Saturday, 19 May 2012

Virgjëra Mari: “Shkoni dhe hapini sytë, bijë, dhe dëgjoni, hetoni dhe meditoni për gjithçka që ju paraqitet në emër të Zotit.”

E Shtunë, 12 Maj 2012, ora 10:00

Bija Ime ndërsa ulërima e Satanit dhe e djajve të tij bëhet më e fortë dhe zhurma e britmave të tyre dëgjohet deri në Qiell, unë duhet t'i paralajmëroj fëmijët e Zotit t'i hapin sytë.

Vështroni rreth e rrotull dhe çfarë shikoni?

Trazira, grindje, dëshpërim dhe luftra. Të gjitha këto janë nxitur nga shpirtrat dhjallëzorë që e rrethojnë njerëzimin.

Të lëshuar nga Ferri, numri i tyre është i madh. As edhe për një moment ata nuk do t'i lehtësojnë torturat e tyre të shkaktuara nga urrejtaj që kanë për të gjithë fëmijët e Zotit.

Këta ëngjëj të rënë ishin xhelozë kur Ati, Zoti Më I Larti, krijoi njerëzimin dhe universin.

Krenaria dhe neveria e tyre çoi në rënien e tyre dhe u hodhën në Ferr.

Të drejtuar nga Satani, urrejtja e tyre u shfaq kur unë solla në botë Birin e Njeriut, Shpëtimtarin e njerëzimit. Urrejtja e tyre për mua e tejkalon çdo gjë të njohur nga njerëzimi.

Si Mbretëresha e të gjithë Ëngjëjve, kjo i trazoi ata më shumë. Ata e dinin se nuk do të kishte më kthim mbrapa në Hierarkinë Hyjnore.

Për të lënduar Zotin, Atin tim të dashur ata duan të shkatërrojnë atë që është më pranë Zemrës së Tij, fëmijët e Tij të dashur dhe të çmuar.

Duke i joshur fëmijët e Tij përmes tundimit të mëkatit, ata i vjedhin shpirtrat.

Ati im nuk do ta toleroj këtë ligësi dhe koha po afron për këta ëngjëj të rënë të flaken përfundimisht në furrën e nxehtë. Ata e dinë këtë.

Nën drejtimin e Satanit ata po i shtojnë tani planet e tyre dhe çdo sekondë të ditës ata shkatojnë shkatërrim në botë.

Fëmijët e Zotit duhet ta dinë se plani i tyre është që të rrëmbejnë çdo gjë që është e çmuar për Zotin, Atin e Gjithëpushtetshëm.

Kjo është edhe arsyeja që ata, si fillim, vënë në shënjestër Kishat e Tij të Shenjta në tokë.

Kur të infiltrojnë në Kishat e Zotit, ata infiltrojnë tek fëmijët e Zotit.

Zgjohuni bijtë e mi ndaj asaj që po ndodh para syve tuaj. Ju duhet të jeni vigjëlent gjatë gjithë kohës.

Lutuni, lutuni, lutuni që ju të bekoheni me hiret për të njohur djallin kur t'u paraqitet sikur është pjesë e planeve të Zotit, kur me të vërtetë nuk është.

Kërkohet besim i fortë dhe pranimi i të Vërtetës që gjendet në këto mesazhe nga Qielli për të qëndruar në udhën e vërtetë të jetës së përjetshme.

Jeta e përjetshme duhet të mirëpritet bijtë e mi dhe kurrë nuk duhet refuzuar në favor të premtimeve të rreme.

Premtimet e tyre te rreme po i paraqiten botës në këto kohë nga ata që drejtojnë vëndet tuaja dhe që mund të jenë të influencuar nga mbreti i gënjeshtrave.

Shkoni dhe hapini sytë, bijë, dhe dëgjoni, hetoni dhe meditoni për gjithçka që ju paraqitet në Emër të Zotit.

Mbretëresha juaj e Dashur e Paqes
Nëna e Shpëtimit

Mesazhi origjinal ne anglisht:
http://www.thewarningsecondcoming.com/virgin-mary-go-and-open-your-eyes-children-and-listen-question-and-contemplate-all-that-is-presented-to-you-in-the-name-of-god/