Saturday, 11 January 2014

Nëna e Shpëtimit: Ne në fillim shkuam në Judea dhe pastaj Biri im u çua në Indi, Persi, Egjipt, Greqi dhe Angli

E Shtunë, 4 Janar 2014, ora 13:50

Bija ime, përpara lindjes së Birit tim, vështirësitë ishin të dukshme në gjithçka që na ra ne. Unë shkova tek Elizabeta për t’u qetësuar, duke e ditur se ajo ishte e bekuar me dije, të dhëna asaj nga Shpirti I Shenjtë. Unë dhe bashkëshorti im i dashur kërkuam këtë strehë paqje, në një kohë kur ne ishim aq të shqetësuar duke e ditur se çfarë do të ndodhte.

Kur u afrua koha ime, çdo pengesë, e krijuar nga shpirti i keq, u vendos para nesh, në çdo hap që morëm. Dyert na u përplasën në fytyrë; njerëzit që i njihnim na shmangeshin dhe ne mbetëm të braktisur në shkretëtirë. 
Dhe kështu ne përfunduam pa asnjë çati mbi kokë dhe në një strehë e përshtatshme vetëm për kafshë, ndërsa Mesia I Shenjtë erdhi në botë si një varfanjak. Nuk pati asnjë ceremoni, asnjë festim dhe asnjë lajmërim. Kishin mbetur vetëm pak njerëz për të më ngushëlluar mua në vetminë time. Por atëherë, kur Biri im lindi, e gjithë ndjenja e shqetësimit më kaloi. Ajo që ndjenja ishte një dashuri e Pranisë Më Hyjnore. Përfundimisht paqja mbretëroi në Zemrën time.

Me Fuqinë e Shpirtit të Shenjtë, ndihma dhe ngushëllimi na u dërgua, edhe pse ata ishin të pakët në numër. Edhe pse lindja e Jezu Krishtit ishte një ngjarje e përulët dhe e thjeshtë – ku fare pak njerëz ishin të përfshirë – fjala u përhap. Në këtë mënyrë punon Shpirti I Shenjtë. Shumë e kishin pritur lindjen. Shumë kishin dëgjuar për ngjarjen dhe shumë atëherë flisnin për atë. 
Kur u bë e ditur se Jezu Krishti, Mezia i premtuar njerëzimit, kishte lindur, kundërshtimi filloi të shtohet. Sulmi i egër nga Herodi dhe të gjithë shërbëtorët e tij, tregoi se sa shumë Prania e Zotit fut frikë në zemrat e njerëzve të liq. 

Që nga ajo ditë e tutje, unë u bëra mbrojtësja e Birit tim dhe bashkshorti im i dashur, Jozefi, organizoi sigurinë tonë në shumë raste pas kësaj. Ne kaluam shumë vite duke u endur nga një vënd në tjetrin. Sa shumë kundërshtime hasëm – aq shumë frikë, aq shumë urrejtje. Kjo ishte jeta jonë. Në momentin që Biri im u gjet në moshën 12 vjeç duke predikuar në tempull, ne e fshehëm Atë.

Familja e Jozefit u përfshi me daljen tonë dhe për shumë vjet ne udhëtuam. Ne në fillim shkuam në Judea, dhe pastaj Biri im u çua në Indi, Persi, Egjipt, Greqi dhe Angli. Kudo që shkonim Prania e Birit tim krijonte shumë mbrekulli, edhe pse Ai kurrë nuk e tregonte Veten publikisht si Mesia. Ai kishte kujdes të mirë dhe ne e shikonim Atë shumë. Ne jetuam në paqe, dashuri dhe harmoni, dhe vetëm për bashkëshortin tim, Josef, ne nuk kishim se ku të shkonim për të mbrojtur Birin tim deri sa filloi Misioni i Tij publik.

Dhe tani që Ardhja e Tij e Dytë është e pashmangshme, çdo pengesë do të vendoset para Ardhjes së Tij. Çdo Fjalë e dalë nga goja e profetes së Tij do të shqyhet copë copë dhe do të përbuzet. Vetëm një numër i vogël njerëzish do ta mbajnë të fshehur të Vërtetën rreth këtij Misioni dhe shumë dyer do të përplasen në fytyrën e atyre që ndjekin udhëzimet e Tij. Ky Mision është një mision i vetmuar për ty, bija ime, dhe ti je udhëzuar të mbetesh e bindur në të gjitha gjërat që të janë bërë të njohura nga Zoti.

Ndihma do të dërgohet. Ndihma gjithashtu do të ndaloj kur ajo është Dëshira e Birit tim. Ndërsa fare pak shihen ta ndjekin këtë Mision, miljona më shumë besojnë plotësisht në të. Sepse Fjala e Zotit gjithmonë do të tërheqi ata të Tijët, përmes Fuqisë së Shpirtit të Shenjtë.

Dhimbjet e lindjes kanë filluar dhe lindja nuk do të zgjasi shumë. Së shpejti lindja e një fillimi të ri do të agoj dhe më pas Dita e Zotit përfundimisht do ta arrij. Fëmijë, të keni paqen, sepse të gjitha këto gjëra duhet të ndodhin para se Toka të pastrohet nga mëkati.

Nëna juaj e dashur
Nëna e Shpëtimit

Mesazhi origjinal në anglisht: