Sunday, 6 January 2013

Jesusi: “T’i doni të gjithë ata që ju persekutojnë, në Emrin Tim. Pastaj lutuni për ata”


E Mërkurë, 2 Janar 2012, ora 20:00

Bija Ime e dashur, ti duhet t'i informosh të gjithë ndjekësit e Mi, se lutjet e tyre do të ndihmojnë në zbutjen e shumë prej asaj që është parashikuar.

Lutja është kaq e fuqishme, sa nëse thuhen mjaft nga lutjet që Unë i kam dhënë botës, përmes Fushatës së Lutjes, atëherë shumë nga trazirat e vështira mund të pakësohen.

Unë gjithashtu duhet të theksoj edhe fuqinë e faljes. Kur ju të persekutoheni, në Emrin Tim, ju duhet të luteni për ata shpirtra që ju torturojnë ju. Kur ju luteni për ata, me zemër, Unë do t’i mbuloj ata me dashurinë tuaj. Kur ju luteni për armiqtë tuaj, ju e vononi misionin e Satanit për t’i marrë shpirtrat nga Unë.

Mos mendoni se Mbretëria Ime është e lehtë për tu futur. Për secilin nga ju që me të vërtetë më do Mua, do të ketë një apo dy më shumë njerëz që do të përpiqen t'ju ndalojnë në besnikërinë tuaj ndaj Meje. Ky ka qënë edhe problemi që nga Vdekja Ime në Kryq. Do të mbetet kështu deri në Ardhjen Time të Dytë.

Dishepujt e Mi do t'i tërheqin ata shpirtra që më kërkojnë Mua. Pastaj dishepujt e Mi do t'i pushtojnë këta shpirtra dhe kështu ndjekësit e Mi do të shtohen dhe bëhen një, të bashkuar me Mua. Kurrë nuk do të jetë pa vuajtje, kjo udhë e vetmuar drejt Mbretërisë Sime.

Kur ata të hedhin akuza kundër jush, mendoni për udhën Time drejt Kalvarit. Mendoni për heshtjen Time dhe dinjitetin e përqëndrimit thjesht tek qëllimi Im i vetëm, për të shpëtuar shpirtrat, për çdo sekondë që ju duroni talljet, në Emrin Tim.

Kjo do ta bëj udhën tuaj më të durueshme. Lërini kundërshtarët tuaj të bërtasin abuzime; lërini ata t'ju quajnë budallenj; lërini ata t'i deklarojnë Mesazhet e Mia se janë herezi. Sepse kur e bëni këtë, gjuhët e liga të tyre nuk do të kenë asnjë fuqi mbi ju.

T'i doni të gjithë ata që ju persekutojnë, në Emrin Tim. Pastaj lutuni për ata. Dhe kur ju i falni ata, ju do të shkatërroni fuqinë që Satani mban mbi ata.

Ky është sekreti i përulësisë.

Jesusi juaj

Mesazhi origjinal ne anglisht:
http://www.thewarningsecondcoming.com/love-all-those-who-persecute-you-in-my-name-then-pray-for-them/