Friday, 21 December 2012

Jesusi: “Fuqia e vdekjes mbi njerëzimin do të mposhtet përfundimisht”

E Hënë, 17 Dhjetor 2012, ora 12:15

Bija Ime e dashur, dita që Unë të vij për të deklaruar Trashëgiminë Time, që më është premtuar Mua nga Ati Im do të jetë e papritur.

Ndërsa Unë pregatis gjithë njerëzimin për këtë ngjarje të madhe, ajo ditë do të vij papritur. Koha për bishën të hidhet në greminë është afër, dhe pastaj 12 kombet do të gëzojnë në paqe dhe bashkësi.

Gjatë kësaj kohe shenjtorët në Qiell dhe të gjithë ata që vdiqën në Favorin Tim, do të ngrihen me të drejtët që do t'i shpëtojnë Vuajtjes së madhe. Të gjithë do të ringjallen dhe do t'ju jepet Dhurata e trupit të përkryer, që do ta mposhti vdekjen e njohur nga njerëzimi që nga mëkati i Adamit. Ata do të gëzojnë paqe dhe prosperitet nën Mbretërimin Tim Shpirtëror deri kur Mbretëria Ime t'i dorëzohet Atit Tim.  

Kjo do të jetë ringjallja e parë dhe do të pasohet nga një mbretërim 1000 vjeçar me harmoni të përkryer sipas Vullnetit Hyjnor të Atit Tim.

Gjatë kësaj kohe, mëkatarët që më mohuan Mua do të vuajnë. Ringjallja e Dytë nuk dihet nga njerëzimi, as edhe detajet nuk i janë zbuluar ndonjërit përveç profetëve Daniel dhe Gjon Evangjelistit.

Këto sekrete do të zbulohen në kohë, sepse ato nuk janë për t'ju treguar juve tani.

Fuqia e Zotit do të shfaqet kur beteja për të shpëtuar shpirtrat do të arrij sukses. Fuqia e vdekjes mbi njerëzimin do të mposhtet përfundimisht. Ky është Premtimi Im. Unë do t'i përmbush profecitë e krijuara nga Ati Im

Ata mes jush që janë të çorientuar, të mos kenë frikë. Gjithçka tani është në Duart e Mia të Shenjta, por të jeni të sigurtë se gjithçka që ka rëndësi është falja e mëkatit. Kjo do të jetë kur të gjithë ju më kërkoni Mua Dhuratën e Shpengimit. Kaq e thjeshtë është.

Dashuria juaj për Mua do të japi Dhuratën e Jetës. Vdekja, si ju e njihni, nuk do të ketë asnjë kontroll apo t'ju mbërthej përsëri. E ardhmja juaj është diçka për tu mirëpritur me gëzim në zemrat tuaja, sepse është Dhurata më e madhe e Zotit dhe vetëm ata shpirtra që e meritojnë do të marrin pasuri të tillë. Të jeni të qetë. Besoni tek Unë. Më doni Mua. Kjo është gjithçka që ka rëndësi.

Jesusi juaj

Mesazhi origjinal ne anglisht:
http://www.thewarningsecondcoming.com/the-power-of-death-over-humanity-will-be-defeated-finally/