Thursday, 6 December 2012

Jesusi: “Kur liria e fjalës të hiqet, e Vërteta do të fshihet”

E Premte, 30 Nëntor 2012, ora 15:55

Bija Ime e dashur, kur liria e kombeve që i lejon ata të flasin pa pranga do të hiqet, atëherë profecitë do të zbulohen.

Në Mesazhet e Mia për ty në 1 Janar 2011, Unë të thashë se zëri i njerëzve përmes medias do të jetë i fshehur nga njerëzimi dhe do të hiqet. (lexoni mesazhin më poshtë)

Kur zëri I lirë i medias të ketë heshtur, atëherë ju do ta kuptoni se po jetoni në një diktaturë.

Shumë ndryshime po imponohen mbi kombet përmes kontrollit të medias. Kur liria e fjalës të hiqet, e Vërteta do fshihet. Komb pas kombi do të ushqehen me gënjeshtra të diktuara nga paganët.

Libri I të Vërtetës po shpërndahet në botë që njerëzimi të mund të ndjejë Dashurinë e Zotit dhe të udhëzohen drejt të Vërtetës për të gjetur lirinë.

Liria për të bërë zgjedhjet tuaja, po ju hiqet nga grupi i elitës. Ju jeni si qengjat që po  çohen në thertore dhe shumë prej jush do të shkojnë në udhë të gabuar dhe do të bëhen të verbër ndaj të Vërtetës.

Liria është një Dhuratë që i është dhënë çdo njeriu nga Zoti, I Cili e respekton vullnetin e lirë të fëmijve të Tij.

Përmes vullnetit tuaj të lirë ju do të bëni shumë zgjedhje: disa nga këto zgjedhje do ta bëjnë Atin Tim të pakënaqur dhe prapë Ai kurrë nuk do të ndërhynte në vullnetin tuaj të lirë, sepse Ai nuk mundet dhe nuk do ta hiqte atë nga ju.

Skllevërit e Satanit do ta sulmojnë vullnetin tuaj të lirë. Ata do ta bëjnë këtë duke i tunduar shtetet të heqin lirinë e atyre mbi të cilët ata sundojnë. Ata e bëjnë këtë për shumë arsye.

Një arsye është që t'ju kthejnë ju në skllevër për përfitimin e tyre vetjak. E dyta është që të kontrollojnë rritjen e popullsisë. Arsyeja e tretë është që të zhdukin të gjitha gjurmët e Zotit.

Që nga Vdekja Ime në Kryq, ky plan është dëshmuar në shumë vënde. Por bota perëndimore ja arriti të qëndroj aq e lirë nga diktatura sa ishte e mundur. Kjo e gjitha do të ndryshoj tani.

Çdo shtet do të kontrollohet nga një tjetër. Ata do të luftojnë mes njëri tjetrit për fuqi. Shumë shtete do të fillojnë të fusin ligje që do të çojnë drejt komunizmit.

Pastaj do të vij një kohë kur Dragoi I Kuq dhe Ariu do t'i kontrollojnë të gjitha, por shumë njerëz nuk do ta kuptojnë këtë, sepse shumë nga kjo diktaturë do të fshihet nga syri i publikut.

Dijeni këtë. Kur përpjekjet për të zhdukur Emrin e Zotit të zënë rrënjë dhe ju të bëheni skllevër të gënjeshtrave, atëherë Dota e Atit Tim do të godasi.

Një e treta e botës do të fshihet dhe Ndërhyrja Hyjnore do të vazhdoj deri ditën e fundit.
Për të dobësuar ligjet djallëzore që do të futen në vëndet tuaja, ku e Vërteta do të fshihet nga ju, duhet të thoni këtë Fushatë Lutje (87) për të mbrojtur kombet nga i ligu.

Fushata e Lutjes (87) Mbroje Vëndin tonë nga I Ligu

O Atë, në emër të Birit Tënd na shpëto nga komunizmi.
Na shpëto nga diktatura.
Mbroje vëndin tonë kundër paganizmit.
Shpëtoi fëmijët tanë nga e keqja.
Na ndihmo të shohim Dritën e Zotit.
Hapi zemrat tona ndaj Mësimeve të Birit Tënd.
Ndihmoi të gjitha Kishat të qëndrojnë të vërteta ndaj Fjalës së Zotit.
Ne të lutemi që ta ruash vëndin tonë nga persekutimi.
Zot I Dashur, hidhi sytë mbi ne me Mëshirë pavarësisht se sa të fyejmë Ty.
Jesus, Bir I Njeriut, na mbulo me Gjakun Tënd të Shtrenjtë.
Na shpëto nga kurthet e të ligut.
Ne të kërkojmë ty, Zot I dashur, të ndërhysh dhe të ndalosh të ligun nga mbërthimi që ai ka mbi botën në këtë kohë. Amen.

Lutuni, lutuni, lutuni sepse Zemra e Atit Tim është thyer me shpejtësinë në të cilën ligjet mëkatare po sillen para çdo kombi në tokë në këtë kohë.

Shpresoni, lutuni dhe besoni tek Unë që ky shkatërrim të dobësohet.

Lutuni që sa më shumë nga fëmijët e Zotit të jetë e mundur t'i mbajnë sytë hapur gjatë gjithë kohës dhe që ata të mbeten besnik ndaj të Vërtetës së Mësimeve të Mia.

Jesusi juaj

Mesazhi origjinal ne anglisht:
http://www.thewarningsecondcoming.com/when-the-freedom-to-speak-is-taken-away-the-truth-is-hidden/

------------------------------------------------------------------------------------------

Jesusi: “Censura mbi median dhe të tjera do të vijnë”

E Shtunë, 1 Janar 2011, ora 02:00

Bija Ime e dashur koha ka ardhur edhe për një vit tjetër, kur fëmijët e Mi të dashur do të mësojnë më shumë nga Unë, se si ta përshtatin jetën e tyre që kur Unë të vij si Gjyqtar, njerëzimi të jetë gati.

Fëmijët e Mi të bukur, që të gjithë ju i mbaj pranë Zemrës Sime të Shenjtë, ju duhet të më dëgjoni Mua tani. Unë kurrë nuk do t'ju braktis kur ju më njihni Mua dhe të vërtetën e Parajsës së re – premtimi që Unë ju dhashë të gjithëve para se të vdisja në kryq për mëkatet tuaja. Koha po afron tani bijtë e Mi të dashur. Mos kini frikë. Nëse ju më doni Mua dhe besoni tek Unë, çfarë ka për të patur frikë? Sepse dashuria nuk është e frikshme. Dashuria është gëzim, lumturi dhe për të gjithë ju që besoni në jetën e Përjetshme në Qiell nuk ka asgjë për të patur frikë. Unë ju dua të gjithëve.

Roli I Nënës së Zotit në Ardhjen e Dytë të Krishtit
Nëna Ime e dashur, e cila ishte përgjegjëse për marrjen e Kupës duke e pranuar egzistencën Time, në momentin që mbeti shtatzanë për të  lajmëruar një fillim të ri për njerëzimin, do të lajmëroj gjithashtu edhe Ardhjen Time të Dytë.

Unë do të shpengoj të gjithë ata që kthehen tek Unë për Mëshirë. Nëna Ime, e dërguar nga Ati I Përjetshëm për të sjellë shpengim dhe shpëtim në botë, do të qëndroj krah Meje këtë herë të dytë.

Nëna Ime e Dashur, Ëngjëlli i dritës, tani do të triumfoj për të përhapur Mëshirën Time dhe për të paralajmëruar Ardhjen Time të Dytë në tokë. Nëna Ime e devotshme, Zonja e Papërlyme, si Ndërmjetëse do të ndihmoj në pregatitjen e botës për Ardhjen Time të Dytë. Ajo e ka pregatitur njerëzimin për shumë shekuj me radhë, por tani në 100 vitet e fundit, është përpjekur të fusi dashuri në zemrat tuaja për të ndezur disaherë dashurinë e dobët që ju keni për Mua dhe për Atin Tim të Përjetshëm.

Ishte një kohë kur Nëna Ime, e cila përmes shfaqjeve hyjnore mund të komandonte vëmëndje në tokë. Për fat të keq, që nga koha e Fatimas dhe Garabandalit, pak nga shërbëtorët e Mi të shenjtë i marrin seriozisht shfaqjet e saj hyjnore. As edhe vizionarët e saj, ata pak të zgjedhur, nuk i marrin seriozisht. Këtë kohë, kur të filloj viti 2011, shumë e shumë ndryshime në botë do të fillojnë tani të ndodhin. Kjo është sepse bota, fëmijët e Mi, ashtu si ju e njihni, do të ndryshoj.

Lidhja e Sekretit të Fatimas me të Ardhmen
Sa shumë nga ju shpirtrat e pafajshëm dhe të besuar nuk arrini ta kuptoni se i ligu është gati për tu shfaqur. Bijtë e Mi, përfshi edhe ata që i lexojnë këto mesazhe për herë të parë që nga kurioziteti mund të përmirësoni njohurinë tuaj shpirtërore, dëgjoni tani.

Ju dhe vëllezrit dhe motrat tuaja po çohen drejt një bote të diktatuar nga grupi, si është parashikuar në Sekretin e fundit të Fatimas, ndaj të cilit ju nuk jeni të fshehur ku shumë shpejt do të merrni vesh të mëposhtmet.

1. Paraja juaj do të jetë pavlerë dhe e vetmja mënyrë për të bërë tregëti do të jetë në flori dhe argjënd.
2. Ju duhet të luteni në grupe dhe të gjeni një shërbëtor të shenjtë, mjaft trim, t'i bëj ballë Persekutimit.
3. Ju duhet të gjeni streha për lutje, sepse kishat tuaja do të shiten për përfitim monetar.
4. Mbajeni fort shkrimin e shenjtë, ju mund të mos e keni dëgjuar këtë më parë, po të jeni të sigurtë se kopjet e saj do të jetë e pamundur të blihen në të ardhmen.
5. Ngrini grupe lutjesh për tu lutur për shpëtimin e njerëzimit. Në një periudhë 3 vjeçare ju do ta kuptoni pëse kjo është e rëndësishme.

Censura e Medias
Për Median Unë kam këtë për të thënë. Si komikuesit që jeni në botë, arroganca që ju tregoni sot do të kthehet në dëshpërim, kur fjala juaj nuk do të dëgjohet më. Ju gjithashtu shpejt do ta kuptoni rëndësinë e lutjes kur njerëzimi të largohet nga e vërteta. Fjala juaj sot mund të përfaqësoj akoma të vërtetën e rëndësishme të pavarur. Por kjo dhuratë tani do të hiqet nga ju. Në vënd të saj e vërteta do të fshihet nga njerëzimi përmes diktaturës që ju do të deshmoni gjatë Vuajtjes së Madhe. Atëherë fjala juaj do të mohohet ashtu si fjala Ime sot.

‘Kanali Sekret’ i Komunikimit
Askush nuk do t'ju dëgjoj ju, sepse e vetmja fjalë që do 'ti shpërndahet njërëzimit dhe që do të ketë efekt, do të jetë nga Kanali Sekret i dhënë botës përmes teknologjisë. Ju do ta gjeni veten të izoluar dhe do të përpiqeni të komunikoni me një botë mosbesimtare ashtu si po bëj Unë në këtë pikë kur fjala juaj të mos dëgjohet.

Kujdes nga Diktatorët
 Ju mos kini aspak frikë, pavarësisht se në cilën udhë e ndiqni Zotin, vetëm më dëgjoni Mua tani. Luftojini ata që imponojnë diktaturë në fjalën tuaj sepse ata janë të Satanit. Kurrë mos u gënjeni nga ata, pavarësishtë se sa shumë ju paguajnë të raportoni gënjeshtra. Ata do të pësojnë ndëshkimin e përjetshëm nëse nuk pendohen. Edhe pse koha nuk është në favorin tuaj. Lufto për lirinë për të raportuar padrejtësitë që dëshmon. Nuk ka rëndësi që ti beson tek Unë, sepse kur ta shikosh që kjo profeci të shpaloset, atëherë ti do ta kuptosh të vërtetën e mësimeve të Mia.

Libri I Zbulesës
Sot në botë që ju mund të dukeni të dërrmuar dhe të lënduar nga shkatërrimi ekonomik, është e lehtë të besohet se gjërat do të bëhen mirë. Po, bijtë e Mi në të kaluarën kjo do të ishte një supozim i natyrshëm, por nuk do të jetë më kështu. Komploti, i krijuar nga grupet kryesore të organizatave në mbarë botën në çdo shtet, me origjinë Satanike, është tani gati të zbulohet. Ju që nuk besoni tek Unë, tani përfundimisht do t'i kuptoni profecitë e përmabjtura në Librin e Atit Tim dhe Librin e Zbulesës.

Mos kini frikë fëmijët e Mi. Kthehuni tek Unë dhe flisni me Mua privatisht me fjalët tuaja dhe Unë do t'ju jap forcë, shpresë dhe energji të kapërceni këtë kalim të errët në historinë e njerëzimit.

Ju që po lexoni këtë mesazh mendoni me kujdes. Nëse e vini në dyshim përmbajtjen, atëherë shikoni rreth jush dhe vendosni nëse do të guxonit ti konsideronit shenjat. A e vini re se liria e vullnetit tuaj të lirë, që ju është dhënë si dhuratë në Ati Im I Përjetshëm, tani po cënohet? Unë dhe Ati Im I Përjetshmë kurrë nuk do të ndërhynim me këtë dhuratë Hyjnore, kaq e shënjtë është kjo dhuratë. Por nëse njeriu vendos të pranoj Satanin dhe flakët e Ferrit, atëherë le të jetë ashtu.

Zoti, Ati Im I Përjetshëm nuk mund ta ndaloj këtë. Prapë Satani do të përpiqet ta heqi këtë dhuratë të vullnetit të lirë nga ju. Kur e shikoni se vullneti juaj i lirë ju është rrëmbyer përmes forcave ndaj të cilave ju nuk keni asnjë kontroll, atëherë ju do ta dini se i Ligu është mbrapa kësaj.

Satani kurrë nuk do të fitoj
Ju lutem, ju lutem të paralajmëroni fëmijët e Mi të shtrenjtë. Mos u dorëzoni. Nëse mjaft nga ju luten dhe qëndrojnë të patundur, do të shpëtoni shpirtrat. Satani dhe ushtria e tij kurrë nuk do të fitojnë. Ata nuk mund të fitojnë. Kjo është e pamundur. Vetëm Zoti e ka fuqinë ti japi fund këtij konflikti të tmerrshëm.

Unë, Shpëtimtari Juaj dhe Gjyqtari I zgjedhur ju bëj thirrje të ngriheni, të jeni të guzimshëm dhe të luftoni për atë që është e drejtë në zemrat tuaja edhe nëse do të pësoni frikë. Frika ju jepet nga Satani. Frika kurrë nuk është vënë në zemrat tuaja nga Unë apo Ati Im I Përjetshëm.
Largoheni dyshimin dhe hapini zemrat tuaja drejt dashurisë dhe jo frikës. Dashuria vjen nga Zoti. Unë ju kam thënë se dashuria nuk është një gjë që ju e ndjeni nëse nuk I hapni zemrat tuaja. Dashuria dhe Zoti, Ati I Përjetshëm, Krijuesi I kësaj toke shkojnë krah për krah. Ato nuk mund të ndahen. Kur ato janë të ndara, atëherë Satani është në punë.

Shkoni tani bijtë e Mi dhe vendosni. A doni që Dashuria t'ju mbështjelli përmes Zemrës Sime të Shenjtë apo Frika? Ky është vendimi juaj.

Mësuesi juaj Hyjnor, Shpëtimtari dhe Gjykatësi I Drejtë I Mëshirës
Jesu Krishti

Mesazhi origjinal ne anglisht: