Kerko Mesazhet ketu

Monday 4 June 2012

Satani do t’ju bindë se mesazhet e Mia vijnë prej tij

E Diel, 27 Maj 2012, në 18:00

Bija Ime sa shumë prej ndjekësve të Mi pyesin se përse shumë nga këto profeci shkaktojnë frikë në zemrat e tyre. Shumë besojnë se Unë krijoj frikë. Por kjo nuk është krejt e vërtetë.

Frika që i mbërthen shumë shpirtra është kur e kuptojnë se ajo që Unë iu tregoj është e Vërteta.

Ashtu si prej çdo prindi të mirë, fëmija paralajmërohet për rreziqet në jetë. Nganjëherë rreziqet të cilat prindi i paralajmëron mund të shkaktojnë frikë. Por frika lidhet me të keqen e shkaktuar nga njeriu, e cila qëndron përpara.  

E njëjta gjë është e vërtetë për ligësinë në botë. Ajo është e shkaktuar nga njeriu i cili, nga ana e tij, është i ndikuar nga mashtruesi, Satani. 

Profecitë e dhëna racës njerëzore nga Hyji, që nga fillimi i kohës, kanë shkaktuar frikë në zemrat e disave. 

Megjithatë ato shkaktuan shumë të qeshura tallëse në qarqe të tjera. Kjo është çfarë ndodhi përpara se Noehi të fillonte të ndërtonte Arkën. Ndërsa ai ishte i nënqeshur, i përqeshur dhe i tallur, ata që patën frikë bënë atë që iu kërkua. Ata e ndërtuan Arkën për të shpëtuar veten.

Ata që e qeshën, që e tallën dhe që nuk ia vunë veshin Noehit, u shkatërruan.

Të gjitha profecitë që vijnë nga Hyji përfshijnë paralajmërime për të inkurajuar njerëzimin që të jetë i përgatitur për ngjarje të tilla. 

Vetëm nëpërmjet përgatitjes së shpirtrave tuaj ju mund t'i rezistoni torturave që qëndrojnë përpara, të cilat shkaktohen nga mëkatet e njerëzve.

Për ata prej ndjekësve të Mi që pyesin se përse mesazhet e Mia mund të shkaktojnë frikë, Unë ju them këtë. 

Mos i besoni gënjeshtrat, të mbjella në zemrat tuaja nga Satani, se Hyji nuk do t’i jepte kurrë botës mesazhe që shkaktojnë frikë ndër zemrat e fëmijëve të Tij.

Shumë prej jush tani, sidomos ata që më duan Mua, po largohen nga Fjala Ime e Shenjtë.

Një nga talljet e preferuara të Satanit është që t'ju bindë se Mesazhet Hyjnore nuk përmbajnë profeci që shkaktojnë frikë.

Sigurisht mesazhe të tilla mund të vijnë vetëm nga i ligu?

Sa qesh Satani me vetë mashtrimet e tij djallëzore. 

Satani do t'ju bindë se mesazhet e Mia vijnë prej tij, kaq i dëshpëruar është ai për t'ju bindur që të mos i ndiqni udhëzimet e Mia.

Juve, ndjekësve të Mi, duhet t'ju tregohet e Vërteta. 

Unë duhet t'ju përgatis, dhe kjo do të thotë që t'ju paralajmëroj më parë për gjërat që do të vijnë, vetëm që t'ju mbroj. Që t'ju shpëtoj. 

Kurrë mos e dëgjoni atë gënjeshtër.

Mesazhet e Mia po ju jepen prej Dashurisë Sime Hyjnore për gjithë krijimin. Më lejoni Mua që t'ju udhëheq si çdo prind i mirë. 

Duke më dëgjuar Mua dhe duke ndjekur udhëzimet e Mia për lutje, Unë do t'ju mbroj.

Frika nuk vjen prej Meje. Kur ju besoni tek Unë dhe shpresoni tek Unë, ju nuk do të keni frikë, pavarësisht se sa shumë ligësi t’ju paraqitet përmes mëkateve të njerëzimit.

Një gjë që ju kurrë nuk duhet ta bëni, është që të fshiheni dhe të pretendoni se gjithçka do të jetë mirë. 

Sepse duke e bërë këtë ju e nënvlerësoni ekzistencën e të ligut në botë.

Pranojeni se Satani ekziston. Besoni se lutja mundet, dhe do t’i dobësojë fuqitë e tija.

Pastaj ngrihuni dhe merreni përgjegjësinë, si një ndjekës i Imi, i Jezu Krishtit. 

Kur të përballeni me të vërtetën, më lejoni Mua t'ju udhëheq dhe frika nuk do të hyjë në zemrën tuaj. 

Jezusi juaj i dashur