Tuesday, 15 January 2013

Jesusi: “Kur ju e hiqni të Vërtetën, apo e ndryshoni atë, ajo nuk është më e Vërteta. Gjithçka që mbetet është një guaskë”


E Mërkurë, 9 Janar 2013, ora 10:45

Bija Ime e dashur, sa I njohur Jam Unë, përmes gjuhës së njeriut, çdo ditë të vetme, dhe prapë sa larg Jam Unë prej tyre.

Shumë njerëz, instinktivisht, e thërresin Emrin Tim me zë të lartë, në momente shprehjesh, pa e kuptuar me të vërtetë se si e përdorin Emrin Tim. Jo vetëm që Unë nuk Jam I nderuar; asnjë lloj respekti nuk tregohet ndaj Meje. Emri Im përdoret për të sharë të tjerët, në momente grindjesh të mëdha. Sa më lëndon dhe më trondit Mua kjo; që Unë Jam përdorur në këtë mënyrë.

Shumë e përdorin Emrin Tim në bisedën e përditshme, por jo në një mënyrë që vë në pah  Rolin Tim si Shpëtimtarin e rracës njerëzore.

Sa do të dëshiroja që Unë të mund t'i bëja thirrje atyre ateistëve dhe agnosticistëve, që të mund të dëgjonin se si e përdorin Emrin Tim në bisedat e tyre ditore. Nëse është një zakon, përse nuk përdorin një formë tjetër shprehje? Përse më përfshini Mua, nëse nuk më pranoni Mua? Përse më përdorni Mua si një formë blasfemie, kur ju nuk besoni se Unë Egzistoj?

Sa shumë njerëz më shpërfillin Mua si I parëndësishëm në jetën e tyre. Unë Jam shtyrë në një anë, sikur Unë nuk Jam I rëndësishëm.

Shumë shpirtra, që besojnë tek Unë, nuk e praktikojnë besimin e tyre. Si të tillë, ata do të dështojnë në pregatitjen e shpirtrave të tyre. Sa shumë njerëz nuk e dinë se kur do të merren nga kjo tokë dhe të shkojnë në jetën tjetër dhe kanë bërë një gabim të tmerrshëm. Sepse ata nuk do të jenë të denjë të hyjnë në Mbretërinë Time.

Ditën kur shpirtrat ta gjejnë veten të ndarë në dy grupe, e Vërteta e të ardhmes do t'ju zbulohet atyre përfundimisht. Mjerë ai njeri që nuk është i pregatitur për këtë ditë të madhe dhe që e ka kaluar kot kohën që i është akorduar në tokë.

Për të tjerët, që kanë refuzuar të dëgjojnë të Vërtetën dhe që publikisht më poshtërojnë dhe më refuzojnë Mua, terrori i tyre do të jetë i pamundur të përshkruhet. Do të ketë dëshmi vajesh, histerie dhe tornditje në atë ditë, kur këta shpirtra të shikojnë se udha që ata zgjodhën i çoi ata vetëm drejt zjarreve të ferrit.

Kjo është koha për rilindje shpirtërore për njerëzit që janë bekuar me Dhuratën për të parë se si profecitë e të lashtëve tani po ndodhin në botë ashtu si është parashikuar.

Unë e vështroj botën dhe shikoj rrëmujën e tmerrshme, pasi njerëzit janë të zhytur në gënjeshtrat se si u krijua bota – këto gënjeshtra, që janë sajuar për të larguar njerëzit nga e Vërteta.

Unë shikoj se si njerëzve të mirë ju tregohet të mohojnë të kuptuarit e Mësimeve të Mia dhe t'i hedhin ato mënjanë në favor të pranimit të Mëkatit. Pastaj ata inkurajohen të pranojnë mëkatin deri sa ta bindin veten se Unë, Jesu Krishti, do të bëj një sy qorr.

E Vërteta e Mësimeve të Mia shtrihet në thelbin e Krishtërimit. Kur ju e hiqni të Vërtetën, apo e ndryshoni atë, ajo  nuk është më e Vërteta. Gjithçka që mbetet është një guaskë.

Tani është koha për të kuptuar, nëse do ta lejoni veten të mashtroheni nga spiritualizmi i epokës së re moderne, apo të qëndroni të palëkundur dhe të mbroni Fjalën e Shenjtë të Zotit. Duket sikur nuk ka rëndësi tani për ju, por kur dita të vij që Unë të vij për të Gjykuar, vetëm e Vërteta do të pranohet në Mbretërinë Time.

Kur ju i pranoni gënjeshtrat, ju nuk jeni të ndershëm. Ju nuk jeni besnik. Prandaj dhe nuk do të merrni Hire. Ju do të jeni si një enë e zbrazët, që lundron nëpër dete, duke u mburrur për një ngarkesë që egziston vetëm në mëndjen tuaj. Ajo do të jetë pa asnjë vlerë për dikë, kjo ndjenjë e rreme e sigurisë. Ajo nuk do t'ju japi të drejtën për çelësat e Parajsës Sime të Re.

Lutuni çdo ditë, sikur e nesërmja është dita juaj e fundit, sepse ju nuk e dini kohën e Ardhjes Sime të Dytë. Ajo do të ndodhi papritur. Kur ajo ditë të agojë, do të ketë fare pak kohë për tu kthyer pas. Ju ose do të më pranoni Mua, Premtimin Tim për t'ju sjellë në Mbretërinë Time, ose do të dërgoheni në vëndin nga i cili nuk do të ketë asnjë kthim.

Jesusi juaj

Mesazhi origjinal ne anglisht:
http://www.thewarningsecondcoming.com/when-you-take-away-the-truth-or-tamper-with-it-it-is-no-longer-the-truth-all-that-is-left-is-a-shell/