Thursday, 24 January 2013

Jesusi: “Ju i gëlltisni kaq lehtë ato fjalë të rreme që ju tregohen nga gënjeshtarët”


E Premte, 18 Janar 2013, ora 20:15

Bija Ime e dashur, sa e lehtë është që Zëri Im të mbytet nga të bërtiturat e profetëve të rremë që e kanë infiltruar botën në këtë kohë.

Sa të marrë janë ata mes jush, përfshi këtu edhe ndjekësit e Mi besnik, që janë kaq të uritur për Dashurinë Time, sa t'i gëlltisni kaq lehtë ato fjalë të rreme që ju tregohen nga gënjeshtarët.

A nuk e dini ju se Unë e komunikoj Fjalën Time vetëm tek fare pak shpirtra? A nuk ju kam thënë se Fjalët e Mia, që po ju jepen tani, janë të fundit të llojit të tyre? Përse atëherë me kaq zell kërkoni fjalët e profetëve të deklaruar së fundi që pohojnë se flasin në emrin Tim? Dëshira e tyre është që të kërkojnë lavdi dhe vëmëndje. Ajo që ata bëjnë është se e ushqejnë turmën Time me një alternativë më të dobët, të mbushura me fjalë pa asnjë kupitm. Sepse shumë nga këta shpirtra të gjorë nuk kanë për qëllim të bëjnë ndonjë dëm, sepse janë të udhëhequr nga devotshmëria që kanë për Mua, për të komunikuar Dashurinë e Zotit. Por prapë, Unë nuk i udhëzoj ata ta bëjnë këtë, sepse Unë nuk ju zbuloj atyre Fjalën Time të Shenjtë, apo hollësirat e Planit Tim të Shenjtë. Të tjerët, për fat të keq, janë të influencuar nga shpirti i keq me qëllim që të dobësojnë Fjalën Time të Shenjtë.

Në një kohë kur kaq shumë zëra, të dala nga gojët e profetëve të rremë, kërkojnë vëmëndjen e të shumtëve, Zëri Im I Vërtetë është hedhur mënjanë. Ju që e kërkoni Zërin Tim dhe që i dëshmuat fjalët e shumë të vetë-quajturve profetë, duhet të më dëgjoni Mua tani.
J
anë shpirtrat e zgjedhur përmes të cilëve Unë kam komunikuar për dekada. Unë akoma komunikoj me ata. Që nga fillimi i këtij Misioni, Unë nuk i kam dhënë as edhe një shpirti tjetër lejën për të deklaruar Fjalën Time në publik në këtë kohë, përveç atyre shpirtrave të zgjedhur që kanë punuar për Mua për vite me radhë.

Si ta ngre Zërin Tim, që të mund të më dëgjoni Mua? Çfarë është ajo që kërkoni? A është e Vërteta? A është ndjesia? A është poezia – e cila ju kujton se si duhet të shfaqet Fjala Ime në letër? Përse atëherë, nga të gjithë profetët që thonë se flasin në emrin Tim, ju më refuzoni Mua përmes këtyre Mesazheve?

Oh sa po mashtroheni. Sa shumë po tërhiqeni larg nga Krahët e Mi të Dashur. Sa po josheni për të dëgjuar zëra të ëmbël që nuk kanë asnjë ngjajshmëri me Fjalën Time të Vërtetë.

Koha do të vij kur të ndjeni turp për mizorinë tuaj, refuzimin tuaj të hidhur ndaj Fjalës Sime të Shenjtë, refuzimin tuaj kokëfortë të krijuar prej mëkatit të krenarisë për të mbështetur Fjalën Time të Shenjtë në këtë kohë. Sepse kjo është koha që e Vërteta t'i zbulohet njerëzimit për hatër të shpirtrave tuaj dhe të atyre të çdo burri, gruaje dhe fëmije.

Unë i premtoj botës se e Vërteta do t'ju tregohet atyre gjatë kësaj kohe, dhe prapë shumë nga ju jeni të verbër dhe shurdhë ndaj Fjalës së Zotit. Unë ju kërkoj që të reflektoni në kërkimin tuaj për Mëshirën Time, Fjalën Time dhe Premtimin Tim. Pastaj ju duhet të më luteni Mua që t'ju udhëzoj dhe t'ju jap kthjellësinë e mëndjes, që të mund të më shikoni Mua, të më dëgjoni Mua, të më besoni Mua dhe më në fund të dorëzoheni plotësisht në dëshirën Time për të shpëtuar shpirtin tuaj. Ju nuk duhet të harxhoni kohë duke u menduar, apo duke ecur në udhë të gabuar sepse Unë kam nevoj për ju.

Jesusi juaj

Mesazhi origjinal ne anglisht: