Sunday, 10 March 2013

Jesusi: “Shumë nga ju do ta refuzojnë këtë Thirrje nga Qielli nga frika”


E Mërkurë, 6 Mars 2013, ora 09:45

Bija Ime e dashur, Unë i bëj thirrje të gjithë atyre në botë që besojnë tek Unë, Jesu Krishti, të dëgjojnë.

Sa shumë prej jush do ta kenë të vështirë të pranojnë vuajtjen që do t'ju duhet të durojnë në Emrin Tim. Deri tani, vuajtja juaj ka qënë e kufizuar deri tek pikëllimi që keni ndjerë në shpirtrat tuaj për mëkatet e njeriut dhe për Sakrificën që Unë bëra për të shpëtuar njerëzimin nga ligësia e vet. Tani, ju do të talleni për Besimin tuaj dhe do të bëheni me turp që mbështesni Mësimet e Mia dhe Ligjet e Zotit.

Shumë nga ju do ta refuzojnë këtë Thirrje nga Qielli nga frika. Të pranohet se Unë tani po komunikoj me botën, për ta pregatitur atë për Ardhjen Time të Dytë, nuk është diçka që njerëzit mund ta pranojnë lehtë. Sepse kush është profeti Im? Dhe kush janë ata që erdhën para saj në Emrin Tim? Nga e dini se ajo flet të Vërtetën me kaq shumë profetë të rremë dhe mashtruesa që ju ngatërrojnë? Kurrë nuk ka qënë një profet, i dërguar nga Qielli që nuk ka pësuar tallje, abuzime, tortura dhe mizori. As edhe një. Shumë prej tyre u vranë. Ti mund të sigurohesh se kur frytet e Punës Sime, e dhënë profetëve të tillë, rezultojnë në lutje dhe konvertim, atëherë ata janë dërguar nga Zoti, në botë, për të pregatitur fëmijët e Tij, që ata të kthehen tek Ai.

Dijeni se profetët e Mi të vërtetë do t'i bëjnë ballë testit të kohës dhe për ata që i shpërfillin Mesazhet që i sjellin rracës njerëzore, do të ketë britma dhe kërcitje dhëmbësh. Kur ju e sulmoni Fjalën Time të Shenjtë, e dhënë një profeti të vërtetë, ju ndërhyni në Vullnetin e Zotit. Ju mund të mos ndjeni aspak turp tani. Ju mund të besoni se po e mbroni Fjalën Time kur ju sulmoni profetët e Mi, por me kalimin e kohës dëmi që bëni ndaj këtij, Misionit Tim të fundit në tokë, kur t'ju zbulohet, do t'ju sjelli frikë të tmerrshme dhe hidhërim.

Nëse më doni Mua, ju duhet t'i mbani sytë hapur dhe të lexoni me kujdes udhëzimet e Mia. Nëse nuk i kushtoni vëmëndje paralajmërimeve të Mia, që ju jepen prej Dashurisë së Zotit, ju do të refuzoni të Vërtetën. E Vërteta vetëm mund t'ju shpëtoj ju. E Vërteta është oksigjeni që ju duhet për të shpëtuar jetën e shpirtit tuaj. Pa të Vërtetën ju nuk do të më shikoni Mua qartë, as edhe nuk do të jeni të aftë të bëni zgjidhjet e duhura. Kujtoni se Unë Jam e Vërteta. Pa Mua, ju nuk do të keni jetë.  

Jesusi juaj

Mesazhi origjinal ne anglisht: