Dashuria e vërtetë vjen prej Hyjit. Kur personat nuk e duan Hyjin mjaftueshëm, ata janë të pa-aftë që ta duan një qënie tjetër njerëzore në plotësinë e dashurisë së vërtetë.
Vetëm ata me zjarrin e Dashurisë së Hyjit brenda shpirtrave të tyre mund ta transmetojnë me të vërtetë kuptimin e saktë të dashurisë tek një person tjetër.
E njëjta gjë është e vërtetë për ata që janë në një martesë të bekuar nga Kisha Ime.
Dashuria e Hyjit, e cila do të ndriçojë përmbi martesën e një burri dhe një gruaje, të cilët e duan njëri-tjetrin, do t’i depërtojë shpirtrat e tyre nëse ata e duan Hyjin duke u dorëzuar ndaj Tij, gjë që është e nevojshme për të ndjerë paqe.
Dashuria e vërtetë do të thotë paqe. Pa dashuri nuk ka paqe pavarësisht se sa shumë ju përpiqeni për ta gjetur atë. Paqja mund të vijë vetëm përmes dashurisë për njëri-tjetrin.
Kur dashuria mungon në jetën tuaj, asgjë nuk është e balancuar dhe, në vend të saj ka një ndjenjë mpirjeje.
Për ta gjetur Hyjin, ju duhet të më pranoni Mua, Jezusin tuaj, si Birin e Tij të Dashur.
Sepse, nëse ju do të më lejoni Mua, Unë do t'ju shpie tek Ai.
Kur Unë ta bëj këtë dhe kur Drita e Tij ta pushtojë shpirtin tuaj, ju do ta keni të lehtë për ta dashur një person tjetër.
Dashuria e Hyjit, e pranishme në një shpirt, do ta hapë zemrën e një tjetri.
Dashuria shkëlqen mespërmes anktheve, trazirave dhe përçarjeve nëpër botë. Kjo është e vetmja mënyrë për të arritur paqen, jo vetëm në jetët tuaja personale, por edhe në botën rreth jush.
Dashuria sjell paqe por ajo duhet të burojë nga një dashuri e vërtetë për Hyjin, Krijuesin tuaj.
Paqja sjell harmoni.
Dashuria është rrugë-shpëtimi i racës njerëzore dhe, pa atë, ju jeni të humbur, të vetmuar, të uritur dhe ju kurrë nuk do të gjeni paqe.
Jezusi juaj