Saturday, 29 December 2012

Hyji Atë: “Së shpejti, një Dritë e re, një diell i ri, do të duket”

E Enjte, 27 Dhjetor 2012, ora 18:20

Bija Ime më e dashur, ky është një Mesazh i shpresës së madhe për të gjithë fëmijët e Mi.

Koha për ndryshimet, ashtu si është parashikuar, kur toka do të kthehet; planetet do të ndryshojnë dhe klima nuk do të jetë më e parashikueshme, është tani mbi ju.

Fuqia Ime e Madhe tani po shfaqet në Qiell, ashtu si dhe në tokë, ndërsa Unë udhëheq betejën kundër armiqve të Mi. Satani dhe djajtë e tij po munden, por ata kanë vendosur një mbrojtje të tmerrshme. Së bashku me ta, ata po tërheqin fëmijët e Mi të gjorë, zemrat e të cilëve janë të mbushur me ambicje politike dhe materialiste, të luajnë një rol, kur ata përpiqen të kryqëzojnë fëmijët e Mi.

Njeriu është i dobët. Njeriu joshet lehtë. Për shkak të verbimit të tij ndaj të Vërtetës, që ju është dhënë nga Unë, që nga fillimi i Krijimit, njeriu beson në gënjeshtra. Ai i beson gënjeshtrat të vjella nga i ligu, sepse ai është i joshur nga premtimet për fuqi dhe kënaqësi.

Fëmijët e Mi duhet ta njohin Dritën e lavdishme dhe të mbrekullueshme të Mbretërisë Sime. Ti, bija Ime, e ke parë këtë Dritë dhe ti e di se sa e Fuqishme është ajo. Ti e njeh Fuqinë e Zotit, dhe se si të mbështjell ty. A mund ta imagjinosh se si do të jetë kur Parajsa Ime e Re të zbulohet? Ti, bija Ime, ke parë vetëm një pjesë të vogël të kësaj Drite të lavdishme dhe të shkëlqyeshme.

Është e rëndësishme ta mirëprisni Dritën e Birit Tim në zemrat tuaja. Kur ju e ftoni Atë t'ju shpëtoj, dhe t'ju marri në Zemrën e Tij të Shenjtë, ju do ta ndjeni këtë Dritë.

Drita e Agimit të Ri – Epoka e Re – ngadalë por me siguri të plotë do ta ndriçoj botën. Së shpejti, një Dritë e re, një diell i ri, do të duket. Do të jetë më i madh dhe do të jetë shkaku i shumë mbrekullive.

Kjo është një Shenjë e Fuqisë Sime dhe e Madhështisë Sime. Do të jetë një mbrekulli dhe do të provoj se njeriu nuk e kupton plotësisht sekretin e krijimit.

Vetëm Unë, Zoti Krijuesi I Universit, e komandoj gjithçka që gjendet. Gjithçka që do të jetë. Gjtihçka që mund të jetë. Asnjë njeri, apo shkencëtar nuk mund t'i zgjidhi këto sekrete më të shenjta, sepse nuk është për njeriun të kuptoj në këtë periudhë.

Mbrekullitë e Krijimit Tim, dhe forca e Fuqisë Sime, do t'i tregohen botës. Mos lejo asnjë njeri të bëj gabimin të besoj se Satani dhe ndjekësit e tij të ligj, kanë ndonjë fuqi t'ju sjelli ju mbrekullitë që Unë kam Krijuar për çdo krijesë të vetme. Unë kam premtuar të zbuloj të Vërtetën që ju, fëmijët e Mi, të mund të hiqni perden që ju ka mbuluar sytë.

Kur të vij Dita që e Vërteta të pranohet plotësisht nga ju, Unë do t'ju dhuroj juve pasuritë më të shkëlqyera, hiret dhe një jetë që ju kurrë nuk mund ta parashikoni, sepse ajo ëshë përtej imagjinatës suaj.

Unë jam I lumtur t'ju jap këtë mesazh shprese sot. Unë shpresoj se kjo ju sjell shumë lumturi dhe paqe.

Premtimi Im për t'ju sjellë ju në trashëgiminë tuaj përfundimtare, do të bëhet një realitet, së shpejti.


Ati juaj I Dashur
Hyji Më I Larti

Mesazhi origjinal ne anglisht: