E Shtunë, 31 Mars 2012, në 11:00
Kjo nuk është një rastësi. Sepse
vuajtja që ti dhe shpirtra të tjerë të zgjedhur po duroni gjatë kësaj jave, do
të shpëtojë miliona shpirtra nga flakët e Ferrit.
Ashtu si Unë durova dhimbje, torturë dhe vdekje për ta shpëtuar
njerëzimin nga dënimi i përjetshëm, në të njëjtën mënyrë edhe shpirtrat
viktimë i shpëtojnë shpirtrat e tjerë, me qëllim që atyre të mund t’iu jepet Dhurata e Jetës së Përjetshme.
Pavarësisht se sa e vështirë
dhe e frikshme është kjo vuajtje, gjithmonë kujtoni Dhuratën që ajo përfaqëson
për njerëzimin.
Fëmijë, ndërsa Java e Shenjtë fillon, ju lutem meditoni mbi
Mundimin Tim në Kryq.
Jo vetëm mbi vuajtjen, por mbi Dhuratën e lirisë që ajo ia
ofron të gjithë njerëzimit.
As edhe një shpirt, përfshirë edhe mëkatari mizor dhe i thekur,
i ndikuar nga Satani, nuk do të përjashtohet nga Mëshira Ime.
Mëshira, e cila ka qenë bërë e mundur, për shkak të Dhuratës që
Ati Im i Dashur i dha botës.
Kur Ai më dërgoi Mua, një të vetmin Bir të Tij, Ai bëri Sakrificën më të madhe nga të gjitha.
Kjo Sakrificë, provë e Dashurisë së Tij të zjarrtë për të gjithë
fëmijët e Tij, ka treguar se është e mundshme për ta shkatërruar Satanin një
herë e përgjithmonë.
Për shkak të vullnetit të lirë, që i është dhënë njerëzimit nga
Ati Im, çdo njeriu do t'i jepet që të zgjedhë.
Ju do të zgjidhni ose Parajsën e Jetës së Përjetshme ose tmerrin
e Ferrit.
Satani, meqenëse ditëve të tij pothuajse po iu vjen fundi, nuk
do të qëndrojë ulur, ndërsa mrekullitë e Mia të reja do t'i paraqiten botës në
këtë kohë.
Jo vetëm që ai do të sulmojë shpirtrat e errët, për t'i tunduar
ata më tej brenda errësirës dhe më pranë territorit të tij, por do të shënjestrojë
edhe të Krishterë të devotshëm.
Mrekullitë për të cilat
Unë flas janë së pari, komunikimet e Mia përmes teje, bija Ime. Zëri Im po
dëgjohet dhe kthimet në besim po shumëfishohen.
Miliona shpirtra po pranohen tani nga Unë, përmes këtyre Mesazheve.
Mrekullitë e tjera
përfshijnë Dhuratën e madhe të Mëshirës Sime, që Unë do ta sjell në botë së
shpejti, kur Paralajmërimi të ndodhë.
Për herë të parë çdo burri, gruaje dhe fëmije do t’i jepet prova
se, jo vetëm që Hyji Atë, Ekziston, por që edhe Unë, Jezu Krishti, Biri i
Tij i vetëm, gjithashtu Ekzistoj.
Kjo do të thotë se të gjitha fetë, përfshirë edhe populli Hebre,
populli Im i zgjedhur, nga i cili Unë erdha, do ta kuptojë të Vërtetën.
Mrekullia e konvertimit global do ta tërbojë Satanin, i cili nuk
do të dorëzohet as edhe në atë fazë. Ato shpirtra të shkretë, që janë tashmë në
mëkat të tmerrshëm, do ta kenë shumë të vështirë për t’u shkëputur prej tij.
Mrekullitë e tjera do të përfshijnë ngjarje globale
të lidhura me çudira
ekologjike, të cilat do të jepen nga Ati Im prej Dashurisë së Tij për Dy Dëshmitarët e Tij, të Krishterët dhe Hebrenjtë.
Këtyre dy Besimeve do
t’iu jepet fuqi, kur ato të jenë duke u persekutuar.
Dhe pastaj do të jetë
Ardhja Ime e Dytë, mrekullia më e madhe që nga Ringjallja Ime.
Kjo do të jetë Dita kur Unë të vij për të Gjykuar të gjallët dhe
të vdekurit.
Kjo është Dita kur Unë
vij për ta mbledhur familjen Time, që ne të bëhemi një.
Ky do të jetë fillimi i Mbretërisë Sime, kur Qielli e Toka të
bashkohen në një, për 1,000 vjet.
Në këtë kohë, të gjithë
do të jetojnë sipas Vullnetit Hyjnor të Atit Tim.
Jezusi juaj i dashur