Saturday, 6 April 2013

Vetëm ata me Vulën e Zotit të Gjallë do t’i shpëtojnë kësaj forme të genocidit të shpirtit


E Enjte, 4 Prill 2013, ora 19:45

Bija Ime e dashur, ti nuk duhet t’i dëgjosh ata që i vënë në pyetje, i sfidojnë dhe i përqeshin Mesazhet e Mia. Nuk është e nevojshme ta mbrosh Fjalën Time Më Të Shenjtë. Fjala Ime është finale dhe asnjë njeri nuk e ka autoritetin ta vërë atë në pyetje. Ju ose më pranoni Mua, ose jo.

Ndërsa Kristjanët zihen mes tyre mbi këto Mesazhe, të cilat u profetizuan kaq kohë më parë, ata e trajtojnë njëri tjetrin si armiq. Ju nuk mund të jeni një armik i vëllait apo i motrës tënde dhe ta quash veten dishepulli Im. Ndërsa ju jeni të zënë duke bërtitur me jush, armiku më i madh, ushtritë e Satanit po planifikojnë masakrat më djallëzore të dëshmuara ndonjëherë nga njerëzimi që nga krijimi i Adamit dhe Evës.

Luftrat për të cilat Unë kam folur janë gati të fillojnë dhe plani do të jetë për të fshirë popullsitë. Ju mund të mendoni se këto luftra janë mes një shteti me një tjetër, por do ta kishit gabim. Armët do të vijnë vetëm nga një burim.

Fëmijët e Mi të gjorë të Zotit, sa pak dini për veprat e tmerrshme, që po komplomentohen nga sektet Masonike në nivelet më të larta kundër fëmijve të Zotit. Ligësia e tyre është e pamundur të imagjinohet nga ju, por dalloni këto shenja. Kur bankat tuaja ju heqin lirinë, shtëpitë dhe mundësinë për të ushqyer familjet tuaja, kjo do të jetë vetëm një pjesë e planit të tyre kundër njerëzimit. Ju do të bëheni skllevër, por ata që më ndjekin Mua dhe Mësimet e Mia dhe që qëndrojnë besnik ndaj Meje, kurrë nuk duhet ta harrojnë Mëshirën Time.

Edhe pse këto zbulime mund të jenë të frikshme, ato janë e Vërteta. Duke qënë të pregatitur për këto vepra kundër Krijimit të Zotit, ju do të ndihmoni, përmes lutjeve tuaja, të lehtësoni shumë nga kjo vuajtje, që këto sekte të liga do të shkaktojnë mbi ju. Ndërsa lutjet tuaja do të dobësojnë efetkin e mizorive të tilla, ato do të përdoren, nëse më dorëzohen Mua me dashuri në zemrat tuaja, për të shpëtuar ata që janë fajtor për vepra të tilla të tmerrshme. Dhe kur këta shpirtra në udhë të gabuar dhe me zemër të ftohtë të vazhdojnë të më rezistojnë Mua, duke u përpjekur të zhdukin popullsitë e botës, Unë do të provoj t’i ndriçoj zemrat e tyre me qëllim që ata të largohen nga kjo lidhje e tmerrshme me Satanin. Shumë janë plotësisht të zaptuar nga i ligu dhe për disa ka fare pak shpresë. Vetëm një mbrekulli e dhënë sipas Mëshirës Sime, e bashkuar me ata që më ofrojnë Mua dhuratën e vuajtjes, mund t’i shpëtoj ata.

Ata mes jush që më shajnë Mua, përmes refuzimit tuaj të ashpër ndaj Meje, do të më lypni Mua për Mëshirë kur këto ngjarje të ndodhin. Kur ju të detyroheni të vuani dhe të pranoni shenjën e bishës, apo të vdisni, ju do të ulërini për Mua. Pastaj ju do të nxitoni të gjeni Vulën e Zotit të Gjallë, të cilën Unë i jap botës përmes Atit Tim në këto Mesazhe – por atëherë do të jetë tepër vonë. Vetëm ata që e pranojnë Vulën, e mbajnë në shtëpitë e tyre, apo e mbajnë atë me vete do të jenë të mbrojtur. Vetëm ata me Vulën e Zotit të Gjallë do t’i shpëtojnë kësaj forme të genocidit të shpirtit.

Mos dyshoni as edhe për një minutë, Mesazhet e Mia që po ju jepen tani. Pranojeni Ndërhyrjen Time Hyjnore, sepse Unë vetëm dua t’ju shpëtoj ju. Beteja për shpirtrat është e një madhësie të tillë, sa nëse Unë nuk ndërhyj, me anë të profetëve, shumë nga ju do të mbanit anën e bishës dhe të gjithë ndjekësit e tij, që ju shfaqen si ujqër të veshur si dele.

Satani është dinak në ekstrem, dhe kurrë nuk do t’i tregoj veprat e tij të liga për çfarë janë. Por, në të kundërt, ai do t’i paraqesi ato sikur janë të mira, frymëzuese dhe shumë sipas interesit tuaj. Ky është kurthi që ai ngre. Kështu ai i josh shpirtrat e pafajshëm mirë-dashës drejt grackës së tij. Mënyra me të cilën Satani do ta zbuloj veten, përmes këtyre shpirtrave të gjorë që ai arrin t’i fitoj, do të jetë përmes mëkatit të krenarisë. Mëkati, në formën e vet më të keq, do të shfaqet brënda këtyre njerëzve në vëndet e larta, të cilët do t’i shkatërrojnë të tjerët për fitimet e tyre vetjake. Në shkallën e fundit mëkati i krenarisë do të dëshmohet mes jush kur ju gjykoni të tjerët, flisni keq për ata dhe pastaj përpiqeni të lëndoni karakterin e tyre, ashtu si edhe të dëmtoni emrin e tyre, në Emrin Tim.

Unë ju tregoj këto fakte të trishtuara, me qëllim që Unë t’ju pregatis, t’ju armatos me Mbrojtjen Time të Dashur, që të mund të shpëtoj madje edhe ata që do të marshojnë në tokë për ta shkatërruar atë.