Wednesday, 7 August 2013

Nëna e Shpëtimit: Ju duhet të mbani Kryqet tradicionale, sepse shpejt ato do të zhduken


E Hënë, 29 Korrik 2013

Fëmijët e mi, gjithmonë ta dini se, me anë të Fuqisë së Zotit dhe me Hirin e Birit tim, unë do ta shtyp bishën dhe kur gjithçka të duket e pashpresë, sundimi i të ligut do të ketë një fund të papritur.

Velloja ime e Mbrojtjes mbulon të gjithë ata që thërrasin ndihmën time, gjatë këtyre kohëve të vështira. Kujtoni, ashtu si unë e humba Birin tim, kur Ai ishte 12 vjeç, unë e gjeta Atë në Tempull. Lutuni, fëmijët e mi, dhe shkoni në kishat tuaja, tani, për të ofruar sakrificat që duhen për të kërkuar këmbngulje gjatë kësaj beteje të tmerrshme shpirtërore për shpirtrat.

Biri im ka vuajtur kaq shumë nga vdekja e Tij në Kryq, por kjo ishte vetëm një barrë. Vuajtja më e madhe që Ai duron sot është për ata që tashmë janë të humbur për Atë. Dhe tani, kur shpirti i të ligut përpiqet për të larguar prej Tij të gjithë ata që e duan Atë, Dhimbja e Tij e shpon Atë si shpatë, duke e copëtuar më dysh.

Shpirtrat e zgjedhur tani do të pësojnë dhimbjen më të madhe, ndërsa persekutimi kundër fëmijve të Zotit shtohet. Me Kryqin e Birit tim, ju keni shpëtuar. Me anë të Kryqit të Tij ju do ta luftoni të ligun dhe Kryqi i Tij, kur është i bekuar, do t'ju mbroj. Por, nëse ky Kryq ndryshon apo shfaqet i ndryshëm, ai është një tallje për vdekjen e Birit tim për të shpëtuar mëkatarët. Ju duhet të mbani Kryqet tradicionale sepse shpejt ato do të zhduken.

Nëna juaj e dashur
Nëna e Shpëtimit

Mesazhi origjinal ne anglisht:
http://www.thewarningsecondcoming.com/mother-of-salvation-you-must-hold-on-to-traditional-crosses-for-soon-they-will-disappear/