëllim që ta përhapni këtë hir të madh tek të tjerët.

Dashuria sjell dashuri tek të tjerët. Dashuria sjell jetë. Dashuria sjell falje. Dashuria e shkatërron të ligun. Pa dashuri i ligu do të lulëzoj.

Jezusi juaj

https://fatherofloveandmercy.wordpress.com/2013/05/16/love-only-comes-from-me-hatred-does-not/