E Hënë, 5 Mars 2012, në 15:30
Dije se Gjon Ungjilltarit i ishte dhënë Libri i pavulosur – Libri
i së Vërtetës – që bota ta dëgjonte tani në këto kohë.
Ky Libër i ishte dhënë atij i pavulosur sepse Vulat ishin tashmë
të hapura. Ato pastaj ishin mbyllur për të mos u zbuluar deri në fund.
Kjo kohë ka ardhur që ti ta hapësh Librin e së Vërtetës dhe të
zbulosh përmbajtjen në të për të gjithë fëmijët e Hyjit, që t’i përgatisin
shpirtrat e tyre për Jetën e Përjetshme.
Libri i së Vërtetës po
të zbulohet ty, lajmëtarit të shtatë për kohët e fundit.
Përmes tingullit të zërit tënd, e Vërteta më në fund do të
zbulohet dhe misteret e përmbajtura në Librin e Zbulesës do t’i paraqiten një
bote mosbesuese.
Por jo për shumë gjatë. Pavarësisht nga braktisja e besimit, që
do t’i ndikojë jo vetëm besimtarët por edhe shërbëtorët e shenjtë brenda Kishës, koha për Rrëfimin e Madh është pranë.
Kur ky të ndodhë një herë e mirë, një konvertim i madh do të
ndodhë në mbarë botën.
Atëherë ata do të jenë të uritur për të Vërtetën e përmbajtur në Librin e pavulosur i premtuar botës për këto, kohët e fundit.
Ti je lajmëtarja që të është dhënë detyra jo vetëm për ta
përgatitur botën për shpëtimin e shpirtrave, por që gjithashtu do të shpallësh Mbretërinë Time.
Jezusi juaj i dashur