Sunday, 20 January 2013

Jesusi: “Mos i pranoni pyetjet apo kërkesat që ju bëhen për të ndryshuar Fjalën Time”



E Dielë, 13 Janar 2013, ora 12:10

Bija Ime e dashur, ti kurrë nuk duhet të harrosh se Kush është Zotëria yt. Kur të tërhiqesh nga të gjitha drejtimet dhe kur dishepujt e Mi vendosin barrë të madhe mbi supet e tua, ti duhet të rezistosh. Vendose veten tënde në Duart e Mia të Shenjta, qëndro vetëm dhe më kërko Mua të merrem me gjithçka.

Ti duhet t'i përgjigjesh vetëm Zërit Tim. Çdo zë tjetër, që të komandon të bësh Punën Time të Shenjtë, sipas mënyrave të tyre, interpretimeve të tyre, nuk duhet pranuar.

Shumë njerëz që e ndjekin këtë Mision, duhet ta kuptojnë se Fjala Ime e Shenjtë nuk duhet të analizohet, ndryshohet apo rregullohet për t'ju përshtatur të tjerëve. Fjala Ime është e Shenjtë. Pranojeni atë që Unë them me besim dhe të jeni të kënaqur. Përpjekjet tuaja për të gjetur kuptime të fshehta, sensasione apo të kërkoni t'ju tregohet fati, është fyese për Mua.

Mësoni ta dëgjoni Zërin Tim. Lëreni që t'ju preki shpirtin dhe të jeni mirënjohës që Unë ju dhuroj këtë Dhuratë të Mësimeve të Mia intime dhe dëshirave. Unë e bëj këtë prej dhembshurisë që kam për ju dhe sepse ju dua. T'i vini në dyshim dhe të kërkoni që Unë t'ju jap përgjigjet që ju dëshironi të dëgjoni, është ofendim për Mua.

Bija Ime, të lutem mos i prano pyetjet apo kërkesat që të bëhen për të ndryshuar Fjalët e Mia apo kuptimin se çfarë Unë të them. Ti nuk e ke autoritetin, ashtu si të kam thënë më parë, për ta bërë këtë. Madje dhe kur ata shpirtra djallëzor të bëjnë pyetje të vështira, për të cilat ti nuk i ke përgjigjet, qëndro në heshtje.

Ju që vazhdoni të përpiqeni të më pengoni Mua, duke i sfiduar apo kritikuar Fjalën Time të Shenjtë, dijeni se jeni veçse një mëkatar i dobët. Nuk është se i bëni pyetjet për të mirën e shpirtit tuaj, ajo që është e papëlqyeshme për Mua. Është refuzimi juaj të pranoni që Unë Jesu Krishti, mund të komunikoj ndonjëherë me botën ashtu si po e bëj tani.

Nëse ju e merrni Fjalën Time dhe e manipuloni për t'ju përshtatur mënyrave tuaja, ajo do të bëhet pakuptim. Nëse ju e copëtoni atë për të kundërshtuar hapur këtë Misionin Tim të Shenjtë për të shpëtuar këtë brez të fundit, atëherë ju do të hidheni mënjanë. 

Plani Im është tani i fuqishëm, ndërsa Unë e udhëheq njerëzimin shpejt drejt Udhës së Vërtetës. Ata që enden dhe humbasin do të mbeten mbrapa. Ka mbetur vetëm aq shumë kohë sa për të shpëtuar secilin prej jush. Përse e shpenzoni kot? Çdo minutë është me vlerë.

Më lejoni Mua mundësinë t'ju udhëheq, t'ju mësoj dhe t'ju shëptoj juve. Bindja ndaj Meje, Jesusit tuaj, do të kërkohet nëse doni që Unë t'ju ndihmoj. Ju mund të më bindeni Mua vetëm kur ju e dorëzoni vullnetin tuaj tek Unë. Kur ju e bëni këtë, paqartësitë nuk do të jenë më në shpirtin tuaj.

Jesusi juaj

Mesazhi origjinal ne anglisht:
http://www.thewarningsecondcoming.com/ignore-questions-or-demands-made-of-you-to-change-my-words/