Secili nga vizionarët e Hyjit, të cilëve unë ju shfaqja, vuajtën nga duart e atyre që i refuzonin ata mizorisht. Edhe pse shumë prej tyre me kalimin e kohës u besuan, ti, bija ime, do të vuash më shumë sepse ti je një profete e Hyjit. Profetët e Hyjit gjithmonë kanë nxitur urrejtje mes fëmijve të Tij, sepse Satani i ushtron goditjet e tij më të tmerrshme kundër atyre që flasin Fjalën e Hyjit.
Si profete e ditëve të fundit, armiqtë e tu do të konsistojnë, jo vetëm në ata që e refuzojnë dhe e urrejnë Birin tim, por edhe ata që e duan Atë. Armiqtë e tu do t’ja kalojnë në numër atyre që erdhën para teje. Prandaj dhe ti duhet t’i bindesh Birit tim gjatë gjithë kohës dhe t’i përgjigjesh Atij shpejt, sepse Ai i bën këto gjëra dhe të kërkon të ndjekësh udhëzimet e Tij, për të mbrojtur ty.
Ti je dërguar për të pregatitur udhën për Ardhjen e Tij të Dytë dhe me këtë përgjegjësi do të vij shumë hidhërim. Ndërsa gënjeshtrat, urrejtja dhe kundërshtimi i ashpër ndaj këtyre Mesazheve vazhdojnë, ti duhet ta ngushëllosh veten, sepse pa këtë Mision shumë më tepër shpirtra nuk do ta pranonin Mëshirën e Birit Tim.
Unë, Nëna juaj e dashur, të mbuloj me Mantelin tim më të Shenjtë dhe unë e shtyp kokën e gjarprit sa herë që ai përpiqet të lëndoj ty. Prandaj shko tani, bija ime, në paqe. Ki besim tek unë, Nëna e Shpëtimit, gjatë gjithë kohës që unë e mbroj këtë Mision të veçantë. Ki besim në Birin tim, sepse Ai e di se çfarë po bën. Lëre gjithçka në Duart e Tij të Shenjta.
Nëna juaj e dashur
Nëna e Hyjit
Nëna e Shpëtimit
https://fatherofloveandmercy.wordpress.com/2013/04/06/mother-of-god-you-have-been-sent-to-prepare-the-way-for-his-second-coming/