Wednesday, 9 October 2013

Sa shumë më kanë harruar Mua dhe në shumë raste më nënvlerësojnë

E Martë, 24 Shtator 2013, ora 18:00

Bija Ime e dashur, sa i vetmuar Unë ndjehem kur kaq shumë, përfshi ata që janë besnikë ndaj Fjalës Sime të Shenjtë, kalojnë fare pak nga koha e tyre në Shoqërinë Time. Sa e dëshiroj vëmëndjen e tyre, madje edhe për një moment të ditës. Sa shumë më kanë harruar Mua dhe në shumë raste më nënvlerësojnë. A nuk e dini se duke folur pikërisht me Mua, vetëm për një kohë të shkurtër, Unë do të hedh Hiret e Mia mbi ju? Ata që më ngushëllojnë Mua duke folur me Mua – në çfarëdo mënyre është më e lehtë për ata – do të fitojnë një paqe të brëndshme që nuk mund të gjendet askund në botë.

Në ndjekjet tuaja të kënaqësive, komoditeve dhe titujve, kënaqësitë tuaja janë jetë shkurtër. Asgjë, përfshi edhe thesaret më të mëdha të botës, nuk do t’ju përmbushin ju. Është për shkakun Tim – të Mëshirës Sime të Madhe – që ju është dhënë thesari më i madh – Dhurata e një jete e mbushur me lavdinë e madhe, ambjente të mbrekullueshme, një trup të bukur të përkryer dhe aftësia për të ndjerë një dashuri të përhershme, e cila do t’ju pushtoj, por që do t’ju sjelli lumturi të madhe. Kjo është Jeta e Përjetshme dhe koha që Unë t’ju sjell në Mbretërinë Time të Re në Tokë është afër.

Kur ju flisni me Mua dhe më kërkoni Mua t’ju pregatis për këtë Ditë të Madhe, ju do të jeni gati, por do të duhet kohë për të bërë ndryshimet që kërkohen nga ju për Ditën e Madhe të Zotit.

Ashtu si nusja dhe dhëndri, ju duhet të keni gjithçka gati para Ditës së Bekimit të Madh. Ju duhet të pregatisni familjen, miqtë, të afërmit tuaj më përpara. Pastaj në atë Ditë, kur Unë të vij për të dëshmuar këtë Tranzicion të Lavdishëm, ju duhet të jeni të pregatitur në trup dhe në shpirt, që të jeni të denjë të hyni në Parajsën e Re.

Për çdo ditë që ju kaloni, të ngarkuar me nevojat e të tjerëve, ju duhet të ruani të paktën 10 minuta të asaj ditë për shlyerjen e mëkateve tuaja. Kjo është shumë e rëndësishme, sepse Unë ju dua dhe ju mirëpres. Që të komunikoni me Mua ashtu si duhet, ju gjithmonë duhet të vini para Meje si një shërbëtor i përulët si fillim. Kur ju gjunjëzoheni para Meje apo thjesht komunikoni me Mua në zemrën tuaj, gjithmonë të filloni duke thënë:

“Jezus më fal, se kam mëkatuar.”

Pas kësaj, ju do ta ndjeni Praninë Time dhe Unë do të jetoj brënda shpirtit tuaj. Sa më shpesh të ktheheni tek Unë, aq më të afërt ju do të bëheni. Shpejt, Unë do të jem si një shok pa të cilin ju nuk mund të jetoni. Pastaj ju do të vini tek Unë për çdo gjë të vogël dhe Unë do të jem atje. Unë do të siguroj që ata prej jush që e kalojnë kohën në Shoqërinë Time do t’ju jepen favore të mëdha dhe bekimet e Mia do të japin qetësinë e shpirtit dhe paqen e mëndjes. Kujtoni se Unë i përgjigjem në çast atyre që më kërkojnë Mua.

Jezusi juaj


Mesazhi origjinal ne anglisht: