Bijtë e Mi të dashur, kur ju përjetoni dashuri në çdo form për një tjetër qënie njerëzore, kjo është Dashuria Ime që ju ndjeni. Ajo mund të vij vetëm nga Unë sepse Unë Jam Dashuri. Dashuria është një Dhuratë dhe ju duhet ta rrëmbeni atë kur e ndjeni t’ju trazoj brënda zemrës suaj. Ata që e pranojnë Dashurinë Time, dijeni se Unë do t’ju mbush më shumë me Dhuratën Time kur ju e ndani atë me ata, të cilëve nuk ju është dhuruar ky favor.
Dashuria Ime do ta mposhti të ligun dhe urrejtjen. Dashuria e fshin urrejtjen, pasi i ligu, gjëmbi në krah të njeriut, është i paaftë për atë. Kur ju thoni se më doni Mua, atëherë ju duhet të luftoni shumë fortë për ta penguar urrejtjen, e çdo lloji, ta njollosi shpirtin tuaj. Nëse ju më doni Mua, ju do t’i falni armiqtë tuaj sepse ju do t’i shikoni ata ashtu si Unë i shoh ata. Kjo kërkon këmbngulje nga ana juaj dhe disiplinë, të cilat do t’ju ndalojnë të lëndoni një person tjetër, gojarisht apo fizikisht.
Kur ju e lejoni Dashurinë Time të vërshoj nëpër venat tuaj, ju do të ndjeni paqe të plotë dhe liri. Kjo është sepse ju nuk do të ndjeni aspak keqdashje, as zemërim, as hakmarrje, apo inat kundër një tjetër fëmij i Imi. Kjo është Dhurata e Dashurisë Sime në formën e saj më të pastër. Pranojeni atë nga Unë duke recituar këtë lutje.
O më i dashuri Atë, O Ati i Përjetshëm, Hyji Më i Larti,
Më bëj mua të denjë për Dashurinë Tënde. Të lutem të më falësh për lëndimin e të tjerëve dhe për ndonjë keqbërje, që mund të ketë shkaktuar vuajtje tek ndonjë nga fëmijët e Tu. Hape zemrën time që të mirëpres Ty në shpirtin tim dhe më pastro nga ndonjë urrejtje që mund të ndjej kundër ndonjë personi tjetër.
Më ndihmo t’i fal armiqtë e mi dhe të mbjell farat e Dashurisë Tënde ngado që shkoj dhe midis atyre që i takoj çdo ditë.
Më jep, Atë i dashur, Dhuratat e këmbënguljes dhe besimit, që të mund ta ruaj Fjalën Tënde të Shenjtë dhe kështu ta mbaj të gjallë, në një botë të errësuar, Flakën e Dashurisë dhe Mëshirës Tënde të Madhe.
Amen.
Fëmijë, ju lutem ngushëllohuni në dijen se Unë ju dua të gjithëve, pavarësisht se kush ju jeni, çfarëdo mëkatesh ju keni kryer dhe nëse më shani Mua apo jo. Dashuria Ime për ju është e pakushtëzuar.
Fëmijë, ju lutem ngushëllohuni në dijen se Unë ju dua të gjithëve, pavarësisht se kush ju jeni, çfarëdo mëkatesh ju keni kryer dhe nëse më shani Mua apo jo. Dashuria Ime për ju është e pakushtëzuar.
Megjithatë, Unë duhet t’i veçoj ata që po përpiqen t’i verbojnë fëmijët e Mi ndaj të vërtetës së shpëtimit të tyre, prej atyre që janë të Mitë. Nëse Unë nuk do të ndërhyja, shumë do të kishin humbur për Mua dhe Unë nuk jam i pregatitur t’i sakrifikoj shpirtrat për ata, që, pavarësisht nga çdo përpjekje nga Ana Ime, do të më refuzojnë Mua në ditën finale.
Kurrë mos harroni se Kush Unë Jam. Unë Jam Fillimi dhe Mbarimi. Të gjithë që vijnë tek Unë do të gjejnë Jetën e Përjetshme. Më lejoni Mua t’ju çoj drejt sigurisë dhe drejt një jete të lavdishme të bashkuar me Vullnetin Tim. Unë do ta zbuloj Parajsën e Re në Kohën Time dhe Unë dëshiroj që ju të tregoni durim. Jetojeni jetën tuaj në harmoni me të tjerët. Kujdesuni për familjet tuaja si më parë. Ejani tek Unë në kishat tuaja si më parë. Por, gjithmonë të kujtoni se e Vërteta, Fjala e Vërtetë e Hyjit, kurrë nuk mund të ndryshoj sepse Unë Jam e Vërteta. Unë kurrë nuk mund të ndryshoj, sepse kjo nuk mund të ndodhi kurrë.
Unë ju dua. Unë ju bekoj. Unë ju mbroj.
Ati juaj I Dashur
Hyji Më I Larti
https://fatherofloveandmercy.wordpress.com/2014/09/29/god-the-father-my-love-will-conquer-evil-and-hatred/