Sunday, 9 December 2012

Jesusi: “Flaka e dashurisë e shuan zjarrin e urrejtjes”

E Dielë, 2 Dhjetor 2012, ora 17:40

Bija Ime e dashur, është vetëm kur jeni shënjestër e urrejtjes që me të vërtetë mund ta kuptoni fuqinë që i ligu ka mbi njerëzimin.

Urrejtja është shkaktuar nga Satani, i cili e përdor atë për të tunduar njerëzit të kthehen kundër vëllezërve dhe motrave të tyre.

Urrejtja mbjell urrejtje, kur një person e urren një tjetër dhe ajo zakonisht shkaktohet nga zemërimi.

Zemërimi mund të vij si rezultat i ndryshimit të opinioneve. Nëse nuk është nën kontroll, ajo mund të kthehet në urrejtje shumë shpejt.

Kur dikush sulmon një person tjetër, një organizatë apo një shtet, për shkak të ndryshimit të opinioneve, ajo mund të ndezi një shkëndijë urrejtje brënda një periudhe të shkurtër kohe.

Prandaj dhe Unë ju bëj thirrje të gjithë atyre që e gjejnë veten shënjestër e një zemërimi të tillë, të mbeten me dinjitet gjatë gjithë kohës. Madje edhe kur dikush ju fyen, ballë për ballë apo mbrapa kurrizit, ju duhet të jeni të kujdeshëm të mos përzjeheni me ata. Kur ju e bëni këtë, ju do të tundoheni të mëkatoni.

Satani i inkurajon njerëzit të zemërohen. Ai pastaj e përdor zemërimin për të krijuar zemërim ndaj një personi tjetër dhe kështu vazhdon deri sa urrejtja është futur në të dyja anët.

Ai, i ligu, e nxit urrejtjen që të mund të shkaktoj përçarje.

Ndarja është e kundërta e bashkimit. Bashkimi është një Hir i dhënë nga Zoti. Kur njerëzit janë të bashkuar në një dhe e respektojnë njëri tjëtrin, dashuria është e pranishme. Dashuria është Zoti, prandaj dhe Zoti e ka frymëzuar këtë bashkim.

Satani e përdor urrejtjen për t'i bërë shtetet të ndahen, martesat të prishen, vrasjet të ndodhin dhe krimet e tmerrshme të lulëzojnë. Kur Satani të mundet, urrejtja përfundimisht do të zhduket dhe nuk do të egzistoj më në botë.

Dashuria mund ta zbusi urrejtjen. Kur një person është i zemëruar ndaj jush, ju duhet të përpiqeni të përgjigjeni me dashuri. Mund të jetë e vështirë për ju ta bëni këtë, por me ndihmën Time, ju do ta shikoni se urrejtja do të zbutet shpejt.

Flaka e dashurisë e shuan zjarrin e urrejtjes. Ajo e mënjanon atë. Dashuria është Zoti dhe ashtu si Zoti ka Fuqi të madhe mbi bishën po ashtu dhe kjo është zgjidhja për të larguar bishën nga jeta juaj.

Duhet shumë guxim për tu ngritur në këmbë, si viktimat, kundër urrejtjes. Nëse ju bëni ashtu si ju them Unë dhe më thërrisni Mua t'ju jap kurajo, atëherë ju mund ta mposhtni urrejtjen.

Jesusi juaj

Mesazhi origjinal ne anglisht:
http://www.thewarningsecondcoming.com/the-flame-of-love-extinguishes-the-fire-of-hatred/